OPPA韓國燒肉店 (已結業)

辛苦工作後，又來到了星期六難得的假期，今天去了大埔探朋友，朋友介紹oppa韓燒，就去試一試。7:30pm 前弘大燒肉放題$238，性價比高，除A4黑毛和牛，其他都是任食，還有少量海鮮、野菜，多款韓式料理，一杯雪糕和一罐無酒精飲品。我們5:30pm 去到餐廳，沒太多客人，所以可以影到色彩繽紛的牆身，有置身韓國的感覺，和朋友也想起在韓國韓燒的情景。頭盤以牛形狀的木板呈上，好特別，影相好吸引，內有A4黑毛和牛肩胛、A4黑毛和牛三角腩、澳洲和牛下腹腩、澳洲和牛脷、封門柳、加拿大牛排骨、無骨牛肋肉、美國牛小排、和牛金展。兩人份量已經很足夠都沒有空間再點別的肉類了。每一枱也預先放了一籃生菜，配燒肉。點了雞脾菇、翠肉瓜、多春魚、小八爪魚，魷魚和豬腸。雞脾菇是韓燒必點的，多汁好吃。八爪魚鬚燒完好香，必吃之選。真露蜆湯，有蜆、蘿蔔、魚蛋、大腸、粉絲，料好多，可惜味精太多，就是胡椒豬肚的味道。雪糕有movenpick、Haagen Dazs同dreyers，我們選了開心果同士多啤梨味，雪糕作結，很滿足。

食過咁多間韓燒都係覺得哩間食物質素最好最划算。所以每次過開大埔，時間許可下都會黎食。餐廳大約有十幾張枱，地方都算闊落，而且裝修乾淨企理，每張枱都有獨立既抽油煙機，所以店內唔會好大油煙，食得好舒服。哩到既燒肉放題有兩個選擇，一個係江南海鮮燒肉放題，平日$368就有A4日本澳洲和牛頭盤同任食海鮮，order紙食物同飲品都係任食任飲。而我今次兩個人食得唔多野，所以就揀左個弘大燒肉放題，$238價錢有頭盤和牛一份，order紙食物都係任食，不過就只包一杯無酒精飲品。單單哩個頭盤和牛已經值回票價，每一塊牛上面都會標示牛既部位同來源地，哩個好好，好貼心。呢間餐廳既和牛真係好出色，基本上全部牛都好淋好嫩，油脂味重，非常香口，令我齒頰留香。唔同部位有唔同既體驗。我最喜愛既部位就係A4黑毛和牛三角腩，因為牛味最香濃同埋肉質最嫩最滑。五花腩同蛋卷都係超級好食。蛋卷蛋味重，燒完後質地好結實，口感唔錯。兩個人齋食個頭盤和牛已經有七八成飽。order紙上既食物都試唔到幾多，值得一讚哩到所有食物份量都係續件點，所以容易控制份量，唔會浪費。哩個蔘雞湯好好飲。雞肉好淋好滑，一杯飲品唔夠喉，都可以點個雞湯解解渴。如果仲

