OPPA韓國燒肉店 (已結業)

🐮#tagnshare大埔篇-💰$238/位嘩! 一盤有哂咁多款既牛部位，用左個牛既盤成盤咁上，令到牛魔王好滿足耶♥️高妹認為韓燒最重要就係啲野食醃得入味，配上特製燒牛汁，好味👍🏻除左韓燒，仲有炸雞阿、蜆湯、泡菜餅可以食住等! 高妹極力推介要無限添芝士同埋牛油粟米同埋爐邊蛋，要無限encore🤣#大埔美食#送醬油蝦-🙋🏻‍♀️高妹小編-👇🏻地址👇🏻.OPPA韓國燒肉店 (大埔)大埔舊墟直街4-20號美新大廈地下B2舖……………………#hk #hongkong #hkig #hkfood #hkfoodie #foodpics #foodbloggers #香港吃貨 #uhkfood #foodig #香港美食 #相機食先 #hkfoodieblogger #hkfoodblogger #LikeForFollow #FollowForLike #HK #Mood #HongKong #LikeForLike #FollowForFollow #手機食先 #likes4likes

星期日假日又係周圍去既時候....我地係大埔行在陣、之後約埋朋友之後係大埔食晚飯...我地今晚選擇在韓牛放題...地方環境都好大...唔會有壓迫感！我地揀在弘大燒肉放題...一開始會上在一盤不同款式既牛肉..有一條長長的五花腩...有大大隻即開生蠔...味道鮮甜..一點都不遜色！食完牛肉..當然要試埋其他小食...呢度既款式選擇都算多...同埋當然要叫多幾款牛肉啦！人參雞湯...味道清清地..仲有雞件係入面！當然唔少得叫韓國炸雞啦...脆卜卜..點埋韓式辣醬..美味！真露蜆湯...都有好多隻蜆...其他款式燒物...

今次同朋友嚟呢到食韓燒，平時以為MK CWB先多韓燒食，真係無諗過大埔都有。而且店員服務態度好好，詳細介紹有咩重點食物。 我哋叫咗個海鮮全食套餐，源於非海鮮同海鮮差好少，咁就試下比貴少少啦。一嚟就已經又蜆、又蝦、又鮑魚，牛都未食就有咁豐富嘅海鮮，真心抵讚。牛肉拼盤先犀利，標明每一樣牛既名，等大家食完要叫返都輕易易舉，有時食太多會好快唔記得！ 另外鍾意食蛋嘅一定要試埋佢個泡菜蛋，我已經encore咗2-3次，真係唔會自己食，所以次次都係必食items。同埋呢到既泡菜真係好好味。我好怕太酸。🍴7/10

好耐無去過韓國，好掛住韓國d燒肉！朋友話咁掛住不如去佢屋企附近食。聽個名叫oppa，即刻好心動，入到去環境都好處置身韓國咁，果然係唔錯。我哋見咗個海鮮任食套餐，因為我同朋友都想食埋海鮮。一開頭就有個泡菜蛋，想講真係好好味！呢個真係不可或缺，好想知自己屋企幾時可以有個呢d爐整嚟食。跟著仲有燒飽魚同蜆，絕不馬虎，放上去燒真係好好味！唔駛點調味已經覺得好夠鮮味。另外，仲有生蠔。我初頭仲好質疑係燒定就咁食。仲係咁問d店員。無諗過食燒肉都可以食到生蠔，如果係生蠔迷又想食燒肉真係唔可以錯過。其實我想講佢送上嚟個燒肉拼盤食哂都好夠食，都未另叫嘢食已經有d飽。但個牛肉拼盤真係好正，每樣牛都有標明，因為唔係所有放題都會咁樣做，所以覺得佢好好。食完邊樣好味都可以再叫返，呢樣真係抵讚。後來得知佢哋旺角分店，如果住九龍嘅就唔駛專登咁遠入嚟啦。

