Nonsense

好耐無同男朋友去的有情調又有好野食既地方約會於是乎就四出打聽下問下朋友有乜好介紹朋友介紹下就黎左呢度啦首先講下呢度既飲品先呢度既調酒師可以因應客人口味而調出你中意既飲品我男朋友想要多的酒精既就調左呢杯啦我男朋友話正合哂佢心意我就覺得好靚而我就話想要杯重果味的既呢杯都好好飲丫有荔枝味同橙汁加上甜甜的師傅都知道女仔中意飲呢的100分首先黎左個白味噌白胡椒北海道北寄貝平時我哋飲胡椒豬肚湯一定係中式今次佢哋將呢個中式湯加上日式嘅北寄貝感覺好新鮮個北寄貝好大隻好新鮮，讚！而且個湯都好好飲再黎台灣豆乳炸雞翼外脆內多汁南乳味香濃然後係白酒海鮮墨汁意粉意粉軟硬度適中用料新鮮而且有濃濃蒜香味每條意粉都包住醬汁好味最後呢個係橙香紅酒汁煎封脆皮法國鴨腿呢個真係好特別又好食上層係一隻好大既法國鴨腿下面有的薯容加上個醬汁調和左個鴨腿入口感覺一流黎緊一定要再黎近期少有食到既驚喜餐廳不僅色，香，味俱全而且仲好有新意睇得出大廚好有所以誠意推介啊

新年前多團拜，今次同朋友去土瓜灣聚會，見有間新開餐廳，就立即去試試新野。白酒海鮮忌廉意粉。海鮮有帶子，青口同蜆，好濃忌廉味，意粉煙韌，整體不錯。炸軟殼蟹。粉薄香口，每隻size細細的，易食但食落唔夠滿足。焗大啡菇。好足料！啡菇大大舊，芝士有好濃芝士味，下面有薯蓉襯托，三種材料好夾好平衡。黑毛豬肋肉煲仔飯。好特別，以煲仔飯做法，但用日本豉油配黑毛豬肋肉，比起港式煲仔飯無咁濃味，再甜一點，豬肋肉好淋，配上飯焦口感豐富。整體用餐經驗不錯，態度親切，會耐心介紹食物，食物質素偏高，如果想食好啲又係土瓜灣聚餐會再選擇。

食物好沙律菜新鮮，蜜瓜好甜冬陰功軟殼蟹，好脆，大件！魚鲛好滑，好新鮮，焗得剛好！慢煮黑毛豬扒，好冧好滑，連配菜都好好食，個底汁酸酸地，同個豬扒好Match 的味道！牛肉好好好好味，叫左五成熟，好冧，食到停唔到，不過份量再多啲就好了，唔夠喉，個汁好味，酸甜適中！蟹膏海鮮煲仔飯真係好特色，未見過有西餐廳有煲仔飯食，冬天食，暖粒粒，海鮮新鮮，另外仲有個味噌湯配食飯焦，真係執到撈埋！焦糖布甸好味，夠滑，中間雜莓蛋糕好鬆，fruit tart就一般。Brownie係暖和軟身的，別有一番味道，配芒果雪糕，灑上的朱古力脆脆粒，倍增口感！服務好Openrice 訂座好快Confirm，在新張期內，送每位客人一杯飲品，可選在Menu上的無酒精飲品，或者客人想要的自選味道，只要是無酒精就可以，或者紅白酒。另外問可否預備surprise birthday dessert 俾生日的媽咪，一口答應，沒有額外費用，只是當叫一客甜品的費用。服務員態度親切，主動講解每款菜式嘅特別之處。聽說餐牌會時常更換，令客人每次來都有新鮮感，並做到精益求精的服務態度，上菜速度盡量配合客人，不會令食物變涼，減低食物的質素。環境好門口