踩完單車，係大埔想食多d肉補充返能量，上網見到呢到有燒肉放題，好似好吸引咁！6點到達餐廳，時間尚早餐廳環境寬敞，店員都有用韓文講歡迎，而且店內裝修走玩味工業風，加上d凳都係鐵桶牆壁噴上卡通塗鴉，潮味十足！ 《弘大燒肉放題 $238》店員首先送上前菜：泡菜、豆芽、醃紫菜還有四款調味料：蒜頭、蒜鹽、燒肉醬、辣醬檯面一早擺好一籃生菜同埋芝士蛋！每檯包左一份和牛頭盤，擺盤好可愛，係牛形狀的木盤上面，每個部位都有紙條清楚列明燒烤既盤亦是非常細心，斜斜咁放，方便d油流走，減低油膩感覺！值得一讚！食韓國燒肉點少得燒五花肉呢！呢舊五花肉肥瘦均勻，而且係厚切，賣相討好店員細心提醒，除左餐牌上頭兩款肉類唔可以encoure，其他肉類、海鮮、野菜韓式料理都係可以無限任點記得之前有韓國朋友教路，食燒肉，用生菜包著一塊蘸上燒肉醬的燒肉、加一粒蒜頭，一起放入口燒肉既油花同生菜既爽脆，配合得完美無縫，食多幾塊都無怕 我個人非常欣賞澳洲和牛舌、鹿兒島牛柳粒、A4黑毛和牛肩胛食完肉類，轉攻海鮮，八爪魚和魷魚燒一燒就食得，非常方便人參雞湯份量迷你，等你可以試多幾款其他美食，煲完既雞肉依然嫩滑真露煮蜆配料非常豐富：蘿蔔、粉

男朋友今日早左收工，天氣凍凍地就決定食燒肉放題，我地今日去左OPPA韓國燒肉店~弘大燒肉放題（$268一位）+ 飲品任飲（$30一位）頭盤入面有A4黑毛和牛肩胛、A4黑毛和牛三角腩、澳洲和牛下腹腩等等唔同嘅牛肉，其實淨係食個頭盤都已經飽左一半XD 點菜紙仲有其他肉類、韓式料理等等可以任叫。炸雞雖然唔係主打菜式，但都炸得好香脆！爐邊泡菜蛋仍然係我食韓式燒肉嘅最愛~由於頭盤真係好大份，所以我地叫左兩round食物已經夠飽。食飽每人仲送一杯雪糕tim~加上呢到上菜都幾快，密密食絕對回本XD

2大1細， 所以 無食放題，叫咗 3碟肉， 一碟 牛肋骨 ，一碟韓牛肩肉 ，一碟豬肋肉唔知係咪而家轉咗做任食放題，食材質素非常低1）牛肋骨 算 最無問題，無讚無彈2）韓牛肩肉，係有牛味，但都有啲鞋3） 🐷肋肉（有醃）， 直頭唔掂， 初頭第一碟攞呢部分肉有啲“ 宿”味， 換個嚟係成碟係唔同色嘅肉， 雖然冇咗 嗰陣“宿”味 但係有啲豬酥味完全唔想再食落去，碟豬肉只係食咗一半都無啲配菜泡菜更加唔同晒，大豆芽 就唔夠味，相反 啲 海帶就又咸又韌。要飲好多水。而且 啲枱 擺得好密，簡直背脊貼背脊。

好耐都冇食過韓燒，同朋友入左大埔食，238每位另收加一，都幾抵食。環境好有韓國feel，色彩繽紛，座位係用鐵罐做櫈。配料有芽菜、紫菜、泡菜，調味料左邊啡紅色味道帶甜甜地配肉類都好夾，右邊鮮紅色係傳統辣辣地既味道。五花腩，一定係最先落鑊，因為可以迫d油份出黎，之後燒其他食物都容易d唔會燶。不用落單，開頭一定會先上一盤和牛，有A4部位既肉只此一客，其他既都可以再無限忝加。以下都係用order紙落單，亦都係無限忝加。有個A4和牛三角腩必食，油脂分佈最均勻最靚，食落仲好腍，好美味，其他推介有牛舌、雞腎、八爪魚。炸雞外層粉漿好脆口，蔘雞湯味道濃郁。每位一杯雪糕，揀左士多啤梨同開心果味。啤酒汽水櫃。

