Opa Mediterranean Bar and Bistro (已結業)

尖沙咀美食，隨街都可以數到三五七間，赫德道口，好似酒吧咁嘅感覺餐廳，原來係地中海式口味，咁我地入去食咗個下午茶，坐低叫咗個三文魚吞拿魚串燒，上枱時成串我哋逐粒逐粒攞落嚟食，可以慢慢品嘗，同埋感覺真係好有情調，再加埋啲醬汁，都係喺嗰個架上面慢慢一點一滴，咁傾下偈淨係呢一串串燒都去咗半個鐘，三文魚意大利飯，意大利飯嘅醬汁，唔使講都係好豐滿嘅!加埋嗰件香煎嘅三文魚，我哋分開兩份食， 都好有睇頭，呢個值得推介，同埋燒得啱啱好亦都唔會太乾。再加個意大利棘肉香腸薄餅， 真係薄餅啲中嘅薄餅，薄到脆嘅餅，一片咁薄咬落去卜卜脆嗰種口感，絕對唔係一般口感油膩芝心批，亦唔係嗰薄餅又唔係薄個種，係薄到比一般嘅薄餅更薄嘅薄餅，重有香棘口感，香腸味，加埋醬汁爽脆。仲有叫兩杯冰凍檸檬茶，一個下午茶算係咁啦!

行過尖沙咀，試下啲未試過嘅菜色，於是就貢咗入呢間地中海菜餐廳。等咗一下就安排咗我地坐窗下位，環境都幾Chill，平日下午都唔算好多人，可能又未到Happy Hours。姐姐仔介紹咗拼盤，一於聽佢講試試。今次我地嗌咗海鮮拼盤串燒、BSP Pizza同傳統希臘千層茄子。海鮮拼盤串燒：賣相唔錯，有吞拿魚、三文魚、大蝦同幾塊皮配水牛城辣椒醬，不過煮得有啲過咗火，啲肉冇咁juicy，個醬夠惹味👍🏿BSP Pizza：呢個最好食，入面主要都係腸仔煙肉洋蔥芝士，薄批夠脆！傳統希臘千層茄子： 唔知係咪希臘style，食落冇茄子，但係就好多肉碎，似中式魚香茄子，有個飯撈下仲正日本啤酒幾香花味、Grapefruit and Rosemary Iced Tea間野都幾好住，下次可以嗌下其他菜式。

這間主打地中海菜的酒吧餐廳，地方闊落開揚，食物也有特色，我這次是黃昏來吃晚餐，與老婆仔兩人在這裡點了一份希臘沙律、一個意大利薄餅和一客特色希臘意大利麵做晚餐。「招牌希臘沙律」（$118）除了Feta Cheese、洋蔥、蕃茄、青瓜、沙律菜和焗麵包片外，還可在烤雞、意大利風乾牛肉、煙三文魚和雜蕃茄四款食材中揀選一款做焗麵包片的餡料，而我的選擇是烤雞。這沙律的烤雞餡焗麵包是不錯的，雖然麵包稍厚，但味道挺好。不過另一主角的沙律，我就嫌它份量太少，不夠慷慨。Smoked Salmon Delight（$158）是我倆的薄餅選擇。這以 Mozzareela Cheese,、煙三文魚、蘑菇、菠菜、洋蔥和牛至為材料的意大利薄餅，餅底脆薄，味道鹹香，水準都算不錯。「傳統希臘千層茄子」（$148）有羊肉和適合素食者的雜菜餡可揀，價錢一樣。我吃的是羊肉，覺得它是這晚吃的三道菜式中最好的一道，份量雖然不多，但味道甚佳，又夠熱度，兩夫妻一致同意，選它為這晚餐的最佳菜式。兩夫妻都沒有喝酒，我點了一杯 Mocktail，她點了一杯 Fresh Lime Soda（$58）。她的 Fresh Lime Soda我雖

每次經過呢一間地中海菜餐廳都覺得好chill😍餐廳環境舒適，佈置亦都非常之有假日感覺，牆身掛住好多吊草😎而且仲有一幅好靚嘅大壁畫👏🏻好友歐陸色彩～～估唔到食物都冇令我失望，特別係Pizza，非常之回味🥰.▫️ 【 水牛城雞翼】雞翼醬汁酸酸辣辣，非常之開胃，而且雞翼都好香口，擺盤精緻😍唔錯唔錯..▫️ 【 酥炸魷魚圈】呢一款酥炸魷魚圈份量都好多，仲配上千島醬汁，味道方面好惹味！魷魚完全唔un😍..▫️ 【 酥炸魷魚圈】呢一款酥炸魷魚圈份量都好多，仲配上千島醬汁，味道方面好惹味！魷魚完全唔un😍..▫️ 【 BSP Pizza】呢一款Pizza係我嘅心水推介！ Pizza皮10分脆薄，材料方便亦都好豐富，包括有煙肉、辣肉腸、蘑菇、芝士、肉腸等，口感豐富之餘，味道可口，就算食晒都唔會覺得溜後，正..▫️ 【 傳統希臘千層茄子配羊肉】第一次食傳統希臘嘅千層茄子，調味方面非常之濃郁，大量嘅芝士真係實在太邪惡啦，芝士重重包圍茄子同埋羊肉，每一啖味道互相輝影😍呢種食法對於我來講都幾新鮮，唔錯..▫️ 【 蜜桃茶、青檸梳打】兩款凍飲都各有特色，個人來講比較喜歡蜜桃茶，入口就已經好大浸好香嘅蜜桃味，覺得好Fresh

