Nardo's Cafe (已結業)

朋友約左上cafe一聚，有朋友先到，點知後來5人只得一張起細枱，嘩……根本只夠3至4人坐既細枱，而同隔離張枱都吾夠一尺……同侍應講話轉枱，佢又話book滿晒(難道我地無book) 朋友話算啦，咁為有照坐……開始點了小食拼盆，沙律同雞翼，幾款食物一到已經張枱無位放(因張枱太細喇 )百幾蚊既小食拼盆得D春卷咖哩角雞翼之類……炸既小食又淋又油，沙律就只得D黃晒既菜 同果小小包碎小小煙肉碎，不過雞翼都算過得去……不過小食都好小款式！！而主菜肉醬意粉……又咸又多油 重有個咩咩白汁長通粉……又無味又吾知點解D汁好似水咁飲品就全部糖水咁……點飲呀！埋單又無服務又要收服務費，每人百幾蚊食D咁既野 book果位朋友不斷同我地sorry，話之前食過ok ga……但真係無機會有下次

我琴日第一次與朋友去 樓上鋪(Nardo's Cafe) 食野 , 雖然食野方面貴左少少 , 不過我試一試 .肉醬燴腸份量適中、味道夠味、好好食 .香草忌廉雞皇長通粉份量適中、味道吾夠入味 , 尚算可以接受 .朱古力蛋糕夠凍、甜度岩岩好 .以下是 Nardo's Cafe 評價職員服務質素方面 - 職員都是唔錯有禮貌、效率一般、人手太少 .食物質素方面 - 尚算不過不失 .環境質素方面 - 地方寬敞、地下乾淨 .價錢質素方面 - 野食貴左少少 .不過此店值得一試 ~~~

朋友有心事 於是就約左閒日既夜晚係呢個CAFE到好好咁傾傾計。黎得CAFE就係貪佢有個地方俾你可以坐耐D傾耐D，相信好多人對CAFE食物既質素唔會抱好大既期望。但呢間算係我食過既算幾好既CAFE。CAFE既環境都算舒適 可以坐得好耐慢慢傾計我地點左A1既餐每位138頭盤既沙律都幾新鮮 放工先食d沙律可以準備黎緊既主菜小食同埋餃子只可以講係普通既水準。一般餐廳都可以食到既味道。主菜可以講係我地最滿意既地方，其中我個人最喜歡既係香草忌廉雜菌煙肉長通粉同埋香草忌廉雜菌煙肉長通粉 睇相好似好少但食落就好多，汁撈得好均勻而且煙肉十分多。解茄茸鴨胸燴意大利飯，成碟飯都好入味，觧茄令人食到好開胃，鴨胸切得都幾厚，真材實料。野飲可以任飲  我地都試左幾款， 金桔好甜。 王子無咁甜但係無乜士多啤梨味。最後我地試埋女皇叫左少甜所以都ok 。林走前我地仲叫埋個特式芝士蛋糕試下 可惜無咩驚喜。總刮黎講呢到環境食物都唔錯， 下次有機會仍可以再黎一試。

大家都知道人多既時候就會想搵倨地方可以吹下水所以我個fd就搵左呢間啦一入到去個環境唔錯夠光猛同埋裝收唔錯咁我地就叫左個$138既set la沙律好好味，d蔬菜都新鮮,但個青瓜切細條d會好d鷄翼都ok，但個麥樂雞唔係咁好因為feel到唔新同埋咬落沐沐地餃子都ok既,但好快凍,咁凍左就唔好食架啦春卷同咖哩角本身個味ok,但因為沐左d醬,所以唔係好主菜揀左煙肉長通粉同西班牙鴨胸意大利飯煙肉長通粉ok wor,長通粉唔太淋,硬度岩岩好拍得住街外個d意大利飯都ok,個汁係類似蕃茄醬,都幾西餐風味但因為好飽,搞到食唔晒野飲就任飲既,但佢d特飲真係唔算太好,反而柑桔檸檬仲好飲過特飲呢家game都算多,同d fd 玩丁1點就走lu雖然呢家好似比登打士街個邊d cafe貴但個環境真係唔錯會再幫襯