(那夜晚上,我吃由旺角去到大埔墟的燒肉店)..............................忙碌過後總是想吃一頓美食,適逢今天到大埔便在這邊尋找.餐廳外型不起眼，但內裏卻是酒吧結合 工廠風的配搭 ，有色彩繽紛的感覺。店員送上和牛拼盤😍😍不同的部位,用牛形木板整齊放好每個部位都有標籤注名,令人清楚自己正在吃什麼位置。拼盤包括a4黑毛和牛肩肉，a4黑毛和牛三角腩， 澳洲和牛下腹腩 。風門口等十款， 不同部位有著不同的口感特色😁😁😁下腹腩，牛肩肉以及三角腩， 肉質色澤紅潤，雪花分佈平均。入口非常軟嫩，輕輕咀嚼幾口就溶化，牛油嘅香氣徘徊在口腔，齒頰留香令人覺得很滿足😋😋五花腩的脂油比例很平均， 將腩肉燒至金黃色，把油脂逼出外表大焦脆。值得一提的是，這店鋪的爐設計非常人性化。 斜放爐令多餘的油自然流走，吃起來沒有太多罪惡感😜😜除了燒肉外還有熟食，特別推介這個韓式炸雞，大大件，炸粉很鬆脆，口感乾爽，不會油膩雞肉嫩而不脆還有雞肉香腸， 八爪魚，雞肉 人參雞湯。這裏的人參雞湯味道剛剛好，是迎合香港人的口味，不會太重人參味，令人喝完一口接一口。吃過一頓韓燒肉後， 會送上一盒雪糕已作完結

可愛特色油畫牆燒肉前先吃前菜，一上坐就有泡菜蛋卷煮緊。好岩我無食lunch既人，餓到要食早場，忍唔住！泡菜、芽菜、海帶係台上都有既。海帶比得勁大方，好似食草咁。好冰涼清熱同芽菜一樣，大大份，一開始食覺得冰。但之後食燒肉後，就會覺得有大大啖海帶芽菜順喉。A4黑毛和牛肩胛香軟重牛味，肥肉不算多，配飯不太油不太乾。A4黑毛和牛三角腩肥油交多，所以相對香同入口易溶。澳洲和牛下腹腩有豬頸肉既樣貌同口感。少食肉而食豬既人可以一試。澳洲和牛脷第一次食澳洲牛脷，比日本牛脷爽口帶撒聲咁。封門柳係牛橫隔膜肌肉，肉味較重同油花少d。加拿大牛排骨厚骨薄肉，薄肉既好處係快熟！依個有少少驚喜在薄得嚟都帶有點牛，包飯飯似食壽司咁。無骨牛肋肉嫌好易燒過火老左。美國牛小排不過不失，睇住個火呀！和牛金展比中式食既細，根腱啫哩位分佈平均，不錯！頭盤肉好豐富，之後都係點少少其他試吓就好了。除咗牛之外，仲有豬肉-五花腩肉、雞肉、雞神、韓式午餐肉同埋雞肉香腸。本身仲想食豬皮架，但係店員話今日豬皮唔新鮮無得食。食一啲澱粉質落肚，叫左部隊shake shake飯。型仔，太陽太靚靚，剪一剪再shake飯佈蛋醬！另外仲食咗少少海鮮，多春

放假同好姊妹梗係食返餐大家最喜歡的Oppa和牛拼盤@唔同嘅部位用牛形木板整齊放好，每個部位都有標籤注明，令人清楚知道自己食緊乜野。拼盤包含A4黑毛和牛肩肉、A4黑毛和牛三角腩、澳洲和牛下腹腩、封門柳等10款，唔同部位有唔同嘅口感特色。個人最鍾意食下腹腩、牛肩肉同埋三角腩，肉質色澤紅潤，雪花分佈平均，入口油脂豐腴，非常軟嫰，輕嚼幾口就溶化，牛味濃郁，牛油嘅香氣徘徊口腔，齒頰留香，令人好滿足五花腩@五花腩嘅脂油比例好平均，將腩肉燒至金黃，把脂油盡逼出，外表帶焦脆，用生菜包住更能去掉油膩感，突顯腩肉的香口多汁，亦可按自己喜歡嘅口味，加上燒肉汁、辣醬、蒜片或岩鹽調味。用剩下嘅豬油繼續燒其他蔬菜及肉，更是香口醬油蝦@蝦身有半隻手掌咁大隻，剝開蝦頭見到唔少香濃嘅蝦膏，以韓式醬油調味，鹹鹹地令蝦嘅鮮味提升除左蔬菜類同肉類，仲有好多韓式熟食可供選擇，多元化得黎唔怕太膩真露蜆湯@蜆湯材料豐富，蜆肉好飽滿，數量都好足，仲有粉絲、白蘿蔔、豬腸，味道都幾鮮，胡椒味略重，入口有啲辣，但係都可以，每人一窩非常暖胃芝士燒@香濃嘅芝士燒到啱啱溶，質感軟綿綿，可以拉到好高，直接食或者蘸黎食都得，非常香滑邪惡牛油粟米@等

