Ocio (積存街) (已結業)

大圍有很多甜品餐廳，間間都各有特式，早前試了開業不久的OCIO門面裝修用上好搶眼的湖水藍色，裝潢都挺有格調沒想到有多款下午茶餐，每款茶餐都好吸引，既有甜點又有鹹點------------------------------🐶原味窩夫配雲呢拿雪糕($39)這碟一上枱已經聞到很香的窩夫蛋味，窩夫新鮮焗起超香但不是很香脆那種，但我還是喜歡較香脆的窩夫但整體配搭著蜜糖和雪糕來吃，很滿足！------------------------------🐶自家制紫薯熱香餅配雲呢拿雪糕($39)呢個紫薯熱香餅很特別，內裡夾左紫薯餡料還有糖漿和雲呢拿雪糕配搭來吃三者味道很夾，淡淡的紫薯味，不會太膩

很多人說大圍有美食， 但居住於大圍區的我， 總覺得大圍沒什麼好吃， 也許是吃得太多所以也厭倦了 ，不過對於不是住大圍的人來說可能覺得種類繁多。我家姐跟我說最近大圍開了一間餐廳，她曾經在那裏吃過晚餐，覺得不太遜色， 所以就推薦我去試試。當日下午我決定去試試看， 因為我本身是熟悉大圍，所以也容易找得到，但如果不太熟悉大圍的話也算挺難找到的，可算頗隱藏！午餐的內容也算為吸引，室內的環境給人感覺也是挺舒適的喜歡吃牛的我點了8號 紐西蘭肉眼扒配紅酒燒汁意粉，女侍應都主動問需要幾成熟，我答三成熟， 因為我喜歡吃牛扒都是裏面有一點血， 五成也對我來說太熟了。 另外我朋友點了6號忌廉菠菜海鮮意大利飯， 上菜的時間也不會太耐大概七至十分鐘 就能上菜了不過唯一失望是用肉扒煮得太耐沒有鎖住肉汁。不但乾身口感也非常煙韌象吃香口膠， 紅酒燒汁的味道也很淡，整體都不好吃，而我朋友的意大利飯比較好吃， 他跟餐的紅茶主要都用茶包沖製。最後都覺得這間餐廳沒有很特別，希望能把牛扒的熟度掌握好

之前食過都覺得呢間餐廳ok，見元旦日食好啲慶祝下 ，去到唔使等位就入座，因為阿仔趕住1個鐘後食奶，我地好快搵職員A落咗單，因為想快，只係叫set lunch，一個意大利飯一個肉眼扒，乖乖等食，但等咗半個鐘都淨係上咗個湯 見唔對路我向職員B追order 佢話整緊 我地知人多，等得耐，不以為然繼續等 過咗十分鐘 職員A走嚟同我哋講 我地order嘅肉眼扒賣晒 我哋好嬲 無又唔早講 話曬等咗超過半個鐘 最嬲嘅係 隔咗陣隔離枱遲過我哋落單同入座嘅客人竟然上咗兩份肉眼扒 呢個係咩玩法！！ 遲過我地入座，落單竟然有得食先？ 職員A同職員B仲 好似好無辜咁 負責人走出嚟淨係識講唔好意思 完全冇想辦法解決問題 其實佢大可以拎隔離枱一份肉眼扒畀我哋 以後唔會再幫襯

網上搵到呢間餐廳，見到環境同野食都中上級，價錢又唔算貴，決定黎呢度同女友慶祝紀念日。晏晝打定電話book枱19:30，最後早左18:45到都有幾張枱可以即刻入，幾個字之後就full晒了。煙三文魚凱撒沙律：三文魚夠晒鮮味同質感煙雞胸沙律配油醋汁：雞胸肉食落都唔會好「鞋」酥皮餐湯：個湯係叫餐之後半個鐘先到，食緊主食先見店員拎出焗爐焗，個湯好似有啲稀，同埋原來轉左酥皮就冇餐包燒BBQ豬仔脾配新薯及扒茄：有成5支骨，每支都唔少肉香草牛油焗立魚柳伴薯仔及沙律：不過不失，魚夠滑同大份蜜桃紅茶+甘菊香草茶石板街蛋糕：全日重點來了，叫飲品時靜靜雞將紙仔連同menu交比店員妹妹，叫佢幫手用朱古力筆寫隻字上甜品碟，點知轉頭向我做口形話寫唔到。心諗間餐廳有甜品同雪糕點解冇朱古力筆，最後塞左我一早預備好嘅私伙朱古力筆比店員妹妹，有驚無險終於搞掂個蛋糕有好多層，每一層都好厚食完呢個甜品整日任務就圓滿結束，突登寫呢篇食評來答謝餐應和妹妹幫助。