呢間真係一間唔錯既cafe，其實我都試過唔少cafe 係呢間先會令我覺得要寫d野將佢推介俾大家，話說我要搞個小學同學聚會，一行十二人，咁多人揀cafe就最好不過，之前book 過呼吸cafe 佢同我講最多只可以book 12 位，多過12位就要包場而包埸就要兩個星期之前book ，我即刻滴曬汗囉，做開搞手果d都好清楚，有時d fd 係聚會前一兩日先話你知去唔去，仲有d果日先黎放飛機，你問我到時真正有幾多人，我真係答唔到，但係唔早d book 又3會無位，咁大間cafe點解佢d運作咁無彈性嫁，一係就答咩full book 啦- -都係講返呢間先，我覺得cafe除左d野好食，其次就係服務態度，再黎就係環境，我覺得呢間cafe呢三樣都做得唔錯，特別係服務態度，前一日打電話黎confirm booking ,party. Set 入面既食物如果你唔鍾意可以轉，野飲唔啱飲又可以轉，依家邊杜仲有咁好服務嫁，d野食唔曬仲可以幫你可埋包攞走，雖然只係得三個員工，但係服務一d都唔馬虎，我地係最後一枱客，佢地收十二點，但我地十二點半先走，佢地都無趕過我地，仲俾我地繼續玩，雖然價錢貴左d，但我地個個都食得好

這夜相約友人下班後聚聚舊共進晚餐。餐廳方面我們選了旺角地方較方便既Nardo's Cafe。鐘意食沙律的我們先叫個凱撒沙律，依到既凱撒沙律比較其他地方既凱撒沙律有好大分別，味道較濃和酸，問左個店員，原來個醬汁係自家制既，唔錯。小食我們點了一客墨西哥雞翼。一客有8隻，皮炸得鬆脆，再加上一個酸辣醬。雞肉香軟入味，十分美味！開胃！主菜我們選擇左蒜香忌廉蜆肉意粉，果然係有濃郁既蒜香，蜆肉肥美，咬落去又夠多汁，個忌廉汁充滿香濃既芝士味，意粉都夠彈牙。這裡食物雖不是超美味，但總算能令人吃得滿意，加上老板娘既細心服務和舒適的環境，這cafe的確是個在忙了一天後食餐飯輕鬆一下的好地方。

今次一行6人是同學聚會，有朋友建議吃樓上cafe，覺得可以傾計傾久D，我原本都沒有期望距的野食會好好的啦。這么知道食物是既不太好吃又收得貴。講返正題，我地6人選了一個每人138未加一的套餐，就有沙律，沙律是全個套餐最好味的，生果蔬菜都算新鮮，所以沙律可以接受。接著是小吃方面，有鷄翼，麥樂鷄，春卷.....鷄翼ok有味道，不過春卷同加哩角就麻麻地，炸得不脆，還有建議小吃的醬紙可以分開給，不好給落d食物哪裡，搞到d小吃軟嗮。來到主吃我地選了肉醬意粉同西班牙鴨胸意大利飯，意大利飯一般，飯太多水，感覺胡胡地。肉醬意粉d意粉太軟身，吃落好像吃米線似的。最糟糕的是距地的任飲飲料，容器殘舊不講，簡直就是化學糖漿加水，好難飲，收加一服務費但又不提供水飲，但是整晚飲這些化學飲料，個肚子都漲漲的。全晚6人消費連加一九百多元，11點就叫人埋單意味著你要走人，不過距地網頁又話營業到凌晨1點。這樣的價錢如果不是貪距坐得久過外面餐廳，我會選擇到外面餐廳吃，起碼食物會好d，價錢又相約。

