Odelice! (蘭杜街)

在巴黎回港後，最想念的就是當地的美酒佳餚，所以就特意選了一間法式小餐館去懷緬一下。(前菜)法國鵝肝鴨胸沙律：鵝肝入口即化，配以沾滿香草的麵包，非常可口！微焦的鴨胸以黑椒煎香，僅熟的狀態食起上來多汁鮮嫩。除了沙律菜外，還有烤過的甜椒及蕃薯，種類繁多，十分豐富。(Signature) 法國空運黑青口配薯條：這道菜可謂這餐館的王牌，每枱客人都會點。青口的size雖然不算太大，但是卻粒粒飽滿多汁，而且非常新鮮，在香港有如此質素實屬少見！而伴菜的薯條全是即叫即炸，非常鬆脆，除了常見的蛋黃醬外，最推薦的就是配青口的香菜忌廉湯汁！(主菜) 經典肉眼牛排配薯條：Medium Rare的牛排外表煎得焦香，裡面還是粉紅色的，肉味香濃，肉汁四溢！非常讚！(主菜) 香煎帶子蕎麥薄餅：法國必食Crepes，有咸及甜的口味可以選擇，但這裡只有咸薄餅，而我們點的這款有點carbonara的感覺，以煙肉、雜菇、忌廉及洋蔥為醬汁，伴以充滿牛油香的帶子，口感creamy豐富！(飲品) Liefmans Fruitesse：這款比利時的水果酒除了清新的麥香之外，還能感受到濃郁的果香，容易入口得來口感亦有層次！這家法式小餐館

哩間名叫Odelice法國小餐廳，內𥚃裝修格調及很chill既音樂都令人好似身處第二個平衡時空一樣。上菜時亦會等你食完一碟先會再上另一碟，食一餐足足可以食足2～3個鐘頭，非常適合吹水聚舊。至於食物款式非常之多。頭盤我地叫左生牛肉他他，新鮮雞蛋放係他他牛上粘口有蛋香，牛他他酸中帶微辣，作為開胃前菜必點菜色。香煎帶子蕎麥薄餅$155，作為一道法國名菜，蕎麥薄餅包住啲小雜菌加上粒煎得剛熟帶少少燶邊既帶子，好清新感覺。香煎盲曹魚$258，主菜可配上2款配菜，我地揀左薯條&炒雜菌，條盲曹只係輕輕落咗小小鹽調味，魚皮煎到好香好脆，魚肉好滑加上成條完全冇骨，絕對必食之選。最後甜品係Strawberry tiramisu ，唔太甜唔太膩，作為最後一道菜，非常適合我地。

跟朋友中午外出午餐朋友帶我到這間餐廳用膳因為是平日中午時間 所以有很多人好好彩同朋友都好快有得入座睇返個餐牌嘅價錢其實係偏貴嘅大致係150到$200左右一個set但都估唔到可以坐滿晒所有位置當其時就對餐廳都相當期待由於我個人好喜歡食牛扒見到有牛扒食亦都同行朋友嘅推薦下我選擇左牛扒叫五成熟食煮得剛剛好肉質好林好有牛味朋友叫嘅鴨胸就係當日餐廳同事推薦嘅其中一款美食係我食過最好食嘅鴨胸又脆又軟身 味道剛好 唔會太咸配埋risotto 剛剛好另外仲想要推薦佢個餐湯係粒粒粟米非常之新鮮餐牌有好多選項當我食到7788我已經係期待緊下次再返嚟揀另一個set食👍🏻推薦！

今日在灣仔星街做完瑜伽，同男朋友去食法國菜慶祝紀念日。之前食過一次晚餐，覺得質素好，決定再食下午市menu!由於餐廳開11點，我哋成為第一台客！日光下，餐廳依舊燈光柔和，散發着浪漫的感覺。假日得brunch menu,都幾多選擇。最後點了1款法式薄餅、1個青口，牛油果雙重奏多士三文治!❤️首先食個牛油果雙重奏多士三文治有2大件，每一件你都會見到用接近原個牛油果去整，而且多士三文治好脆，加上三文魚，好fresh ,好健康！減肥人士必點之選！❤️法國空運黑青口French Black Mussels ($175)呢個係餐廳限量供應，因為青口採用法國空運進口的特別品種，所以限量供應，賣完就冇。如果叫到一定必點！雖然係baby mussels ,但每隻都起級肥美，隻隻都呈現金黃色！分量亦都超過多，滿滿的青口，粗略估計有幾十隻！青口用上白酒煮，吃起來鮮味無比且帶有淡淡酒香，十分開胃！還附有一籃薯條給你！薯條是粗薯條來的，炸得剛剛好，配有沙律醬可以點！而且份量很多！❤️香煎帶子蕎麥薄餅 Scallops & Mushroom Galette ($148) 首先正宗的蕎麥餅已經好少見，佢做到同我係法國食

