Ocio (已結業)

現在餐廳都變得人流稀少了，但都阻唔唔到我肚仔餓要食番一餐，今日來到Ocio食個Lunch😋餐廳環境闊絡，而且有一片長長的翠綠草牆，即時令人感到舒適、放鬆。設有假日午市套餐，價錢由$75 - $135不等，而且選擇都非常多...早餐都有龍蝦食...真係超豐富呀😋。是日餐湯入口順滑，味道濃郁。黑松露雜菌意大利飯 - $78雜菌味道香濃，而黑松露跟醬汁都滲透了入米飯內，煙韌又彈牙，非常Creamy 。奧斯芝士牛肉漢堡配薯條 - $88賣相相當吸晴，牛肉漢堡配上香濃爆滿的肉醬，未食都流哂口水。漢堡切開，熱力溶化了的半熟芝士包圍著足料的配料，漢堡肉汁豐厚，但鬆化軟熟，一流。玫瑰咖啡拉花滿美的，玫瑰花香味濃郁順滑，而且不會出現死甜的情況。

西餐自己煮比較麻煩，倒不如出去食，早排食過呢間lunch set既好味又抵食。燒汁牛肉粒意大利飯飯粒軟硬度適中，牛肉粒口感有些少硬但夠香牛味🐂，鹹鹹甜甜嘅燒汁配搭得宜。中午食呢個番份量亦岩岩好。奧斯芝士牛肉漢堡薯條麵包皮脆內裡鬆軟，加上嫩滑漢堡，惹味肉醬，香濃芝士，多汁蘑菇，焦脆煙肉，清新蔬菜番茄，口感層次豐富，係超級好食😋薯條都好香薯仔味，🍔漢堡包加🍟薯條嘅組合係超級飽肚。✌🏻我發現餐牌仲有軟殼蟹漢堡同炸魚漢堡，雖然唔係lunch set，但我下次黎一定要試下🤩另加小食，奧斯水牛城雞翼🐔雞翼係香港人最愛嘅食物之一，唔可以錯過，酸辣汁包裹住雞翼，十分惹味，雞翼肉質嫩滑👍🏻可以享受到咁高質量嘅西餐，又包埋一碗餐湯同飲品，環境又舒服，兩個人都係200蚊左右，值得一試🥰

葵芳新都會廣場呢幾年實在好多改變，室内室外各有特色，同時也引入了好多餐廳，平貴皆有，今日來到這間『Ocio 』餐廳，應屬平，靚，正之選啩。呢款『芝士白汁海鮮焗飯』只是68蚊，就包埋餐湯同餐飲，好吸引係唔係?内有好多菇菌及魷魚，而面嗰層有微焦的金黄色，聞到好香芝士味，將所有撈埋一齊依然感受到芝士和飯粒之間的痴纏。而『奥斯特選全日早餐』，亦同樣有餐湯，餐飲跟，内裡食物豐富，有煙三文魚，格仔餅，焗蕃茄，滑蛋，雞扒，薯條，腸仔，沙律菜，够晒營養，足够1天的能量。

來葵芳接朋友收工 一起去食晚餐～.🌸是日餐湯🌸 日式鐵板龍蝦汁魷魚意大利飯 HKD | 128超香濃嘅龍蝦味 魷魚🦑新鮮且入味～ 上面滿魷魚絲。鐵板燒上 但d飯唔會痴鍋邊 粒粒米都好飽滿～推介.🌸 黑松露軟殼蟹意粉 HKD | 128黑松露味撲鼻而來 意粉🍝質感有韌性 但唔係彈牙煙韌 配上黑松露汁 食過翻尋味。酥炸軟殼蟹 外酥內軟 蟹膏蟹肉一齊咬 超Juicy.🌸+跟餐小食拼盤 HKD | 49有炸魚 炸蝦🍤 薯條🍟 和咖哩角，配上沙律醬~ 新鮮熱辣辣 .🌸青蘋果🍏冰茶 HKD | 19🌸凍奶茶

