Ocio オシオ (已結業)

見佢地新分店開左起屋企附近興奮到拉左個fd去試ଘ(੭ˊ꒳​ˋ)੭✧大半年前食過將軍澳分店個鈑鑊仔pancake🥞印象都幾好֊  ̫ ֊ 呢間新分店檯同檯之間距離夠哂闊落中間裝修放左一棵「觀賞用的樹」🌳成功型造到一種好relax 既感覺出黎同個fd傾計傾到唔願走･֊･┈┈┈┈┈┈┈┈┈┈┈┈┈┈┈┈今次兩個女仔只係order 左一個晚市set因為佢不限追加小食/甜點數量😌😌套餐包括有◝✩ 南瓜忌廉湯◝✩ 熱蜜桃紅茶🍑𓋜忌廉芝士菠菜威靈頓三文魚 $168威靈頓牛就聽得多三文魚既就真係第一次食仲要有驚喜酥皮酥脆(切落去果下有聲架!!) 〽️切開後係有拉絲既芝士菠菜底部薯蓉有香濃忌廉味 質地creamy配菜中仲有蘆筍喺度可以去膩🥦酥皮同三文魚估唔到幾夾 而且味道恰到好處┈┈┈┈┈┈┈┈┈┈┈┈┈┈┈┈追加小食/甜品𓋜奧斯黑松露薯條 +$58上面有濃濃的黑松露醬 好香既半溶芝士落在薯條 身上食到停唔到口𓋜水牛雞翼薯條 +$58酸酸甜甜帶辣既佢 好惹味食落去原來係單骨雞翼 已經配有少量薯條唔講以為我地好鐘意食薯條🤣┈┈┈┈┈┈┈┈┈┈┈┈┈┈┈┈𓋜招牌窩夫 $68 +$8朱古力🍫雪糕很大很滿足的一份

餐廳環境同埋風格比起以前大圍分店明顯有唔同！呢間分店走日本可愛小清新風格， 餐牌同埋牆上面都有漫畫卡通熊仔， 仲有綠色植物， 環境都幾舒服🥰🌱 蜂蜜雪山熱香餅熱香餅 $68 係一上枱會震震吓嘅空氣感熱香餅😍蜜糖味道突出， 果仁碎脆脆地同熱香餅好夾！朱古力布朗尼窩夫 $68窩夫似係預先做好，所以球雪糕放咗喺上面一陣都冇咩點融不過個人比較喜歡熱辣辣嘅窩夫， 最多嚿雪糕食快啲囉🤣另一個搞笑嘅地方係，我哋見到可以加$8配雪糕，以為本身冇，所以我哋又傻傻地加埋，結果有兩球雪糕😆玫瑰咖啡$53 抹茶奶昔$53 相對甜品價錢少少貴，但係味道是不錯的🥰

這間Ocio café，我由旺角店已經開始支持，到大圍及將軍澳店都一直支持，宜家還開到我家附近的荷里活商場中，十分興奮。店舖愈開愈大，座位更加闊落，跟將軍澳店一樣以木系為主，有樹木的擺設，環境舒服。餐牌除了有晚餐，還有小食及多款甜品供應。晚餐有八款的選擇，百多蚊一份已經有餐湯，主菜及餐飲。點了一份脆皮烤鴨配焗薯餅黑醋醬$158。脆皮烤鴨賣相不錯，鴨皮烤得微脆，鴨油香滿滿，烤得不乾身，配上少許甜甜酸酸黑醋醬，解膩開胃。烤鴨下還有一塊香脆的薯餅，所以很飽肚。餐廳提供多款的甜品，有窩夫，心太軟，熱香餅，吐司，班㦸及沙冰。我點了賣相很呃like 的奧斯蜜瓜雪山熱香餅($98)，半個超甜的蜜瓜上面放上口感輕柔的熱香餅，配上雲呢嗱雪糕，蜜糖星星及杏仁片，蜜瓜內仲隱藏了幾粒蜜瓜奶凍啫喱，是一個很治癒的甜品。

