Neighbor (已結業)

Before Chinese New Year, I went to the spa, and my facialist (who knows I like to check out new restaurants) told me that her friend opened up a new Italian place in Causeway Bay.  So, when godbro XO and I were picking a restaurant during the Chinese New Year holidays, I told him that we should check out Neighbor since we were both tired of having Chinese food!From Neighbor's store front on the ground floor, you wouldn't have guessed how big it actually was!  It just looked like a tiny cafe from

去銅鑼灣嘅時候，常常會經過呢間餐廳，外面望入去，只有數個望街景嘅坐位及bar枱，而且每次經過都有餐廳好冷清嘅感覺。雖然如此，但呢間餐廳嘅外形同旁邊嘅押店、藥房格格不入，反而引起我興趣內進一探究竟。入到餐廳內，先發現除左地下bar枱外，上面仲有兩層😮😮😮加埋大概十令二十張枱啦。店員帶我地上一樓嘅位置，影入眼簾係一幅大草牆，喺枱上或牆角亦有啲小盆栽裝飾，相當別緻。晚上約7點多黎到，一樓都幾乎滿位了。呢到有Set Dinner食，不過最吸引嘅係果啲古靈精怪但你又唔知咩黎嘅飲品，我見在場都好多人飲，所以都叫左黎試！垃圾桶HKD38(左)其實我都唔明呢杯飲品點解叫垃圾桶，原本諗住應該係啲奇怪啲嘅味啦，但實際上就係一杯頗為清新嘅芒果檸檬汽水，不會太酸。斯理蘭卡吸精吸血殺人大青蛙HKD38(右)絕對係因為佢個名吸引我！呢種綠色真係不太討好，飲落係一種比較奇怪嘅味，應該係薄荷味黎，亦帶有少少菠蘿甜味，第一啖感覺有啲奇怪，但飲耐左又覺得幾清爽幾好飲！Set Dinner HKD168~238每個餐都有前菜、餐湯、主菜、甜品前菜方面係凱薩沙律，好大碗沙律啊！好大嘅份量！餐湯係蘑菇忌廉湯，煮得比較稠，呢個略

Casear salad 好新鮮 蔬菜爽口清甜蘑菇湯又香濃又creamy 好好飲！鵝肝多士😍😍鵝肝好肥美 都幾大片多士吸哂鵝油香味 好甘香 Rosemary lamp-chop $198 情人節絕對可以來一試既餐廳💕環境好服務好食物質素亦都好高呢個樣簡直係超寂寞的佢得三件其實一件有兩條骨 份量十足👍🏻👍🏻而且調味得宜羊肉都好羶好鮮嫩一切開仲係好粉嫩既medium rare 😍😍整體食物同服務質素都十分高！

這間餐廳的前身是模型舖 以前與儍爸嚟睇模型玩具，現在就與囡囡嚟開餐 這兒的飲品名稱好特別，好似可遇不可求、斯里蘭卡吸精吸血殺人大青蛙、求其特飲 ... 我們點了杯以此店明名的特飲 Neighbor 以荔枝、檸檬、橙汁和雪碧調製而成，飲落去不太甜，很有果香味 以囡囡至愛的荔枝味最為突出 先來一客清新又健康的日本帶子刺身沙律 帶子大粒又夠厚身，只是輕輕煎香表面，食落去很鮮甜水牛城雞翼醬汁很惹味，味道酸甜又帶點香辣，我和囡囡搶住食美國安格斯肉眼外面焦脆，裡面粉嫩的肉色很吸引呢 !!!可以點少少粗鹽或者燒汁一起食但是我鍾意唔點醬汁就咁食，咁就嚐到牛扒的原汁原味 ... juicy 又有香濃的肉眼 ~~仲有炸至外脆內軟，很有薯香的粗身薯條兩個女生當然留了位置食至愛的甜品乳酪雪糕的質感很特別，黏黏的味道酸酸甜甜，消滯又解膩，好想食多客呢 !!!最後，嘆番杯味道香濃仲有靚靚拉花的 MOCHA 就完滿喇 !!! ** 以上分享是以我的口味、喜好和情況作出分享及感受，一試 / 合用與否請自行決定

鄰家女孩一向予人親切舒適的感覺，取名鄰居 neighbor 的餐廳，同樣是令人覺得平易近人，樓下主要做外賣，樓上有卡座，但要走樓梯。晚上套餐百多元起包沙律，湯或飲品。凱薩沙律及忌廉湯非常基本，無咪特別值得講，無咪問題。主菜方面選舉露絲瑪利羊架及銀鱈魚，牛架一個柯打有三件，煎得先，醃味特別好，肉嫩但有唔少肥膏。魚嫩滑唔腥，難得汁夠多，點薯條食都得，薯條亦夠肥有口感，少有西餐魚做得令我滿意。最後仲有幼滑乳骼。

