Ocio (積存街) (已結業)

今次三五知己去大圍食生日飯，主角比較喜歡吃西餐，而且門面係以藍色為主，即刻吸引左我哋入去試吓。入到去環境幽雅舒適，餐廳裝修以木為主，仲有一盞盞橙色嘅吊燈從天花板吊下，另有一番格調。座位以沙發位為主，我們四人就被安排坐四人枱位置。餐牌上有唔同種類嘅食物選擇，另外都有晚市套餐，包括有十一款套餐選擇，比較多款式。頭盤揀選左「煙三文魚沙律」、「風乾火腿沙律」同埋加左＄45「焗法國連殻食田螺」。兩款沙律好新鮮，蔬菜好有鮮味而爽口。另外田螺焗得好香，一盆有五粒連埋香草醬，每一隻連殻一齊食，又脆又有口感，好味道。另外再加咗＄39要咗一碟「奧斯脆辣雞柳」，驟眼睇非常香脆，仲有茄汁同埋沙律醬汁，唔使點醬汁已經好夠味道，雞柳肉質好嫩滑，每人食一條都唔夠喉。是日餐湯係「番茄湯」，有一個套餐我哋另外加左＄20轉「酥皮龍蝦湯」。番茄湯好濃郁好香，而酥皮龍蝦湯賣相已經好吸引，脆卜卜嘅外皮加埋非常濃郁嘅龍蝦湯一齊飲，仲有一粒粒嘅龍蝦肉係入邊，簡直係倍感滋味。套餐嘅主菜分別以下三款：「乾炒香蒜風乾腿辣椒扁意粉」炒到比較乾身，每一條意粉非常入味，仲有蒜頭同埋風乾火腿等等嘅配料，帶有少少辣，更為滋味。「西班牙鐵板燒乳豬」

今天突然想食Brunch,係OpenRice 睇到好平如潮就去試吓，兩個人，每人叫咗個Brunch。今朝天氣都唔係熱🌨，得兩枱它，一坐底，好似無冷氣咁🔥，令外佢個抽油煙機一定係壞咗，全間舖頭都係油煙味😷。都算啦，食物嚟到，好似好大堆頭咁，賣相望到都一般，食落口，所有嘢都難食到不得了🤦🏽‍♂️。啲薯條全部用萬年油炸，黑色咁樣😖。啲煙肉就無煎過，應該用凍水浸完就上碟，凍嘅。塊雞扒同樹皮無分別，又黑又乾，重要係炸，唔係煎，pancake 硬到好似塊石頭咁，牛肉當然都係燶及硬，其他配菜都不知所謂。最終我淨係食咗啲炒雞蛋同飲咗杯咖啡。我只可以說，佢哋啲打手真係好專業😱⋯⋯$190兩個人，食啲咁嘅垃圾，真係想比大家知道。同埋我比成二百蚊食個早餐，您哋舖頭都比啲良心呀。只可以講無下次🙅🏽😭

終於黎到星期六。。。今日約了老朋友於大圍相聚。。一齊食個brunch。。。之前來大圍都是來這間ocio。。因為近巴士站。。地點都不算難搵。。而且我喜歡這裡舒適自在的感覺。。可以跟老朋友暢所欲言。。。門面十分光鮮。。藍色的外牆。。遠遠都能清楚看見2點時間。。。人流十分多。。。但幸好我們2人岩岩有座位。。不用等位。。lucky很喜歡餐廳內的佈置和裝修。。。給人一種舒服的感覺。。。brunch menu有多款不同食物可以選擇。。有意粉，飯，all day breakfast等等。。不同選擇set brunch仲包餐飲和餐湯我們選了蜜桃紅茶和甘菊香草茶。。餐湯份量都多。。餐湯香濃。。。十分滋味意粉十分彈牙。。。而且意粉以橄欖油撈。。所以條條分明。。。。入口時很滑而且更香另外味道有點點辣味。。所以十分惹味。。一啖又一啖的把意粉食入口。。。而且意粉內有大量蜆肉。。滋味這客黑松露帶子飯。。黑松露味十分香濃一放低時已聞到濃濃的黑松露的香味意大利飯軟綿綿。。多汁香濃。。。而且入面有少少菌類。。重點更有帶子當食了正餐後。。。我們點了甜品甜品有多種選擇。。有窩夫，熱香餅，梳乎厘，拿破侖。。。所以想了很久。。

