Ocio (已結業)

呢間餐廳真係好垃圾，忍唔住要寫第一篇食評當時是下午茶時間，店鋪只有三成枱有人坐，入座前無講明有限時，當我同朋友食完食物，坐左一陣，一個女待應（相信係比較高級既職員）突然攞張單要我地埋單，埋完單就要我地離開，非常無禮貌，絕對唔會再幫襯意粉及飯好硬，香蕉朱古力窩夫完全無朱古力味亦冇蛋味，兩塊熱香餅中間夾住cream仲差過麥記又係冇蛋味待應不專業，將杯打爛，嚇左食客一跳餐廳抽風設施差，有大陣油煙味，非常不推薦,無下次

A friend of mine and I found this decent restaurant serving variety of dinner sets. We kicked the meal off with a delectable cup of creamy mushroom soup - delicate and not savory, with some spices in it!The first main set - soft shell crab risotto serving on black truffle cream sauce. The luscious sauce matched perfectly with the risotto. The black truffle cream sauce really tast.The roasted spring chicken Spaghetti with barbeque sauce was even more to my tastes. Ocio cheese fries - the cheese w

葵芳新都會出名嘢食多。今日揀咗間算新新地嘅西餐廳食個lunch 🤪Lunch menu 有13款。價錢有平有貴。總有一款適合你lunch set 包埋🥣+ drinks 🍹 黑松露雜菌飯～飯比較杰身鍾意食一pat pat sauce 嘅就一定唔好錯過茄汁蒜香🧄雜菌蝴蝶粉～呢個粉兜住d醬汁。啖啖滋味仲有雜菌做青椒作伴。味道提升不少。加$49 有🐟🦐🦀小食拼盤～🐟尤其出色。完全🈚️雪藏味🤣熱0茶😬用twining 茶包。感覺高人一等😂

今日到了一間裝修很細緻的西餐廳，他坐落於葵芳新都會廣場2樓270至271號，裝修很時尚，店員亦精力充沛，我點了以下套餐：套餐包括- 粟米餐湯和送凍/熱飲一杯可自行加$19轉特飲7號-黑松露軟殼蟹意大利飯配上熱蜜桃紅茶-軟殼蟹比平時的很大隻，炸得很香口-意大利粉配上的秘製醬汁，非常夾8號-帶子海膽明太子意大利粉配上凍檸茶-帶子很爽口、再加上明太子，咬下去啖啖都有驚喜-意大利飯煮得剛剛好，不太硬亦不太甜

新都會裝修咗之後，好耐都冇去過葵芳，今日專登過黎行吓，又係到食晚飯時間，行過呢間西餐廳，望落門面同入面都好grand，坐位都寛落，於是入去試吓。我見佢地嘅晚餐都幾抵食，所以叫咗2個set dinner,首先黎個餐湯，今日係薯仔煙肉湯，個湯好creamy,薯仔味勁重，應該全個湯都係薯仔打成蓉而煮嘅，配合埋d煙肉粒，好夾好正。主菜叫咗帶子刺身明太子意粉，每日限定12份，好彩我地早去仲有呢個餐，有3隻珍寶帶子刺身，帶子表面用火燒過，所以面頭有少少焦焦地，帶子好鮮甜好新鮮，意粉個明太子汁好creamy,勁多明太子黏住d意粉加仲有紫菜同大量蟹子喺上面，撈埋一齊食，勁正。我見呢度個All Day Breakfast嘅份量都幾大堆頭，所以又叫黎試吓，呢個餐有窩夫、炸薯條、沙律、茄汁豆、煙三文魚、德國腸仔、炒蛋、煎雞排，每樣都係我鍾意食，個質量都唔差，非常抵食。我地仲叫多個水牛城雞翼，一碟有5隻咁多，隻隻都勁大隻，外皮脆卜卜，個醬汁酸酸辣辣好開胃。最後唔少得餐飲涷檸茶做結尾，非常滿足嘅一餐。

最近葵芳新都會廣場開了一間新的西餐廳~~見評價都不錯，一於去試一下~~😌😌😌座位空間尚算寬闊，不會是人迫人那種~~而且裝修頗雅緻，牆身一片綠林🌱🌱🌱椅背是像黑鑽石形的樣子~~配上雲石枱~~頗適合女士們聚會打卡~~😎Set dinner選擇豐富，共有17款~~都奉送餐湯和飲品，還有小食可以加配~~選擇困難症又出現了~🤣🤣🤣餐湯: 蘑菇忌廉湯 (跟餐)蘑菇湯香味很濃郁，每啖都有蘑菇粒🍄香香滑滑，非常好喝~~奧斯特選全日早餐 ($98)全日早餐非常非常豐富~~🍽食物種類多，份量也不少，性價比高~~煎雞排皮脆肉嫩，香味十足，好吃~~🐥炒蛋是香香滑滑的那種，綿綿的~~🥚豬肉腸質感厚實的，咸咸香香~🐷燒三文魚味道正常，卷成玫瑰花形，頗有心思~🐟沙律菜新鮮爽脆，配上沙律醬，開胃健康之選~🥗蕃茄超厚切，烤過後極多汁~🍅茄汁豆就是罐頭那種，正正常常~~薯條是粗身，香脆，唯有點調味會更佳~~🍟窩夫蛋味香濃，外表烘得香脆，口感厚實，配上楓糖醬來吃，好吃好吃~~🤤🤤🤤醬燒春雞意粉 ($128)有半大隻燒春雞，份量很足~🐥外表塗會燒烤醬、香草，酸酸甜甜，烤得很入味內裡雞肉咸咸香香，不會太乾，整體來說好吃~配上份