之前坐巴士經過好多次，一直都以為呢間鋪頭只係做外賣，因為鋪面好細，原來入面別有洞天。喺地下嘅接待處隔離有條樓梯，上到去係好大嘅餐廳位置，而且仲有兩層。Menu嘅選擇好多，我哋今日就點左一個牛扒同埋漢堡。凱撒沙律凱撒沙律嘅菜好新鮮，爽口，每啖咬落都索索聲，加上芝士碎、煙肉碎、麵包粒同埋少少橄欖油，清新嘅口味，作為前菜一流！美國安格斯肉眼配紅酒汁 $248呢塊扒份量唔使細，大過我隻手掌，而且又夠後身。我哋叫咗五成熟，廚師真係五成處俾我哋，所以咬落都幾juicy，又唔會太老身，中間仲透着微紅色。牛扒有跟兩隻執， ，如果唔點執仲可以點少少海鹽，都有另一種風味。另外附有粗身薯條，食扒梗係要配薯條啦鵝肝牛肉漢堡  $188佢唔止係鵝肝漢堡咁簡單，仲要係兩塊鵝肝打孖上，中間配料有牛肉漢堡、番茄、菜同埋芝士，唔會太膩，一個人太飽，一人一半就啱啱好。乳酪雪糕值得一提嘅係你個乳酪雪糕。食飽飽就緊係要開動另一個胃LA。雖然佢叫乳酪雪糕，但係佢嘅質感好特別，有啲煙煙韌韌，乳酪味重，但係一啲都唔似雪糕嘅質感。就連我身邊個位唔鍾意食甜品嘅朋友，今次都食得比我快，真係神奇

一樓係cafe睇落好似好細咁，原來樓上個層先係食飯既地方環境好闊落，大台比較多，好岩大伙兒gathering 食飯Set dinner 跟Caesar salad 🥗 同忌廉蘑菇湯。湯入面有好多蘑菇粒，好爽口好有口感，個湯好creamy第一個main係冬陰公蟹肉雞柳意粉好特別既crossover,泰cross美。意粉既有少少冬陰公既酸辣，又有芝士同忌廉汁配搭。意粉汁既濃度岩岩好，唔會太杰身，意粉汁多濃可以掛係意粉上。芝士同冬陰公味道出奇地夾！第二個main係銀鱈魚配檸檬牛油忌廉汁銀鱈魚既魚油好香，檸檬牛油忌廉汁有少少酸味令整體食落唔油膩，外皮煎到十分香脆，魚肉成熟程度控制得岩岩好，唔會太老，保持魚質鮮嫩美中不足之處係汁太少，粗薯條有椒鹽粉調味，好香口。銀鱈魚份量好足，足夠兩人分食happy share飲品方面都好有驚喜！左手邊個杯叫做「求其特飲」但係味道一啲都唔求其！有strawberry, blueberry, cranberry調配既梳打，入面有食到有少少cranberry 既果肉。右手邊叫「Neighbor」我見好多食客都點左，味道似fruit punch, 用橙汁重main荔枝

#美國安格斯肉眼配紅酒汁🍷(HKD248)✔️👅：4/10✏️ Set dinner包飲品/湯+甜品 肉眼係見幾多人推介所以試下 但都幾失望 首先Medium Rare都帶唔出肉眼既香氣 雪藏味係度。。 另外調味不足 兩者相加令我地食唔曬塊扒 海鹽作用都唔多 反而伴碟既薯條厚切薯蓉綿密算係唔錯 野飲方面d名好搞笑😂 但味道就係意想得到⭐️ 另外試左個黑松露意大利粉($98) 世界級難食 望落已經知有問題 食落去黑松露呢？如果冇可以改名做「意粉」嘛 唔好呃人 意粉啖而無味 而且煮得稔到似麵糊 未試過食意粉食兩啖就唔食 (3/10)呢餐蒜蓉包係最好👍🏻 雖然都幾乾下。。整體黎講新店仲有好多進步空間