朋友快要生日，特地到她家附近的餐廳預先跟她慶祝一下。據朋友說，大圍那邊咖啡店不多，所以這家餐廳人流非常多。幸好我們預先定了位置，所以不用排隊。餐廳位置挺偏僻，不是很好找。門面看上去好像去了外國旅行的樣子呢。我們點了一個餐，另外散叫了一些。這是跟餐的餐湯。普通的羅宋湯。叫餐加三十九元就能多這個辣味水牛雞翼。真是挺辣的，不過新鮮炸起，很香脆很嫩滑呀！朋友想吃風乾火腿，我們點了這benedict。那薯條又是新鮮炸的，很軟很綿呢！水渦蛋煮得剛剛好，一捅蛋汁就流出來了。風乾火腿味道不太濃。底層還有波菜。整體吃下很有水準！我點的伯爵紅茶，跟餐不用加錢。有它家自己的杯子！茶味香濃，真是一個悠閒的下午配上香濃的下午茶！朋友點的水蜜桃茶，很大塊的水蜜桃肉，非常足料！不過我們都覺得太甜了。下次可以叫少甜。珍珠帶子鵝肝飯。跟餐的。這飯是平時我們吃的飯，不是意大利飯。我挺喜歡這樣，不會太硬。飯裏面還有很多菇！黑松露香味也很突出。鵝肝外脆內軟，中間是粉嫩的，味道很足。我們就這樣吃，也可以和飯攪拌在一起吃。最後甜品！雜莓窩夫！看上去就很滿足。另外還有果醬另上。切成一粒粒放便進食。把雪糕也順便分了一下。吃下外脆內軟

之前已經嚟過呢間餐廳喇，上次就食得太滿足，個肚唔夠位食甜品，所以今次係一定一定要試返夠本佢嘅甜品。食甜品之前當然都係要有main course 開下胃先啦。黑松露雜菌闊條麵女朋友一向都好鍾意食闊條麵，所以佢極速就揀咗呢個pasta。呢個pasta真係有好強勁嘅黑松露香氣，我坐佢對面都聞到好大陣黑松露味，而且每一條意粉都沾有黑松露醬汁👍🏻雜菌夠juicy，份量都夠多，$79都幾抵食😁奧斯漢堡窩夫伴薯條我諗呢間餐廳嘅窩夫應該都係佢嘅主打之一，因為我睇餐牌除咗主食之外，甜品都有唔少係用窩夫做主題。所以我都嘗試一下揀呢個漢堡窩夫伴薯條。呢個窩夫漢堡係出奇地好味，冇諗到個漢堡可以做到咁軟腍，牛肉味香濃，仲有裏面嘅大菇係非常juicy!! 伴碟嘅薯條都做到條條香脆👍🏻紫薯窩夫配雲呢拿雪糕雲呢拿雪糕上面有啲紫色嘅粉末，亦都睇到窩夫嘅面頭係有點點嘅紫色，睇樣已經吸引到一班中意紫薯嘅人😁而且窩夫裏面真係食到細細粒嘅紫薯，唔係得個殻架！窩夫做到外脆內軟，口感的確很好終極主角終於到啦！上次已經比呢張poster吸引到，好想試呢款甜品～玫瓏蜜瓜雪山！甜品做得好靚呀，睇得出係廚師用心之作。雪糕上面貼上一粒粒嘅星

今晚在大圍覓食，停車在錶位後，見斜對面有間 fusion 西餐廳英文名字特別，餐牌又有另一半喜歡的甜品，於是入去一試。晚餐包括餐湯，以及煙三文魚凱撒沙律，沙律清新開胃。西班牙燒乳豬配酸椰菜及新薯 - 晚餐的主菜，想不到細小的餐廳也能做出如此像樣的西班牙招牌菜，乳豬外皮香脆，內裡肉質依然嫩滑，而份量也不少，相當出色。奧斯漢堡窩夫伴薯條 - 漢堡牛肉外型非常有睇頭，足有半寸厚，用刀切開時，免治牛肉雖有點散，但牛肉味濃郁，口感十足，應該是自家製漢堡扒。紫薯雪山熱香餅 - 外型驟眼看似是普通雙層蛋糕，但卻比蛋糕鬆軟得多，而又不是一陣風的質感。熱香餅面放上蜂巢點綴，除了餅底是混合了紫薯，連中間涵料亦有紫薯蓉，甜甜的口感，即使不沾上附碟的蜜糖仍然十分滋味。香蕉朱古力奶昔 - 晚餐可加 $25 轉特飲奶昔，濃郁的朱古力配上鮮甜的香蕉，非常合拍! 食物上桌不算特別快，但完全感受到這裡的食物都是廚師用心的製作，很多主菜及甜品都是即叫即做，食材配搭特色，賣相也好看呢。

