Ocio (積存街) (已結業)

成日經過大圍都會見到呢間野今日特登黎一試,結果不如預期,但不過不失二人各叫左個DINNER SET有前菜+湯+主菜+甜品+飲品都只係百五蚊左右性價比非常之高分別係煙三文魚沙律同火腿沙律前者唔錯,煙薰味好香後者個人認人豬騷味太重,而且咬極都咬唔爛,好似食緊橡膠咁,差!加錢要左酥皮湯但係做得極差！！！得罪講句,大家樂都好過佢酥皮唔酥脆,上到黎即刻食已經係軟晒,更加唔好要求有酥香咁奢侈真係比個菠蘿包我都冇咁嬲湯係點?重要咩?一個酥皮湯個酥皮唔合格,講個湯係點黎都冇意思黑松露帶子意大利飯呢個真心推薦鍾意食黑松露既朋友平時出街食黑松露最多都只係得一兩粒吊下味呢到基本上成碟都係帶子封煎得好好將鮮味都鎖晒係入面而且夠大粒,仲要有兩粒意大利飯收汁都收得唔錯成餐最好食係呢個,必試飛驒和牛漢堡配薯條小弟前世同牛有仇今世變左個食牛怪見到係用飛驒和牛整既漢堡點可以唔一試呢果然係一試難忘漢堡最難做到就係要保持到肉汁因為同牛扒唔同,入面材料唔只係牛,而且牛係打碎晒但佢做到將肉汁保留係入面,而且飛驒和牛既牛味香濃只係如果唔太鍾意肥膩感既朋友就要留意啦因為佢用既肉係比較肥另外漢堡同窩夫唔多夾而且成舊野都太大舊,無辦法

年初七人日，我倆也放假，趁時間鬆動，未有被公事塞滿日程，冒著微雨，走到大圍>>>Ocio<<<用晚膳。餐廳和港鐵站有些距離，需要預留一點時間，從大圍站步行而至。 裝修簡潔，牆上的小熊公仔非常可愛。 二人決定點兩個set dinner。是日餐湯、餐包和煙雞胸沙律配油醋汁份量比較迷你，為豐富的一餐，輕輕的開個靚頭😏。 兩口子從十多款晚餐中，心有靈犀的一同選擇了漢堡包。兩客漢堡均配香脆厚切薯條，薯仔份量更多，亦更飽肚。可以請侍應提供茄汁，豐富味道。 冰的是原隻龍蝦漢堡(HKD189)。龍蝦原隻完好無缺，夾在漢堡包中，絕不欺場。 龍蝦肉質鮮甜，蝦膏甘香；雖然無論整個漢堡拿在手中享用，或是以刀叉切割，均有點狼狽，但無擋其美味可口吧。 先生點的是和牛漢堡(HKD128)。和牛肉扒厚實具質感，肉汁豐富；如果配合醬汁則更佳。 是日甜品為奶凍，冰的是抹茶奶凍，先生的為原味奶凍。抹茶奶凍茶香極濃，但可能味道過了一點，抹茶的苦澀搶了風頭。 原味奶凍，淡淡奶香，反而更為吸引； 加入杏片，讓質感更加實在。 餐飲是泡沫咖啡和檸檬薑茶，當晚下著毛毛細雨，還是用熱飲，為

三個字，好難食！感覺到廚師真係好求其！成個窩夫三文治都係凍嘅！裡面既餡料全部都凍既無處理過，餐牌上面寫有夾煙雞，食唔到有。問侍應就話漏左，補返比你。三文治既餡可以點補呢？佢真係比返塊煙雞來，同樣係又濕又唔熱，好似响雪櫃拎出來解凍咁…佢地既窩夫應該係出名嘅…可惜拎出黎係凍既，不過同時係燶既！可以燶既但係凍既咁高難度真係佢地先做到！燶到係有啲苦味，成個窩夫三文治，有苦味、凍、餡料少未經處理，可以想像係幾咁難食。Brunch,都over$80,唔係貴，不過收這個價，都比啲合理、正常既野食呀！唔食又浪費，食左都浪費，浪費胃既空間。檸檬薑茶，第一次飲得一片檸檬既茶…可能係我無知，檸檬薑茶係應該得一小片檸檬既…物非所值，不會回頭！Blacklisted!!!

唔係第一次食啦～今次食係因為團年飯～所以提早book位係到食lunch～因為人多，所以午餐1-7全部叫曬。然後一人一杯33蚊以下飲品～每人分小小都好飽啊～今次餐湯變成蘑菇湯～份量我覺得少jor啲嘿嘿因為好好飲～然後我地就用湯碗繼續食main courses哈哈～我覺得芥末三文魚意粉最好食啊～因為三文魚扒超大塊而且芥末汁都好好味。其次係熱狗！因為好大份而且好多醬汁好好味啊～～～～～我覺得佢係大圍一間幾好食既餐廳～最後埋單都係70幾一個人，西餐黎講算係咁