Ocio 之前我都幫襯過佢幾次旺角嘅分店，印象非常唔錯，都可以話係其中一間拍拖嘅時候鍾意去嘅餐廳。最近發現佢喺葵芳開咗一間新分店。裝修同環境似乎比旺角更加靚。今次特登就嚟試下啦。店鋪面積唔大。不過牆身就整咗一幅大草地，啱曬俾人哋打卡。同時座位都闊落嘅都坐得幾舒服。是日晚餐基本上最平98就有交易，set dinner嚟講都算幾多選擇。忌廉湯。味道正常不過不失。奧斯芝士牛肉漢堡配薯條。用自己個招牌名嚟做嘅漢堡，果然係冇選擇錯，分量非常之大，而且漢堡嘅餡料好充足，有煙肉，肉碎同漢堡扒等等。朋友話哩個漢堡都幾好食。值得推介。香草三文魚扒配薯蓉。而我今次就試下新野，但都果然有驚喜喎。三文魚非常厚肉。而且外皮煎得好香脆，食起嚟感覺就係外脆內軟，而且分量都唔細。而薯蓉就做得好夠綿。巨峰提子茶。呢個真係幾好飲。相當濃烈嘅巨峰提子味，但佢嘅提子味就唔會掩蓋茶嘅濃味，可以話係處理得恰到好處。總結。餐廳環境坐得舒服，食物同飲品嘅質素都有保證。推介大家嚟試下。

新年假期尾聲同老公去新都會買完野順便食埋晚飯行過見到呢間Ocio，就一於試吓先晚市18:00-22:00選擇都幾多，有17款咁多套餐包左餐湯同飲品甘筍忌廉湯質感豐富，酸酸甜甜，老公話薯仔蓉味好重😛老公揀左8.刺身帶子海膽明太子意粉(每日限定12份😳)帶子表面略略煎過，香口得黎幾鮮甜海膽明太子汁料好足，入味又有少少辣，正！我揀左 3.茄汁雜菌虎蝦意粉個茄汁味啱啱好唔會過酸，好開胃，又多菇虎蝦大大隻，好好肉，不過可惜得一隻🤭隨餐可以加小食我地加左一份 奧斯芝士薯條+$39用鑊仔上碟，熱辣辣，滿滿芝士沾滿薯條上好香芝士味，芝士味亦唔會過膩薯條好脆，好味。黑糖牛奶 🥛熱好重黑糖味，奶飲落好滑仲有好用心既拉花公仔甜品揀左鑊仔伯爵茶雪山熱香餅 $79賣相擺碟好吸引，而且仲有我最愛既伯爵茶賣相好似疏乎厘pancake食落就厚實感多，伯爵茶cream好濃，正每一口連埋一齊食都幾好食！老公點既凍檸茶🤣🤣

吃過幾次OCIO, 記得每次的食品和服務水準也不錯, 甜品窩夫更是令人難忘。原來葵芳也開了分店, 既然不想太花心思去找新地方, 就走入CAFE 吃一個較"穩陣"的晚餐吧。 葵芳店的感覺更為開揚, 柔和燈光氣氛輕鬆, 坐得更舒服。最簡單就是每人點個SET DINNER 吧! 其實已有十多款的選擇, 總會點到心水的。先送來熱辣辣的忌廉粟米湯, 把粟米粒打茸後再以忌廉烹調, 十分CREAMY。帶甜的粟米加入少少香草, 味道更有層次,  簡單又美味的餐湯。天氣凍不其然會多點了溫度較高又飽肚的食品, 所以今次揀了日式鐡板龍蝦汁魷魚意大利飯。很喜愛看鰹魚片在飯面上跳舞, 感覺得特別誘人, 好像向我招手, "快啲食我啦"龍蝦汁煮的意大利飯味道豐富, 加上魷魚等的海鮮粒, 帶有陣陣海鮮甜味。而野菌不但令口感更為有層次, 它們更是吸收了海鮮的美味, 十分好吃。而我很喜愛這兒的意大利飯的質感, 不會太軟太濕, 還留有少少咬口。這種一隻匙就能吃完得飯最合懶人心水 ~另外我們點了刺身帶子海膽明太子意粉本來是有海膽的, 但店員先告知了當日的海膽品質不佳, 有問我們會否介意換上了蟹籽或更改點餐。想一想蟹籽配這個意