朋友告知大圍站附近多好食餐廳，即管來這邊試試吧。門面裝飾新穎。店內的枱櫈分開兩邊放置，餐廳內也有特別的燈泡作點綴，還播放著英文歌呢，感覺舒服。還有一張隱世卡位。食品選擇算多，有15款晚餐供選擇。包含前菜，餐湯，主食，是日甜品及餐飲，價錢不太貴。也可以加錢點一些小食。酥皮龍蝦湯今次點了龍蝦湯，當然要加酥皮啦，絕配。飲完這碗湯，的確有些飽香燒波士頓龍蝦配巴黎牛油汁夠大隻，多肉，也配有翠肉瓜及薯仔。龍蝦鉗而弄碎一點，方便我一“啪“就可以即取到龍蝦肉，適合我這些懶人吉士蛋卷是日甜品，份量剛剛好，不太甜，也不膩， 加上有少許綠茶醬點綴，好食。飯后感:  用料新鮮，價錢適中，又可以坐得耐，OK呀。

呢間餐廳幾年前係旺角食過一次，印象已經好好。今次係大圍再重遇佢，果然冇令我失望！！！同男朋友2人撐枱腳，侍應帶左我地去最入既一個卡位，好好唔洗同人迫我就揀左個黑松露帶子忌廉意粉，正當男朋友都係到 懊惱緊食乜嘢嘅時候 。。。見到廚房出餐出左碟好大舊既野。。豬肋骨！！！我即係唔理3721一定要嗌呢個！！！！因為平時去d餐廳一定唔會揀呢個，因為好怕佢分量少，骨多肉少咁。。前菜就揀左沙律，重有湯同包添!! 唔係等左好耐，傾下計d野食就到啦。個豬肋骨真係好大，我同男朋友都嘩左出黎，重好香bbq醬味，好好味意粉都好好食，黑松露好香，帶子煎香左勁好食！！！！呢個價錢唔可以話好平，但值得！！！一定會再黎！！！

今次重來大圍Ocio, 是很想再吃餐廳的窩夫甜品！當然還有厨房出品也是再來主要原因.進入餐廳,熟悉的環境, 當天下午三時,依然還是坐满客！我地叫咗午市套餐 - 有餐湯+主菜+飲品!跟餐的番茄濃湯, 味很香濃,開胃的番茄甜酸,唔錯! 如果有件餐包更好！其中一款主菜是肉眼扒配燒汁, 厚薄適中,我地ordered medium, 做到我地要求, 薯條脆脆,加上头燒汁很夾的配對.另一個主菜 : 一口和牛粒配意大利飯,份量都好夠, 這個risotto 煑得較軟身,味道適中,不會太膩,一口和牛粒很入味!散叫了一客炸雞翼,雞翼上了些薄脆漿才炸,一客5隻,外脆肉嫩, 炸雞翼,我地鍾意食！最后梗係要叫個招牌原味窩夫,長方形的造形,焗得啡黄色,帶些少微燶,這才是最佳狀態, 加上雲呢拿雪糕,一冷一熱,好好味,若要甜些,可加些蜜糖,更好味！我地的飲品 - 巨峰提子特飲, 不會太甜,有水果味, 值得一嚐呀！

幾個月前喺 Ocio 食過一次下午茶，好難忘呢度嘅 和牛漢堡包 同窩夫。今天再去翻尋味。一樣沒有改變, 令人感覺悠閒的格調，可以輕鬆自在享受下美食。今次可能比較晏，和牛售罄😂唯有揀其他美食醫肚。龍蝦海鮮意大利飯。餡料份量十足，飯嘅靱度剛好，調較至適合香港人嘅口味。特別喜愛這優雅碟子，優雅而漂亮嘅餐具往往提昇對食物嘅興趣。這是千真萬確喔！睇下喺咪好吸引先就算沒有和牛，我呢個牛魔王都要食番個牛柳先。呢個喺鑊仔牛柳，面層喺烤焗至薄脆cheese, 仲有焗得脆脆嘅薯仔 、青椒& 菇菇。yummy ...yummy ...呢度可以加$改為 set, 有飲品。仲可以加＄叫小食 &甜品。為食貓怎可以抗拒美食，叫咗最愛雞翼，脆炸外皮，有少少辣，美味。加 $19 可轉特飲甜品又點可以少玫瑰奶凍...豐豐富富玫瑰味，亦有濃郁嘅奶味。正！上次食個紫薯窩夫，今次回歸平淡。原味窩夫，一樣出色。