-今次嚟大埔食放題，每人只需$238 ，就有和牛食😆-首先，頭盤有A4黑毛和牛肩胛❤️、A4黑毛和牛三角腩、澳洲和牛下腹腩、澳洲和牛牛脷、封門柳、鹿兒島牛柳粒、加拿大牛排骨、無骨牛肋肉，美國牛小排，肉質鮮嫩，又多選擇！食燒肉要配生菜😀，再加上泡菜，辣醬！泡菜和芽菜都好好食😎，辣得好開胃😘-有4款醬料可以選擇：岩鹽、蒜頭、辣醬、燒肉汁😝-有海鮮😛，肉類😆，野菜可以食，款式好多...-除左燒肉外，仲可以叫其他熟食，例如：韓式炸雞，牛肉石鍋拌飯👍🏻，部隊Shake飯，炸醬麵，煎泡菜餅，泡菜豆腐湯😍牛肉石鍋拌飯 和 部隊Shake飯嘅份量都好多，牛肉都好多，食落都唔錯😋泡菜豆腐湯都好好飲，有少少辣！-食到口渴都好多款飲品選擇，有啤酒，汽水😊-泡菜爐邊蛋好好食❤️仲可以用優惠價食醬油蝦👍🏻，每隻蝦都好大隻，好入味😍最後食雪糕作甜品😎，超級滿足的放題💕-

<任食238>今個月食緊第三次燒肉任食 同其他餐廳比較呢間餐廳嘅服務，相對比較貼心， 我件大褸打完邊爐都可以唔使洗， 打邊爐前將件大褸放喺自己坐椅一邊就可以啦<貼身服務仲有私人剪刀><Smart Design>入座的時候店員會幫你喺鍋上查一層油，鍋日嘅設計係有少少傾斜，令鍋既食物唔會過油，食得健康一啲。 而且鍋上每一個位置嘅溫度都各有不同，煮好咗嘅食物可以放喺鍋嘅最低温位置，將食物保溫。<蛋醬><自助飲品bar> 要加錢<免費水吧><free>除咗牛肉之外仲有好多小食或者熟食都係任叫, 而我就十級極力推介食芝士及粟米粒，放喺蛋醬嗰架慢慢熱硬佢熱雪糕都係<開車>以我所知好多人都會開車道而黎，食一食

今晚有空，渣車到大埔搵食！ 門外放了很多優惠，即興一試燒肉！Menu 超多食物選擇！ 啤酒汽水任飲！ 貴價pear cider 也有啊 ， 配燒肉是一絕！ 燒肉極高質素！ 脂肪分佈超美， 這肉卷燒呀燒，厚厚的包住很多塊！ 雖說是放題，但真的極高質，自己超市也買不到這價錢！包著生菜食，減少油利感， 真的可食很多肉啊另外這裡還有韓國醬油蝦， 這送白飯吃一流！ 每位仲送Haagen Dazs , 正啊！ 還有另外2款牌子可選， very nice

