Nonsense

朋友介紹下, 去咗土瓜灣呢間新店食嘢😆今晚食late light dinner先叫咗杯Mocha, 同埋Chocolate hazelnut Latte, 都幾大杯, 又好飲喎! Mocha唔苦, 亦甜又滑, 極易入口, 平時飲唔晒一大杯, 今日呢杯令人好想清咗去! 飲完令人精神開胃! 朋友既杯Chocolate hazelnut Latte甜得黎好清新, 唔多冰, 好夠份量, D朱古力唔會極甜, 入口好自然, 好滑. 仲有叫左芝士蟹肉燒大啡菇。雖然有芝士, 但唔會好膩, 好足蟹肉, 成件事好香, 會再光顧!!!土瓜灣新開小店，無倫係環境、食物定服務都非常唔錯💕

同朋友好耐冇見今日嚟咗佢屋企附近搵佢食飯北帝街一帶原來都幾多嘢食 我話想食西餐 於是朋友帶咗我嚟食呢間個名好得意嘅non sense呢度嘅店員都好好 嗌嘢食嘅時候好細心咁樣問我鍾意飲咩類型嘅飲品同介紹Smoky Rose lemonade呢個分咗兩部分上 一個係lemonade 一個應該係玫瑰糖漿 扭開樽仔就散發出陣陣嘅煙燻香味 倒落lemonade度有噴煙嘅效果 而且味道唔甜好好飲 真係睇得又飲得!芫茜香茅黑椒慢煮雞胸用慢煮方法去煮嘅雞胸 口感鬆軟中有啲咀嚼感 而香料香茅黑椒有恰到好處咁樣帶出雞嘅鮮味 簡單得嚟 味道又好芝士鰻魚牛油果蟹籽炸卷單睇賣相已經好精緻 食落去嘅時候芝士做到少少入口即溶嘅感覺 但又唔會蓋過鰻魚嘅鮮味 加埋牛油果嘅清新同埋蟹籽嘅爽脆 口感同味道都充滿層次！冬陰公軟殼蟹食軟殼蟹通常都係就咁炸 冬陰功口味真係好少食 第一次食覺得呢個配搭又幾唔錯 蟹炸得香脆鬆軟 而且唔會好油膩 配埋開胃微酸辣嘅冬陰功口味 味道非常夾白酒海鮮墨汁意粉成碟意粉都幾足料 有青口 帶子 同埋魷魚 青口同埋帶子都好大隻 鮮甜得來仲有啲白酒香味 魷魚爽口 麵條多汁得黎又唔會太一pat pat 口

wow之前渣車經過呢到見到有間新開既餐廳望到價錢同環境幾吸引 今晚就專登渣過黎試下餐廳門口採用左半室外式設計環境真係幾舒服 靜靜地首先黎個美國慢煮牛肩扒慢煮完既牛仲係粉紅色外面再稍微煎香佢就做到內軟外脆份量真係好大 成10安士都有呀巴馬臣芝士青檸烤粟米賣相好吸引呀！粟米🌽面頭舖滿左芝士粟米燒得岩岩好 冇變黑芝士同粟米中間其實仲有小小沙津醬令成個味道昇華左！黑毛豬肋肉日式煲仔飯熱辣辣咁上 店員多次提醒個煲會好熱仲提供左我隔熱膠套呢個豬肋肉真係好正 超熱味道夠咸 極爽口 一咬落去有啲汁彈出黎成個飯都係呢啲豬肋肉滲透出黎既肉汁食到底仲有啲飯焦添！煲仔飯岩曬今晚涼涼地既天氣～沙薑炸雞翼有5隻 又係新鮮炸起微微既沙薑味令到個脆味冇普通炸雞翼咁油膩係唔錯既配搭！野飲方面就叫左Salted & Sweet Caramel Chocolate同Iced Cuppucino見到隔離枱叫左個陶瓷咖哩 上菜後店員會提供一個鎚仔 自己扑開個陶瓷 一扑開啲咖哩係入面流出黎 極吸引 下次再黎一定會試呢個！

屋企人生日出街食飯，見新店又做優惠所以試試，真心講環境裝修一般，但坐位都舒服唔迫，最令我驚喜係食物飲品質素非常高，真係好好食，飲品賣相好有心思，真心想推介俾大家試試推介食品：黑松露薯條鵝肝和牛煲仔飯燒龍蝦芝士蟹肉大菇粉紅荔枝特飲