男朋友生日前夕，當然要帶佢去食好嘢啦！之前喺尖沙咀食過呢間餐廳，咁去開灣仔，一於帶佢嚟試吓。法國鵝肝拼鴨胸沙律鵝肝好食就不在話下，配上鮮嫩鴨胸肉同肉桂烤番薯，口感層次豐富，加上我最愛既蜜糖陳醋汁，酸酸甜甜好開胃。香煎盲曹魚西式餐廳食盲曹魚比較少見，不過可能係我見識少😅盲曹魚煎得好香口，肉質鮮嫩，以番茄沙沙醬做個source，特別惹味，另上他他醬，可以配搭一齊食用，口感更特別。新鮮蘋果茶呢個蘋果茶真係要特別推介，其實我好鍾意飲果茶，通常去親餐廳都會點，但佢特別在於飲落有好新鮮嘅蘋果香味，但又唔會搶咗茶味，兩者嘅味道拿捏得好好。仲會配上法國蜂蜜，不過佢用咗新鮮嘅蘋果，本身都已經夠甜。

今日突然好想食意粉，咁岩係灣仔咁就搵間casual啲嘅餐廳。openrice下揾到呢間。叫咗個下午茶套餐烤雞鯷魚意粉，幾好食，烤雞個皮好脆，意粉味道剛好，唔會太咸亦唔會太淡，自己再加啲黑椒啱啱好。餐廳環境都唔錯，空氣流通。不過跟餐嗰杯咖啡就麻麻哋。當然啦一分錢一分貨，係冇得同出邊50幾蚊嘅咖啡比較。至少呢個價錢呢個意粉對得起個味道。會考慮下次過嚟食晚餐。

我很喜歡吃這間餐廳，雖然在小街，晚上行人也不多，但每次到這裏都是滿座，我每次都需要預訂座位，就可以知道這間餐廳的食物是有多好了。除了食物，服務和氣氛也很好。服務員會因應我的需要，走近仔細說出的食材特點，也會因為我跟朋友正聊得起勁，而遠站一旁不騷擾。這晚我叫了兩個曾經吃過的菜，第一就是燒吞拿魚沙律，另一個就是蕎麥菇餅。很喜歡吞拿魚香香的，但又有魚生的口感，配合沙律吃真係好開胃。蕎麥餅是很有特色的主菜，吃了他我根本不需要吃意大利麵。在服務員的推薦下，我點了一客青口，如果喜歡濃濃的蒜頭味和牛油味就10分適合，我個人較喜歡純粹青口味，所以這次就不太欣賞。有兩個必吃的甜品：朱古力噴漿心太軟和士多啤梨意大利蛋糕。心太軟的流出來的朱古力令人垂涎欲滴，我一向喜歡吃意大利蛋糕，這次加上士多啤梨味，感覺新鮮值得一試。

之前食過尖沙咀分店的Odelice，雖然灣仔這間總店地點沒有那麼方便，環境及空間感亦比較細。但餐牌一樣有多款選擇，員工一樣會有禮地介紹餐廳的推介，食物份量一樣大大份。先來一個法式烤魷魚沙律健康一下，魷魚圈爽彈，除了沙律菜，仲有superfood羽衣甘藍，配上彩椒跟柚子醋汁，很開胃的。另外點了侍應推介的黑青口，用比利時啤酒煮醬汁伴一些甜時蔬，份量超大，雖然肉質不會太嫩滑及啖啖肉，但只要調製得好，一樣可以整得好食的。這裡用上比利時啤酒煮製，令醬汁帶點麥香味，配上大筒粗薯條配蛋黃醬。而法式可麗餅亦是這裡必點的，有十多款選擇，有咸有甜的。平時食開甜，今次就點一份咸的香煎帶子蕎麥薄餅，賣相精美，蕎麥薄餅是用無麩質的蕎麥粉製造，有很香的麥味，薄餅夾著焦香的大帶子，煙肉粒，及用白酒忌廉煮的野菌，很不錯啊!最後還點了卡邦尼扁意粉，意粉的軟硬度煮得剛好，醬汁沾滿每條意粉，有煙肉香，溫泉蛋令賣相加分，將蛋黃跟意粉撈勻，令醬汁會更為creamy。今晚無點酒精飲品，而是點了健康的鮮果汁，綠色的是蘋果，青瓜及西芹，橙色的是橙跟芒果。

