Ocio オシオ (已結業)

網上見到啲評論算幾好，仲話好好食，好多年之前都試過旺角嗰間，今次經過附近諗住試下鑽石山呢一間⋯⋯點知係中伏⋯⋯首先餐湯已經唔夠熱⋯⋯試咗佢嘅水牛城雞翼同薯條，首先食物唔夠熱已經要扣分，加上雞翼嘅炸粉太厚⋯⋯之後試咗佢嘅龍蝦汁手工意粉🍝太鹹，出面嘅手工意粉係會好有口感，但佢呢一間係過硬加上覺得係落太多鹽令到佢啲意粉有味⋯⋯同出面嘅手工意粉簡直係冇得比之後係帶子南瓜意大利飯，算係好過意粉，但都係太creamy，感覺都係好重味⋯⋯真係唔知點解有甘多食評話好好食😑究竟係咪假㗎，人生第一次寫OpenRice評論，就係覺得佢啲食物質素太差，仲要收咁嘅價錢，真係要好好改善下

疫情影響，一段時間沒晚市。有晚市當然要出動搵食。是次發現荷里活有間新日式西餐Cafe, 裝修雅致清新，座位寛敞舒適。是晚點了晚餐餐牌：香烤大頭蝦手工意粉(配餐湯): 手工意粉好得意，好味有咬口。脆皮烤鴨配薯餅香橙黑醋醬(配餐湯)：原本因為以為配薯餅所以想試，但原來是薯蓉壓成餅形，並非脆口那種薯餅。不過無損整體美味程度。烤鴨香口肉質嫩。香橙夠甜配黑醋汁很夾。鮮奶咖啡(補差額餐飲)：不是我飲，只知外形靚巨蜂乳酸沙冰(補差額餐飲)：味道不會太甜，唔錯鑊仔伯爵茶雪山熱香餅配雲尼拿雪糕：另外點的甜品，鑊仔上檯好得意。打卡一流之餘唔會膩，很香又夠鬆軟。整體來說環境好食物有特色有美味。唯一美中不足是見到侍應又執檯又倒垃圾又掃地轉頭又傳菜，勁勤快。但無手套之餘又見唔到洗手，拎隻吉碟來見到微微油的手指模印。成件事有點倒胃口在自行留意衛生下，仍是會再光顧的。因為食物質素唔錯有特色。

在鑽石山揾食其實選擇都吾少，不過日式甜品🍨就真係不太多，哩間在荷里活廣場新開嘅餐廳，入內光猛闊落，空間感十足，再加埋牆身趣稚嘅繪畫，非常日系👍🏻。想同朋友坐低傾下計或者休息下，都系一個吾錯嘅選擇。▶️奧斯經典全日早餐🍽($118)，好大碟啊，有煎雞扒一大塊、炒蛋、沙律和番茄、窩夫、香腸、薯條、火腿，想飽腹系冇難度。薯條炸得香脆，系我最愛。▶️水牛城單骨雞翼🐥(跟餐追加$58)，單骨雞翼吾會食得狼狽，炸至脆身，再淋上辣醬，同薯條一齊，作為小食吾錯～▶️奧斯蜜瓜窩夫🧇($68)，有雪糕搭配窩夫，令窩夫入口吾會太乾柴。而蜜瓜甜而多汁，令整個甜品好清新。▶️蜂蜜雪山熱香餅🥞($68)，哩個熱香餅同日式梳乎厘pancake嘅做法和口感都吾同，系蛋糕質地，所以吾會太moist，同雪糕一齊食就吾會咁dry。不過在商場嘅餐廳嚟講，佢索價都算貼地，嚟食件cake飲杯野都吾錯。▶️拿鐵☕️($43，跟餐送$33以下飲品，超過補差價)，可能飲開朋友比d靚豆同自家咖啡，覺得哩杯拿鐵真係……一言難盡，大家可以試下其他野飲🙊。

第一次試哩間人氣cafe! 通常去鑽石山都係去荷里活啲餐廳食dinner冇乜留意佢啲cafe😯多個地方可以chill下同朋友傾計都唔錯😻突然間好常食刨冰見Ocio有就去咗試~ 餐廳內部光猛闊落 牆身有啲好q嘅插畫🖌午市時間都接近坐滿 客人老少中青都有👶👧🏻👵🏼 蜜瓜刨冰($65)🍈🍧刨冰伴上雲尼拿雪糕同幾片蜜瓜 係夏天嘅味道🌞唔係藥水味 反而有啲似蜜瓜汽水🥤 唔會食幾啖就厭 💪上枱嘅時候比想象中細 不過食到一半就開始飽🫥可能幾個朋友一齊食會好啲👯‍♂️👯‍♂️可惜蜜瓜片得大約六舊 分量比較少 要慳住慳住食🥲 相對其他日式刨冰 哩個刨冰啲冰雪得有啲硬 (可能似台式?)口感唔太細滑之餘 仲有啲難劈開⚒️最後有好大部份都融咗食唔到🧊如果有多啲配料同舊冰細滑啲就好😋食緊冰嘅時候見隔離台啲熱食🍝🥓同menu其他甜品🧇🥞都勁吸引👀👀可以再try!