呢間餐廳我食過幾次，因為地方舒服，同埋食物好食，價錢又經濟。午餐我喜歡點個沙律開開胃先，而凱薩沙律個醬酸酸甜甜，仲有大量蔬菜，麵包粒，芝士碎，煙肉碎，非常健康同好味。我同朋友各點了兩個主菜，分別係香草羊架同肉眼扒配意粉，羊架真心好香又夠滑，配埋羊架醬汁更加好食，而三件羊架仲要好厚，加上脆口薯條，茄汁豆，真係好夠飽；而肉眼扒基本上我每次黎都會點，又係大大塊好嫩滑，親覺好震撼，而今次點左五成熟，入口juicy，肉汁一砌落去即時大量流出，口感實在，配埋意粉又好配合，因為意粉可以吸左肉汁同醬汁香味。有感放假想悠閒點，再點左杯榛子咖啡，慢慢嘆，榛子香氣撲鼻，好一個愉快又滿足既下午！

綠茶心太軟呢個有驚喜🤩估佢唔到有咁多流心喺裡面！真係比一般心太軟有更豐富嘅內涵🤩綠茶味濃，加埋呢個奶味較輕嘅雲尼拿雪糕，可以話係一凹一凸，十分配合鑊仔班戟金莎榛子心太軟心太軟就食得多，但換上班戟就係第一次嘗試。班戟皮煎得好薄而鑊仔嘅熱力令班戟嘅溫度一直都保持到暖暖地，配埋冰凍嘅雪糕真係好滿足而甜品嘅size比我預期中大，裡面嘅金莎朱古力流心餡亦都好多，非常足料，可以話兩個人share食都夠金莎嘅fans一定會鐘意呢個甜品

星期日又係時候同朋友聚一聚啦！今次就揀左間西餐廳試下，內裏佈置優雅，燈光昏暗，睇黎店主好鍾意one piece，有不少poster 以下係下午茶餐牌，都幾抵食但由於成朝冇食野既關係，所以就揀左brunch食飽d先黎個暖胃既羅宋湯羊扒好抵食，呢個價錢有兩大舊仲要有埋薯條黑松露味好濃，飯既質感都非常好叫左兩個all day breakfast，由於朋友鍾意食素，我地就交換左d餸真正果餐其實係咁，有窩夫、雞扒、炒蛋、茄汁豆、三文魚、腸仔、沙律，真係好大份呀！

踏完單車周圍搵嘢食，見到e間鋪頭門口幾靚，又近馬路旁邊，喺大圍港鐵站A出口行大約8⃣️分鐘就到達，地點非常方便，主菜叫左黑松露雜菌意粉，黑松露味道非常濃郁，材料香🍄也非常多，意粉被濃郁既黑松露掛住，正，多汁，甜品朱古力香蕉班戟，推介甜品，估吾到e間店舖既甜品做得出色，外觀也非常吸睛，薄薄香濃既朱古力班戟皮包住大大舊香甜既香蕉，配合自家制雪糕，非常香滑，個雪糕味道不太甜呀，正，口感滿足，🙂😬另一個叫左Dinner set ，芝士焗龍蝦意粉，有成半隻龍蝦，啖啖肉，煙三文魚沙律，煙三文魚大大塊，加🔟蚊可轉南瓜酥皮湯，南瓜湯濃郁香滑，酥皮焗得香，仲食到牛油味添丶酥皮吾太厚身，厚度適中，甜品糸朱古力香蕉蛋糕，食到啖啖朱古力及綿綿香蕉，個朱古力香蕉蛋糕口感吾（溜），加$19可轉特飲，我叫左熱朱古力，店內裝修幾靚好有cafe feel

朋友住大圍，放假到他家作客。上一次到大圍還是小時候踩單車，這次再去風貌完全不同，走在路上有很多小巷，矮小的房子有點像長州的悠閒風情。下午茶時間朋友帶我到Ocio，他說他們旺角店的主打是窩夫。我上次也試過覺得不錯。這裡的餐廳全部都在小巷中，不留神會迷路。有黑板畫和開放式廚房，比旺角店裝修更寫意。氣氛相當悠閒。午餐和下午茶選擇也很多。本來想吃闊條麵不過店員說沒有，推薦扁意粉。我們點了兩個午餐和一個下午茶奧斯蝦多士皮脆內軟，蝦肉和麵包炸得剛好，不會熱氣，不點醬也夠味餐湯有點像南瓜羅宋湯。煙三文魚法包三文治三文魚份量足，蕃茄和生菜都新鮮。包皮有點硬，如果可幫忙預先切開會更好。他們的薯條脆薯肉厚，有咬口。香草忌廉汁有點像卡邦尼醬，不過沒有卡邦尼醬的甜，而且意粉半年乾濕狀態。掛汁更好吃。蝦也爽口新鮮。甜點時間本來打算點班㦸抹茶心太軟，不過店員說要現烤，等十多分鐘。我們約了朋友趕時間就只好放棄了。下次再吃吧

