No Money So Lonely

营业中

休息中

今晚搵左朋友落旺角試新CAFE 呢間做過功課想食好耐評價都唔錯 訂左位就過去試幾款菜式菜式 薄脆蝦肉PIZZA 香脆薯條 金蒜單骨雞翼 安格斯牛扒沙律 柚檸特飲牛扒沙律 煎至5成熟既牛扒分件放左沙律上 再淋上沙律醋調味沙律酸香脆爽清新 牛扒粉嫩有肉汁 食落有淡淡黑椒香氣 肉味香濃油脂不多 豐富既前菜沙律小食 單骨蒜香雞翼 開單炸至金黃香脆 再灑上大量金蒜 係一款好惹味既小食份量都有十幾件脆薯條 美式薯條本身已經有調味,炸香就食得,附一份蜜糖芥末汁 新鮮脆口蝦肉PIZZA 放滿洋蔥辣椒番茄仔 仲有原隻蝦肉再焗香 批底超香脆又薄 蝦肉鮮爽甜最後係特飲 柚子加檸檬,酸加甜 又清爽又有果香平均消費$300評分8/10No Money So Lonely旺角彌敦道700號T.O.P This is Our Place 4樓406-408號舖

返工咁辛苦，放工就梗係嘆吓啦。今次嚟咗mamaday嘅另一條line，好似係Cafe又好似係泰國風味嘅餐廳。就咁睇已經見到佢鋪面設計非常有心思而且餐牌都好有特色，嘢食嘅名搞笑得來又唔難估下佢係啲咩嘢食😂。今次叫咗個比較正經嘅甜品喇- NMSL窩夫🧇，本身好鍾意飲珍珠奶茶，於是叫咗呢個楓糖、芝士奶蓋、香蕉味窩夫，淨係見到佢上面一層厚厚嘅芝士奶蓋🧀，未食已經覺得好吸引呀！窩夫鬆軟唔會淋，配料嘅水果亦都好新鮮，咁啱係平日晚上嚟食，唔算好多人，可以慢慢享受環境及打卡位，下次再試其他fusion嘢！喜愛程度：🧇 🧇 🧇 🧇

旺角T.O.P除左多細舖仔逛逛，亦係吸取文青和青春氣息的地方，畢竟依家年紀吾輕🤣相約好太逛完後，就去No money so lonely 食dinner! 煙三文魚海鮮醬意大利粉由煙三文魚切成一朵玫瑰花，外賣相已經好吸引！同海鮮醬非常夾！推介👍🏻NMSL pizza 是隨機的組合 ，於我而言最緊要不太辣就OK了！最後都冇失望仲有驚喜添！好彩有蘑菇、芝士、洋蔥、辣肉腸（不太辣），雖然係簡單組合，但已經食到舔舔脷！尤其厚厚的芝士，是pizza core😋😋😋夏威夷洛神花玫瑰花茶（熱）靚靚日式茶壺🫖感受沁人心脾的淡淡花香，酸酸甜甜的洛神花茶，是炎炎夏日最佳的消暑保健飲品！非常養生🍵

因為升咗職，所以想請好朋友出來食餐飯慶祝一下！上網找找旺角有什麼又有特色、又好味的餐廳，就找到這位於 T.O.P 的「No Money So Lonely」名稱非常特別，裝修亦很有特色，而且在網上的食評也不錯，於是就訂了枱！這兒真是客似雲來，不停見到有客人來等位，幸好我們一早已訂了枱，用餐時間90分鐘看看Menu, 雖然食物的選擇不算太多，但真係樣樣都想食，選擇困難症又再發作先選擇飲品，朋友選了熱的「山楂蘋果茶」很有趣，是連埋茶壺上、自斟自飲的！！朋友說味道不錯又不會太甜我就選擇了「熱情果烏龍茶梳打」未到OK不過不失，我喜歡味道不會太甜看到食評， Pizza是必選項目我們就點了這個「冬陰功大蝦薄餅」果然真的是必選項目，雖然Menu上寫着有一隻辣椒🌶️，但事實是一點也不辣，但都非常嘢未，而且冬陰功的味道很濃，材料亦沒有吝嗇，大蝦非常大隻而且彈牙！！我最欣賞是Pizza上邊的芝士，非常Rich！！即使我們「相機食先」，影完一輪相， Pizza已經微微攤凍，但濃厚的芝士仍然做出「拉絲」的效果，非常非常之好味！！另外，點都要點一些蔬菜！我們就點要這個「煙燻豬手沙律」這個真係非常之好味，先講「煙燻