雖然大埔係遠左少少（對我黎講），但咁岩同fd係附近打完波，就黎左食燒肉。間店距離東鐵站都唔算遠，行路既話係太和行10分鐘就到，巴士可以大埔墟站搭5分鐘。嗌既260幾既放題餐，首先上左碟和牛頭盤，首推和牛粒同牛脷！除左頭盤外仲有豬腩肉、和牛粒、雞胸、八爪魚等好多肉類選擇。仲有好多石鍋飯、麵等主食可以選擇。話明oppa燒肉，緊係有無限生菜+泡菜refill夾住d燒肉食啦！啖啖肉食到爽到不得了～overall 200幾蚊一個人可以食無限燒肉，其實都真係好抵！下次經過呢帶都會再戰！

韓式燒肉配啤酒，絶對是最佳拍檔。今次就與我的最佳拍檔到大埔這間韓式燒肉店吃韓燒放題。我們選擇了「弘大燒肉放題」，價錢：星期一至四（$238），星期五至日、公眾假期及公眾假期前夕（$268），但7:30前及9:30後（$238）。放題除了指定附送頭盤外，還有任食前菜、肉類、海鮮、韓式料理、野菜，雪糕等。弘大燒肉放題（$238）👍👍👍👍👍看見這個和牛拼盤，各式各樣部位的牛肉都有，其中包括：A4 黑毛和牛肩胛、A4黑毛和牛三角腩、澳洲和牛下腹腩、澳洲和牛脷、封門柳、鹿兒島牛柳粒、加拿大牛排骨、無骨牛肋肉、美國牛小排、1++韓牛頸脊等。更細心的是，每一款肉類都放有名牌在上面，令客人清楚知道吃著那個部位。各款牛肉有其獨有的味道和口感，可以一次過吃哂咁多種牛肉，真是大滿足。吃的時候更可以用新鮮生菜包著來吃，口感更清新。生啤/韓式啤酒（@$40）加$40 就可以仼飲指定韓式啤酒、朝日啤酒及生啤，啤酒配韓燒，一樂也。前菜前菜有多款精選，有泡菜、芽菜、海帶、泡菜蛋卷、芝士燒、牛油粟米等, 還可以無限添加。醬油蝦 👍👍👍👍👍用韓式醬油調味的醬油蝦，十分入味，蝦肉爽彈，醬油亦提升了蝦的鮮甜味道。肉類-五花腩

估唔到大埔咁遠我番書姨甥仔都識去！佢話附近有網吧同朋友一齊打機好爽喎。但佢今日拉我嚟當然唔係打機啦🙄，佢有個大埔朋友話附近有間韓燒個樣好似好得咁喎，一定要拉我去試。間韓燒又幾有韓feel喎，我地頭圍用膳仲有得揀位坐添👍，我愛死返flex hour囉！呢度原來係食放題，所以唔使就住呢點，啱哂姨甥呢啲食肉獸喇，我地兩個都唔鐘意食海鮮，所以只點了弘大燒肉放題Set。佢追加任飲汽水只需$30, 都幾抵，姨甥話要飲到回本，所以佢最後飲左四罐梨汁🙄😅。而我就認為食燒肉一定要飲啤酒🍺，所以點左大白鯊生啤，帶少少甜味，配紅肉一流👍，但啤酒就係遂支/杯計，但有半價。頭盤先嚟個全牛🐂Set，成隻牛樣嘅擺盤，姨甥仔笑住話浮誇😅。不過佢咁就一目了然，唔使成日估款肉究竟係邊個部位囉。同時間上嘅仲有一條豬腩肉😍😍😍😁，巧肥美架，我最鍾意食！不過呢度同韓國有啲唔同，就係要自己落手燒，唔似得係韓國咁有阿珠媽燒埋剪好俾你食囉😝。五花腩用菜包加埋蒜片醬等一齊食就最美味喇。姨甥仔今次好乖喎，自己動手燒，可能係嫌我燒得太慢😅🤭。佢中途仲自己點左兩件炸雞食添😔😏。個頭盤牛牛睇落好似好少咁，但其實兩個人慢慢食，食極都有咁，食完都

