No.9 (已結業)

唔係打桌球既九號波，係要主打漢堡包，加啤酒小食既No.9。蒜蓉包 - 餐前小食、香脆蒜蓉包。法國蠔湯 - 好少地方有蠔湯飲，蠔味十足，愛蠔既我就真係啱晒。鋼鐵魔鬼牛堡 - 七成熟漢堡扒再加車打芝士、炒過既洋葱、蕃茄生菜做配料就成了依個魔鬼漢堡。肉質唔會鬆散又有牛肉汁、咬入口有自家制醬汁甜甜地都覺得好豐富。唯一唔好既地方個個包面同底無煎過或者焗過，如果有會再加分。自家制茄汁 - 預先已經調味，加入香草帶甜，無 heinz 咁酸，味道得宜，睇得出店舖有心機有誠意。

舊區如九龍城、土瓜灣、深水埗、荃灣都有唔少好食嘅食肆，無他的，因為租金平。今日假期，中午就去土瓜灣覓食。松露野菌湯 松露湯濃度剛好，因為我怕太濃的西湯，喝湯像吃醬汁的。湯的用料也很足，大家也不防一試。板烤羔羊柳堡 酷愛羊的我，見到少有的羊堡，那有可能當看不到，只用了一秒的光陰，下一步咪就係等羊柳堡上枱。份量好像比牛的小一點，起初也怕羊柳比較難咬開，怎知咬下第一口，疑慮解開了，羊柳煎得剛好，一口可把羊柳咬開，不會死纏難打的 。每次吃羊時，總想有一些羊羶味，這一次也滿足了我，而且只是淡淡的，不會濃，大家不用怕。

希望越大失望越大 比預期差 漢堡内芝士唔溶 蝦堡係一片泰式蝦餅肉 食左半個已放棄 和牛漢堡 肉一般 睇賣相係ok但食落唔值 重點其實想講豬手 芥末蜜糖汁 汁好味 但豬手完全同餐牌唔同 order時 姐姐已話唔係全隻上係切片 ok喇 點知 就係得果幾片 食落重有d似鴨胸肉

一日午後經過這間漢堡店，見裝修幾特別，就入去試一試。在門口位有一個對街的梳化位置，但當天太囇太熱，都係坐裡面冷氣位比較舒服，裡面有很多電影漫畫堆砌既嗇紙，都幾特別。Menu大部分都係burger雞肉漢堡比較普通，略嫌醬汁唔夠，鋪不滿整個漢堡，食落較乾。煙熏雞翼炸得香脆，咬開很多汁，加埋佢個惹味燒汁，好惹味好香口羊肉漢堡一啲都不亶，咬開多汁好味，薯格炸得香脆，佢個茄汁係加左香草既特製茄汁，比較香呢間係一間好值得試既漢堡店，下次要試下其他款

是日去了朋友家裡玩，玩完就大家食下晚餐，選擇了附近的美式餐廳。Fish Burger($68)因為我個人喜歡食魚就點左一個魚堡，但係呢個魚堡令我十分失望，魚扒外面的皮十分厚，炸完之後十分硬，咬完一層厚厚的皮先食到魚扒，面魚扒既魚肉一點都不結實，都未食就散開晒，魚味又沒有，比較好的只是面包尚算是軟熟同幾香。檸檬蜜桃梳打($30)用檸檬配合上蜜桃制成的梳打，有一股清新既感覺，清甜得黎又有檸檬既清香，本人是第一次飲到，感覺不錯的飲品，特別是食完油膩野再飲十分好。

平日8時來到，由於店內的室內座位不多，餐廳已經5成滿。室內的座位全是高椅，對於個子不高的我，實在有丁點不便，而且不太舒適。室外也有兩張餐枱，方便附近放狗的客人及煙民，總算周到 餐廳內的酒類選擇繁多，手工啤酒尤其多。今次點了兩支手工啤酒，約$40一支，最滿意的是drink list 上有簡單的介紹每支酒的特色味道產地，對於一些（我）認識手工啤認識不足及心大心細的客人來說，簡單易明。我認為今次手工啤酒一支酒味較濃(drink list寫上有花香味)，另一支又很淡(drink list寫上有橙味)。結論是本人還是愛生啤 另外點了豬仔骨小吃($88)，下單時已告知要等久一點，最後約等了35分鐘才上枱，真的比我想像中還要耐呢 豬仔骨帶三件，上枱時熱騰騰的，豬仔肉本身非常好吃，肉汁很多，奄料亦夠味。但豬仔骨上的黑椒燒汁比較畫蛇添足，咸很很，本人明白餐廳希望客人多點啤酒來解渴，但是很想告訴餐廳老板，豬仔骨已經夠好味了 加油！