成間餐廳大部分員工都係發緊夢，再唔係就背住曬啲客，喺佢面前舉手都扮睇唔到Reception黑長頭髮戴眼鏡嘅女仔態度極差，好似唔想做生意咁問咗明明booking無full都唔俾即日bookWalk-in唔理間餐廳多人少人都係要等45分鐘or above坐位安排極差，門口張4人枱用嚟擺ipad都唔俾客坐(現場有大約10個客等緊)2人安排4人枱，搞到真係4人就無枱啲嘢食幾好都無用，建議餐廳俾多啲tranning前線同事

我哋食嗰陣佢仲試業緊，主打fusion泰國菜😛因為好肚餓所以叫咗個地瓜條食住先，佢係比較幼身個種薯條，我期望食落會係好香脆，但可惜佢係偏軟身而且好油膩，似放咗一段時間🥲飲品方面我覺得佢有好多得意嘅選擇，分別揀咗香蕉肉桂奶昔同花椒木瓜奶昔😂香蕉奶昔本身係好好飲，但可惜玉桂味重手左啲。花椒木瓜奶昔飲落有種麻辣米線嘅感覺，幾特別但木瓜味就唔算好出。主菜方面我哋叫咗半份蜜味酸辣豬肋骨丶啖啖蟹肉擔擔飯同煙三文魚海鮮醬意粉～個豬肋骨幾有驚喜，佢用火槍燒過表面，所以好香口。炆得亦好夠淋，一咬就已經骨肉分離。蟹肉飯都唔錯，因為佢加咗蟹籽，啲卜卜脆嘅口感令到成個飯好有層次。我覺得比較一般嘅係海鮮醬意粉，可能個人唔太鍾意食好甜嘅嘢，我覺得呢個意粉汁實在太甜，甜到想搵啲水沖淡佢😂而且比想像中辣好多（或者係我低估左🥲），餐牌上嘅一隻辣椒完全反映唔到佢嘅辣度，應該要畫三隻辣椒上去🌶🌶🌶總結總結～大部份食物都唔錯，餐廳環境亦都有好多打卡位，經過旺角朋友都可以試一試👍🏻

【No Money So Lonely】#旺角依家呢啲天氣成日都落大雨，有時唔想淋濕就唯有喺室內嘅地方搵嘢食。咁啱係旺角站其中一個出口唔需要走出戶外地方就可以直接連接去TOP商場， 十分方便，所以今日就去咗呢個商場嘅呢間No Money So Lonely食lunch。呢度嘅午餐係可以自由配搭，首先係可以揀烏冬、麵包、飯或者漢堡，然後可以選擇三到六款食物作為配料，自由配搭。我揀咗明太子冷烏冬，配料就有奄列配蘑菇、明太子手撕雞、煎塊石斑。明太子烏冬嘅明太子醬非常之多，烏冬軟硬恰到好處，爽口彈牙，入味又好嚼。明太子手撕雞嘅份量亦都唔少，每舊肉多好密實，分量十足。其他配料亦都不過不失，對得住佢嘅賣相。呢間餐廳最令人驚艷嘅地方始終都係佢嘅裝潢，非常有特色嘅設計裝飾，牆邊掛滿好多壁畫或者鏡飾，有種置身童話嘅感覺，玩味十足。———————————————#nomoneysolonely No Money So Lonely (旺角)旺角彌敦道700號T.O.P This is Our Place 4樓406-408號舖