之前同朋友食過坑口分店好正，見到鑽石山都開分店，即刻過嚟再試😋餐湯阿根廷紅蝦手工扁意粉$138阿根廷紅蝦大大隻！意粉都好入味，煮嘅硬度剛剛好，唔會太硬或者太淋，不過建議上咗就快啲食，如果凍咗就會差少少。奥斯經典全日早餐$118試過呢度唔同嘅晚餐，最難忘同埋最推薦都係all day breakfast，食材包括窩夫、炒蛋、番茄、雞扒、芝士腸、巴馬臣火腿、焗豆、炸薯條同埋沙律。炒蛋好嫰滑同埋蛋味香濃。雞扒外層煎得香口，肉汁豐富， 口感煙韌微彈。兩次食都非常出色！荔枝冰茶$15荔枝味重，飲落都好清新，配埋主食就完美，不過跟餐加$15都偏貴。凍檸檬茶$3朱古力麻糬窩夫$68麻糬收埋喺窩夫入面，朱古力脆片好多，脆卜卜又朱古力味重，搭配朱古力雪糕有唔同口感，而且份量十足，兩個人食都非常之足夠！

鑽石山廣場新開餐廳接囡囡放學，日日都要諗食乜嘢見到有間新餐廳所以入去試吓環境舒適，牆上的壁畫非常精緻🐻‍❄️🐻‍❄️🐻‍❄️🐻‍❄️🐻‍❄️🐻‍❄️以日式啤啤熊為主題但食物就一般芝士瀑布安格斯漢堡配薯條牛肉比較乾，沒有肉汁薯條比較硬

上星期約咗為食魚阿妹去開鑽石山行經荷里活廣場見到Ocio係度開左間新分店wo😍之前係旺角同坑口分店試過都好好味見呢間新分店裝修又幾靚幾清新決定再同為食魚試試～🫶🏻⁡餐廳位於荷里活廣場2樓門面同店內環境都好光猛💯而且枱與枱之間位置充足唔會有好擠逼嘅感覺慢慢坐慢慢傾計幾好😌⁡今次我地試左一份烤牛柳配香煎鵝肝薯仔泡芙$198加一份韓式炸雞（原價$68， 跟餐加$48）甜品就唔試Waffle喇～ 試下新野叫左份鑊仔伯爵茶雪山熱香餅$78（製作時間大約15至20分鐘）雖然我唔太鍾意主食所用嘅餐具（鐵飯碗？😅）但食物整體嘅味道係OK嘅～欣賞佢嘅熱香餅，用鑊仔熱呼呼咁送上👍🏻配合伯爵茶醬汁＋雪糕＋棉花糖一齊食唔會過甜味道恰到好處果然黎Ocio還是要吃甜品最好🥰⁡趁住而家政府放寬餐廳可以開到23:59如果大家去開附近不妨去吃個甜品喔～🧇 同🥞入都有mochi架Yummy😋

由旺角既小店，慢慢做到開埋去商場舖，都仲未有機會食😭近排見佢又開埋左去鑽石山，又咁岩去開附近，決定要去試下.👁‍🗨 阿根廷紅蝦手工扁意粉(7/10)💲138.佢夜晚既晚餐吾多選擇，只有8款，每款都附送餐湯，呢晚個餐湯係蕃茄湯，佢整得比較水身，吾係蕃茄蓉果種，幾開胃🤤手工扁意粉食落有好濃郁既紅蝦海鮮味，就咁睇以為係蕃茄味濃，但係出奇地吾係😶‍🌫️紅蝦就有一隻，吾算大，肉質都幾腍身，不過意粉份量偏少.👁‍🗨 香煎刺身帶子南瓜意大利飯 (7.5/10)💲148.呢個香煎刺身帶子南瓜意大利飯比意粉出色啲😇刺身帶子有三大粒，每一粒都煎得香口，帶點點彈牙，吾係完全腍身🤓意大利飯入面有粒粒南瓜，飯粒未係完全做倒意大利飯既精粹，可以硬身少少，不過整體食落係好味既.👁‍🗨 朱古力布朗尼窩夫(7.5/10)💲68.其實呢度主打食甜品😂係鑊仔熱香餅系列同窩夫系列，兩者之間猶豫左好耐😂最後都揀左窩夫，因為睇相好吸引，會感覺係好香濃朱古力味咁😝果然冇錯，朱古力味既窩夫配上少少朱古力醬，朱古力味雪糕同埋布朗尼，真係夠哂朱古力味呀😍窩夫吾係脆身果款，外層微脆，入面鬆軟，布朗尼亦都做得好出色🤩佢既質感吾會太似蛋糕