今日約左友人食晚飯敍舊，去左大圍積存街既一間西餐廳，主打西餐為主。店鋪位置近街尾，人流唔算多，但店內環境唔錯、唔嘈雜、係適合一邊用餐一邊傾計既好地方我同友人order左兩個set dinner share食，order左美國BBQ醬燒豬肋骨配薯條及香草檸檬燒法國春雞。首先來頭盤，芒果鮮蝦配雜菜沙律配黑油醋，黑油醋好香，食完好開胃～跟住到主菜，燒豬肋骨，豬肋骨燒得適中，唔會太燶，配合BBQ醬好野味、薯條又熱又脆卜卜而法國燒春雞，檸檬汁唔會太濃遮曬雞肉既味道甜品，我地揀左朱古力雪糕～賣相吸引，朱古力雪糕唔係太甜，唔會太漏配合價錢、環境、服務～係一個幾好既晚餐地方

今日約咗班沙田友dinner ，朋友仔話大圍有間西餐唔錯，所以就去試下啦😍我地七點去到，唔太多人，可能餐廳喺大圍墟內，好多店舖都已經關門🤔晚餐款式都幾多選擇，有沙律，餐湯，主菜，飲品仲有埋甜品👍🏻西班牙辣肉腸沙律沙律菜新鮮爽脆😁😁加$10有酥皮蕃茄湯第一次酥皮配紅湯，感覺好新鮮香草檸檬燒春雞雞肉夠滑又多汁，燒完都唔會覺得乾身西班牙鐵板燒乳豬呢個掂呀，超脆既豬皮，豬肉又滑，仲要食落唔覺得肥，香口野味餐飲😁😁甜點 ice-cream 👍🏻👍🏻餐廳環境唔錯，坐得舒服

星期六, 等埋閨蜜放工之後,我地約好咗一齊去拎淘寶,之後就去咗呢間餐廳食Lunch!其實好耐之前(4-5年前),我已經食過好幾次銅鑼灣登龍街嘅Ocio(已結業),記得當年好喜歡佢嘅窩夫+甜品!但自從銅鑼灣果間結業之後,我就一路無食過Ocio,今次第一次黎到大圍呢間,回味返以前喜歡嘅味道!!!餐廳門口以藍綠色為主色,門口擺有大大的餐牌,正門右方擺有蛋糕雪櫃,可以見到Lunch set加$19就食到嘅各款芝士蛋糕。餐廳裡面環境唔錯,店家放咗唔少擺設,幾有心思!坐低之後首先睇睇餐牌,我地每人各點咗一個Lunch set,同樣用$19各叫咗一杯特飲,(我記得如果揀奶昔要再加多D,唔係$19)另外加$39 share叫咗個芝士薯條做小食。👇首先上檯嘅係Lunch set嘅附送餐湯,食得出裡面有新鮮番茄茸,味道唔錯, 而且幾開胃!👇之後上檯嘅係我地加$19叫嘅特飲,我叫嘅係右邊嘅巨峰提子梳打,閨蜜就叫咗左邊杯荔枝冰茶。👇Lunch set我叫咗Ocio全日窩夫早餐，比起我回憶之中份量大咗好多!!!材料十分十分之豐富，裡面有:- 煙三文魚(煙燻味濃)- 滑蛋 (香滑軟綿, 口感很好!)- 香腸 (應

每次撘車都會經過ocio 終於有一次在大圍吃dinner 就想起這家店！😆 平日的晚上去吃 想不到也將近滿座 三人去吃 我們食量都好大 點了一個二人餐 $398 + 忌廉菠菜蟹肉意大利飯 $75忌廉菠菜蟹肉意大利飯 $75如果我再來的話 我一定會點這個意大利飯！ 好creamy 又不會覺得好膩👍🏻二人餐 頭盤就有 三文魚/巴馬火腿沙律 + 芝士薯蓉焗鮑魚酥皮盒小食有 伊比利火腿炸薯丸 + 墨西哥辣雞翼雞翼比較好吃！ 相反其他的比較膩🙁 普普通通主菜選擇了 安格斯牛肉眼扒配芝士焗波士頓龍蝦半隻 + 黑松露北海道帶子蟹肉意大利飯 肉眼扒 點了七成熟 可是送上全熟🙁 龍蝦 沒有任何的味道🙁相反 意大利飯比較好吃！滿滿的黑松露味道 👍🏻 材料亦足夠 有兩隻大大的帶子😋 甜點 本來想選一個芝士蛋糕 + 雪糕因為太飽的關係 就選了雲呢拿雪糕😋 沒有令人失望！ 雪糕內有雲呢拿籽 覺得是自家製的！😋