放假同朋友去咗鑽石山行荷里活廣場，見到Ocio 喺度開咗分店，環境優雅，地方都好大，裝修擺設以以淺木色家具為主，好有日本feel，朋友和我都忍唔住入咗去食嘢！晚餐有多款選擇。是日餐湯：忌廉椰菜花湯，順滑creamy!奧斯經曲全日早餐，份量十足，有雞扒、炒蛋、薯條丶香腸丶窩夫丶茄汁豆等，食材豐富擺盤精美夠吸引，而且有齊不同營養食物。雞扒煎得皮脆肉嫩，窩夫脆口，炒蛋嫩滑，整體來講都好好味！香烤大頭蝦手工意粉，大頭蝦燒得都好香，意粉軟硬適中，每一條都掛上醬汁，十分惹味！凍咖啡凍檸檬茶夠濃味！

鑽石山呢個西餐沙漠終於開多左西餐廳，但今次主要黎係食甜品，之前係旺角分店都試過佢地d甜品。🇯🇵鑽石山分店裝修好日系，店面係全白色設計，店內牆上畫左好多可愛嘅公仔。🍵焗鑊仔綠茶班戟心太軟 $89呢個好特別，一篤落班戟到，就有超級流心效果。綠茶味香濃，甜同苦度適中。雪糕同班戟中間夾左塊餅乾，增加口感。🥞鑊仔草莓雪山熱香餅 $78呢個係超厚版熱香餅，有兩層，非常Ig-able。熱香餅好鬆軟，好似食緊蛋糕咁，用鑊仔上碟可以保持熱香餅溫度。熱香餅吸晒底層士多啤梨醬，甜甜的好滿足。🧇朱古力布朗尼窩夫 $68份量超大的，窩夫厚厚，布朗尼朱古力果好香濃。配上朱古力雪糕，完美冷熱交融嘅效果。建議+$8多要一球雪糕，咁先可以一路都點到雪糕。

今日同老公嚟到鑽石山廣場經過Ocio 餐廳，見到佢嘅裝修好特別，有日式簡約風格，非常吸睛，馬上入去試下。午餐時間我哋Order咗吉列豬扒手打烏冬，西班牙龍蝦汁手工意粉，兩個午餐都配送蘑菇湯，蘑菇湯用蘑菇蓉製成味道濃郁，飲落仲有蘑菇碎添。吉列豬扒手打烏冬的豬扒很鬆脆，肉質柔軟，烏冬亦好彈口，而西班牙龍蝦汁手工意粉，配料有青口，帶子，魷魚及八爪魚等非常豐富，味道有濃烈龍蝦味，同配料非常夾。食飽主菜，當然唔少得甜品，我地揀左奧斯密瓜窩夫做甜品，厚厚的窩夫，非常香脆，配合雲呢拿雪糕及日本直送蜜瓜，蜜瓜先甜好味，簡直100分！

話說之前去過呢一間餐廳喺旺角，不過上次就無試到甜品，見而家晚市開咗，所以就順便喺鑽石山食過便飯啦晚餐有跟餐湯，南瓜湯賣相都唔錯第一道菜就有驚喜啦，就係脆皮烤鴨配焗薯餅香橙黑醋醬 $158 ，菜式名寫薯餅，但實質個底係薯蓉，首先一讚就係個烤鴨，確實脆皮，肉質烤得剛好，不鞋口，烤鴨嘅鹹味再拼香橙嘅酸味非常之搭配，加上上面有黑醋醬，酸酸的味道令人很開胃，很喜歡香橙上面，有花花嘅配搭賣相非常之靚第二道菜係香烤大頭蝦手工意粉$148，要讚嘅就係蝦的肉身很爽口鮮甜，不過真係好大個頭嘅蝦顧名思義真係用手工制嘅意粉，意粉中間是空心的，很像飲管一樣，有別一般的意粉是爽口的，醬汁亦都很鮮甜，意粉中間加了蕃茄仔黃色翠玉瓜，增加爽口最後點了宇治抹茶心太軟$68，本人試過很多心太軟，這間餐廳嘅特別之處上面加咗杏仁碎，烘焙過的，再加煉奶綠茶粉上面，非常可口，而綠茶雪糕底加咗木糠，拼埋雪糕一起吃香脆軟綿綿，值得一叫環境餐廳很大亦很舒適，坐得很闊落，有小朋友或者有嬰兒車都很適合來