Ocio-葵芳行開葵芳見到OCIO 開左新店，裝修很細緻裝修很時尚，坐位都寛落牛肉芝士漢堡配薯條薯條炸得外脆內軟食材一律都非常高質，手打牛肉超多汁!好味配芝士都好夾all day breakfast有薯條、蕃茄、香草雞扒、炒滑蛋、香腸、沙律同埋窩夫，超級豐富都好足料！炒蛋，看似很滑溜滿有蛋香！而窩夫蘸埋楓糖漿一齊食吃後，必能給人充滿力量。炸薯條炸至條條金黃，色澤平均，熱辣辣兼香脆。每樣都係我鍾意食，個質量都唔差，非常抵食。整體高質，非常滿足嘅一餐。

放完年假，成個香港都氣氛麻麻之際，仲要番工既日子。。。唯有去食番啲甜野哄下自己。。。我之前一路都無食過呢間西餐廳，但聽聞佢地係做甜品，窩夫呢啲起步既，所以對佢地既甜品都幾有興趣。dinner set選擇都唔少，飯，意粉，漢堡，扒等等都有齊。甜品方面更加係有勁多選擇，種類超多！最後同朋友叫左一個set，一份甜品share。蘑菇湯入面有好多蘑菇粒粒～好足料！不過略嫌咸左少少。加15蚊既煙三文魚沙律都幾新鮮，煙三文魚乾爽，完全唔腥，沙律菜都唔覺有黃個啲，沙律醬都唔會過多，唔錯。我地揀既主菜係刺身帶子海膽明太子意粉，帶子新鮮，有一面稍為煎過一下，幾香。海膽收埋左係紫菜堆入面，雖然份量唔多，但係質素唔錯，都算甜。意粉質地煮得剛剛好，口感唔錯，但調味方面我覺得有啲似沙律醬，應該稍為改番似忌廉會更好。另外其實我唔係好分到撈係意粉到既係咪明太子，不過味道係唔錯既，帶少少辣！另外叫左黎share既甜品係鑊仔伯爵茶雪山熱香餅。佢既pancake質地好軟身，雖然未去到入口即溶，但係已經好接近呢個程度！！伯爵茶味既醬都幾唔錯，唔會太淡味。不過因為份量比較多，一個人食我覺得會有啲太膩，兩個人share就岩岩好啦

話說依間餐廳都幾出名成日行街都會見到佢之前幫襯過旺角嗰間真係好驚艷所以今日係葵芳都特登去食！同樣都係有晚市set嘅餐湯+主食+飲品，真係好食夾大件今日嘅餐湯係薯蓉湯飲落係可以感覺到果種濃稠不過個人覺得淡左小小，自己加左啲鹽同黑胡椒落去，即刻勁好味主菜方面叫左一個all day breakfast 好足料同埋好好味😋有煙三文魚、沙律、粗薯條、蛋、雞扒、pancake同茄汁豆。每樣topic都好有水準，但最欣賞反而係個炒蛋，應該落左好多奶落去炒，食落有好濃郁嘅奶香，好滑好正😚推薦大家一試另外一個主菜係叫左個焗千層面，一樣都係超大份，好抵食，但依一間嘅調味略略偏淡，如果可以重口味小小就真係完美喇。最後甜品方面，我地order左個朱古力窩夫，窩夫食落外脆內軟，配埋個雪糕同brownie一齊食真係好有層次又唔甜！推薦！！

我覺得我個標題都幾表達曬。入到黎，好令咁啦。餐牌又好令咁啦，價錢就都貴嫁。牛排，味道還好，唔算得上好易入口個種。雞翼，還好，好咸下，如果食得淡一啲既人應該唔會鐘意。意粉，份量都幾多咁，正常發揮。甜品一，個餅身太普通，真無咩特別。甜品二，太太太甜。價錢，4個人食咁。

今晚收工去咗葵芳新都會廣場食晚飯！呢個場好多餐廳！行吓睇吓🤔見到呢間Ocio啲dinner set都幾吸引！一於入去試吓😆Dinner set 都好多選擇！仲可以加隨餐小食正呀！我叫咗8號餐跟埋餐湯同花茶😊刺身帶子海膽明太子意粉帶子海膽刺身好新鮮配埋有少少辣既明太子真係好好味😋😋😋甘筍忌廉湯蜜桃紅茶野菌大蝦沙律🥗呢個沙律配既沙律醋酸酸地好開胃配埋啲炒咗既野菌同大蝦又幾好味👍👍👍蜜瓜窩夫蜜瓜甜度適中 窩夫鬆軟好味😋再加埋啲雪糕！真係大滿足🤗