尖沙咀不嬲都多美食，呢日無意間行到黎呢頭附近，見佢做緊happy hour就同朋友入去chill下飲下野食個飯傾下計。頭盤叫左呢個青檸汁醃三文魚，青檸汁酸酸地好開胃，配埋三文魚一齊食味道好清新。跟住叫左呢個香草醬烤雞扁意粉，好creamy好入味。呢個pizza真係要俾10個like👍🏻好好味👍🏻非常之多番茄醬係面，熱辣辣即叫即焗，食既時候仲脆卜卜而且個皮好薄身，好脆口。呢串串燒有豬又有魚，好大舊又多汁👍🏻

喺尖沙咀食嘢絕對唔怕選擇少，基本上講得出嘅國家菜都真係應有盡有，睇完電視之後對於地中海菜的確有唔少嘅興趣，尤其是佢哋嘅「烤」方式絕對係首屈一指迷你牛肉小漢堡：呢一個係開胃嘅前菜，驟眼睇會以為係普普通通一個漢堡包，但其實周年個包都已經係有唔同嘅地方，麥味相對比較重啲，但同樣都做到漢堡包嘅煙銀軟熟嘅感覺，但主角點都係厚切嘅漢堡，仲要係啱啱好嘅七成熟，中間要帶有鮮嫩嘅粉紅色咁就可以有最Juice嘅感覺。 再加上醬汁亦都用咗開胃嘅甜酸汁，幾簡單但不失地中海嘅感覺。地中海串燒拼盤： 本身都以為串燒拼盤應該就係一串串咁樣呈現出嚟，但原來地中海嘅力量真係會令我感到驚喜，一串過呈現特色，每邊切少少又得逐舊食亦得，同樣都係串燒但地中海嘅味道偏向用較少嘅調味料來呈現食材原有嘅味道，旁邊亦都有秘製將提升鮮味三文魚risotto: 呢一個係高度推介嘅主食，大大嚿嘅三文魚每一啖都係濃郁嘅魚油，再配合同樣都濃厚質感嘅risotto ，形成鮮濃甜融為一體，即使如此但亦唔覺「流」

今天準時放工, 無所事事, 和同事一起去尖沙咀  Opa Mediterranean Bar and Bistro, happy hour !!吧內面積大,  座位多, 燈光幽暗, 增加浪漫氣氛, 同朋友把酒談心確係唔錯.可以坐近吧檯, 也可坐近窗邊睇街景.   氣氛好,  岩曬年青人.  看看今天有 Special  (Monday ~ Wednesday):  All Day All Classic Cocktails  $50-  正合我們時段及心意.Classic Cocktails  選擇有多款,  我們分別點了:Red Sangria  混合紅酒及 水果,  健康醒胃, 味道清甜冰凍,  酒味帶些濃.  菠蘿, 蘋果 ...嗒嗒也有酒香.Pina Colada  果味較濃, 果香盈盈, 最適合我淺嘗酒意.我們放下工事不談, 感覺好 relax, 隨著勁歌節拍, 碰碰杯, 享受快樂時光. 先點 Tapas, Beef Sliders with Guacamole (2 pcs) 牛肉牛油果醬迷你漢堡.迷你漢堡, 賣相可愛,  一人一個,  有靚漢堡牛肉, 牛肉味濃, 配上牛油

第一次同朋友食地中海菜，大家都對這餐廳給讚，裝潢令人有舒適的感覺，侍應姐姐很友善，而且菜式都非常滿意。地中海凱撒沙律配煙三文魚~羅馬生菜很新鮮加入藜麥，非常健康。水牛城雞翼~雞翼炸得香噴噴，但肉質並不乾，再配上醬汁，少少酸辣，很冶味。傳統希臘千層茄子及羊肉~茄子及羊肉碎上面舖滿芝士焗，羊肉有少少羶味，但很香，味道非常好。海鮮併盤串燒~串燒最頂部的檸檬，燒烤完之後，檸檬汁滲落香噴噴的海鮮 (吞拿魚，三文魚，大蝦及三色椒)上，除了有燒烤香味外，還有清香檸檬味。

