OPEN OYSTER

营业中

休息中

平均一個月會去一次的餐廳， 因身邊太多朋友喜歡食生蠔。這間餐廳有室內、也有室外，所以很適合一些需要抽煙的朋友。這間餐廳有些優惠 ，平均每人點兩杯白酒，生蠔就會有折扣優惠。但由於我們每人平均都會點九隻生蠔，所以我們多數會點兩支白酒！ 白酒的價格也由HKD360到HKD450不等......好肥美的生蠔超鮮甜，而且他們的店員會因應你的口味 和時令而介紹合適的生蠔！睇見都流口水當然他仲有一些小吃，如豬頸肉、燒牛舌、 雞軟骨等等。。。仲有香草白汁煮青口，但係如果唔鍾意食白汁嘅朋友，他們有另外一款就係清酒煮青口。好似我哋大胃王嘅朋友，就可以再點意粉pizza或者意大利飯！太多選擇！！！

Very good food served and it was my friend's birthday, remember "birthday is only once a year" and is gonna be nice celebration indeed!Towards the end, dessert served, and look the picture!!! White candle for a funeral 🤦🏼‍♀️!? Come on, common sense, white candle lit for my friend's birthday We were shocked and very disappointed....

聖誕帶埋阿仔出街，諗住先睇燈飾，求其搵野食就算因為帶住小朋友，去食buffet，又坐唔得耐，食大餐又怕佢嘈到人咁出左尖咀，睇完燈飾，周圍搵下野食原來唔容易，仲諗住求其一間添點知好多都係set menu都正常嘅但老公突然醒起有一間係巷仔，食蠔，佢平時路過都想試，咁即管去望下出奇地呢間係散叫，仲要生蠔一隻隻叫都唔貴喎生蠔都係大路的款式和出產地職員話有2款係special無係menu度，要唔要試?但老公有心水想試2款所以先叫左2款先啲生蠔好新鮮喎平時出邊食，間中有蠔殼，或無乜海水味丫。。。但呢度反而開得好好，無蠔殼食到，又有保留海水味，証明開蠔師傅好手勢呢個要讚食生蠔有點埋白酒，係餐廳職員推介，不過無影相，但當我地決定唔到揀邊款好?職員好主動話拎晒2支俾我地試飲最後揀左職員推介嘅白酒（唔係menu內），味道散得快，配埋生蠔，咁啲味就仲突出，令人食到翻尋味跟住個扒到先但原來送錯枱但錯有錯著，都幾好味喎有些少肥膏，令到成塊扒好香唔鞋口好享受跟住點左龍蝦意大利飯er...得1隻龍蝦仔，感覺口多夠，好單調咁雖然龍蝦都大隻，但成碟飯得一隻龍蝦仔，煮完又縮水咁。。。感覺唔太抵食不過龍蝦同意大利飯都煮得好

初次到這店品嚐過各國靚蠔之後就經常帶朋友到來試食。每一次個個朋友都好開心。有一次我們八個人食了百多隻蠔。這裡的蠔比起酒店平大半，食起來真開心。唔會肉痛。這裡有幾款法國蠔十分正。蠔湯，焗蠔加多個墨魚意粉已十分滿意。當然叫多支白酒更完美，因叫酒後各款蠔有特價。食在這裡真有点歐洲小店的風味。

今日突然想吃起生蠔來，於是跑到呢家蠔店，有室內又有室外用餐區選擇，是晚天氣涼快，選了坐室外，又比較安靜。由於太想食蠔，一次點了一打先，再加cherry stone, 全部都是超新鮮。個別味道就真係好個人喜好啦。跟住又再加單再來半打，新鮮都要再點的程度啦。而且點一瓶酒就可以享用wine lover 價食蠔，是算超值吧。之後再點了海鮮白汁意粉等熱盤都是十分美味。不過掛住吹水已忘記拍照了😁

哈哈哈，原來對上一次來Open Oyster 已經係差不多一年前，又是8月尾！可能8月真係每年捱得最辛苦的一個月份！今次三人行，為的是可以試多款酒，但唔知係咪太開心，唔記得影低兩枝酒款每人前後各食了一打生蠔，好正呀，但可惜今次無Belon，唔緊要，下次我們吃了以上的蠔，發現驚喜Irish Premium，好有層次感！邊個話蠔吧只有生蠔？Open Oyster的扒一樣有驚喜，一樣很出眾！上次都只點了意粉，今次可以有機會試BB羊架，真的不錯，好香，沒有羊的"蘇"味，容易入口接受，雖然我們是重口味就是喜歡羊蘇味，但確實煎得不錯！