食肉獸又出動。今日走左去大埔既oppa 韓燒餐廳，聽講有$238 弘大韓燒放題。 餐廳裝潢好可愛，全部都係用金屬做既傢私，七彩顏色既凳下面係存物空間，十分貼心。地方十分寬敞。———————————頭盤係大大盤既牛全宴。 呢盤係尼自唔同地方既牛肉唔同既部位，幾得意。 —————————咁多款入面我最推介黑毛和牛舌，我不嬲對牛舌冇咩好感，但係個係我食過數一數二好食既牛舌，好香既和牛味，好嫩又有小小嚼口。唔似之前食過軟淋淋既好似食緊條利咁。————————-而澳洲金錢展都唔錯，個人食韓燒比較鐘意厚身小小，呢款係牛背既肉，肥肉同瘦肉比例剛剛好，咬落爽口，牛味香。———————-鐵板燒既設計都十分貼心，鐵板微微傾斜，等油脂慢慢流出，減少肥膩感。———————食完頭盤其實都已經有七成飽， 但係有dieters 雪糕唔係唔食啊—————-Dreyers 既開心果味雪糕杯十分推介，入面充滿住開心果粒架！——————肉類我覺得冇咩驚喜，因為頭盤既肉類既質素太高啦。前菜既牛油栗米溝芝士燒（係鮮忌廉加芝士）既組合唔錯，大家可以試試，睇到都流哂口水呢🤤—————-仲有炸醬面，炸雞，同其他韓式料理，都可以試試🤤

約左朋友girls talk, 見呢間open rice 有三百幾個好評，又可以慢慢燒坐得耐所以過黎試下我地點選左238既套餐，一坐底就奉上醬油蝦和一碟標示住不同部位名稱和牛拼盤上枱醬油蝦大大隻，很有嚼頭，鮮甜啖啖肉。和牛果然入口鬆化, 同其他平價韓燒高低立見仲可以加芝士點黎食，岩曬我呢啲芝士精和牛頭盤是送的，不可添加，但可添加的鹿兒島牛柳粒和牛肋骨快不錯吃。因為很飽沒有點石頭鍋飯，只點了人參雞和真露蜆湯，都足料炮製。去到時都全場滿座，所以記得book位

成日食飯時間行過呢頭都見到呢間韓燒同隔離間涮涮鍋坐滿人，呢日難得收早見無人就趁機試下平日$238就已經有任食，有多個牛部位選擇，當中仲包和牛添每個位都有抽氣管，唔怕整到成身油煙味，值得一讚係舖面乾淨企理，唔似有啲韓燒店會笠痴痴同好焗。泡菜夠辣夠香口，芽菜新鮮爽甜，好開胃。一坐低店員送上和牛拼盤，除肩胛、三角腩同下腹腩外其他都可以無限追加，呢度既牛款款肉味都好濃郁個人最中意食肩胛、牛柳粒、封門柳同牛排骨，淋身得黎又有咬口，油份唔會太重太膩。岩鹽、蒜頭、辣醬、燒肉汁四款醬料自由蘸點，但肉類本身已經醃得好夠味唔好牛既都大把選擇，有豬有雞，有多春魚、八爪魚等海鮮，全部都新鮮高質，唔會俾啲唔靚既位置。特別雞肉，完全無肥膏，肉質鮮嫩優惠價加配既醬油蝦，一路燒一路聞到好香醬油味，蝦身大隻，蝦頭仲好多膏好鮮味爐既設計好人性化，斜放令多餘油份自然流走，燒起黎都無咁有罪惡感。仲有爐邊蛋，加左泡菜、芝士同海帶，爽脆得黎好香口。必加既芝士燒！！！倒喺側邊三角位置，等芝士溶左就可以蘸黎食。卡邦尼醬既甜奶香同芝士既咸香配埋肉食無得輸，芝士控必試食夠燒肉仲有不同熟食可以嗌，泡菜煎餅、韓式石鍋飯、炸雞都有，認真抵食。