Nonsense

兔子今日工作一肚苦水，真係就算星期二都要約朋友見面食餐好嘅！朋友話佢屋企附近好多好餐廳，所以兔子就走到北帝街覓食啦！岩岩就見到nonsense係新開張，仲有做龍蝦Promotion，一於就試新嘢！雖然nonsense係”Restaurant & Bar”，但係環境幾好，唔似一般酒吧咁黑暗同迫，坐位之間都夠空間。一句螢光光管句子點題，感覺幾chic!老闆見我地兩個女仔望住個menu好耐都未決定，就過嚟同我地講解下有咩好食，好細心！佢仲同我地講原來所有飲品都可以tailor made，只要你講你嘅要求就得，呢個服務又幾唔錯，值得一試！兔子來了杯提子乳酸梳打，酸酸甜甜好醒神，I like it!!食物方面我地最後點鰻魚煲仔飯，黑毛豬胺，芝士蟹肉大啡菇。黑毛豬大大塊夠juicy，仲有自家製焦糖蘋果係超級出色，唔食晒成個係對唔住佢 haha! 鰻魚煲仔飯足料又香噴噴，天氣涼涼地食就岩晒。芝士蟹肉大啡菇有脆口嘅芝士之外，啡菇依然相當濕潤。價錢合理，服務友善，土爪灣又有新搵食之選了！