「No Money so Lonely」真心被他的名字吸引了。朋友趁著囡囡放暑假，約埋我一齊到旺角食午餐，於是選了呢間名字十分特別的餐廳。餐廳位於旺角 T.O.P. 4/F, 環境裝飾帶點懷舊。我們點了兩份lunch set ，午餐配有有餐湯或沙律，價錢大约$130左右。一份 4 items lunch ， 四款餸選了明太子手撕雞、一口牛肉、啖啖蟹肉、泡菜豚肉，再配一碗紫菜芝麻飯，分量不少。另外一份午餐就要了pizza ，可以大家 share。沙甸魚 pizza 幾特別，配上微辣红椒絲及拉絲芝士， 餅底薄脆 ，十分好味。最後加$20要了杯latte ，飲 latte 最期待有靚靚拉花，當然咖啡味道亦很重要，整體杯latte 不錯。總結呢度環境裝修、食物味道及咖啡質素，都不錯值得大家一試。

星期五黎到旺角食新式泰國菜～ 餐廳內嘅佈置好有特色，仲有好多得意搞鬼嘅裝飾添😎 我哋6點黎到唔使等位，但係食食吓到7點左右就已經坐滿人、要排隊喇～👯👯👯 茶式選擇好多樣化，有好多都想試呀！🐽 今日就試咗呢幾款～🦑寂寞拼盤🦐我哋揀咗腐皮扎肉、秋葵蝦、炸魷魚呢三款小食～ 全部都炸得很香口，表層黃金脆脆的😋 其中秋葵蝦最特別，秋葵入面夾住蝦滑，好食又健康～ 🍕泰式肉碎豬頸肉pizza豬頸肉做pizza topping都幾有特色，豬頸肉亦夠入味～ 上面嘅泰式醬汁少少微辣、幾惹味～ 芝士份量幾多🤩 🍝記得抹嘴墨汁卡邦尼配Parma ham 意粉食呢個真係要keep住抹嘴！我朋友食到好似halloween嘅黑唇妝咁😆 意粉卡邦尼醬汁好好味，而且有好多煙肉作配料～🥓🍯木瓜蜂蜜花椒milk shake聽落有啲伏，但飲落好有驚喜！🤣 木瓜同蜂蜜嘅天然甜味，配埋少少花椒嘅麻辣味，估唔到飲落又幾夾～🥛苦瓜豆奶milk shake豆奶入面有淡淡嘅苦瓜味，味道好清新～ milk shake攪得夠滑，上面仲有原片嘅苦瓜做裝飾☺️ 本身想食埋片苦瓜，但原來係生嘅苦瓜、好爽口好苦，應該只係做裝飾用途🙈今次嘅食物全部都唔

💛 最近比較忙, 好少機會坐低同朋友食親食, 識逢有朋友生日, 終於相約食飯😋 我哋一行六人約咗喺呢間TOP入面嘅No Money So Lonely食~ 佢啲菜式名幾特別嘅, 朋友話好似另一間店, 不過我就冇食過喇~呢間NMSL嘅食物都算偏大份, 價錢都唔貴, 可以覆桌🥳🍕 NMSL Pizza ($136)NMSL Pizza 就即係比廚師design, omakase嘅pizza~ 我哋呢個NMSL pizza就有辣肉腸、菇、薯蓉等等, 醎醎哋辣辣哋, 薄批底又脆口, 幾正!😚🦑 記得抺嘴墨汁卡邦尼配班馬火腿意大利麵 ($118)呢個意粉好好味超滿意~~ 墨汁夠香濃,意粉煮得夠淋身😝🍝 大阪章魚燒意大利麵 ($126)呢個意粉比起上一個就煙un少少, 佢係一個章魚燒味嘅意粉! 就好似將一粒粒小丸子嘅粉漿變成一條條嘅意粉咁, 風味同其他配料都係一樣, 都幾夾咖!☺️🦀 啖啖蟹肉擔擔飯 ($138)蟹肉超級多! 會多到漿住啲飯好正好邪惡~ 真係做到每一啖都有蟹肉😋 雖然係「四川擔擔飯」, 但都唔會好辣, 食十小辣嘅朋友都絕對唔洗驚!🧇 NMSL Waffle (咖央、椰絲、麻糬) ($