成年都冇去過葵芳行街街了，本來想去葵涌廣場掃街算，但喺新都會都有好多野睇，掃街留黎下次，今次喺新都會搵野食，照舊大型連鎖唔想食，我地 search 就搵到 ocio 試試，早食唔駛點等就安排到入座了，晚餐時間揀番晚餐 menu，dinner set 有唔少選擇，我地各自試唔同野，太太選擇奧斯芝士牛肉漢堡+薯條，而我就選美式 BBQ 醬烤原條豬肋骨+薯條Main course 未到先飲兩個餐湯暖暖肚，開開胃，湯唔稀，自然就飲哂佢😆Main course 到了，先黎我嘅 BBQ 醬原條豬肋骨，好大條，而且醬汁好香，到食落口醬汁會有 dd 辣，滋味，豬仔骨夠味，連太太都話好食 😋太太嘅 main course 都到，未埋檯聞到牛味，而且仲熱辣辣，要等一等先食，避免燙傷個咀，漢堡厚嘅，所以咬落口感滿足，加埋醬汁仲美味，攪到我都搵太太分多 d 比我食另外大家都有薯條，不過我嘅餐有茄汁跟，但味道冇檯面提供嘅 Heinz 咁濃，我自己就岩哂最後飲埋兩杯餐飲休息一陣，享受餐廳嘅環境後就繼續下半場行街街

經過見有新開西餐，裝飾幾靚又坐得舒服，就入去一試新店價錢以西餐晚餐嚟講，都幾抵食，$100左右有埋湯同飲品跟餐白湯係粟米湯，有粒粒粟米蓉混埋，口感同味道有驚喜全日早餐真係打卡一流，賣相超級吸引，好豐富！炒蛋軟滑、雞胸扒煎到外層香脆、窩夫厚實，仲有腸仔+沙律同薯條！份量真係好多，要兩個人share先食得完最愛嘅黑松露意大利飯，飯粒較硬身，黑松露味夠濃，配埋炸到香脆嘅軟殻蟹整體性價比高，環境舒適，可以一試

第一次食左個芝士野菌墨魚意大利飯（大約係咁既名）好膩，除左咁之外好似無咩其他味道，好似pizza hut 啲芝士仲整得香過佢。個餐湯都幾味精好似罐頭湯，杯咖啡都好普通仲要唔夠熱。第二次響諗唔到食咩既情況下再去試多次，下午茶啲煙三文魚班尼迪，無咩太特別，都幾細份，但2次去都有同一個感覺，就係食野既時候覺得好焗，廚房啲油煙供晒出黎而餐廳本身抽風真係麻麻地，食完走咗都成身油煙味好耐都唔散，價錢都唔算平又要加一，咁既環境真係令人卻步⋯⋯

同老公食晚餐🥣 叫左全日早餐 超級豐富呀！有炒蛋 黃豆 腸仔 沙律 薯條仲有窩夫 雞扒！真係勁大份呀！盡對飽肚炒蛋都有大份唔洗怕唔夠飽我地仲要做跟餐有餐湯有蘑菇忌廉湯！好好飲呀好推薦一定要飲好香磨菇味再加多個黑松露軟殼蟹意粉黑松露好足料好多！唔係求其比少少就算軟殼蟹嘅蟹膏都好香仲要原隻上好有誠意然後我哋跟餐叫多個水牛城雞翼有成五隻咁多跟餐只不過係30幾蚊有五隻真係好誇張好抵食餐飲叫咗杯英式紅茶個杯好靚呀用黎打卡岩曬呢間餐廳真係大件又抵食

有晚放工經過新都會見到間新開既餐廳，望落去個環境好好，感覺清新的裝修，比較簡單。見個價錢唔太貴，就入去試下。set dinner 既選擇都幾多，我點左個all day breakfast，一上枱已經嘩了一聲，因為覺得好豐富，好多野食，有兩條腸，薯條，雞扒，炒蛋，蕃茄，茄汁豆，沙律同煙三文魚，個賣相已經非常吸，而味道都係好好食，特別想講塊雞扒煎得岩岩好，舊肉唔會太乾，但塊皮香脆。薯條係粗薯，外脆內軟。最後食埋個waffle配蜜糖，感覺好圓滿。個忌廉粟米湯都好好飲。呢餐食到好飽，好大碟同好抵食。