上次經過，當時門口仲有花牌，估計新開一個月。裝修日系風帶點童趣，個別枱底下有布籃提供放手袋行裝。舖仲係新，侍應忙到甩碌，唯有自行喺附近攞布籃放枱底。價錢同樣都係中上檔次。自助落單，跟餐飲品33蚊內免費，過咗補差價，系統會計番跟餐價。點咗兩份午餐，另大手購入一個甜品。先嚟咗跟餐餐湯，有啲似走辣羅宋湯嘅蕃茄湯，唔知點解每碗得半碗，有啲杏仁片碎，極少量香草，偏鹹。「厚切日本叉燒豚骨湯烏冬」，厚切叉燒係類似黑毛豬扒啲厚度，口感較腍身，狀似慢煮，又似炆肉，醬汁入味係少咗啲油香。烏冬係讚歧嗰類較粗身，另外嘅「牛肝菌忌廉汁意式煙腩肉野菌意大利飯」，汁底煮得濃味亦滲入每粒飯，就係啲煙腩肉粒（每粒食字頭咁大）略嫌少得滯得五粒以下，野菌片亦唔係多，整體飯量偏少。呢間嘢賣點大概喺甜品度，特登喺menu揀咗個荷里活店限定嘅「焦糖香蕉梳乎厘班戟」，本身唔知預設已有雲呢拿雪糕球，加8蚊補多個朱古力，顏值之高令隔離枱食客都嘩咗聲。雪糕唔肯定係現成定自製，但唔係常食嗰幾大品牌嘅味道，焦糖做得薄薄一層覆蓋蕉片，剛好金黃色冇燶，梳乎厘打得好綿滑，加上有班戟襯底，彌補平時梳乎厘嗰種過份空氣感食完似冇食。

之前都有去過OCIO係將軍澳既分店, 整體都覺得佢地既出品同服務唔錯, 所以知佢地開左新分店即刻又走黎試一試, 新分店裝修風格主要走文青風, 坐位之間相對起將軍澳分店比較闊落, 一入黎有種好舒適既感覺。🐠水牛城單骨雞翼$48雞翼炸得十分香脆, 雞翼炸好後加上辣汁, 辣汁辣味稍強, 建議大家先點小小試試強度, 係雞翼下面仲鋪左層薯條做底, 小食黎講份量上真係算幾抵食🐠烤紐西蘭牛柳配香煎鴨肝薯仔泡芙 ＄198呢個係餐單中共中一個晚市套餐, 價錢已包一杯$33以下既飲品同埋是日餐湯, 呢日飲既就係蕃茄湯, 湯既味道我覺得略為酸左小小, 如果蕃茄味可以濃返小小會更好, 至於主食西蘭牛柳配香煎鴨肝, 平時鐵板我會食五成熟, 見佢唔係鐵板我就叫左七成, 牛柳厚度夠, 脂肪不多, 肉汁略小, 味道平平, 反而覺得佢個底既薯粒炸得真係好香好脆, 所以都比我食光了🐠鑊仔伯爵茶雪山熱香餅 $78OCIO既甜品從來唔會令我失望, 前幾次去都係食窩夫, 所以今次決定要試下其他, 一如既往既好食, 上面有一球雲利拿雪糕, 雪山熱香餅食落夠鬆軟，再加埋伯爵茶醬，伯爵茶味更突出, 值得一試

餐廳位置鑽石山荷理活廣場二樓，地點好方便😍今次係第2️⃣次幫襯，大約晚上8點左右去到，餐廳入面都幾多人，不過好快就有位👍今次叫左一個set加炸魚薯條🍟，重有一個甜品🍞，好飽肚😋我同朋友都覺得好好食😍😍😍

今日行街經過荷里活商場見到開咗間新餐廳，舒適木系風裝修好唔錯🍞鵝肝多士伴黑醋焦糖蘋果🍎鵝肝煎到好香，多士好香脆，咬開煎香的鵝肝油香充斥成個口腔，入口即溶😍，配上酸酸甜甜嘅焦糖蘋果，既可平衡鵝肝嘅油膩感又可以提升味道層次👍🏻伴碟嘅沙律菜爽脆新鮮配上酸甜嘅黑油醋汁，酸甜解膩☺️紫薯奶昔 紫薯味幾香，奶味比較重，creamy又唔會太甜，幾清新。

