Oui Oui Bistro (已結業)

付出努力堅持夢想未必會成功，但努力不懈一定係成功必要元素，只要一日唔放棄，每堅持多一分鐘就會多一個成功機會。開業2年嘅Oui Oui Bistro位於長沙灣 ，由法國藍帶大廚主理，一直堅持製作正宗法國菜，保留法國菜精緻同用心，以大眾化價錢呈獻精緻法國菜餚比大家。 原來法文Oui Oui意思解作「係，係」，呢一句係大廚喺法國學廚嘅1年半入面應主廚成日講嘅，店主刻意用佢嚟做餐廳名，有深厚嘅意思。餐廳以黑色皮梳化配木檯，牆上掛有店主搜羅返嚟嘅碟做裝飾，裝潢簡單而不失型格。呢度嘅Egg Benedict係佛羅倫斯做法製成，真係夠晒特別！自家製嘅蛋黃醬入面有菠菜同蛋，味道好清新。平時食開多數都會配鬆餅，但係呢個製法係配多士，入口感覺柔軟，滲出陣陣蛋香。係呢度嘅招牌Cabonara，意大利煙肉味道好香濃，醬汁混和咗忌廉、芝士同檸檬。食果陣再將蛋刺穿，入口非常滑溜，感覺香馥豐厚。擺住大大隻波士頓龍蝦。意大利飯仲用咗龍蝦頭製成湯汁再煮飯，粒粒米飯都吸收晒濃郁龍蝦汁！想食呢個龍蝦，仲可以揀配意大利飯或者扁意粉添！

因為今日想去d2 place 個邊行下，所以就喺附近搵吓有咩小店食晏，搵到近長沙灣嘅一間法色小店Bistro ！小店坐位唔多，好彩我地都有位。我見到好多人叫all day breakfast ，但係我諗如果廚師係喺法國藍帶學成返嚟嘅話，咁我哋係咪應該叫番啲法式嘅食物呢？但老公愛食 Eggs Benedict ，所以我叫左lobster Eggs Benedict($198)俾佢，我呢就叫咗兩隻生蠔($48 each)一個Foie gras & dual ham crepes($148) ，另外一杯Carmel cappuccino$18 😋生蠔佢有兩款，分別係Pleine Mier 同 Guintinl，Pleine Meir 個隻就比較creamy d ，因為呢隻比較厚身少少，所以呢就會比較濃味啲，super nice! Guintinl 就細隻少少，比前一隻淡味，但係都十分鮮甜。所以最好由淡味食起👍🏻佢地唔會洗到冇哂海水味 😋另外Lobster Eggs benedict , 佢個包做得好好食，同平時既eggs benedict 既包唔同，裏面仲有菠菜做餡，而佢個荷蘭醬都做得剛剛好

星期日, 去完D2市集之後想搵啲野食, 一直行返去長沙灣方向, 見到有間細細的餐廳叫"Oui Oui"...意思為"Yes Yes"...心想係唔係客人的要求都能Yes Yes呢!!! 好奇行埋去睇下原來餐廳係法國藍帶的廚師主理....行咗幾個街口, 終於搵到好嘢食✌🏻.無錯!!! 我又食All Day Breakfast喇! 呢份早餐無論份量或者誠意都滿分, 兩個烘得脆脆的Crossiant, 再加埋煙肉&雞蛋, 呢個咁得意既造型 (低B的我以為點解隻蛋咁細隻既)當然仲有其他早餐嘅配料啦.Truffled Cabonara - $148 意粉上面的流心蛋超吸引將流心蛋拌勻後醬汁更Creamy一邊食一邊有黑松露的香味撲鼻, 另外每一口Linguine都被醬汁包圍 ~ 是幸福的感覺

今日去長沙灣探親，離開時正值中午，烈日當空，熱到大汗淋漓，經過一間西餐店，入去涼下冷氣順便食午餐。除了普通的pasta，steak，還有all day breakfast等。點了一客龍蝦扁意粉，要$198，貴錢頗貴。意粉份量不多，龍蝦只有半隻，但放得非常精緻。扁意粉有香濃的蕃茄及龍蝦味，意粉煮得剛好，軟硬適中，龍蝦蝦頭只是裝飾，沒有肉食，龍蝦蝦肉爽口彈牙，但味道一般，略嫌鮮味不足。午餐來說算貴，還要加一，但味道算不錯。下次可以試下All day breakfast，似乎好多人點。

星期日下午一點多到達，約左7成入座率，餐廳裝飾簡單，牆上貼上各種不同款式的碟做裝飾。Mocha用了約70度的朱古力，濃度比外面的高，口味較苦，甜度低，適合不太喜甜的我。Cabonara一入口帶有酸味，原來是加了檸檬汁及少許檸檬皮，眾所周知，Cabonara是由忌廉及蛋黃做成，非常creamy之餘，還比較膩，所以特意加上檸檬汁去中和飽滯及油膩感，食落整個Cabonara非常清新，感覺特別，但檸檬汁似乎蓋過了松露香味，另外扁意粉軟硬度適中。整體而言，mocha不錯，cabonara不加檸檬汁會更好。