呢排成日落大雨， 放工仲要黃雨添😮， 晚飯時間決定到鑽石山荷里活廣場的餐廳。 見到Ocio 開業不久， 之前在其他區分店已食過， 口碑都不錯， 所以決定在這裏吃晚飯😊。 晚餐📋 ～ 香烤大頭蝦手工意粉$148、 脆皮德國咸豬手配酸椰菜薯條$198 ( 晚餐已包括是日餐湯， $33或以下飲品一杯，超額補差價。）， 熱蜜桃紅茶、 凍檸茶$3。 ▫️是日餐湯🥣 ～ 南瓜湯味道清清地。 ▫️香烤大頭蝦手工意粉🍝 ～ 大頭蝦好大隻， 肉質爽口鮮甜，蝦頭勁爆膏。 ▫️脆皮德國咸豬手配酸椰菜薯條🍖🍟🥬 ～ 德國咸豬手外脆肉嫩， 大廚烹調得剛剛好。 酸椰菜酸酸地好開胃， 薯條是粗身的， 非常香口。 ▫️熱蜜桃紅茶☕ ～ 香濃的蜜桃味🍑， 沒有甜，我幾喜歡。 ▫️凍檸茶🥤🍋 ～ 凍檸茶味道正常。 原先想食甜品，但實在太飽了，期待下次😊。

由細行到大嘅荷廣終於都開左一間靚+正嘅cafe啦! 就係西餐同waffle都好好食嘅Ocio🤩. 今日wz Boy黎lunch先, weekday等左陣就有枱了, 而店家嘅BB櫈係IKEA款, 同張枱level十分方便我餵🍚(當然野食黎到之後阿仔即刻唔吼帶嘅飯仔😑) .🍽蘑菇湯勁足料好好飲呀！🍽西斑牙龍蝦汁海鮮手工意粉手工扁意粉真心好好食!! 超級掛汁所以每一口都有濃濃龍蝦🦞汁嘅味道, 完全明白點解係限量因為真心高質. 當中嘅海鮮完全唔係hea, 2大隻青口+爽口嘅魷魚粒, 蜆, 蝦… 推介.🍽香煎刺身帶子南瓜燴飯見到隔離枱好正所以揀左. 重點嘅帶子一食就知係刺身level嘅高質. 南瓜忌廉汁夠哂濃稠同飯燴成一體, 店家落芝士係完全無手軟ga, 所以芝士味道都好濃厚, 好好味.🍽朱古力布朗尼窩夫驚喜!! Waflfe外脆內勁軟, 而且有濃濃朱古力味. 塊Brownie好好好moist, on top仲有一大球朱古力雪糕超正🤩如果多過一個人去食真心唔可以miss左店家嘅brownie😋.🥤凍奶茶, 椰子🥥紅豆🫘沙冰Lunch set包menu內$33嘅飲品所以我覺得補差價係好抵飲嘅😂師奶

居於鑽石山多年, 雖然有大型廣場, 但附近亦無一間甜品店。近月荷里活開咗間Café, 除了主食, 仲供應多款甜品, 終於可以同三五知己食完dinner轉場黎食甜品喇!餐廳光猛闊落企理, 點了三款甜品一齊分享。蜂蜜雪山熱香餅 HK$68熱香餅超軟熟, 雙層疊起可以趟下趟下咁郁, 質地帶點濕潤, 有陣陣甜甜蛋香。配上雲呢拿雪糕、楓糖醬, 自行沾上, 食落多一點點甜。奧斯蜜瓜雪山熱香餅 HK$98雲呢拿雪糕同埋單層厚厚熱香餅放於半個蜜瓜之上, 再有蜜糖星星同埋杏仁片做陪襯, 賣相吸引又能盡顯份量。除了可品嚐軟熟兼有蛋甜香嘅熱香餅沾上雲呢拿雪糕, 蜜瓜內已起核, 藏了幾粒奶凍方塊, 最後刮起蜜瓜肉食, 超清甜多甜又多汁, 滿足哂我呢個蜜瓜控。Brownie Waffle HK$68窩夫口感似蛋糕軟身質地, 沾上朱古力雪糕凍凍地一齊食, 軟綿中帶點甜。另配上酒心朱古力再令整個朱古力窩夫增加多份口感, 一次過享受三款朱古力層次。