有同事離職，所以午餐就一起去吃點豐富的作為道別。12點半午餐，總算早了一步，我們一行6人，差一點點就沒有位置。午餐餐牌一共有9款選擇，午餐包括餐湯和配咖啡或奶茶。餐湯是洋蔥湯，看上去不吸引，湯的洋蔥都頗多，煮到軟軟的，湯就除了洋蔥味都沒什麼特別，如果是忌廉湯或姐蕃茄湯應該更好味道。（$89）香燒燒澳洲肉眼配燒肉汁，可跟意粉或飯。肉眼只可以選擇5成或7成，如果想生一點或姐熟一點也不可以，雖然牛扒份量看上去都多的，可是有三份一都是肥肉不能吃，牛扒切上去看的都只是很薄，還有點了一份5成熟一份7成熟，都沒有分別似的，頗令人失望。燒肉汁只有很少，不夠沾牛肉吃亦不夠伴意粉，幸好問店員添醬汁他們也樂意。（$73）香燒美國豬扒配黑椒汁，可跟飯或意粉。很單調的看上去，黑椒汁自行淋上去，同樣也是很少醬汁，豬扒很乾，咬上去也很乾，也加上本身沒有醃製過，豬扒沾上黑椒味道都很分離。（$65）日式鹽燒鯖魚配和式生姜燒汁，可跟飯或意粉。鯖魚燒得還未夠時候，皮不脆，還好肉還嫩。（+19）熱朱古力，都濃郁而且上面有點棉花糖增加點甜味。（+19）草莓奶昔，有草莓味亦奶味，有奶昔口感，不會太甜。（+19）雲尼拿奶昔，相對比

Very average quality of food I'm sure it's over rated 📽poor environment and poor quality of dinnersVery average service overall not worth going

［烤乳豬香脆］因為住大圍的妹妹要出國讀書，所以特意挑左間近她家的店歡送佢，於是搵到這一間門面好搶眼，藍綠色好靚。先到的我決定睇下食咩先Dinner 餐牌選擇的有10款，有漢堡、意粉、羊架、乳豬，仲有豬肋骨、燒春雞和肉眼等，不同肉類都有，滿足各人需要。點好餐，先上的是沙拉，可以選煙三文魚或風乾火腿，我選擇了煙三文魚。如果兩樣都不想選，可以加錢選焗原隻蒜頭法包或法國田螺或鵝肝餐湯加了$10轉酥皮湯，酥皮好香，加入熱的湯中，感覺不膩而且好好味我點了一杯熱情果梳打，喜歡熱情果的可以試飯比較粘，帶子大大粒，黑松露拌飯真是香💞妹妹點了一杯香蕉朱克力奶昔主菜我點了烤乳豬，當晚問店員亦推薦，沒想到皮脆肉嫩，比想像中的要好份量絶對夠兩個人食。邊食邊留意一下環境，挑高的樓底，加上昏暗的燈光，是令人舒服的。開餐最後有甜品，我選了紅豆抹茶，妹妹選了木糠走的時候不忘影一張

今晚再臨OCIO，看見餐牌都很多選擇，我們首先就要一份分享。頭盤要焗原隻蒜頭法包（加$28），在法包上是焗原隻蒜頭，很特別，但我還是喜歡蒜香法包。我們還加$39奥斯芝士薯條，我吃沒有芝士的薯條，熱騰騰挺好吃喔！餐湯加$10轉酥皮餐湯，綿滑的番茄餐湯如果有雜菜會更豐富。主餐：西班牙鐵板燒乳豬，燒乳豬的脆皮，咀嚼得卜卜聲，夾著嫩嫩乳豬肉，大家都很滿意，吃燒乳豬不用醬汁，用它來跟薯仔吃更好，煎香的翠玉瓜，又香又爽脆。剛剛好夠三位分享的甜品：我喜歡的紫薯拿破崙，每人一小片。餐飲：西式熱奶茶始終不及港式奶茶香滑。我們還點選卡邦尼意粉、蜂巢窩夫。大大份蜂巢窩夫是可以滿足的甜品，如果窩夫可以再脆些就很完美，小量的蜜糖恰到好處，不用浪費。