約左個文青食飯，佢揀左呢間餐廳。由大圍火車站行過去唔洗10分鐘。呢區都好耐無黎過，記得以前係科學園返工，成日走黎呢頭搵食，間間都好有特色，絕對係我杯茶呢間餐廳，雖然位於舊區的一個小小角落，但竟然full house! 似乎區內都頗居人氣。裝修夠chic, 播著英文或韓文歌，坐下就已經覺得好舒服文青叫左個dinner set，加個酥皮龍蝦湯，龍蝦湯好大份我試左兩啖，好好味，有龍蝦鮮味，質地又夠creamy, 沒有過咸的情況！讚喎！朋友叫的是黑松露帶子意粉，黑松露香氣四溢，帶子大大隻，份量好足！我都忍唔住食左佢小半份我叫的是海鮮配龍蝦汁意大利飯，龍蝦味好濃郁，估唔到兩份主菜都得喎！原本諗住呢類cafe食主食都係一般，但又估唔到有意外驚喜喎我地加錢轉左兩杯特飲，士多啤梨綠茶好正喎！又要講多次（請追回之前食評), 香港真係唔係咁易搵到士多啤梨綠茶。呢個有士多啤梨味道真實，好味！心太軟蛋糕綿密，夠濕潤。見隔離枱食all day breakfast, 下次要再黎試下。

行過隨意入去食餐飯。店面空間感比較小，台與台之間無乜距離，不過裝修方面都幾有情調，可能滿座既關係，店內感覺熱鬧，家庭同朋友聚會適合不過Dinner Set都真係好多選擇，而且都幾特色，可以跟據個人喜好，配搭唔同既前菜，甜品或加小食！煙三文魚雜菜沙律配黑油醋煙三文魚頗新鮮，唔喜歡食菜既仔仔都忍唔住食返幾啖！不過好似唔覺有黑油醋，反而變左日式麻醬，如果配返正，味道應該會更配+$20就可以轉龍蝦酥皮湯！ 酥皮剛剛好，亦唔會油淋淋，唔會太重牛油味，唔錯龍蝦湯好香好濃，鮮味非常，但有點似磨沙既感覺，唔夠滑，口感一般乾炒香蒜風乾腿辣椒扁意粉$138新鮮的配搭，巴馬火腿可以混扁意粉食，亦可單獨食又得2種食法都可以食到火腿既香味，意粉炒得夠乾身，軟硬適中，但係都幾辣，仔仔食左幾啖已經食唔到，如果蒜香味濃一點， 辣味小一點，平均啲應該會不錯甜品：Ocio精選紫薯拿破崙（仲有綠茶味）賣相不亞於正式甜品店，的的式式，估唔到Dinner set有埋甜品可以揀，呢款仲要係包埋，拿破崙有小小似梳打餅，紫薯蓉都幾甜，款式幾特別！士多啤梨奶昔我同仔仔都好鐘意呢杯飲品，士多啤梨味夠香夠鮮，又唔算甜，亦都唔會話太膩，大大

今天難得來到大圍，聽說朋友介紹這間OCIO不錯，就試試吧！一間很舒服的cafe~食物種類很多！我和朋友點了兩份set dinner 一起share.我點了帶子卡邦尼意粉，set dinner 包了一份沙律，我選了煙三文魚沙律，份量足夠，也律新鮮，前菜還配了洋蔥湯，也不錯的，不過如果味道濃一點更好。主菜是帶子卡邦尼意粉，我很滿意，味道很香，還有幾粒帶子，配上小小蘑菇，很滋味另外也是一份洋蔥湯和火腿沙律我比較喜歡煙三文魚，主菜點了份all day breakfast ~份量足夠，二人分享會較好，腸較油，但也很香。不錯的。還有一份蜜糖waffle ~ 這個餐也很多食物，幾抵餐飲方面，我很喜歡他們的熱巧克力，很濃，朋友說他的芒果沙冰也特別好味！這個set dinner 還送甜點，我點了雪糕，總結來說也吃得很飽，坐得舒服