有咩好得過食完飯之後再食翻個飯後甜品？唔使特登轉場食第二間，同一間餐廳可以滿足哂兩個願望仲要有好多高質甜品俾你揀，好方便! 見到餐廳食物份量全部都好大份，所以叫一個晚餐加一份小食，叫多一份甜品，兩個人分享，飽到抱著肚子走。 奧斯西班牙海鮮燴飯(晚餐$198)西班牙海鮮燴飯顏色又紅又綠好吸引呀! 除咗有一大隻大頭蝦，海鮮燴飯材料都好豐富，好多海鮮粒，包括魷魚粒及蜆肉，仲有番茄粒、瓜粒及菇粒。燴飯水份控制得恰到好處，意大利飯不會太硬也不會太濕，而且吃出有很濃烈的龍蝦湯味。大頭蝦蝦頭也很多肉，仲有很多蝦膏。 水牛城單骨雞翼($68)雖說係小食，但份量也不少，有很多香脆薯條，雞翼也是炸得香香脆脆，配上酸酸辣辣的醬汁，倍添開胃。 香芒甘露沙冰晚餐包一杯33元的飲品,可以補差價叫其他特飲，呢杯香芒甘露沙冰只係加咗$15，好抵!沙冰奶味比較重，但芒果味亦夠平衡，不會太酸，而且杯底有好多西柚及涼粉粒粒，味道其實就是楊枝甘露的味道，清香甜美。 奧斯蜜瓜窩夫$98甜品永遠係另一個胃，甜品有生果又有雪糕，真係perfect! 蜜瓜好甜好多汁，而且窩夫又大塊又厚，真係當飯食都可以好飽。即叫即整熱烘烘的窩夫，外

日日都落大雨⛈帶著呀仔最好更係搵d地鐵站上蓋既商場行吓玩下又唔使濕身就可以消磨成日😏順便發掘下新餐廳今次經過呢間日系裝修木質餐廳就被佢吸引到 ，再望埋個mean 都岩小朋友食 又有set lunch 又有甜品 Set lunch 我哋就揀咗個南瓜帶子燴飯配餐湯 椰菜花忌廉湯🍲媽媽都係第一次試又幾清新喎，仲有啲椰菜花蓉增加咬口不錯不錯南瓜🎃帶子燴飯口感清爽，每粒飯都吸收左南瓜嘅精華甜甜地😍調味不太濃烈，煎帶子嘅時間拿捏剛好香口又嫩滑，小朋友食都無問題👍荔枝紅茶真係用新鮮荔枝沖製，酸酸甜甜解暑一流因為個燴飯🍛太好味天天差唔多食晒媽媽要再嗌個甜品填下肚今次得自己一個食所以就揀個細細地嘅75%🍫朱古力心太軟，即叫即焗做到流心效果之餘又不太甜配埋有黃豆粉喺下面嘅雲呢拿雪糕🍦 Ichiban🤤呢度環境真係幾舒服😌裝修以木系為主如果下次可以撇低仔仔Girls gathering嚟依度high tea 就好🤭可以試吓啲大分甜品🍮🍰🧁🍨🍧🍡🍪再慢慢嘆杯咖啡

食完忍唔住即刻打返個差評真係好難食非常之失望食完非常唔開心因為價錢都幾貴見佢門口裝修得都幾靚所以先入去試吓點知入到去啲位同位嘅之間非常之近入到去安排咗一張圓枱仔細到根本放唔落嗌咗嘅嘢食嗌咗兩個晚市套餐呢個餐湯完全唔知道係咩味因為好淡。。。有薯仔味忌廉味都食唔到感覺溝左好多水呢個意粉雖然睇落好靚但隻蝦竟然係「梅」啲粉嘅口感同味道都黑松露薯條加左$58 普通未到唔出而且唔太脆而且啲醬唔係好夠～個飯就正常

間野好似好靚，一入去嘈到拆天。之後叫左個大蝦手工意粉晚餐同小食薯條炸魚同蜜瓜窩夫。首先尼左碗好水既忌廉湯，難飲到爆。之後就尼甜品，完全廉價既味道。尼埋個炸魚薯條，薯條仲可以，炸魚林既。之後就主菜大蝦手工意粉，隻蝦梅既，意粉好難食。整體尼講，唔會再幫襯。