今個星期尾就係新年喇，所以要趕緊買埋啲賀年禮盒，買之前都係醫飽個肚會比較好。周圍行，見到呢間西餐廳，然後望吓門口嘅menu都有十幾款嘢揀，set dinner有餐湯，主菜同飲品，咁就不如去呢間吧。呢間餐廳畀人嘅感覺都好 fresh，望埋去就有一片綠色，燈光光猛，感覺好乾淨，坐落去都幾舒服。我同朋友點咗兩個set dinner，另外就加配左一個煙三文魚沙律。是日餐湯係粟米忌廉湯，呢度嘅粟米係打碎，而不是打用成蓉，有口感，濃結程度都適中，忌廉味淡淡，唔太鹹，都幾好。呢度嘅煙三文魚沙律嘅沙律菜都幾新鮮，煙三文魚有兩大塊，味道鹹鹹，幾好食，而沙律醬又唔會落得太多，漿住個口。其中一個主菜係黑松露軟殼蟹意大利粉，軟殼蟹好大隻，炸得香脆，但又唔算好多粉漿，鹹味剛剛好。至於意粉食落有黑松露味道，忌廉味道淡淡，好creamy，好食。另一款主菜係海膽帶子明太子意粉，每日限定12份。帶子食落爽口，海膽幾有鮮味，加上上面灑滿紫菜，整體味道好夾。呢款主菜嘅意粉比頭先果款更加好食，因為多左明太子鹹鹹的味道，好入味，食落同樣creamy，超like。呢度飲品都幾大杯喎，我哋叫咗兩杯凍奶茶。凍奶茶味道都正常，通常西餐

臨近農曆新年，放鬆心情約朋友聚舊，放工時間來到最近公司的新都會廣場，晚上六時半左右到這間開了不久的新店，似曾相識的簽名形店名燈牌，原來是第二間分店的Ocio Cafe西餐廳，門外大Menu 一看，晚市套餐選擇竟然有17款之多!而且座落於大商場餐廳算是價錢合理，綠悠悠植物牆身寫著:Food is an important of a balanced diet.簡單易明的金句帶人進入美食的空間。而家卡位與獨立位強調高尚感，均是雲石檯與舒適的Sofa椅襯托。二人談笑間選了兩個龍蝦海鮮做材料的晚餐Share，日式鐵板龍蝦汁魷魚意大利飯$128美國波士頓龍蝦意粉$168晚餐包括餐湯及飲品特飲另外加了$19轉了士多啤梨冰茶。餐湯是薯仔甘筍濃湯，一餐讓人讚好的西餐首要條件是前湯，濃湯口感滑身，加上香草碎後香甜美味，能讓人在工作後嘆到一啖湯的放鬆。日式鐵板龍蝦汁魷魚意大利飯，面層加上遇熱舞動的木魚碎，在鐵板上看似是一個大板燒，吃下去是濃香的意大利飯感覺新鮮，飯層輕易發現龍蝦汁的juicy度，配合切條彈牙的魷魚條，飯量飽肚，香口新鮮。美國波士頓龍蝦意粉，以$168價錢嘆到半隻厚身的中型龍蝦，蝦肉上連著焗

放工後，一個人到葵芳新都會，做野做得辛苦，年尾要埋尾了，所以決定要食豪華一點，可是自己一個人，有些餐廳會無咁好，我就無意中找到oico, 是新開的，見到店外的poster, 非常吸睛。龍蝦加窩夫，又甜又鹹，唔知點食好，問服務員，原來都係建議分開食，比左隻細細碟我放龍蝦。龍蝦上面有一層芝士焗，唔算好重的芝士味，但個芝士醬幾好味，仲可以點薯條，芝士醬加分。窩夫配蜂蜜，絕配，個窩夫好大份，當飯食都唔錯。雖然一個人，今次循例睇下d 甜品，點知服務員話好多都未ready, 又一個再來的理由。