位於長沙灣的Ouioui Bistro，是一間西法小餐廳。曾經和媽媽來吃過一次，今天和新識的同事來吃Farewell飯。想不到我們第一次一齊吃飯，便是Farewell飯呢。午餐餐牌以全日早餐，沙律，薄餅，意粉，扒類為主。曾嚐過這裡的班尼迪蛋，今天決定吃多一次。All day breakfast $108全日早餐包括: 兩隻煙肉蛋，兩件牛角包，豬肉腸，雜菇，薯角和沙律。朋友指太過大份。所以我便幫忙吃一點點啦。雞蛋夾著煙肉煎成，味淡的雞蛋夾著煙肉更為惹味。牛角包質感酥脆可囗，內裡鬆軟，質素依舊哦。薯角份量不少，炸得香脆，內裡充滿薯粉。豬肉腸外皮脆卜卜，肉汁滿滿，也屬不錯。Signature Egg Benedict $128招牌的班尼迪蛋，是我 再次到訪的原因。班尼迪蛋是配以麵包非配以鬆餅，賣相較為有特色。面包質感鬆軟，中間放以滿溢荷蘭醬和班尼迪蛋，內藏菠菜，味道不錯。凱撒沙律$88由於沒有水果，沒有甜品供應，只好點選沙律。沙律菜份量不太多，煙肉過多，有點略咸。另選兩杯飲品，但我那杯竟然有條頭髮，幸好老闆即時更換了

請咗半日假裝燈，師傅大人遲了2小時，等到儍咗😑😑😑整完落樓下食好DD🤤～半打生蠔$269法國蠔Pleine Mer No. 0大隻肥美creamy鮮甜🤤🤤🤤～escargots 個pesto sauce同蒜油超香🤤 mains lamb cutlet 唔蘇肉嫩細滑juicy 🤤 個白酒煮蜆配墨汁linguini, 個白酒完全帶出蜆既鮮甜（如果蜆大隻D就仲jenggggg🤤) 最後不得不提個甜品vanilla ice cream配Apple pineapple turban 😍😍😍個vanilla ice cream有好多雲尼拿籽，滿口冰凍的雲尼拿香配微溫焗過既蘋果同菠蘿味道真心激讚👍🏻👍🏻👍🏻👍🏻（我咁懶都打咗咁多隻字就知我覺得有幾好味🤤🤣😋🤤🤣😋）兩個人3杯酒full dinner around $1000到👍🏻性價比不錯👍🏻

友人最近轉換了工作，在長沙灣上班，他說公司附近有間不錯的法國菜餐廳，便相約這晚來到我不熟悉的長沙灣區吃晚餐，一嚐法國藍帶大廚的功架。餐廳沒有豪華的裝修，卻有令人感到舒適的簡約設計。即使是小店，餐牌上的食物種類也不乏，由小食、前菜、沙律至湯品、意粉、主菜，都一應俱全，客人可品酒，也可點無酒精飲料。作為薯條控，看到餐牌上有SIGNATURE FRENCH FRIES，當然要試試。用小鐵鑊把即炸出來的幼薯條盛上枱，薯條與芝士溶的香味在空氣中迴旋，鮮炸得燙口，香脆好味。若選用粗薯條，相信口感會更佳。吃過邪惡的炸薯條，要享用一下LOBSTER SALAD來抵銷增肥的罪惡感。此沙律清新好吃，龍蝦肉的份量足料，肉質鮮甜。WAGYU BEEF BOLOGNESE 是用了和牛肉肉醬製成的，用料講究，和牛肉醬比起一般的肉醬吃起來更入味軟腍，扁意粉麵條韌度也適中好吃，蕃茄醬汁酸甜開胃，味道吸引。最後吃了主廚推介我們吃的IBERICO PORK COLLAR，即是西班牙伊比利豬，據說是原生於伊比利半島的珍貴豬種。肉扒的肉質結實豐厚，肪肉均勻，肉汁豐富！意想不到長沙灣會有這樣質素不錯的小店，真羨慕我的友人可以經

上次來吃午餐已對這間長沙灣罕有的高級法國菜念念不忘，今日專程再來感受夜晚的浪漫氣氛。在微微細雨的襯托下，令餐廳顯得更有情調！估不到平日晚上七時許已差不多滿座，相信大家都是被這間由法國藍帶大廚主理的小店所吸引呢！先來一杯餐前飲品Rekorderlig $48，味道酸酸令人食慾大增。Fried Portobello $88 ~ Mushrooms炸得金香酥脆，外脆內軟，沾上特色沙律醬更是錦上添花，香而不膩！Scallops n Spinach $148 ~ 帶子鮮甜味美兼肥美肉厚，伴以軟稔波菜，口感豐富！Wasabi Prawn $128 ~ 必食之選！酸酸甜甜的Wasabi醬汁令新鮮爽脆蝦肉份外香口惹味，越食越滋味！Squid Ink Pasta $248 ~ 賣相吸引，用料豐富:除了肥美帶子，還有新鮮Shell fish, 蜆肉鮮甜無比。墨汁pasta味道稍濃，吃後滿咀墨汁食相搞笑，令大家增添不少歡笑！真心喜歡這間用心小店，值得支持！