好耐無寫食評，今日生日男友帶我去食蠔。 其實我主要係想讚下個短頭髮笑容好sweet 既女侍應非常好服務，因為我地坐室外加上個日又大風，我個生日蛋糕枝爉燭未吹已經熄左好多次，個女仔又不停要幫我點過，到我自己都頂吾順話算啦我吾吹爉燭許願，但個女仔竟然好堅持要幫我點得著枝爉燭比我吹黎許願，仲話生日點可以吾吹爉燭許願，跟住又幫我地影相仲要影得好認真有哂吾同角度又剩甘，佢真係好sweet r!❤️臨走想同佢講聲多謝但已經吾見佢😔吾知佢睇吾睇到呢篇野🙈

人地話秋風起,三蛇肥,我一到秋天就好想食蠔.呢個時候歐洲蠔最肥美,平時經常去尖東噴水池既酒吧HAPPY HOUR,都唔知原來佢既後面有間甘正既食蠔地方,經朋友介紹一於來試下,由於係朋友既生日飯,一早就已經上綱Search佐知呢間餐廳有好多好評,而且係用平價食貴蠔,身為蠔痴既我借住朋友生日,都想一飽口福.BOOK佐730,甘早去到已經有4-5台客了,有分IN SIDE & OUT SIDE,本人選擇佐IN.秋天坐外面感覺都幾好,門口有個櫥窗大囇冷,可以行去睇下D生蠔.每款都插上旗仔.就可以睇到係邊一個國家既蠔.呢度有個特別優惠,就係可以叫兩杯酒就可以以優惠價食蠔,而且個價係差唔多半價甘滯,見到其他台都係ORDER一大盤生蠔,可想而知蠔係好食兼抵食,跟住有個熱情既侍應哥哥同我地介紹生蠔,本身我地係中意食重金屬味既,亦了解我地既口味來推薦,佢話可以試幾款淡口清甜既試下.,都唔介意試下其他,食生蠔當然要配酒啦.見到周圍好多台都叫佐果味重既藍色樽酒.,心思思,但朋友不太喜歡果味重甜既酒,就由侍應哥哥介紹佐隻酒.法國白酒 Muscadet $349口感有少少DRY,由於我地係食海水味同礦物味較重既

同好姊妹的regular meeting，每次都係要用心選擇。踏入10月，進入歐洲蠔季，我們決定今次聚會以蠔做主題！經過一輪又一輪的研究同討論，我地決定本月聚會就係open oyster , 因為貪佢坐幾耐都得嘛！約好日子後，即刻打去book枱，成功！去到當日，我同朋友去到時已經是7:30，但見到在場都full得7788，我同朋友都話好彩事前book定枱！入到去之後，即刻就有waitress俾張蠔menu 我地，話有咩問題都可以問佢。我同朋友睇左一陣又睇到佢有wine lover special price, 一時間都心大心細，唔知叫唔叫酒好！可能佢見到我地舉棋不定咁，所以好好人咁走過黎同我地解釋下個special price點玩法，後來我地決定叫一支佢推介既sparkling(Ard$3xx,後尾見枱枱都叫e支），味道好甜，送蠔的確係夾既～跟住我地就用左special price叫左8隻蠔做第一round. 蠔既質素還ok~但可能真是一分錢一分貨，鮮味比其他蠔吧真是差一點點囉。食完第一round蠔之後，我忽然想食d熱野，就叫左好多人都推介的藍青口，一上到枱，我同朋友即時嚇一嚇，這裡的

I love this place! Oyster is fresh and relatively fairly priced( compare to other oyster bar in HK). The staff have good knowledge about oyster. A discount is offered if you order two glasses of wine per person.The white pearl and gillardeau are fresh like having in France. White pearl have a beatifyl white shell and seems a bit crowd with its full shell body. Seawater is fresh and the saltyness well balanced with the sweetness fro the body . Gillardeau is even more fatty. Firm and thick body wi