今日同朋友嚟荷里活廣場食晚飯，呢間新餐廳好簡單素淨，木系餐枱配上圓形白光燈非常和諧，再經鏡子反射顯得十分光猛，牆上嘅公仔塗鴉好可愛❤️呢度採用電子落單，可有效提高服務效率👍🏻🦆脆皮烤鴨配焗薯餅香橙黑醋醬🍊 擺啲賣相好靚❤️，烤鴨好大件，外皮烤得好香脆，肉質結實，一啲都唔油膩，不過覺得有啲乾所以邊位比較硬，配上香橙同黑醋醬非常夾，酸酸甜甜感覺Refreshing; 焗薯餅好特別，唔係普通嘅薯餅，加咗西蘭花🥦同其他蔬菜，薯餅質感亦比較幼滑😋🍵焗鑊仔綠茶班戟心太軟最底係班戟心太軟，中間係曲奇餅🍪，最上係一大球抹茶雪糕🍨一切開心太軟，流心效果強烈，好似熔岩咁傾瀉而出🌋，抹茶味香濃，甜度適中。是日餐湯：蕃茄濃湯🍅蕃茄味幾香濃，酸酸甜甜好開胃，濃稠度適中，加咗香草提升香味👍🏻整體來講，食物質素不錯，環境舒適素靜，乾淨企理衛生，服務態度良好。

裝修緊嗰陣見佢主打日式主題，一直心思思等佢開咗之後試下，點知係我人生其中一個最後悔決定。首先侍應就得幾個，但都好見佢哋好盡力招呼客人，而且格局逼到同茶餐廳都冇乜分別，叫做唔洗搭枱咁解，優點係幾乾淨。星期六去到點左兩個午餐，事實上一睇個餐牌就已經感覺唔日系西餐，直頭係雜七雜八，但坐低左點都要試下 。其中一個係all day breakfast，照計應該無咩難度，但塊雞扒係唔熟嘅。另一個係紅酒燴牛肋條扁意粉先係重點，老婆一見佢上菜個樣已經話似係劣食喎，食落口就知牛有牛煮，扁意粉有扁意粉煮，上菜前就咁倒埋一碟焰（見照片），牛肋條得個咸字，扁意粉就冇咩味。餐湯應該兩個餐湯就漏左一個，雞扒叫整熟之後又無左影，加埋一兩個餐過200蚊落樓，原本想叫埋甜品上嚟睇一睇食完之後即時放棄。甚少打食評都奉勸各位慎入

因為有訂位，所以星期六當好多人排隊嘅時候，職員已經安排到我哋直接入去坐，呢點非常好。本身去食下午茶，想chill下，餐廳裝修確係唔錯，不過櫈就唔係好舒服個種，亦都係6人枱搭枱，呢點同我想像中嘅chill有啲出入。入去見到menu甜品係冇set的，食咗一朱古力麻糬窩夫同士多啤梨法式吐司，吐司直頭想嘔。窩夫除左唔夠脆，個麻糬份量太少，唔太食到之外，其實唔錯，我額外加左雪糕，3重朱古力令朱味濃得黎有層次。吐司就真係唔掂，士多啤梨極酸，配搭出嚟個醬仲係M記4成水準，吐司原先想做嘅層次根本做唔到。

簡單就是美，來到鑽石山Ocio Cafe, 簡約以木材為主，中間有一棵樹🌲裝飾，給人放鬆的清新自然的感覺。望望餐牌食物種類多，甜品種類都有幾款。點了兩個 餐 ，配送羅宋湯和$33以下飲品。香煎刺身帶子南瓜意大利飯南瓜🎃肉粉甜，飯粒粒入味清甜，唔會好濕。帶子煎得好香，入口彈牙。脆皮烤鴨配焗薯餅香橙黑醋醬脆皮烤鴨的確外皮香脆，鴨肉嫩香。橙肉甜甜的，番茄🍅仔清甜。整體而言，環境空間感寬敞，舒適清新自然，食物選擇多。