近期返工忙完一大輪星期六OT放工想對自己好D，就去左位於灣仔站同埋金鐘站附近既Odelice!食返餐好既，佢門面好有氣氛，好Relax。見佢樣樣都幾好咁，一於樣樣都叫一啲啦。原煲青口估唔到午餐時段都有咁大煲青口，一大煲熱辣辣上枱。佢哋每一隻青口都非常之新鮮，味道比人有非常之香濃既感覺，仲有Juisy既味道，配以佢哋嘅特製配料，強烈推介！紐西蘭西冷牛扒另一樣推介之選，估唔到佢配合得十分不錯，牛扒絕對唔會太過硬或者太過咸，厚切大大件，大約七成熟，有牛味之餘又有口感，配以佢哋嘅薯條，正!可麗餅十分之滿足，一份可麗餅裡面，有多種唔同嘅配料有啲味道美味嘅特製醬料，配以特製嘅餅食以及香蕉，讚好！凍檸茶最後配了兩杯凍檸茶飲，午餐時段仲係無限添加㗎，為完美嘅一餐畫上句號！

今日約咗同事一齊去食個愉快的lunch😋 搵到呢間餐廳, 其實以前都成日經過呢頭, 偏偏就每一次都冇入過去幫襯, 今日終於有機會喇🎉餐廳準時12.30先開, lunch 繁忙時段只做lunch Menu上面嘅菜式, 選擇都算多嘅😍Set lunch 包餐湯, 沙律再加main course, 我哋揀咗兩個唔同嘅 share 😌太鍾意食crepe 喇呢個都做得幾出色, Parma ham 好香, 有我最鍾意食嘅太陽蛋幸福.... 另外叫嘅呢碟肉眼扒扁意粉, 不得了, 件扒煎得好好食個意粉都煮得好! 分量亦都非常generous 認真想搵晚返嚟試下呢間餐廳嘅其他菜式

首先店內環境幾好,乾淨,而且店員有禮服務好好.我地點左,Pancetta Leek, Galette, Clams& wine Linguine,smoked salmon Risotto,chocolate,caramel , almond icecream. 以上菜式賣相都好好，味道都唔錯，但可惜Clams& wine Linguine既蜆有啲有沙，但碟麵同飯都好好味，甜品ok.最推薦係Pancetta Leek, 鹹度適中，十分香口。

周未放工約咗朋友去灣仔行吓，佢話要帶我去食平民法國菜。係蘭杜街中段，裝飾修得清雅嘅小店，座位闊落好舒服。牛油果雙重奏班尼迪蛋$100另加煙三文魚$25朋友推介嘅牛油果雙重奏，香濃嘅牛油果醬，配合香脆嘅多士，加埋班尼迪蛋，多重口感，對於牛油果粉絲嘅我覺得好驚喜！👍😋法國空運藍青口大大一碗！份量有啲多。藍青口size雖然有啲細嘅，但係粒粒飽滿鮮味。新鮮炸嘅薯條好有質感，配埋蒜蓉蛋黃醬，味道出奇咁夾呀！😋👍牛油沙糖及檸檬汁可麗餅配上檸檬汁嘅可麗餅酸酸甜甜都幾好味，本人建議用粗粒沙糖增加口感應該好啲。芒果鮮橙汁天然鮮榨嘅果汁，兩種果汁都好濃郁，但係又意想唔到咁夾，好正！👍