今次Gathering係幫一個就黎要走既老師farewell。但同學們都分散到天南地北，今個星期又落雨落到傻左，所以到聚會既前一晚先搵cafe，係非常之頭痛。但係好好彩係OpenRice搵到Nardo's Cafe.老闆娘非常nice，知道我地一班成23個人，又要每個同學都ok先可以訂，即時WhatsApp左個2set menu同地點比我地，加上可以有間房玩，結果book左7點半。到左Gathering果日，老闆娘都好細心係WhatsApp到問下我有無加減人，怕d食物唔夠，更估唔到可以比我地早d上去，所以cafe做野真係幾快。（話說在訂座果日，中午時間房都有一場）所以7點3到上左去，覺得間cafe都係乾淨舒服，房入面有2部電視,所以可以一邊玩wii，一邊睇tvb XD.老闆娘比左幾種唔同凍飲我地,而且不時入房refill，cafe出面有好多遊戲玩，大富翁，掘金，畫畫，三國殺等等，基本上你諗得到既都有。因為有d同學仔遲黎，所以搞到8點幾先比較齊人上菜。我地揀左＄138 果set menu，頭盤有沙拉，小食有炸春卷、咖哩角、餃子、雞翼同麥樂雞，主菜有肉醬意粉、忌廉長通粉同意大利飯。基本上食

朋友做搞手,因為佢之前已經去過呢間2次又覺得OK,所以今次佢搞個17人左右的Gathering就bookK呢度.我地book左星期六,6點,去到得我同同行的2位朋友6點3先到,但發現我地最早到...當時得我地3個同另一個男顧客,就一個人都無.因為樓下lift壞左一部,加上我地唔少人姍姍來遲,所以搞到7點先比較齊人.老闆娘就sell我地轉叫一個party set,話平少少比我地,仲比我地入房,房入面有電視睇,仲可以玩wii.老闆娘比左4種唔同凍飲我地,但我地怕凍,佢再比左d熱飲,但係好甜,所以再問佢攞熱水溝淡先剛剛好.野食有炸春卷,炸三角,肉醬意粉,飯,餃子,雞翼,炸雞件,沙拉.除左飲之外,我咩都食左d,樣樣都好食,三角同春卷都好食,但最好食係餃子,因為佢面層灑左一層醬,木魚,同紫菜.份量方面,因為我地清一色女仔,所以食唔晒d野,搞到浪費左1/3食物....唔知係唔係因為我地坐房的關係,我地食完野,傾左陣計,玩左好耐card game,一直hea到近12點,都無趕我地走,超好呀~服務方面也很好,老闆娘也很nice,有求必應.玩具夠我地玩,但平時出來玩開的朋友說呢度的card game其實

話說有朋友就黎結婚,所以約左我地班兄弟團出黎食餐飯同傾下當日d野。間野係新郎哥book既, 佢話係cafe傾野好d喎, 可以慢慢傾。先講環境, 地方企企理理, 整整齊齊, 幾光猛, 似西餐廳多過cafe, 唔似得出面d cafe咁黑漆漆(方便我地睇住張run down傾野)食物方面: 我地七個人叫左六款晚餐, 分別係雜菌煙肉意粉, 肉醬意粉, 香辣鴨胸長通粉, 雞皇長通粉, 蒜香蜆肉意粉, 煙三文魚海蝦意大利飯, 另外加左個凱撒沙律同特濃芝士薯條, 大家share黎食, 可以試晒咁多樣野!!以cafe而言呢間野d野食的確算係幾好食。不過分量方面就可以加返多少少, 希望店方睇到可以改進一下。以下係小弟覺得特別好食既三樣野:沙律菜新鮮, 味道同出面食到既好唔同, 好特別。估唔到咁多野食最好食係個沙律!!好香蒜味, 蜆肉比得好多!!賣相吸引, 味道都好好, 如果真係用意大利米煮就perfect喇

原本開開心心3個朋友仔約埋搵個地方食下野吹下水，點知要受埋d咁0既野，食野都唔開心！去咁多間cafe都未曾試過咁！！！XXXX，我嬲到要開a/c上黎寫食評！！！上到去坐低拎餐牌叫野食，餐牌上面寫「每人最低消費為一杯飲品，如不消費者收取每人$40」我朋友叫個$5x set，有麵有杯野飲，再+$30有沙律有cake。我叫個蜜糖雞翼，無叫野飲，我以為ok啦，點果時落單果個人都無講乜野。之後朋友個set黎左，佢食緊果陣有個女人過黎話我一定要叫野飲，如果唔係就比多$40！我話我唔係無消費，我有叫野食架喎，而且份野食點都高過你地d野飲0既價錢！佢竟然話係公司規舉黎，間間公司都有唔同規舉咁話喎。咁我咪話咁你地要咁樣我咪轉野飲囉唔要雞翼，點知個女人轉頭即刻拎碟雞翼放0係我面前話「而家雞翼就出左喇」咁。朋友問佢：咁你地而家係咪呃錢呀？佢就叫個大隻男人（貌似老世）出黎同我地講。佢話：今次由我地，算數。咁即係話我地錯啦？！佢又話唔係話我地錯喎，話咩餐牌寫到明最低消費為一杯飲品，飲品即係飲果d喎！XXXX，你自己寫「如不消費者收取每人$40」架！我依家邊度無消費？！係咪碟雞翼唔洗錢架？！X！真係未試過去caf