我都有一陣子沒有去大圍了, 巧合地今日母親大人提議話不如去大圍行一轉 搵嘢食。 適逢母親大人咁有興致，所以我哋就出發去大圍 行一行，到達大圍發覺大圍都有好多不同嘅食肆， 我諗著母親大人想飲茶食點心，誰知他竟然話今日想試食西餐。 沿著火車站行到積存街發覺這邊比較寧靜， 看見一間湖水藍外牆的餐廳吸引住，看見他們門外的餐牌發現有好多選擇， 有lunch set ，tea set 和甜品好似好吸引所以我哋決定入去試一試。我哋選擇咗 all day breakfast 和香草羊架， 之後意猶未盡再嗌多一個 蛋白士多啤梨蛋糕 配雪糕球， 非常滿足的大圍一日遊。tea set 價錢好超值all day breakfast好豐富，薯條和窩夫好香脆羊架新鮮但香草味可以在加重些就更惹味蛋白士多啤梨蛋糕 好清新不太甜， 內裏士多啤梨蓉酸酸甜甜， 配搭得剛好。

舒服cafe~ 悠閒坐下食甜品小食😚————————————————————📎OCIO呢間餐廳都幾有名氣啦算😂 食物質素就兩邊都各有其詞🧐 不過menu入面有幾款都真係好吸引 例如鑊仔宇治抹茶紅豆雪山熱香餅 窩夫系列🤩✔️呢個奧斯芝士薯條熱辣辣 薯條都幾香脆✖️不過芝士味道比較單調 如果有少少鹽提味會更出色 要小心熱😂 碟非常熱喔🎈整體黎講都係一間坐得幾舒服既餐廳 可以同朋友吹水既好地方📝👅：5.5/10

星期四的下午放假，與妹妹到附近找吃的。在Openrice找到這間人氣小店，於是來試一試。在大圍站走十分鐘左右，是一間在街尾的小店，非常寧靜。下午二時，差不多都完午市的時間，想不到我們進店後陸陸續續還來了四五檯客人，頓時整間店又熱鬧起來。我們點了兩個午餐，跟餐湯及普通熱飲 (如轉餐牌上$33 以上的飲品要另加$19）。很大碗的餐湯很快送到，應該是薯仔忌廉湯吧，非常香濃幼滑，不錯。試了一 口妹妹點的豬扒飯，豬扒煎得非常乾身，帶點酥脆的感覺，調味很好！我點的肉醬熱狗份量大得很！非常喜歡她們把熱狗包都烘得脆脆的，加上長長的法蘭克福腸，滿滿的肉醬和兩種芝士，實在非常邪惡！伴碟的薯條非常香脆，可是調味不夠，我自己加了一些黑椒粉。總括來說質素不錯，性價比高，出餐快，服務亦不錯。有機會再試試甜品。

第一次食ocio個陣俾佢既份量嚇親！真係超級大分～不過宜家份量就適宜好多～哩日lunch諗唔到食乜好；諗起好耐無食所以就去啦。嗌jor個窩夫全日早餐；對比以前明顯份量少jor～不過都好，避免浪費（之前係太多）跟餐可以嗌一杯28蚊或者以下飲品，因為天氣凍，所以我叫jor杯熱鮮奶。食到一半嗌jor少少蜂蜜，點住窩夫好好食。不錯～加上我有會員卡所以就有額外9折優惠。做會員門檻唔高，推介大家都做會員。問下啲員工啦～

今日約左個朋友下午茶，大家都想近近地係返附近唔去太遠，但又想坐得舒服唔好太多人太嘈；突然諗起幾個月前黎過呢間OCIA都唔錯，有輕食又有正餐又有甜品，岩曬我地要求甜品選擇都唔少🤤🤤店內雖然枱唔多，但平日下午茶人唔算多，坐得好舒服寧靜有午餐有下午茶有甜品，選擇很多巨峰提子沙冰、芒果沙冰，跟餐+$19鰻魚炒飯$72炒得好夠味，唔會太濕或太乾鰻魚粒份量都幾多凱薩沙律+什菌$58麵包糠夠脆，菜都新鮮爽口，菇有四大塊肉厚多汁有菇味雞翼薯條$48雞翼夠脆唔乾，但本身無咩味，要點返個辣醬～朱古力心太軟$49夠流心夠朱古力味

星期六要返半工, 放工梗係RELAX下。約左閏蜜去大圍做FACIAL再去食飯行街。返左一星期的工作, 真係要比自已好好享受。尤其最中意按肩頸真係舒服到訓著。做完FACIAL已經3點幾, 真係肚餓同埋搵地方食野。諗起上次去過的   係附近, 閏蜜又未食過, 一於再去食多次。餐廳 位於大圍火車站積存街, 可以係A出口過馬路再沿右手邊直行, 經過車房及小學。行大約7-9分鐘便到。想不到下午茶時間很多人, 好彩啱啱有2人位，全場爆滿。餐廳不算很大, 裝修明顯花過心思, 例如大門上的圖畫, 近牆壁上不同擺設。餐牌上有BRUNCH及TEA, 我地未食LUNCH就揀左BRUNCH, 最後點左 CIO黑松露窩夫早餐 $89紐西蘭肉眼配薯條伴燒汁 $89奧斯芝士薯條 $39熱蜜桃紅茶 (跟餐免費)熱朱古力 $19 (跟餐加錢轉特飲)甘筍湯職員先上餐湯, 餐湯係好有營養的甘筍湯, 而且仲係好熱。係轉凍的星期六飲湯真係暖笠笠，而且質地好杰身, 有飽肚感, 甘筍湯味道咸淡適宜, 容易入口, 這個湯真的有驚喜。紐西蘭肉眼配薯條伴燒汁肉眼扒要7成熟, 牛扒很有肉汁, 雖然簿但整塊都大片, 牛扒已很有味道不沾汁也

