Ocio (積存街) (已結業)

呢間餐廳我食過幾次，因為地方舒服，同埋食物好食，價錢又經濟。午餐我喜歡點個沙律開開胃先，而凱薩沙律個醬酸酸甜甜，仲有大量蔬菜，麵包粒，芝士碎，煙肉碎，非常健康同好味。我同朋友各點了兩個主菜，分別係香草羊架同肉眼扒配意粉，羊架真心好香又夠滑，配埋羊架醬汁更加好食，而三件羊架仲要好厚，加上脆口薯條，茄汁豆，真係好夠飽；而肉眼扒基本上我每次黎都會點，又係大大塊好嫩滑，親覺好震撼，而今次點左五成熟，入口juicy，肉汁一砌落去即時大量流出，口感實在，配埋意粉又好配合，因為意粉可以吸左肉汁同醬汁香味。有感放假想悠閒點，再點左杯榛子咖啡，慢慢嘆，榛子香氣撲鼻，好一個愉快又滿足既下午！