首先，不知為何此餐廳劣評眾多，但前面的劣評卻沒有附帶哭臉符號? 因此，請有意光顧此餐廳者看看前面的食評。本人在星期一的晚上和舊同事聚舊，有人選擇了此café，想因為位置較方便吧。七時多入座。餐牌分兩類──(1)set dinner，約有6款，最平$89，最貴一百幾十元，另收加一。如要有starter及 dessert，另加幾十元。所謂 set dinner，其實只是一個份量極少的 pasta，加一杯$30飲品。值得注意的是，$30飲品，全個餐牌只有一款，就是熱/凍綠茶或紅茶，連一般茶餐廳都有的基本的茶/啡也沒有；食客可以選擇補差價要特色飲品。(2)Party menu，有2款，提供一桌子 party 小吃，價錢以 per head計，印象中每位由 $130-$160不等，另收加一。一行人清一色點了較為平宜的 set dinner。我吃的是忌簾汁煙肉意粉──一看，份量少得可憐，只能解決一時之肚餓，而且質素平平，是那種普通人在家也能隨意弄出來的那種貨色。至於那杯綠茶…味道就像在7-11買支道地綠茶一樣。其他同事有的點了肉醬意粉，有的要雞皇意粉，全都是毫無誠意之作，是一小 “pat” pa

見到未有負面評分,以為不會太差,結果比起其他有負分的更失望.飲品中下,別要信推介及相片:1)棒子咖啡 – 未加糖已很甜,獨立包裝的糖更是發脹的,是否受潮也不敢說2)店員介紹招牌 “KING” ??? : 照片是黑色和美麗裝飾,結果是純紅色的沙冰.3)其他的飲品與相片也是完全不同

約了好朋友來這裡吃午餐。這是我第3次光顧，依然唔錯，樓上cafe佢算幾好食。我們點了兩個午餐一起分享：白汁長通粉和芝士焗意粉還點了雜果沙律和紐約芝士餅。鮮果沙律好新鮮，感覺上係即叫即切。。兩個主菜好很好吃，特別喜歡長通粉的白汁，很好吃！又叫了芝士煙肉薯條又係一樣好好食既，薯條新鮮炸既。芝士汁比長通粉既更濃，所以係好惹味架。呢個而經令我唔叫小食拼盤架啦，因為我覺得呢個抵食飯後甜品的芝士餅也不錯，芝士味夠濃。我倆都加了錢要特飲：柑桔檸檬和朱古力曲奇沙冰。柑桔檸檬酸酸甜甜的，正合我心意，很不錯！朋友的朱古力曲奇沙冰，蠻多份量的忌廉，賣相吸引。這裡的環境不錯，很舒適，實有下次既，野食真係唔錯。又多野玩，係一個傾計同玩既好地方。有機會會再來

前幾日同女朋友上左新城（意粉屋樓上）睇健身用品，之後諗住去意粉屋食晚飯，點知見到８樓有間咩咩新派ｃａｆｅ，女朋友話去試試，一去到無咩人，我地就住底叫左個卡邦尼意粉，同肉醬意粉再加多個芝士薯角。芝士薯角未到，在我背後已聞到好香芝士味，一試就知係用心之作（加上煙肉碎同蒜粒）而肉醬意粉都有好香肉汁味，但我覺得同外面差唔多，所以唔多介紹。卡邦尼意粉芝士忌廉香且滑而不溜，賣相不錯。始行都行二佰多元，比意炒屋還要平，我覺得值得推介