係一個懶洋洋嘅星期六下午行過漆咸道南近尖東位置見到有間有open area嘅地中海餐廳酒吧冇乜人，環境簡約舒適，感覺好relax, 於是就走咗入去食過late lunch chill 一chill! 嗰度裝潢好別緻，有巨型壁畫吊椅打卡最啱，又有落地玻璃位可以望吓街景，更有開揚嘅近門口座，夠晒chill。Triple berry smoothie($82)Peach mango passion fruit smoothie($82)一紅一黃顏色夠晒鮮艷，打卡一流。大大杯，可以慢慢嘆消磨時間，冰冰涼涼，係消暑嘅好選擇。Triple Berry smoothies以為會好酸，但飲落反而覺得甜甜地，見到成杯都係果蓉，感覺好fresh! Peach, mango, passion fruit smoothies 就好香甜，味道係複雜嘅，嘗到吾同嘅生果香味，好似去咗東南亞沙灘飲緊嘢咁！Mixed seafood skewers （$188） 雜錦海鮮串燒賣相好靚，用一個架吊住串串燒，比起平放喺碟上面有睇頭得多，仲有幾塊墨西哥烤餅放係串燒下面，一上枱客人必定會先打吓卡。串燒有吞拿魚、三文魚、大蝦，中

今日同朋友嚟咗依間餐廳食地中海菜。冇諗過可以食得咁chill. 我地首先點咗串海鮮拼盤串燒($188), 個賣相都幾有睇頭，串串燒唔係就咁放喺度係吊起。串燒有三文魚、吞拿魚同大蝦，中間夾住d蔬菜好似係洋蔥、紅椒同綠椒等。海鮮肉質嫩滑，冇烤過龍。最上有個檸檬，一squeeze就可以全串都有檸檬汁，夾埋下面嘅餡餅點醬食。水牛城辣牛肉tacos ($65)好有驚喜，比一般食到嘅tacos更好食。當中因為佢落咗d好新鮮嘅香葉，將成個tacos嘅味升華咗，配料好豐富。扭紋薯片配黑松露芝士($98)自己睇錯咗以為係叫咗薯條，所以見到長洲特產扭紋薯片有d驚訝。薯片切到超薄一片，炸到金黃色好香脆。如果個黑松露醬可以多啲就好啦。香草醬烤雞扁意粉 ($138)賣相唔錯，性格比都幾高。雖然食到底橄欖油比較多有d濟，但個青醬又好特別，好惹味。而且唔會好乾，條條意粉都有青醬滋潤😂最後叫咗個Pavlova鮮果蛋白餅食，平時好少食到所以諗住試吓新野。蛋白輕型，上面淋咗熱情果醬酸酸甜甜，水果新鮮，好正！

今晚心血來潮想出街放鬆下, 放工即刻約好友去搵好東西吃!行去尖東等埋朋友放工, 途經呢間幾岩心水咁, 裝修很有格調的, 原來係食地中海菜! 就係想唔食甘普通既西餐, 就呢間啦! 今日大家都唔係餓鬼, 今餐叫左飲品，1個小食, 1個主菜,1個扒類.小食 ~扭紋薯片配黑松露芝士紋薯片做型 簡單說出重點來! 炸得香. 鬆.脆.味美! 黑松露芝士醬是絕配! 用黎伴酒是不二之選! 主菜~海鮮拼盤串燒呢一樣係店員誠意推介, 海鮮串成串吊起上枱! 好有噱頭呢, 材料有大蝦,三文魚,吞拿魚,配水牛城辣椒醬, 肉之間仲會夾住洋蔥,紅黃綠青椒,檸檬. 另外仲配左幾塊焗餅和辣醬或甜醬一起吃, 非常有風味又唔會好油膩.扒類~牛里脊肉牛里脊肉扒一向都係我最愛吃的部份,叫左5成熟, 肉質鮮嫩, 很JUCY ! 另配醬汁提升了牛肉豐厚肉質感. 飲品~Peach, Mango & Passion Fruit Smoothie夏日味滿滿的飲品, 3款生果組合配出來味道很MATCH! 清甜果味冰冰的超新鮮感覺!