今日收工後約左女朋友去土瓜灣附近食飯，佢話有條街有好多餐廳，所以就去果頭搵廳食。8點去到就有位安排左我地坐一張4人座，環境優雅，應該係新開既，所有設備都好新睇menu選擇多價錢合理，我地點左一個薯條同2個maincourse － 饅魚煲仔飯加慢煮豬扒薯條好快就上菜，茄汁＋黑松露汁配上粗薯條，無得輸。之後再上饅魚飯，好足料，味道唔錯。豬扒肉質鬆軟，配上開胃既汁，仲有焦糖蘋果，好開胃～點左一杯house red wine，易入口，好fruity，襯埋豬扒岩岩好！總括之而cp值超高！氣氛同食物質素好好，值得推介！

屋企附近開咗一間叫nonsense既餐廳。見到個名我心諗，咁搞笑嘅點會有人改自己餐廳係nonsense嫁？！ 趁有時間，終於去左試下呢間餐廳有幾nonsense先。睇到佢哋嘅餐牌，原來佢哋嘅菜式大部份都係Fashion菜，都幾特別。叫左個日本鰻魚日式煲仔飯，估唔到咁多鰻魚，鋪滿晒個煲仔飯，鰻魚味道好好食，肉質都幾滑，中間仲有個雞蛋，一上枱我即刻將雞蛋同飯撈埋一齊。食到最底有少少飯焦，飯焦嘅火候掌握得好好，唔會太過火，脆脆的口感。另外，呢個煲仔飯飯量都唔少，如果細食嘅我諗三個人都夠食。另外，我仲叫咗個芝士蟹肉大啡菇，大啡菇菇味濃濃，用来烤焗就最好，而且將芝士同蟹肉釀入菇中，切開食個時芝士有拉絲，入口更是香口多汁，令人回味無窮！不過建議一定要趁熱食，凍咗冇咁好食㗎！呢度令我食得最開心嘅係，呢度啲店員哥哥都好Nice。而我見其中bartender 哥哥仲周圍同客人傾計，甚至會根據佢哋各人自己嘅口味幫佢調製一杯飲品，真係好有賓至如歸嘅感覺。你同佢傾傾吓計佢推介我飲Okinawa Black Sugar Milk Tea。我偷偷地見到bartender哥哥好用心甘整嫁。甜甜地好易入口，而啲奶上面

平時同朋友食西餐都係揀去尖沙咀 銅鑼灣個啲地方～～但係我同朋友本身都係住土瓜灣呢頭見到近近地有得食下西餐梗係唔好放過啦 中價價位 比尖沙咀平少少如果住附近既話真係相當唔錯本身諗住呢類街坊西餐店都係食下卡邦尼 鋸下扒唔會有D好特色既食物所以同朋友就係落單既時候問左店員有D咩推介最後黎既食物都好滿意首先前菜有份沙律沙律入面係有蝦醬 有少少fusion感覺食落幾夾 都幾驚喜～之後叫左份我鍾意食既大啡菇除左有芝士之外仲有蟹肉係入面好juicy同埋成個口感好豐富然後主菜係黑松露鵝肝意粉黑松露味好濃郁 鵝肝亦唔會太漏 幾岩我心水另一份係燒豬髀伴甜梨食落幾fresh同埋下面個薯蓉都好好食唔係就咁求其當伴碟而整 幾有誠意食物方面唔錯 不過我覺得最驚喜反而係飲品鍾意飲黑糖飲品既我當然係叫左沖繩黑糖奶茶好香好滑 鍾意黑糖既人一定會鍾意飲!!而我朋友叫個杯係香水烏龍所謂香水係間餐廳自己調教既食用香水會噴落去杯烏龍到 甜甜地好特別～總括黎講下次同朋友想出去食西餐既時候都一定會再返黎encore

