影片
更多
2021-09-10
45 浏览
我哋食嗰陣佢仲試業緊，主打fusion泰國菜😛因為好肚餓所以叫咗個地瓜條食住先，佢係比較幼身個種薯條，我期望食落會係好香脆，但可惜佢係偏軟身而且好油膩，似放咗一段時間🥲飲品方面我覺得佢有好多得意嘅選擇，分別揀咗香蕉肉桂奶昔同花椒木瓜奶昔😂香蕉奶昔本身係好好飲，但可惜玉桂味重手左啲。花椒木瓜奶昔飲落有種麻辣米線嘅感覺，幾特別但木瓜味就唔算好出。主菜方面我哋叫咗半份蜜味酸辣豬肋骨丶啖啖蟹肉擔擔飯同煙三文魚海鮮醬意粉～個豬肋骨幾有驚喜，佢用火槍燒過表面，所以好香口。炆得亦好夠淋，一咬就已經骨肉分離。蟹肉飯都唔錯，因為佢加咗蟹籽，啲卜卜脆嘅口感令到成個飯好有層次。我覺得比較一般嘅係海鮮醬意粉，可能個人唔太鍾意食好甜嘅嘢，我覺得呢個意粉汁實在太甜，甜到想搵啲水沖淡佢😂而且比想像中辣好多（或者係我低估左🥲），餐牌上嘅一隻辣椒完全反映唔到佢嘅辣度，應該要畫三隻辣椒上去🌶🌶🌶總結總結～大部份食物都唔錯，餐廳環境亦都有好多打卡位，經過旺角朋友都可以試一試👍🏻
因為好肚餓所以叫咗個地瓜條食住先，佢係比較幼身個種薯條，我期望食落會係好香脆，但可惜佢係偏軟身而且好油膩，似放咗一段時間🥲
飲品方面我覺得佢有好多得意嘅選擇，分別揀咗香蕉肉桂奶昔同花椒木瓜奶昔😂香蕉奶昔本身係好好飲，但可惜玉桂味重手左啲。花椒木瓜奶昔飲落有種麻辣米線嘅感覺，幾特別但木瓜味就唔算好出。
主菜方面我哋叫咗半份蜜味酸辣豬肋骨丶啖啖蟹肉擔擔飯同煙三文魚海鮮醬意粉～個豬肋骨幾有驚喜，佢用火槍燒過表面，所以好香口。炆得亦好夠淋，一咬就已經骨肉分離。
蟹肉飯都唔錯，因為佢加咗蟹籽，啲卜卜脆嘅口感令到成個飯好有層次。
我覺得比較一般嘅係海鮮醬意粉，可能個人唔太鍾意食好甜嘅嘢，我覺得呢個意粉汁實在太甜，甜到想搵啲水沖淡佢😂而且比想像中辣好多（或者係我低估左🥲），餐牌上嘅一隻辣椒完全反映唔到佢嘅辣度，應該要畫三隻辣椒上去🌶🌶🌶
總結總結～大部份食物都唔錯，餐廳環境亦都有好多打卡位，經過旺角朋友都可以試一試👍🏻
张贴