去開土瓜灣搵朋食飯，search到呢間新嘢，就不如試吓！星期二晚7:30pm入去唔洗等，店員有禮招呼坐下已見到句醒目quote, 好棧先來個日韓鴛鴦燒雞泡魚干，上半部是日式，下半部是韓式。雞泡魚干唔多日式店有，呢度有仲有比兩款你食！有heart再來個法國鵝肝什菌黑松露意粉一上枱已經勁香，個鵝肝香算大塊又煎香！黑松露好足料！食完好想再食！之後係芝士蟹肉燒大啡菇，勁juicy呀！蟹肉又係足料呀救命重頭戲係呢個 陶罐料理  西班牙羊排骨 烤包，一上枱侍應會幫你扑爛個罐頂，一爆開，個肉香味都爛埋出黎D羊好林，羊肉排嘅肉特別好色！一咬就係！個汁勁香用黎沾餅好好食呀！好想打包返去撈飯最後係呢杯smoky rose lemonade , 唔好睇少呢杯透明嘢，係鎮店之寶！一上枱侍應會將玻璃樽內嘅煙及水，加埋罐lemonade一齊溝比你！好棧好飲！好謙又客氣嘅老闆話我地知因見坊間好多所謂的西餐廳一來食物質素一路下跌，加上呢d西餐廳食物款食物無嚟特別，所以佢同幾個各有飲食專長嘅朋友就開咗呢間好有特色嘅多國款色餐廳，務求令香港人享受吓非一般嘅西餐廳！值得繼續帶朋友黎幫襯！

老公想食西餐，我又突然想食中式野，行過北帝街見到新開的fushion 餐廳，望下menu 竟然有日式鰻魚的煲仔飯，甘梗係試下啦！老公叫左一個陶罐黑啤燉西班牙羊排，呢味菜其實係土耳其菜，youtube都見過，估唔到香港有得食！好surprise! 味道唔錯的,有綽頭！份量仲好多添。大廚好有heart, 仲出來同我地chit chat氣氛浪漫，價錢唔貴，高級多國菜餐廳，平民價錢，我地仲飲左兩杯cocktail 添呀! Bartender 好有學識，同我地講左好多調酒我冷知識，感覺好似上左一課甘！

成班朋友10幾人有大有小搵食，見到呢間店個名好得意，叫nonsense, 咁就睇下佢個餐牌係咪non sense 先! 餐牌又幾吸引喎，又有babychair提供，咁就試下啦！餐廳唔大，裝潢幾精緻，有candle及輕音樂，情調幾好，係本人鍾情果種小店feel。😍 店員有禮貌又勤快，而家仲有咁既服務態度幾難得喎! 叫左好多野食呀！overall 樣樣都好食，不過有幾味我地話應該列做鎮店之寶🤣 個豬鞍賣相唔錯，d肉味真係好香，又juicy ! 一陣間就搶晒啦! 所以再叫過! 另一味又係要叫第二輪，就係黑松露鵝肝意粉，色香味都👍👍👍 鰻魚卷外脆內軟，真係。。戒澱粉都要破晒戒呀 😭 仲有個 鵪鶉煲仔飯同卡邦尼意粉，都大碟啦仲要叫多輪! 個白味噌北寄貝湯，好香胡椒味，又飲到海鮮既甜味，都係必食! 龍蝦68蚊! 想點呀平靚正! 8大6小都覺得呢度有5星級水準，講緊小店有咁既水準好難得，仲要價錢唔貴，真係好想見下大廚。6合彩又唔見咁靈，大廚真係出現左，問我地食後意見，好親切呀 😱p.s. 不得不提下，間店有酒精同冇酒精既野都係5星級滋味，好可惜冇全部影相，但我最念念不忘杯 smoky Rose羅!!

經過呢間餐廳, 發現應該係新開, 入去試食佢啲嘢, 發各種類多而且好味， 尤其是個碎蛋牛角包加三文魚, 加埋啲新鮮嘅 salad , 個炸軟殼蟹亦有驚喜 ， 一啲都唔肥膩 ， 個大廚肯定係一個好有heart嘅廚師，整每一樣嘢都好注重色香味 同埋食材嘅新鮮 ， 個黑蒜凱撒沙律 ， 一啲都冇蒜頭嘅辣味反而甜甜地好好味 ，絕對值得推介 ，招呼又好，杯咖啡仲好專業， 門口係一個大嘅窗，坐喺側邊覺得非常之舒服，可以悠閒咁過一個下午 ，一定會再返去幫襯。

第一次行入間餐廳，感覺很舒服，服務員態度非常好，很親切，食物味道很不錯，慢煮牛肩（我老公同個仔都話唔錯）黑毛豬煲仔飯（我個人喜歡呢個，因為估唔到西餐都有煲仔飯食）泰式芫茜辣雞胸（又比想像中好喎！辣得嚟D雞肉又唔諧）樣樣水準都很高，飲品方面，調酒師設計左好多款飲品，賣相又靚，又好飲，大人細路都有啱飲啱食，打卡一流！再去第二次食午餐，墨魚汁意粉，青咖喱炸魚，都係好好味！自己已經推介比朋友！朋友也讚口不絕！真心講，以一間小店來說，值得推介！