土瓜灣其實我成日諗，但係食嚟食去都係一品雞煲同Hazel啦，今次見到佢隔離開咗間新嘅西餐廳，就決定試吓。一入去已經得到非常客氣有禮嘅款待，相信嗰個係大廚，坐低左之後店員亦都好細心介紹每一道菜俾我哋，新開嘅小店咁有人情味，好值得欣賞。食物方面佢主打嘅煲仔飯超級出色！黑毛豬條嘅肉質超級軟熟，而且感覺到佢嘅新鮮，煲仔飯落嘅調味亦都唔會太重，有西式嘅黑椒味加上中式小小嘅豉油，加埋同埋豬肉嘅油脂感，成件事雖然好似好油膩但係其實一啲都唔係。令一個主菜叫咗貝類忌廉汁墨魚麵，我好欣賞到嘅甜味，啱啱好唔會太鹹，帶子，青口，蜆都好足料，感覺到佢對食材選擇堅持，重點係個碟都好靚^_^其實仲有小食嘅不過真係比主菜吸引住先，然後係正常，唔會太油，但係凍左食就會有啲難。芝士焗大姑我非常欣賞，因為佢個菇首先好juicy，但係最吸引我嘅係用鐵板上而且個底有薯蓉。當啲薯蓉有少少燒焦嘅感覺，食落去好特別。叫咗杯榛子朱古力，店員好好咁話如果太甜可以再調整味道，我諗出邊好多食肆都做唔到一樣野咁照顧食客，如果再經過我一定會再嚟。

偶爾自己一個人吃飯都可以去食好一點。這一區吃西式食品的餐廳不算多，但它們都集中在這條街。最近發現了這家新的西餐廳，所以便趁獨處時間品嚐一下！這餐廳環境很舒服、整潔！我這天品嚐了啡菇、豬鞍及黑糖奶茶。雙重芝士 · 蟹肉 · 焗大啡菇很出色！啡菇多汁，芝士味道很香濃，而且有拉絲的效果，拉開時的視覺效果使人很滿足！慢煮黑毛豬鞍扒的醬汁非常特別，味道很熟悉，但又無法分辨是什麼。細看餐牌，驚覺是八珍甜醋。真的沒想過八珍甜醋除了可以用作烹調豬腳薑，還可以成為西式豬鞍的醬汁。豬鞍烹調得宜，但在焦糖蘋果的映襯下表現遜色。這個焦糖蘋果太美味了。雖然味道偏甜，但甜味感覺很清新，吃著不會有罪惡感。我非常喜歡這個蘋果！最後是特色飲品-黑糖奶茶。味道不算特別，茶味不明顯，除了質地比較輕薄外，這個飲品跟一般的黑糖鮮奶差不多。我喜歡黑糖鮮奶的味道，隨意覺得飲品都不錯。整體來說，我喜歡這間餐廳。獨個兒來吃飯十分的寫意，但一群朋友聚會來這裡都應該挺適合！

自從朋友搬了土瓜灣後多點了認識，她推介了剛開業約一個月的 《Nonsese》，是一家Restaurant & Bar 位於土瓜灣北帝街，餐廳環境舒適、casual，適合跟朋友聚聚舊飲酒small talk 都蠻捨意des ka 😁 Lychee Berry Calpis HKD 58 Bartender 調製了一杯荔枝做base、加入乳酸等材料，味道酸酸甜甜很開胃。黑毛豬 日式煲仔飯 HKD 168 煲仔飯烹調得好味時間、火候掌握很重要。平日的港式食法都是瓦煲為主。而這裡用鐵製器皿也控制得宜把飯粒軟硬度剛好還有香噴噴飯焦！ 滑蛋跟秘製醬汁飯混和再連同有咬口的黑毛豬所帶出的油香佈滿口內，久久不散。 冬陰公 軟殼蟹 HKD 108 點了一份小食， 用冬陰公來配軟殼蟹是一個頗有新鮮感～ 一搬配黃/紅咖喱等製作，今之次有驚喜。炸得外脆內軟～ 送飯一流！ 欣賞餐廳理念及跟客人有互動，這樣了解到客人品味，從而製作一道Tailor made 美食。 加分！