屋企附近有間韓燒做放題其實一直都想試...上星期捉咗幾個朋友去食除咗和牛任食，惠顧任何放題仲送醬油蝦😍我地就食咗價錢最貴個款放題，包酒同好多款韓式料理我地兩位，一人一隻醬油蝦其實唔夠喉嫁🤦🏻‍♀️記得之前去韓國個陣已經覺得好好食咸鮮既醬油味，隻蝦都幾新鮮及肉質夠彈牙一坐底，店員就會奉上頭盤頭盤有A4黑毛和牛肩肉、封門柳、無骨牛肋骨、加拿大牛排骨、澳洲和牛利、鹿兒島牛柳粒、澳洲和牛下腹腩、澳洲和牛金錢展仲配江南海鮮盛盒（深海虎蝦、帶子、鮑魚）由於我地都好鐘意飲酒放題包咗任飲燒酒同啤酒海鮮盛盒既虎蝦但係原來係開邊既😂🤪鮑魚同帶子，新鮮而且size都大粒👍🏻👍🏻最鐘意爐邊既泡菜蛋😍😍 燒到半熟仲可以任refill餣咗既牛仔骨自助飲品雪櫃 梗係唔少得有韓式飲品啦食得太多燒肉，要加埋生菜同泡菜先可減低油膩感食咗幾round 燒肉，都好飽嚕燒肉放題之外，仲包韓式料理、前菜、海鮮韓式料理仲要好多款揀，例如海鮮湯、蔘雞湯等等我地都叫咗一個真露煮蜆，一份份量都唔小嫁

身為一個大埔友 又咁鍾意食燒烤 點可以唔去馳名嘅Oppa餐廳呢 一入到去 裝修充滿韓式風味 而且每一枱上面 都有一塊石鑊  側邊有蛋漿 再睇下餐牌 應有盡有 有海鮮 有豬肉有羊肉有雞有菜 有雪糕同埋唔同嘅飲品 當然最重要嘅就係角色嘅牛肉啦牛肉嘅材料非常之特別新鮮 有一個頭盤 有a4黑毛和牛肩肉 a4黑毛和牛三角腩 澳洲和牛下腹腩 澳洲和牛脷 封門柳 鹿兒島牛柳粒 加拿大牛排骨 無骨牛肋肉同美國牛小扒 而海鮮就有深海虎蝦 鮑魚 帶子 每一樣食材都非常之鮮甜可口身為一個食肉獸就當然要詳盡介紹下唔同嘅牛肉啦 封門柳肉質偏硬但係牛肉味好濃  而且脂肪嘅味道非常之突出 黑毛和牛舌脂肪比例相對較高 但係亦都有好重嘅牛肉味 而澳洲和牛下腹腩相對上牛肉味比較清淡澳洲和牛金錢展 好似我哋食嘅牛展咁樣 佢嘅筋比香港嘅牛展少 而且牛肉味 再突出啲啲 值得一讚鹿兒島牛柳粒 牛肉味重 口感亦都非常之鮮嫩可口 牛嘅油脂分佈均勻 煎咗之後啖啖都係牛油嘅甘香 鮮甜味美