銅鑼灣嘅食店眾多, 每次食一間都食不完. 今日喺維園附近做完嘢想近近地食個晚餐. 記得邊寧頓街有間Neighbor有set dinner提供, 時間尚早入內有卡位可以安坐.Neighbor用好多植物去裝飾, 無論牆壁定餐枱都綠色處處, 令人感覺好清新.Set dinner選定安格斯牛扒同銀鱈魚. 特飲名字十分奇特, 不過其實成份同一般mocktail差不多. 我就叫上求其特飲貪其成份中冇汽水冇咁甜. 求其特飲有士多啤梨、藍莓、小紅莓、檸檬同梳打, 味道清新少甜, 一大杯喝上一餐.凱撒沙律羅馬生菜新鮮爽脆, 麵包粒煙肉粒芝士碎份量下得剛好, 伴上沙律菜同食咸道適中.周打湯內有不少海鮮顆粒, 伴上忌廉入口豐富順滑.主菜銀鱈魚魚肉結實, 魚肉一梳梳的, 吃起來感覺很新鮮. 主菜伴上粗粗闊闊的薯條, 諗諗的薯肉配上茄汁很好食. 薯條份量好多, 雖然好食都冇辦法全部食晒.安格斯牛扒十分大塊, 牛扒用鹽同黑椒輕輕調味, 可以嘗到安格斯牛扒的嫩滑同濃郁牛味.甜品乳酪雪糕十分驚喜, 質地杰身, 酸味比較濃郁, 同雪糕牛奶味好夾, 作為飯後甜品消滯一流.

在香港西式餐廳數之不盡，想找隨便一間吃並不難，想找間吃過而又美味深刻的，確實挺難，因為西餐變化並不多，要做得出色，首先是廚師廚藝深造且了得，餐廳如何裝潢華麗也沒用，味道好才留得住客人來吃過翻尋味，而這家是我不二之選這家餐廳雖然店門小小，但原來隱藏式三層樓高，裝修以工業風設計，一入座空間感特別大，很適合一大班朋友聚會的地方<<凱撒沙律>>沙律份量比想像中多, 一般外面所吃到的份量都只有一小碟兩人份, 但這裡的份量是每人一大碗, 芝士味道重，脆小多士入口香脆，整體味道清新可口<<野菌忌廉湯>>一喝已吃到很多菇菌粒，菇菌都切得非常細小，而家份量也很多，不會像一般所喝到的用忌廉加奶開湯那樣普通，加了少許忌廉在湯中，令口感香濃幼滑，整個口腔都是野菌的香味，我挺喜歡<<美國安格斯肉眼配紅酒汁>>我們叫了五成熟，因為怕吃太熟的牛排，令肉質鞋口而吃不到肉汁，這裡的肉眼又厚又大片，煎得剛剛好，容易切開，中間的肉層也是帶粉色，一邊切肉汁不斷滲出，入口帶濃郁的牛肉味，飽滿多汁，非常軟熟，放了香草碎令肉眼更香，吃的

銅鑼灣是一個千變萬化的地方，今天食開的餐廳，明天的可能已變了家具店。就好像今天去的Neighbor，之前是四層高的傢飾店，現已美妙轉身為一間特式餐廳。步入餐廳，侍應禮貌的招呼上了二樓，大大的四人卡座，環境頗舒適，俗語說：辛苦揾嚟自在食，所以我通常都會order dinner set(有多款不同的選擇)，奉送餐湯，仲有咖啡或茶, 唔駛我傷腦肋。餐湯是香濃蘑菇湯，蘑菇味道很濃郁，份量頗大碗，飲完這碗蘑菇湯，感覺已飽了一半。跟住是凱撒沙律，清清爽爽的味道，沙律最緊要是伴菜沙律要夠新鮮，因很多厨師講，新鮮的食材是烹調最重要的部份。食完沙律就梗係食main course，主菜是冬蔭公蟹肉鷄柳意大利粉($168+10%)，意粉帶有濃濃的芝士味，入口就感覺有輕微辛辣冬蔭公味道，冬蔭公加入芝士做調味煑這道蟹肉鷄柳意大利粉，fusion味十足，颇有創意。最後要飲番杯至愛凍檸茶，幫助一下腸胃消化。老實講，用這樣大衆化的價錢能夠食到這樣的食物質素和頗大size的份量，我覺得是物有所值的。

今天, 我和朋友在灣仔無意中發現了一間新的餐廳, 第一眼望入去, 餐廳的環境感覺很小, 但原來它還有樓上的, 於是我們便進去這家餐廳吃晚餐。上了兩層, 便到了一個大廳, 裏面有很多位。 我們點了兩個晚市套餐, 套餐包括了凱撒沙律、湯、主菜和甜品。我們亦另外叫了兩杯飲品。飲品方面, 我點的芒果乳酪奶昔沙冰比我預期中還要大杯, 味道很清新, 酸酸甜甜甜很開胃。今天的餐湯是蘑菇湯, 蘑菇湯的磨菇味很突出, 質感稠身。主菜方面, 我點了銀鱈魚配檸檬牛油忌廉汁，銀鱈魚帶點牛油香味, 質感鮮嫩, 旁邊亦有炸薯條和西蘭花作伴菜。