今日去灣仔食晚飯我知道朋友鐘意食西餐而且對賣相味道環境好有要求於是揾到Odelice!我係尖沙咀分店食過一次覺得性價比好高決定食多次試埋其他菜式基本上餐牌好齊全前菜，主菜，甜品，飲品各樣都好多選擇我地叫左3 個菜ODELICE! 生牛肉他他配香脆鄉村麵包法式香煎鴨胸雜錦海鮮意粉生牛肉他他賣相好正有隻生蛋係牛肉上撈埋一齊食牛肉份量非常多麵包有4 片極香脆！食哂4 片麵包 仲有生牛肉淨非常足料法式香煎鴨胸中間橙色既係蕃薯茸好香甜鴨胸薄身 煎得好香脆夾埋醬汁同蕃薯茸食 非常對味雜錦海鮮意粉係蕃茄汁底好開胃意粉軟硬度岩岩好海鮮亦好足料有蝦，帶子，魷魚而且熱辣辣即叫即煮 好味道

已經好耐冇喺夜晚外出晚餐！今日終於忍唔住⋯⋯見到灣仔一帶應該冇乜特別阻塞！我和老公決定今晚去這間法國菜嘅餐廳🍴浪漫一番🥰🥰🎈🎈🎈Odelice！🎈🎈🎈咁有情調嘅餐廳梗係一定要開支靚紅酒啦⋯⋯呢啲就係店員介紹我哋話佢嘅味道比較濃郁🍷Puy Guirande價錢只是$265！超值！來自法國🇫🇷含有豐富水果香氣⋯⋯沒有澀味🍷👍特色主廚拼盤材料非常豐富！而且非常新鮮！帕爾馬火腿好甘香！巴馬臣芝士配搭紅酒🍷超正⋯⋯法式豬肉腸充滿油脂嘅香氣yummy🥰呢個配搭紅酒非常出色！法國空運黑青口黑青口雖然細細隻但柔軟而鮮甜！滋味無比！非常新鮮！而且份量都唔少！佢嘅湯汁都比我飲晒啦😋🤨好鮮甜！備有鬆脆嘅薯條！👍👍經典黑松露雜菌燴飯飯粒煙韌！配以松露白酒雜菌汁！香氣撲鼻⋯⋯係我嘅至愛！法式可麗餅配以朱古力醬丶海鹽焦糖丶鬆脆嘅杏仁片丶雲呢拿雪糕🍦🇫🇷法式名菜點少得㗎😬作為一個最完美結尾🥰🥰最後我覺得呢度嘅服務質素超高！非常滿意！上次我去澳門大倉酒店的和庭餐廳坐低唔夠5分鐘就已經上主菜😂這裏係你完成每一個菜式才上另一個菜式👍👍👍👍👍

喜歡吃西餐但又唔想帶大堆頭嘅美式酒吧餐廳， 今晚帶咗朋友去了一間法式小館， 地點在灣仔街， 坐落於小橫街， 靜中帶旺， 餐廳裏面嘅裝修也有巴黎小館嘅風貌。牛油果吞拿魚他他造型好靚， 用吞拿魚比較少見， 底部嘅汁非常特別， 帶有些中式醬油味道， 配合牛油果蓉和淡味嘅吞拿魚原來好夾， 味道也很清新， 頗有驚喜的前菜。黑松露蘑菇湯黑松露油味道濃沃非常， 令蘑菇湯生色不少。附上 的烘法包夠脆還塗上些香草橄欖。蘑菇蓉湯幼滑香濃， 分量也很大，  喝了會很飽，二人share比較好。蘋果牛油果果汁真材實料，即叫即榨。 加上牛油果有比較滑身效果， 不錯的特飲！白酒藍青口經典嘅法國藍青口做法， 充滿忌廉， 蒜味和白酒香， 令人吃不停口 的一道經典菜。 旁邊的粗薯條 更係即炸起， 熱辣辣香口又有澱粉質落肚， 店員解釋蘸返黑松露味沙律醬就不會破壞青口本身嘅鮮甜。香蒜蜆意粉不得不讚那些煑得剛開口嘅蜆， 既肥美亦鮮甜， 配上蒜香十足嘅意粉湯汁， 意粉硬度適中，美味極了！意式煙肉京蔥蕎麥薄餅濃郁嘅 白汁忌廉鋪土香口嘅煙肉 和一隻生雞蛋， 撈勻吃 入口幼滑煙肉味香， 配上外脆內軟嘅蕎麥薄餅， 味道層次豐富， 這就是