呢間Oppa韓燒環境都幾大，吹水傾計啤啤佢一流！先來4格醬料：韓式燒烤醬、鹽 、生蒜片青椒店員會先開烤器，在烤板上塗上一層油，再加上泡菜蛋漿！前菜可以refill，芽菜、泡菜、紫菜野飲啤酒吧檯區，選擇多多！今回點左極尚釜山二人燒 $438 二人份量 四色菜籃：生菜、蘿蔔、翠玉瓜、洋蔥、大菇、金菇、秀珍菇，食烤肉蔬菜是必須的，平衝下👍🏻小菜仲有冰鎮鮑魚片煙韌，仲有點芝麻香，加上芽菜底，夾埋食落爽口！蔘雞湯清清地，加上有雞絲、大蔥配搭，好養生，另外或可選擇泡菜豆腐湯、石窩飯！烤板設計斜斜地，有個去多餘油既口位，好照顧到食客需要！仲有個角可放&暖住已烤好既食物！豬肋肉醬醃 ，紋理清晰唔多筋，排排燒，我就加埋青椒、蒜片😂扮廚師自己炒餸！建議用生菜包住來食，感覺沒那麼油膩！四式韓牛拼盤 韓牛頸脊、封門柳、雪花腩片，最like韓牛肉眼，薄薄地，易咬唔多筋，四款來說即使烤過後，都有肉汁味！甜品可選Haggen Dazs雪糕 或汽泡酒兩杯！整體店員都服務好好

今天就來到大埔舊墟的這家型格燒肉餐廳, 名字叫做oppa燒肉， 而這家燒肉餐廳非常有特色， 很有有街頭文化 裏面都是 graffiti的牆身。等候區設有吧枱供飲用飲品，非常貼心。 既可消磨時間又可以一邊等候座位 ，一舉兩得。 由於今次是一早已的訂了座位，所以不用在等候區等候。餐廳推出了一款名為江南海鮮燒肉放題的套餐， 一個價錢就可以無限享用多款食物， 所以今次就點選了。飲品方面， 加了任飲套餐就可以無限飲用， 包括了一些特色的韓國飲料!餐單上的東西都是任食,非常吸引韓燒必食的五花肉!肥美!首先服務員送上了一盤牛肉拼盤 ，包含了各個部位的牛肉， 包括有A4黑毛和牛肩肉 和A4和牛三角腩,除了日本的和牛外，還有澳洲的M6和牛，同樣美味。第一次吃非常少見的封門柳，口感特別，有口咬而且牛味重， 各個部位的和牛都非常之出色， 油脂平均而且入口即溶化， 實在是非一般的體驗及享受， 更重要的是無限添食!燒完了的和牛肉生菜包住嚟吃， 加入韓國泡菜和醬料， 一冷一熱的口感可以說是非一般的享受。除了燒肉類外， 還有其他海鮮任食!大大隻鮑魚!而鍋類物品非常極力推薦雪濃湯， 雪白的湯加入牛骨淆製， 味道極濃!

今日有朋友生日就嚟到位於大埔嘅呢間oppa韓式燒肉放題度食晚餐 之前喺旺角已經食過呢一間燒肉 不過就唔係任食 質素都勁極高 而且係人龍店 呢到大埔呢間相對上冇咁多人排隊 但質素依然保持到入到去牆壁有唔少嘅塗鴉畫 好有工業風嘅感覺 每個爐上面都有獨立嘅抽油煙管 夠曬細心我哋食個餐係貴啲嘅$368餐 可以任叫和牛同埋海鮮首先會有韓國大熱嘅醬油蝦 店員解釋可以刺身同埋熟食都得 蝦肉給晒醬油嘅味道 唔會太咸 而且又有刺身嘅鮮甜味 正之後就有跟餐預設咗嘅海鮮拼盤 同肉類拼盤 海鮮拼盤有巨型虎蝦 已經預先開邊 燒起黎好方便 食落肉質彈牙 夠曬香口惹味 仲有巨型帶子同鮑魚帶子 咁大隻帶子可以燒到外焦內軟 口感一流 肉類拼盤有醬醃牛肋骨 黑毛和牛牛舌 a4和牛背峰肉 鹿兒島牛柳粒澳洲和牛下腹腩 澳洲和牛金錢展等等 當中我最鍾意食嘅就係a4和牛背鋒 仲追加咗幾次添 因為背峰肉少運動 肥油脂勁多 咬落淡淡牛油甘香 而且牛肉味都唔差 推廌食完肉之後仲有hargandize雪糕 簡直係為今餐添上一個完美嘅句號