今日一如以往返工食lunch，每日都係到諗食咩好，因為已經喺銅鑼灣返左七年，又唔可以離我公司太遠，所以選擇並不是很多。今次諗住食hungry Korea ，雖然呢間都食過好多次， 不過貪佢夠飽🤣 咁當我一路行去嘅路途中，發現有一間cafe ,但係無人嘅，咁我就裝入面佢有個lunch Menu，價錢大約五十零蚊， 喺銅鑼灣區來說都叫做化算，所以即刻急停叫埋我同事不如轉食呢間，始終食其他食到厭🙈咁我發現地下係無人嘅，但係側邊有條樓梯咁我哋就行上去，環境都唔錯，有一些raw industry feel ,舒服及有格調。開始點餐了！今日餐湯有南瓜湯(加＄10) , 另外再加嘢飲都好似係＄10。首先就係嚟左個南瓜湯，用匙羹一筆係好濃調的感覺，然後飲落去真係好有南瓜味道！🤤🤤我唔係講緊廢話😂因為我之前試過飲simply life嘅南瓜湯係冇咁有南瓜味! 呢個湯加錢係值得嘅！然後就嚟咗個carbonara , 食carbonara 最緊要係個汁！成個汁都好杰身，做到嗰種感覺😁而意粉軟硬度適中。整體唔錯啱我口味！而同事叫了肉醬意粉，肉醬份量都好多！同事話味道偏淡，如果連肉醬食的話就會好啲，但當我試一啖

銅鑼灣真係堅多美食，多到唔知點揀，喜歡覓食之餘，仲特愛食新野，所以新餐廳或新品都會吸引我，呢間係邊寧頓街新開不久的意式餐廳就係今次目標。樓高幾層，每層佔地不大，但環境夠大，佈置都很用心，卡位更是私人度高，牆上有大篇綠油油草葉裝飾，感覺連個人都refresh 埋。NEIGHBOR $43用荔枝/檸檬/橙汁/雪碧, 調製而成的MOCKTAIL, 味道清新甜美, 帶有陣陣果香, 而且飲到有果蓉, 是水果打成的特飲, 用料十足.斯里蘭卡吸精吸血殺人大青蛙 $38賣相果然夠吸晴, 深綠色的特飲, 加上泡沫上的血紅色汁, 似哂吸血大青蛙.雖然個名好長, 但只有薄荷及菠蘿汁製成, 味道出奇的好飲, 薄荷味夠突出, 仲有淡淡菠蘿微甜果香, 幾岩男仔飲, 好清爽的特飲.日本帶子刺身沙律 $68珍寶的日本帶子, 的確很大隻, 微微煎過, 肉質極鮮嫩的帶子刺身, 食完已經好滿足.沙律有5-6款蔬菜，而且很新鮮爽口, 用醋汁調味, 個人很喜歡這清爽口味, 開胃又可以迎接下一道菜.意大利雲吞 $58一客有6粒, 雲吞皮不算很厚身, 夠滑溜之餘, 仲有點煙韌好咬. 沾滿大量creamy醬汁及香草, 味道好夾很好食

早兩天去登龍街 V Point 吃韓國甜品，回程時途經邊寧頓街，發現香港富豪酒店對面開咗間以《Neighbor》命名的新食店。記得這裡前身是一幢橙色唐樓，以賣潮流玩具及模型作招徠。走近一看，門面有點狹窄，探頭內望，地下樓層以水吧為主，地方雖然不大，但環境悠閒舒服，加上以一大片玻璃窗引入天然光，令四周開揚明亮。回家後立即瀏覽餐廳網頁，原來店子是家主打意式歐陸菜的西餐廳，見網上風評不俗，加上環境看起來頗溫馨愜意，所以這晚下班後就拉了老公兩口子來嘗新。到埗後，沿著梯級走上一樓，裝潢很特別，以灰色水泥牆身水為主，令餐廳滲出一陣工業風，配上木板櫈後面的綠油油草牆，與桌上的小盆栽互相呼應，令人心情舒暢。晚市套餐一共有 6 款選擇，每個餐包四道菜，有沙律、餐湯、主菜及甜品，另包咖啡或茶，索價由 $168 - $248 不等。不過如果唔想揀 Set Dinner 的話，餐牌亦有散點，而項目就包括有前菜/沙律、主菜、意粉、意大利飯、小食、薄餅及一系列特飲、沙冰、梳打、咖啡等。老公想吃羊扒，而我就看上了銀鱈魚，決定各取所需，再加兩客小食，應該足夠兩人享用。率先呈上的南瓜忌廉湯，以闊口杯盛載，呷一口，濃稠度