今午過嚟T.O.P.商場同醫生朋友一齊食午飯，他介紹診所樓下有間餐廳🍴「No Money So Lonely 」提供好特別菜式可以一試😘😘日本雲丹醬油海鮮黃金炒飯$128非一般炒飯，餐廳用上雲丹醬油，如假包換海膽融入上等醬油混合體，並非化學豉油，加上豐富食材，蟹肉，八爪魚粒🐙蜆肉，雞蛋🥚洋蔥🧅西芹炒成，所以炒飯特別鮮甜美味😋😋是日沙律🥗有紅桑子，鮮嫩沙律菜外，最特別淋上嘅醬汁是由蘋果蓉，洋蔥，芝麻，日式沙律醬打成，增添不少風味👍👍另外加杯潤喉蜂蜜凍紅茶，清新自然👍👍迷你拼盤$68拼盤食得多，但今日拼盤好有驚喜，炸腐皮魚卷，炸金不換飯團🍙，炸蝦肉釀秋葵，食落充滿泰式風味😁😁芒果糯米飯蛋糕🍰$42頂層淋上椰子糯米飯，外層以輕盈柔軟的椰汁糯米飯慕絲包裹着新鮮芒果🥭肉同布甸、令整個蛋糕帶著淡淡糯米香氣，甜而不膩，亦增添煙韌軟糯的口感，泰式風味十足😍😍

去開旺角 T.O.P 行街食野 餐廳本身唔係太多，呢排就係 4/F 開左一間新潮食Fusion 菜既餐廳😋 餐廳既裝修都好新潮 食物飲品既配搭都好特別 淨係睇文字介紹都覺得幾吸引😚 煙三文魚海鮮醬意大利麵 🍝 $132 意大利粉煮得算煙韌 煙三文魚味道正常 意粉配上海鮮醬都幾特別 份量都算多 👍🏻👍🏻冬陰功大蝦 pizza 🍕 $136 冬陰功配上 pizza 係一個幾特別既配搭 而味道出奇既幾好 😋👍🏻 幾有泰式風味 值得一試 ✌🏻香茅雞翼半份*避風塘口味 $68餐廳將雞翼整成一字骨雞翼 方便客人食用 非常細心 配上避風塘蒜粒 非常邪惡 😋😈親手煮的山楂蘋果茶 ☕️ $46 一個幾開胃消滯要啊既茶 山楂同蘋果味都好重 👍🏻👍🏻

同男朋友搵左呢間餐廳，見佢裝修好靚，嘢食賣相又好吸引就決定試下佢！我地叫左三文魚意粉，避風塘雞翼，炸五花肉。三文魚意粉，入面d料好多，意粉少少辣辣地，好開胃～不過個人認為意粉可以多少少，食落d料多過意粉。但係個味真係好正。避風塘雞翼，正常水準…最後係炸五花肉，ummmm賣相好吸引，但係一啖咬落去淨係食到炸皮，feel唔到有肉，肉太薄，加上炸皮吸曬d油，所以整體感覺好似食緊好油既炸皮咁…呢個係最失望既不過都會有下次，想試下其他嘢食。

同朋友食飯， 遲咗10分鐘， 明明間餐廳冇咩人都要話「你遲左十分鐘，限時90分鐘唔會extend比你」。 食到尾其實都仲有半個鐘先交枱，係咁催我地交枱，其實出面又冇人等又好多空枱。 自問我地好好禮貌，唔該前唔該後，呢度食到一肚火。D野飲180毫升都唔知有冇， 請佢地加水扮聽唔到。 成班人企係到唔知做乜。 我平時好唔好食都好少comment 人差評，呢間野值得我花十分鐘係到劣評佢地。

下午12點至3點有午餐供應，百零蚊左右。▶️4-item $126有蛋、凍盤、熱盤，裏邊揀幾款。我哋揀咗四款：虎蝦中東米、啖啖蟹餅、泡菜豚肉、香腸拼盤。每樣少少拼埋都非常夠食豐富。虎蝦夠爽口，蟹餅一絲絲蟹肉，外皮脆脆地。泡菜酸酸辣辣幾好食😋豚肉都有唔少。香腸拼盤有紐倫堡腸、芝士腸、辣味腸。▶️沙甸辣魚Pizza🍕$116呢個Pizza熱辣辣，除咗沙甸辣魚，仲有紅椒、青椒等等。Pizza辣辣地幾惹味！有六件咁多，兩個人食飽飽！另外午餐加配咗個薯條🍟，薯條好脆，唔錯！