近近地開飯都幾方便，是日就去左食韓燒放題套餐有兩個選擇一個係食肉，而另一個比較豐富D唔至食肉仲有海鮮提供，同包埋飲品連酒都係任飲添，計起上來都唔係差好多就點咗後者食得開心D，等一陣先有前菜食住先再來有主打拼盤包括A4黑毛和牛、澳洲和牛、鹿兒島牛柳粒、加拿大牛排骨等連同海鮮盛盒夠晒豐富，仲有做緊優惠任何套餐都送滋味醬油蝦真係有驚喜眼見咁多款肉都唔知食边樣先好，就隨意放D肉係鐵板上燒烤，等肉變至深色就食得再將一片片肉點埋醬汁一齊食就最正，入囗食到各款肉質鮮嫩多汁，又其係黑毛和牛同澳洲和牛肉質肥美口感一流真係要encall再品嚐一邊燒又一邊繼續食真滋味，其後食番隻深海大蝦肉質爽彈同特大帶子粒厚肉夠鮮甜除左食到豐富嘅肉同海鮮，仲可以品嚐多款韓式料理，我都食件韓式炸雞入口香脆帶點辣味食左咁耐嘢都要飲番枝酒解吓渴，繼續痛快品嚐美味食物，最後食埋雪糕已經滿足晒食慾。

話事話都有一排冇食過韓燒，真係好掛住果陣陣燒出來嘅肉味，又係時候去回味一下，就去咗呢間都有食開嘅燒肉店開飯當然目標之一食肉啦，而且有套餐提供俾一價錢可以食到不同美食，又其鐘意食肉就一定食得滿足，就食個豐富D套餐江南海鮮燒肉放題，包括埋汽水、啤酒、燒酒等任飲，仲有滋味醬油蝦送之餘，又可以半價追加新鮮醬油蟹，真係啱晒我口味一來先有頭盤賣相豐富已有多種肉類品嚐，有A4和牛，澳洲和牛，鹿兒島牛柳粒，加拿大牛排骨，無骨牛肋肉，封門柳等。已急不及待想食，睇見D肉係度煎緊陣陣香味四溢，拿拿聲食住幾件先入口香嫩又多肉汁，而每款肉各有不同口感，視乎大家食乜，不過係我眼中款款咁好食當然食完又可以繼續食真滿足，除左肉外都有海鮮附送深海大蝦肉質爽彈鮑魚軟滑飽滿，帶子鮮甜又多汁，食咗一輪美食，又可以繼續食下韓式料理，我都點番碗牛骨雪濃湯，又食到肥美嘅肉之餘再飲啖熱辣辣濃湯味道一流同時間又食件韓式炸雞，入口香嫩惹味，簡直一大享受，唔覺唔覺已食到肚仔飽飽又係時候食番杯美味雪糕結束是日晚餐。

因為朋友住附近，所以約左去太和食飯。估唔到太和都有好多餐廳，唔係我想像中嘅美食沙漠。我地去左食韓燒，呢間餐廳韓燒以牛肉主，佢有2個唔同嘅放題，我地揀左「弘太」。頭盤係以牛形木板承托住各個牛的部份，例如有牛肩胛、牛肋骨、牛脷、牛下腩...而且餐廳好貼心，會將紙條放係各款牛上，話比我地知食緊牛嘅邊一部分。另一個貼心嘅地方係，餐廳預備左圍裙供客人使用，唔洗比油彈污漕件衫。真露蜆湯，入面有胡椒味，而且仲有粉絲，加埋蜆肉湯，味道又夾又美味！炸醬麵，炸醬好香，醬汁夠多，能夠撈均成個麵，份量唔算好多，唔會令你食完之後再食唔到燒肉。加埋辣醬炒八爪魚好野味，香香辣辣。泡菜煎蛋、牛油粟米、芝士燒都好受我地歡迎，仲可以無限任加，抵！