［葵芳］OCIO呢間以前係旺角就食得多估唔到嚟葵芳開分店～佢比起旺角分店闊落坐得都幾舒服.粟米餐湯同旺角分店一樣味道佢雖然唔係好creamy果種不過好濃好香粟米味～.刺身帶子明太子意粉食剩指數：0/100 帶子好大粒好新鮮彈牙佢係刺身帶子表面燒得岩岩好好似火灸咁～肉質鮮甜明太子就少辣配埋個魚子撈落意粉唔錯.美式BBQ醬烤豬肋骨配薯條食剩指數：30/100 豬肋骨個醬唔錯輕微既辣度配菜薯條都幾多加埋沙律都夠飽既

約左個好耐無見既朋友係葵芳放工食飯，見新都會新開左西餐廳就試下。餐廳唔係好大，但閒日夜晚都唔洗點等位，我地兩個人坐左係角落，個感覺都好舒適。我地點左晚市套餐，有湯主菜同野飲，價錢唔算貴。我地叫左個漢堡包餐同一個甜品share 食。我地叫左4號奧斯卡芝士牛肉漢堡包，個漢堡包好大舊，我切開一半個漢堡包都唔會散，塊牛肉好厚好大舊，個醬有點似肉醬，再有兩塊煙肉，個漢堡包整體味道唔錯，個份量大件，我地兩個人食都已經覺得好夠，個薯條粗粗地而且都好脆，仲有新鮮既沙律菜。值得提一提，我覺得隻碟好靚。餐廳環境很好，好適合朋友聚會。之後我同朋友都覺得甜品meal 好吸引，每款都好想試，但因為個漢堡包太大，已經有點飽，想點兩款但最後只點了一款，我地揀左 焗75%朱古力班戟心太軟，覺得幾特別，未食過班戟心太軟，個班戟皮好脆，而且即點即做，熱的濃味朱古力配凍的雪糕，好好味，喜歡朱古力的朋友一定要試。總結呢餐飯食得好開心。

行完葵涌廣場，過左黎新都會廣場，落到二樓，俾我睇到原來呢間餐廳嘅下午茶係好少人。如果想同朋友靜靜地享受下午茶時光，我諗呢度係唔錯嘅選擇。煙三文魚班尼迪（$58，下午茶）- 個荷蘭醬酸酸地好開胃配埋水煮蛋真係好完美， 煙三文魚有少少鹹，但係加埋蛋同埋啲醬就唔會覺得鹹，都幾夾！ 如果你第一次食egg Benedict，我覺得呢個可以一試！黑糖牛奶 （$19，跟餐價）- 黑糖嘅香味同牛奶好夾，喺冬天飲好適合，難怪珍珠奶茶黑糖奶茶店周圍都係。蜜瓜雪山熱香餅（$98）- 擺盤好靚，首先有星星脆糖作裝飾， 有個鬆軟嘅梳乎厘pancake， 入面有雲呢拿雪糕，半個溫室蜜瓜入面裝住有綠色嘅啫喱， 口感豐富。不得不提密瓜非常之甜，貨真價實，絕對唔係好淡嗰種，食到底都係好甜， 你會覺得畀100蚊佢食係值回票價，我都係間唔中先捨得叫一次。

新都會開左一間新餐廳，趁著放工，相約朋友去試下。餐廳有一定既空間感，唔會太迫，坐得幾舒服。 由於我地兩個係肉食獸，點左個加拿大保濕豬鞍同埋美國安格斯肉眼套餐。 是日餐湯方面，有薯仔湯。呢間餐廳好有心，薯仔湯有濃郁薯仔味之外，仲有細細粒薯仔提高番個口感，而且味道剛剛好，唔會太咸或太重味精。 唔知係咪知道我地share 食既關係，先出左個牛，食到差不多再上個豬，好細心. 7成熟既安格斯牛好正，部分脂肪帶出成個牛既油香味，甘香可口。 朋友超鐘意個豬鞍，爽口，煎得好香。 兩塊扒都好新鮮，冇雪藏味。 餐飲選$33以下不用加錢，我地不約而同揀左香桃紅茶。 上面仲有一小塊新鮮薄荷葉，影相都好睇d,哈哈. 我地額外再點左煎虎蝦同埋甜品。虎蝦都幾大隻，鮮美爽口。 甜品揀左伯爵茶熱香餅，好鐘意佢toppings 有棉花糖，熱香餅好鬆軟，口感似梳乎厘。 今晚既野食好有驚喜，同朋友歡聚到餐廳打洋。