隨著舊區重健，好多舊區都出現格格不入既新樓宇。但亦因爲咁，舊區中如長沙灣誕生左好多出色餐廳。今日同姑媽嚟到依時大廈地下既「oui oui bistro」食brunch兼傾下計。如果唔係朋友介紹，根本唔會留意到呢間餐廳，但hidden gem總會發光發亮吸引到你既注意入到去「oui oui bistro」，第一個感覺就好似置身於歐洲既cafe一樣，灰色磚牆帶來不是陰沉而是滿滿既情調，店內不大，可容納的人客自然也不多，適合情侶、朋友靜靜地享受一餐飯。menu全英文令成件事更加似置身外國一樣我地揀左一個Lobster benedict ($198)同all day breakfast($108)。雖然Oui oui bistro食物定價算中上，但飲品相對便宜。而且食brunch又點可以無一杯靚咖啡襯托一下呢？飲品我點左caramel cappuccino ，焦糖味濃但甜味又剛好。呢一杯咖啡為我星期日既下午開展左一個好開始！姑媽就點左strawberry & apple soda,甜甜地都非常唔錯好快主菜就嚟到我地面前，我點既all day breakfast果然份量好足夠！麵包用上我最愛既牛

原來長沙灣都有高級法國菜! 今天去友人公司附近接收工，就順道在附近找東西吃。走到福榮街被這間餐廳吸引，就走入去吃了!! 原來廚師大有來頭，是來自藍帶廚藝學院的!!Caesar Salad $98 (Kim子推介指數9/10)Caesar Salad 最令我難忘的是煙肉，不如像其他Caesar Salad一樣乾乾的。將煙肉煎香，令整道菜提升了香味。至於菜就非常清爽，加上千島醬汁，味道清新!Basque Spring Chicken $228 (Kim子推介指數8/10)Spring Chicken配意粉令人垂涎三尺，每條意粉都充滿了忌廉汁、入口香滑濃稠。而Spring Chicken更是雞脾!這款法式燒春雞，肉質香滑入味，皮脆肉嫩，老少皆宜!!!US Prime Rib Eye with Medium well $368 (Kim子推介指數8/10)牛扒兩邊微焦煎得剛好，切開肉嫩帶粉紅色，油脂豐富、肉質軟嫩，而且吃下去肉腍多汁，美味非常!

用我最緊餘既法文， oui oui 即係yes yes 😋 餐廳位於平民地方，門面唔算特別起眼， 唔係我朋友帶路我應該未必察覺到。星期六中午都人多， 大定都似乎都係黎歎一歎brunch😋。Brunch 餐牌款色唔算多， 勝在每section 都有幾個選擇。 超豐富的All Day Breakfast 迷你牛角包都有兩個。 bacon 包住雞蛋， 好有心思。 蛋焗到岩岩好， 滑溜，仲有potato wedges 👍🏻。Egg Benedict 非常考功夫， 蛋黃剛剛熟但未熟晒👍🏻， 擺埋上個鬆軟麵包上，加埋hollandaise sauce, 睇落好似梳乎厘😂食完再加個甜品crepe ，香蕉crepe 加hazelnut 絕配。 非常滿足既lunch 😜

同老公去完影樓影相，心情大好，到處搵食。長沙灣的小街中估唔到有間格調較高檔的bistro。小小的店，裝修擺設都別有一留風味。Menu只有前後兩頁，食物選擇唔多但吸引。牆上面亦有每日限定的chef recommendation。我同老公一個揀左羊，一個揀左牛。另加一杯鮮果汁。果汁非常新鮮，一落單就聽到廚房開機搾汁的聲音。牛扒厚身，份量適中；反是配菜較單調。牛肉重很重很香，質素毋庸置疑。肉質同口感都唔錯，大廚安排約三成熟。羊架味道調得好，羊香味突出。表面有點脆，睇得出係刻意用高火煎封肉汁，有心思。但如果羊肉中心能夠稍為熟少少，就更好了。長沙灣小區能有高級西餐食店，也是一突破。

今晚朋友請食生日飯! 被安排坐高檯，反而覺得自成一角。8點前都座無虛席，最好預先訂枱。全晚食物嘅質素都唔錯。Caesar salad - 醬汁做得好味。white wine mussel and clam - 唔係cream sauce, 所以唔太'漏'。青口大隻肉厚甜，蜆相比下未見突出亦算不上鮮甜。Basque chicken - 春雞pasta，pasta 唔算煙韌。不過汁微微辣混入蔬菜粒，頗為開胃。USA sirloin - medium - 肉味不錯，沒太大驚喜。turban de pommes a lananas - 最後來個甜品。外蘋果片爽脆，包裹着調煮過的菠蘿蘋果。味道不俗。如果多加玉桂會更香。

一入到間鋪就覺得好迫，心諗好食無所謂啦。叫左半打生蠔唔夠凍，龍蝦risotto味道一般份量小。牛扒叫左medium無肉味燒得唔香同埋un。埋單成一千蚊真心覺得唔值無下次。呢個價錢兩個人真係有好多選擇。