沒見多年的好朋友，相約了在大圍下午茶聚， 皆因就老友，及他介紹這在積存街内的「 Ocio 」西餐廳，餐廳內的裝修，很簡單但有點英國風， 柔和的燈光配簡樸的裝修，使人感覺很舒服手工和牛漢堡包，整個漢堡包望落去已十分驚嘆，單是中間的用和工做的免治牛已有一寸有多，整個包簡直要用刀叉享受， 而這和牛漢堡咬落不會感覺很鬆散，牛肉味也很濃醇，另旁邊的薯條，也炸得很脆口，而不會感覺很油漏這個美國西冷牛扒看似普通，但煎得兩面微濃甘香鬆脆，再配以燒汁食落很開胃，甘當然牛扒味道香口肉質嫩不嚡口細看餐牌後，除了套餐以外，還有很多甜品撰擇

一直喜歡到大圍覓食, 在積福街、積善街一帶, 旺中帶靜, 隠藏有好多美味食店, 小店式經營, 有別連鎖店或大集團的經營, 另有一番悠閒的感覺。參考openrice 食評, 見到 ocio 的好評很多, 今日特意去大圍試吓, 大圍站約步行5 分鐘便到, 喜歡門面的藍綠色調反白字的招牌和門框窗框。 時間約1:45pm, 店舖內客人仍然很多, 但不用等位, 店舖是小店式, 地方不算大, 枱與枱之間的間隔頗近, 裝修方面雅緻, 有一面牆繪有我偶像柯德莉夏萍的黑白對比俏像畫。 店員禮貎的遞上餐牌, 我們點了「肉醬牛脷燴扁意粉」和「忌廉菠菜海鮮意大利飯」。「是日餐湯」 是羅宋湯, 雖然湯的濃稠度比較稀, 味道仍然是好味。「肉醬牛脷燴扁意粉」 牛脷好乾身和硬, 很薄, 肉醬汁和扁意粉的味道還可以。 「忌廉菠菜海鮮意大利飯」意大利飯芝士味道不夠, (個人喜歡濃味的意大利飯), 似是家庭式的輕盈版意大利飯, 而味道是可以接受, 蝦是急凍蝦仁, 而青口是鮮甜的。「綠茶芝士蛋糕」 「紐約芝士蛋糕」  見餐牌跟餐可以+$19可配精選甜品  點了「綠茶芝士蛋糕」和「藍莓芝士蛋糕」, 但店員禮貎的表示「藍莓味」

最近好興食pancake而之前都食過呢間覺得d野食唔錯所以就黎試下兩個人食叫左份All day breakfast, 同一份pancakeAll day breakfast正常水平,唔會話特別好食,又唔會話難食始終All day breakfast入面既野食都唔洗太多技巧pancake係類似M記果隻但明顯質素係有差別,麵粉味香好多漢堡扒就麻麻地,個人嫌肥左少少薯條夠香口有薯味其他就冇咩特別,因為唔洗特別整既野如果你係打算係呢到食日式果隻軟綿綿既梳乎厘pancake你一定會失望呢隻食落同麵包鋪d cheap cheap海綿蛋糕幾乎一樣唯一一讚既係佢糖漿真係幾香雪糕亦只能夠以不過不失黎形容總體黎講都幾失望

今日去大圍OCIO午餐，原本想食waffle但原來tea set先有。唔緊要，下次再試。店舖面積較細，座位頗狹窄。Lunch menu 都有唔少選擇而且定價不高🤗南瓜🎃湯 - 非常夠熱而且幾濃味👍🏼香茅豬扒配燒汁跟飯 - 兩大塊豬扒，肉質算淋但有點嚡口，食不出香茅味而燒汁亦只有咸味。但以此套餐價錢不能要求太多😐餐飲可選$33以內飲品所以點了Cafe Latte. 賣相幾好，可惜面層奶泡雖然夠厚但是凍的，要扣少許分數。

跟久違的朋友見面，就選擇在大家屋企附近舒服的在2017年的最後一晚吧！見ocio開了一陣子，決定去試一試.抹茶梳乎厘班戟這是餐廳的新甜點，賣相十分吸引，班戟的確是有很濃的抹茶味，加上流心抹茶，成個包裝都是十分滿意，唯一可以改善就是抹茶雪糕味道太香精，較為失色.Iced Cappuccino 沒有太高期望，咖啡味道一般，泡不是打得很好，正常吧.上菜速度一般，店內稍為有點迫，需要搭枱，最不喜歡是太大油煙味，之前去旺角店也有此問題，希望可以改善一下吧