冇野做，就約埋朋友一齊去試新野！個包雖然好大，但食落有ｄ乾身，塊魚柳太油感覺好肥膩！薯條不錯，夠厚，而且香脆，沒有油膩感！芝士焗蠔一般般，只有白汁及芝士味，我卻吃了半天也吃不出蠔味！最後飲品太甜，朋友那杯青擰同樣是太甜，差點蓋過青檸的酸味。

細個住土瓜灣既時候，覺得依頭冇咩好野食得個舊字。不過宜家土瓜灣就好似大坑咁雖然就冇大坑咁有文青既味道。No.9裝修到一種復古味。依種裝修我好鍾意，入面有好多架飛機好似喺度等緊起飛咁！餐廳入邊全部都係高枱，不過我覺得唔係太舒服又冇位放野！雖然客人可以坐係出面進餐，不過我就唔係太想坐係出面食塵啦！【凱撒沙律】菜菜是有益的！叫反個前菜先！【鋼鐵魔鬼牛堡】Burger個汁幾好味，入面少少蘑菇食落口唔會有多餘既汁流出黎，可能比個包包吸曬啦！！平時食Burger都係有薯條做伴菜，不過佢地就有紫薯蓉！Good Good！！不過又好似多左D薯仔。。。【芥未蜜糖焗咸豬手】依個我超中意！咸豬手同芥未蜜糖汁都係我最愛！本身我諗住可以幫隻豬手影反張全身相！>.<餐牌上明明咸豬手係一大隻嫁麻！餐廳話佢本身係片上既！>.< 唔緊要啦！咸豬手個皮脆脆地加埋個汁我中意！份量唔太多，可以當小食！加埋啤酒就好啦！【利賓納梳打】【檸檬蜜桃梳打】食咁多熱氣野唔緊要，因為佢地個飲品餐牌都幾多選擇。飲反杯就舒服曬！ 

年初三，在土瓜灣這種舊區，還未有太多食肆營業。 新年吃了多餐中餐，兩口子想開工前平平淡淡的過，西餐當然是首選。Number 9一向人多，今晚竟然有位。甫坐下，侍應介紹生蠔：「有零度gillardeau，一隻$43」，河馬和我相視而笑，gillardeau是我的最愛。但愛重口味又懂自己開生蠔的我們，有辦法可以以平一半的價錢吃到心頭好。還是吃回招牌菜吧～要了兩杯手工啤酒，河馬生的黑啤麥味較重；我要的那杯正在餐牌上介紹「啤酒花味道細緻」，有較重的花香味，適合女士品嚐。 身旁來了一對夫婦，看見我們叫了手工啤酒，便著侍應要了啤酒Menu。女的要了會果香味較重的啤酒。啤酒來到，女士淺嘗一口， comment為「很複雜」。該名男士嗤之以鼻：「複雜？我很難和你溝通。」吃著前菜海鮮沙律，青口有淡淡的海水味。然而，空氣中頓時夾雜着大男人的氣味，我也不禁說句「很複雜」。 大蝦蝦肉質感很爽，但相對蝦味較輕。吃得出沙律用上了黑醋，勝過一般千島之類的醬汁，若與漢堡和薯條同吃，減少了肥膩的感覺。 隔鄰男士繼續高談闊論時，茄膏沙律便上枱了。有一隻大蝦在意粉中間，大蝦身旁伴以數隻蝦球。茄膏醬汁

係土瓜灣見完客，唸住食老麥，但行行下見到呢間舖，又係食包，所以去左試一試。可能係下午2點幾嘅關係，係咩客人，唔駛點等位，環境好舒服，睇得出老闆好鐘意美式英雄人物~＾＿＾見左個鋼鐵魔鬼牛堡，同一杯檸檬蜜桃梳打。先講牛堡，肉質新鮮，無雪味，咬落去好多汁！為一不足係個包太大，好難一口咬落去（尤其無女仔）。檸檬蜜桃梳打幾好飲，唔係太甜（我要求少甜，原本都唸住佢地唔會理我，點知真係少甜~~低讚！）整體黎講，好有水準，有機會會試埋晚餐～～因為見到有海鮮同人工啤酒！！