星期日走去尖東參加完講座，在周圍找找找有什麼好吃。正好遇着這家地中海餐廳在舉辦婚嫁展覽，工作人員很熱情的邀請我們進內參觀，因此順道也在這裏吃個下午茶。這裏裝修很有地中海風情，藍綠色的沙發，柔和的燈光，牆上的壁畫，一旁還有個鞦韆讓人打卡。婚展的工作人員正好也穿上了副富地中海風情的服飾，很熱鬧。餐牌選擇其實不少，但因為我們不太餓，所以點了一下薄餅和其招牌海鮮串燒。炎炎夏日我點了一杯mocktail 解渴，這杯名為Kill Bill的mocktail，漸紅色的它由橙、菠蘿、蔓越莓和雲呢嗱調製而成，入口一陣果香，甜甜的很適合女孩子！朋友的黑朱古力奶昔大大杯，朱古力味不算濃，但質地幼滑冰凍，消暑也解渴。海鮮串燒很有造型，倒掛的一串，有吞拿魚、三文魚、大蝦、黃椒、紅椒等串成，底下伴以薄餅。可以單食，成者點上水牛城辣椒醬或燒烤醬食。薄餅也算足料，是薄餅底的那種，所以餅底食起來帶脆，餡料有洋蔥、菠菜、蘑菇、三文魚和芝士，入口都幾豐富，而且新鮮即製，所以味道十分不俗。最後來多一件Tiramisu作結，在婚展中來個簡簡單單的下午茶，這種體驗頗特別！而且這家餐廳情調不錯，有不少外國人來，可以作為週末來點地中

相公很有心思，帶我到這間很別緻的餐廳；這裡牆上有幅很大的壁畫很特別，把我的眼眸吸引了，加上壁畫前放了一張吊椅，可有想像空間。坐下相公發版點了白酒汁煮青口，用白酒加了些辣椒蒜粒和蕃茄燴在青口內，很惹味，雖然青口不大但咬落亦有嚼感。再上一碟海鮮扁意粉，海鮮裡有墨魚丶青口丶蝦等等，配了羅勒及意式蕃茄醬，很美味，很有口感, 另外又上了海鮮拼盤串燒，有吞拿魚丶三文魚丶大蝦配以水牛城辣椒醬很惹味，一口一口地吃下很有咬感，爽滑又鮮甜。最後上了我最欣賞的傳統海鮮意大利飯，大廚除留全隻青口外亦把其餘所有的海鮮砌粒，令全碟意大利飯很入味，很鮮味，肉質爽甜，海鮮味很濃很香。飯後，不知不覺地行去壁畫前的吊椅影幾張相留念，最開心的是侍應姐姐主動幫我倆拍攝，在此再一次多謝她！

熙來攘往的尖沙咀, 走進一間環境寫意的地中海餐廳，寬倘的落地玻璃及大門，將絢麗的陽光滲進餐廳內，落落大方又簡約時尚的裝潢伴著美味佳餚用膳，chill 得來又有風味。餐廳食物選擇很多，想嘗試多幾款菜式，所以沒有選擇太多澱粉質類的食物。*前菜小食牛肉牛油果醬迷你漢堡(2件)-$78綠色的麵包夾著小牛肉及綿綿的牛油果醬， 一口一個，份量來得剛剛好。*主菜海鲜拼盤串燒(三文魚，吞拿魚粒，大蝦)-$188大大粒的三文魚及吞拿魚，還有剔透的大蝦，不經什麼調味，原汁原味，更可吃到三文魚及吞拿魚的鮮味，可夾在烤皮塔餅配醬汁(水牛城辣椒醬及燒烤醬)一齊來吃。主菜-12oz 牛柳＄218厚實而牛味重，切開後肉紋分明，配上黑椒汁及伴菜鮮菇蘿蔔，點了五成熟，可是也熟了一點，味道不錯。甜品－西班牙油條churros 及Tiramisu 西班牙油條共有6條，炸得香脆可口，內裡帶點軟綿QQ 的，一口氣吃了四條也不覺得油膩。有焦糖及朱古力酱配著來吃，但個人喜歡灑上肉桂粉更佳。

今日來到一間主打地中海嘅餐廳食飯位置亦非常好搵，地鐵站行5分鐘唔使就到餐廳燈光比較暗每張枱都有盞小枱燈，十分有情調仲有bar枱位置可供選擇「Pizza：BSP $148」之所以叫BSP，原來係因為有煙肉／肉腸／辣肉腸仲有磨菇／洋蔥／橄欖／mozzarella cheese用上傳統薄餅底，邊邊烤得好脆芝士亦做到拉絲效果，證明夠熱！成個pizza味道都好夾，十分出色「香草醬烤雞扁意粉 $138」香草醬意粉係我最愛意粉之一醬料同意粉配合得天衣無縫香草味濃郁，意粉軟硬度適中而雞肉質亦唔會太過乾身「海鮮拼盤串燒 $188」包括有吞拿魚，三文魚，大蝦中間夾雜著一些青椒洋蔥等等配搭碟上幾塊薄餅同水牛城辣椒醬個人覺得就咁食都好惹味，因為本身已塗上燒烤醬第一次食串燒／燒烤有吞拿魚口感同三文魚差不多，好味！總括而言，食物同環境屬中上水平餐廳氣氛好有格調適合約埋三五知己／伴侶來用餐～