之前朋友講過話我地屋企附近有間西餐今日心血來潮就尼左同佢一齊食la我同朋友本身都冇咩好大期望 可能因為佢好近屋企 感覺好似落樓下食野咁haha去到門面都覺得幾好ar 睇落已經覺得幾chill 可惜我同朋友都唔中意飲酒同埋d staff都幾nice 成個感覺幾舒服睇到menu其實有d野食都幾fusion 不過始終想食西餐所以就冇叫到lu反而野飲方面覺得幾surprise我個杯係叫香水烏龍 本身以為都係得個名 唔通真係有香水係入面咩但個staff介紹話個香水係間餐廳自己調教既食用香水會噴落杯熱情果烏龍到 真係聽都未聽過 幾interesting 飲落甜甜地都幾特別la前菜叫左蝦醬沙律 都算係少少fusion ge 咸咸香香唔錯朋友鍾意食大啡菇 呢個除左有芝士都有蟹肉 都幾滿足去到main course就叫左黑松露意鵝肝意粉本身有dd怕鵝肝 因為覺得好漏 但呢個我覺得ok仲有另一份係燒豬脾配甜梨 加埋甜梨幾fresh幾好食同埋d野食價錢尼講都算ok可以接受

餐廳主要為近年大熱既fusion菜由於今次得兩個食, 所以只叫得三個菜同一個小食餐廳裝修簡單燈光柔和座位間隔夠闊環境: 舒服餐牌既菜式大多為自家創作, 融合不同菜系每一樣都好值得一試但今次人力有限只試左4樣落完單, bartender會親自走過黎問我地想飲乜野我地講完要求後, bartender介紹左兩款cocktail我呢杯係infuse oolong飲落好香桂花味, 個人好喜歡, bartender介紹時話呢款酒係用份子料理既方式調出黎朋友個杯係smoky high ball, 煙燻味好香, 飲落好特別, 但由於酒底係威士忌,  本人酒量淺, 淺酌兩啖後比左朋友處理, 佢表示非常喜歡P.S. bartender會親身過黎調酒, 令視覺都有一重享受第一道上枱既係小食: 雞泡魚干有日韓兩款, 左日右韓, 日式較軟身濃味, 韓式較香脆, 伴酒一流第二道: 主菜 鵝肝黑松露意粉呢款可能比較普遍, 好多cafe都有得食但呢款係我最喜歡,覺得最好的一道不普通的地方是鵝肝煎得外脆內軟嫰滑, 醬汁香濃而廚師煮意粉的功力更是值得講一講意粉煮得軟硬適中啱啱好, 而且完全吸收晒啲汁同行朋友都奇怪點解意粉

兔子今日工作一肚苦水，真係就算星期二都要約朋友見面食餐好嘅！朋友話佢屋企附近好多好餐廳，所以兔子就走到北帝街覓食啦！岩岩就見到nonsense係新開張，仲有做龍蝦Promotion，一於就試新嘢！雖然nonsense係”Restaurant & Bar”，但係環境幾好，唔似一般酒吧咁黑暗同迫，坐位之間都夠空間。一句螢光光管句子點題，感覺幾chic!老闆見我地兩個女仔望住個menu好耐都未決定，就過嚟同我地講解下有咩好食，好細心！佢仲同我地講原來所有飲品都可以tailor made，只要你講你嘅要求就得，呢個服務又幾唔錯，值得一試！兔子來了杯提子乳酸梳打，酸酸甜甜好醒神，I like it!!食物方面我地最後點鰻魚煲仔飯，黑毛豬胺，芝士蟹肉大啡菇。黑毛豬大大塊夠juicy，仲有自家製焦糖蘋果係超級出色，唔食晒成個係對唔住佢 haha! 鰻魚煲仔飯足料又香噴噴，天氣涼涼地食就岩晒。芝士蟹肉大啡菇有脆口嘅芝士之外，啡菇依然相當濕潤。價錢合理，服務友善，土爪灣又有新搵食之選了！