No9初開業不足3 日已經幫襯過，廚房蝦碌位唔少，不過果時新開張，都可接受。最不滿係唔提供暖水，焗你買既飲，Well………..呢度係土瓜灣！ 好耐無幫襯，今日食自己，心血來潮，不如黎食個Burger，佢地Promote出名手工Burger……. 餐牌價錢唔貴亦唔平，叫左一個湯同一個Burger ! 蟹肉南瓜湯，伴片Toast，只Toast一邊，另一邊白雪雪韌韌地，唔通係要一個多士兩個口感？蟹肉南瓜湯有蟹肉，南瓜味都有，稠度調味適中，算係唔錯，係個多士做衰晒。皮烤羔羊柳堡，天寒地凍，想食羊。一上黎，賣相唔係好得，個Burger 矮小，肉餡都唔係好走出黎，打個個包，衣……..有3舊肉，唔係Patty…….先食個包，風得很，好輕身，我見隔離枱食Burger，成個拎起食，佢一用力，已經扁左，拍得住老麥麵包。漢堡扒唔一定要係Minced，有D餐廳用成塊扒比你都得，但係比3塊肉你就真係好難頂，可能係賣剩既頭頭尾尾下欄野！都未算，3 舊都有根，舊舊要吐…食Burger 貪佢啖啖肉，真係無諗到會係咁，勁失望，都唔好講佢有冇羊味同有冇肉汁！諗落應該同佢地投訴…服務、環境、衛生都好好…係食物唔好…Burg

餐廳位於舊區的一間美式漢堡啤酒舖， 裝修都係美式高身吧台，如果女仔著短裙就要小心啦，餐廳有室外座位， 方便要吸煙的人士， 但室外亦都坐得好舒適， 食物方面價錢吾貴70蚊個漢堡有跟大大份薯條， 食飽之餘仲幾好味, 因為係新鮮炸嫁, 一拿出黎的時候係熱到入吾到口, 外炸內軟的厚身薯條好正， 除左傳統的牛蝦 漢堡，竟然有羊漢堡喎， 今次淨係食蝦，蝦扒size 吾大，但都好彈口， 如果更大件蝦扒就完美啦, 下次一定要試羊，其實敢大份薯條， 相對真係要飲野，而呢度除左有支裝的啤酒，亦有鮮啤， 適合不同口味人仕

環境：有室內室外檯凳，室內位置好迫好侷促，室外有4個座位，但係要面對住巴士站，冬天坐出去絕對冇問題，夏天就諗都唔好諗喇。野菜燒烤菇堡（$66)：有外酥內軟嘅翠玉瓜、青椒黃椒、芝士、香噴噴嘅大菇、加上好juicy嘅番茄，整體好清新原隻波士頓龍蝦($188)：切開兩邊嘅龍蝦放上香草蒜蓉，不過蒜蓉味可以再濃啲！肉質有少少硬，唔係太juicy芝士焗薯條($52)：芝士非常充足但係整體有啲乾，薯條有啲硬原味雞翼($48)：外脆內滑充滿肉汁，幾出色！服務：OK！但人多，等食物耐咗啲

土瓜灣開左呢類以賣burger 為主嘅餐廳真係唔多, 我係burger 迷, 當然要朝聖啦！叫左一個羊肉bur 同牛肉bur, like 餐廳fb 有飲品講返個burger, 牛比羊肉好食, 羊好似未夠熟, 有點生。以burger 份量來講算好足, 但d肉未夠juice, 醬汁普通, 可以加多d特色。 薯條值得一讚, 都係粗薯條, 整體來說都ok, 但係未至於好味到想再來食, 除非有新驚喜啦。座位係高椅子, 飲野傾計幾好, 但食野我個人都係覺得普通座椅舒服d, 高椅成日驚跌咁

I ordered a beef burger. It was very tasty. The meat is well-cooked and stays juicy. I guess their ketchup is homemade. So their fries worth a try. Mine were a bit cool but maybe due to the cold A/C.The price is absolutely affordable and the decor is also nice. I was with  my friends, all young people, and we enjoyed the American ambiance and their high chairs. My friends ordered their pasta. They said it's eatable but should require more sauce. I found their waiters are usually friendly but not