一年當中，最怕最憎就是8月。又熱又辛苦又沒有額外公眾假期又返足5個星期工！你話，點會不怕8月！所以8月最後一個Happy Friday，應該要食蠔d為8月畫上一個超完美的句號，好好慰勞自己！今次已經係第二次去Open Oyster 食蠔，試過番尋味，侍應們對蠔、對酒的配搭都好熟識，解釋得非常詳細，放心交他們話事！建議大家第一輪可點有興趣的試一試，記低邊款自己喜愛，第二輪可以再食一次！但記得留肚，Open Oyster除了蠔外，其他食物都好好味！

同個朋友話要食生蠔，終於去到。佢有個特別offer, 每個人叫2杯酒就可以用特別價叫生蠔。都平一半，所以只要會喝酒，食多幾隻蠔，就會好抵。我地唔太熟地區，所以請教了侍應，佢好熟咁推薦了幾款，我地再慢慢諗，最後叫咗2種creamy2種海水味重啲。正！食蠔前食番啲菜，好似健康啲 個芒果超甜，好新鮮，好開胃。重點既超蠔拼盆Taylor Pacific 係美國蠔，creamy 超大之選，同隻手咁大，都係三十鬆一隻，叫我如何抵抗另外，South Africa 嗰隻金屬味較重。Osole係韓國蠔，貪新鮮，好少會自己訂，就試下，都有少少驚喜。比較中性，平均的感覺，咸味同creamy 之選。Carantec 係法國蠔，獨特的海水味，入口柔滑，就是法國蠔。會再來的，一次過滿足多個願望。

成大半個月冇見到花老嘢,好掛住佢呀...因為同佢先會去食蠔今日星期四,Oyster Station得85折....決定近近哋去Open Oyster食~~~一去到開枝白酒先,咁叫蠔就有wine lover價.問咗果晚D Taylor Pacific係jumbo size,咁我哋實要返幾隻喇,另外又叫Ostra Regal, Irish Premium, Authentique,同埋我至愛嘅Gillardeau,一共打半.Taylor Pacific真係好大隻,不過好似上年食果D仲大隻..嘻嘻佢雖然大&爽,不過就冇咩蠔味.食蠔始終係Gillardeau好!食完蠔仲要多枝Sparkling再加一個Pasta同Mussels.....真係飽到加零一....

吃蠔與家常應不能混為一談，但回憶在Open Oyster 吃飯，差不多每次都是跟家人最愛一起 。十月的尾這個星期，到了這裏兩次，分別是為哥哥慶祝生日，和跟太太的結婚3週年皮婚記念 。心裏祗得一個主意，就是要給她們最好最美味的 。在這裏吃生蠔從無失望過，由Belon 0000, Taylor Pacific，Pinky，Gillardeau，Majestic 和 Authentique，由豐富金屬味，海水味，甜味，菓味，到啖啖蠔肉一應俱存，如跟酒，價錢更理想，跟網上自購差不多。服務非常貼心，各位服務員除常臉帶笑容，最重要的是對蠔的特性均有認識，絕不含糊。我不一定揸晒主意自選生蠔，由於他們的建議也不時帶來驚喜。除了生蠔主打外，滋士拼盤和餐前拼盤帶來新鮮感及口味令人難忘，因為，以前每次均先蠔後肉，像一成不變，但這次蠔跟餐前小吃一起就有一種輕簡的感覺，對日漸年長的胃，多一份見識，少一份心驚。我很喜歡這裏，因為可以和家人至愛分享人間滋味。

同師傅慶祝生日,梗係去我哋大家最愛嘅地方。其實,不經不覺我都帶唔少朋友嚟呢到食過,真係好開心個個都鍾意嚟呢到食.其實我今個星期第二次去食蠔,早幾日去咗 iSquare 28/F 食海鮮同生蠔，先發覺呢間蠔嘅價錢真係食得好開心 今次食咗三款新蠔Tatihou, Carantec & Quehan 都係濃味嘅蠔,而Quehan 個味有少少似銅蠔嘅味,可以當係食 Belon 0000 嘅入門版麵包蟹冇花冇假真係好大隻,仲要有好多好多膏,蟹肉好鮮甜,呢隻size 嘅麵包蟹真係好滿足香煎雞件講真一般,試吓就算首先,雞皮燒得唔香口食落去好油,雞肉入口好滑但冇咩特別.另外梗係叫埋青口同墨魚麵,水準依然 keep 到