朋友住土瓜灣，佢介紹左屋企附近新開既餐廳比我！呢條街好多餐廳，之前有去過隔離嘅Cafe。今次呢間係酒吧，但都有非酒精飲品，我叫左杯沖繩黑糖奶茶 $58，好夠凍，唔係平時飲開個啲珍珠奶茶既口感，係mock-tail，好夠凍，唔會太甜，仲有層朱古力粉係面，賣相好似Tiramisu。日本鰻魚日式煲仔飯 $175，夠晒熱，煮得熟既生蛋，撈勻黎食，啲飯仲有飯焦，鰻魚份量都好多，加埋鰻魚汁無得輸。另一個主菜叫左黑毛豬安鞍扒八珍甜醋洋蔥汁焦糖蘋果 $258，黑毛豬安鞍扒好大塊，黑毛豬肉質比較好，不會太硬，我都好喜歡吃，有一驚喜是焦糖蘋果，淋身的蘋果加上焦糖甜甜的，都不會好怪，幾好食。

屋企附近開左新餐廳，同男朋友經過見到門面幾靚就試試佢入到去見到個bar位整得幾靚幾好氣氛，人唔算好多，岩哂我地放工輕輕鬆鬆傾計食飯叫左份黑松露白松露炸薯條、慢煮豬鞍扒薯條整得好出色，松露味好濃郁，老闆行過同我地介紹原來薯條係用白松露油炸過，再沾黑松露唔怪之得松露味咁出！豬鞍扒真係大驚喜男朋友切開果陣已經見到個顏色好靚，一咬落肉既質感剛剛好，火候控制得好好，而且好入味最驚喜既係配菜焦糖蘋果，連唔中意食甜野既男朋友都食到唔停口，入邊既蘋果甜甜軟軟，外邊有一層薄脆焦糖蓋住蘋果，好好味！呢個maincourse食完都唔洗食甜品，夠哂喉！老闆同員工都好有熱心，行過會問下食物味道如何食食下覺得口渴想叫cocktail，staff話原來可以tailor made cocktail比客人，我話甜甜地唔要太苦既，佢就沖左杯好靚既有花瓣既cocktail，岩哂我影相打卡，好睇得來仲要好飲！真係好有驚喜！呢間餐廳真係唔錯，環境、食物質素同服務態度都好好，已經同男朋友講左之後再返來試埋其他菜色

難得老公話想出去食飯於是搜尋屋企附近有咩好食，見到新開呢間餐廳，又覺得佢個名好特別，就著衫落去睇下食啲咩原來以前ganggang個位執左，唔緊要啦，凡事都有第一次嘅，今日星期日，條街又咁好多人，去到見到門口有人等位，問入面啲員工係咪有飛仔排，可能新店關係啲安排未咁完善，個員工同我過唔會派飛，叫我喺度等就得，老公就同我講，如果多幾個客等嘅話，你估個員工分唔分到邊個打邊個⋯的確感覺安排有啲乸西等左十分鐘左右，安排坐左門口附近位置，老公話等左咁耐終於有得食，嗱嗱臨落左order，餐廳室內保留前身店的原本間格，保留左個開放大玻璃窗，唯一改變左嘅室內燈光有啲暗，牆上面有個綠色嘅slogan，另外雖然室外好清涼，但店內客人頗多，空氣唔太流通，建議都開要冷氣，吹吹涼風都好，有啲焗速同老公點左個慢煮牛肩扒，鵪鶉腿煲仔飯，燒雞泡魚同埋一杯Smoky Rose兩份飲首先講下個所謂慢煮牛肩扒，老公好心急即刻食，面色一變，話好咸，我再試真係咸，仲要塊扒係凍冰冰，之後個煲仔飯黎到，我同個侍應講個牛肩扒好咸，佢就話今次牛肩扒師傅調味重手左，跟住講左句唔好意思就行開，咁即係點？？？老公話算啦叫個侍應攞啲芥末點下中和