Mr. Steak Buffet à la minute

营业中

休息中

Seafood：Lobster🦞 Oyster🐚 Sukiyaki🐮...All You Can Eat Madly & Crazily💕..耐唔時 都會心思思想食下Buffet🍽，想搵間質素好、環境靚、地方大、食物種類多、又高質、服務到位，仲有海鮮🦞🦐🦀🐟🦑 生蠔🐚 和牛壽喜燒🐮，都可以瘋狂任食既Buffet🍽，我一定諗起佢，因為呢間真係高質，每次食都冇令我失望架。.位於CWB 地點方便，餐廳仲對住維港，可以一邊望到靚景，食住自助餐感覺更享受吧。而且海鮮種類不少(龍蝦、長腳蟹、青口、海蝦、蟹鉗)，都係無限refill，鐘意食海鮮既你 黎到一定勁滿足。.中式熱葷、生蠔海鮮、日式和牛、精緻甜品，款款都無限吃啊。.而且生蠔🐚 質素都唔錯，全晚都有餐廳專員💁🏻‍♂️💁🏻‍♀️ 為你密密開，讓你可以隨時隨地都可以享用新鮮即開即食既生蠔。Today Special 有2種： 美國🇺🇸 Pacific Oyster (肉質厚實飽滿 蠔味濃郁) & 蘇格蘭🏴󠁧󠁢󠁳󠁣󠁴󠁿 Scotland Oyster (爽口海水味濃 味道鮮甜)，食味真係各有所好呢。.仲有仲有 呢度既壽喜燒，仲用上日本🇯🇵 佐賀和牛🐮，

同男朋友半周年我地去咗𝐌𝐫. 𝐒𝐭𝐞𝐚𝐤 𝐁𝐮𝐟𝐟𝐞𝐭 𝐚̀ 𝐥𝐚 𝐦𝐢𝐧𝐮𝐭𝐞慶祝一下💛 𝐁𝐮𝐟𝐟𝐞𝐭選擇種類好多 海鮮拼盤有波士頓龍蝦、琵琶蝦、加菲蟹、法國羔蟹、鱈場蟹腳、帆立貝、藍青口、熟蝦、蜆、黃金螺等等除咗新鮮海鮮冷盤之外 仲有即開生蠔🦪味道鮮甜寶寶👦🏻表示好滿足當然唔少得佐賀牛同壽喜燒 和牛味濃 真心正！和牛脂肪分布平均 食落去少少入口即溶嘅感覺！另外熟食方面有驚喜😍 烤肉有烤西冷扒、烤肉眼扒、鹽焗三文魚及蕉葉紅魚等等仲有蒜蓉粉絲蒸帶子添！新鮮刺身有三文魚、希靈魚、醋青魚、八爪魚、鯛魚、魷魚仔等甜品方面仲吸引💗🤩朱古力心太軟喺旁邊寫𝐥𝐨𝐯𝐞 𝐦𝐞𝐬𝐬𝐚𝐠𝐞💌慶祝生日或者周年紀念日就啱晒啦另外仲有唔少甜品同埋糕點都有酒店級水準會再嚟食呀👧🏻😚

上網睇到Mr. Steak 6月做緊7折優惠，所以就嚟食啦而今個月開始提供生蠔供應，變相就無咗麵包蟹。今日book咗食7:30嗰場，去到已經好多人。食物方面有海鮮冷盤、頭盤、沙律、刺身、壽司、熱食、燉湯、甜品等等。🔝海鮮冷盤有龍蝦，蟹腳，凍蝦，青口等等。龍蝦鮮甜多膏，凍蝦爽口彈牙，所有海鮮嘅質素都好好。🔝生蠔就有兩款，有美國同蘇格蘭生蠔，每人一次可取4隻。🔝而今次重點係鐵板燒佐賀和牛同壽喜燒美國極黑和牛，前者係由廚師即時切即時燒。佐賀牛食落滿口油脂感，入口即溶，好好味。反而後者壽喜燒味道一般，肉質有少少嚡口，我食咗一次就無再食。🔝熱食方面，最開心竟然有粉絲蒸蟶子同粉絲蒸帶子🔝甜品質素都好好，有拿破崙、鮮果撻、蛋糕、心太軟、牛乳布丁等等。拿破崙同心太軟真係好好食，拿破崙我起碼食咗五件🔝呢度仲有一個特別賣點，就係畫碟服務，可以寫低你嘅心意係紙上，然後甜品師傅就會幫你畫係碟上，到心太軟出爐時間你就可以去拎。🔝而飲品會提供凍檸水或茶，仲有咖啡機添。

一個月前已經夾好時間黎食mr steak 所以有位 聽講有朋友當月月頭打電話去訂座已經無晒位 受歡迎程度可想而知 以我所知香港人真係好鐘意食自助餐 大家應該係食自助餐既專家吧 食咩先食幾多食到回本點點點既攻略大家都好分享左好多 不過呢間我覺得係眾多自助餐餐廳排名第一第二既餐廳 食過幾次mr steak我發現佢地有所進步 由我開始打電話去訂位時職員已經同我確認左當日既優惠 每人加一折扣後收費幾多 等我同朋友有個預算 之後佢地仲會係一星期前有sms要我再網上確認booking 令我唔會唔記得去食 呢個做法對人客黎講係貼心既提示 對餐廳黎講都係因為避免左人客放飛機既情況 雙方都有好處 我地早15分鐘去到 當日已經有好多人排緊隊可以先入座 唔洗等到夠鐘先放人 我地一行人可以去個洗手間 同圍影下相先開始拎野食 講真唔洗企係門口同一大班人一齊焗住等入座係開心既！最後我地被安排梳化 拎野食好方便一開始大家可能都好餓 去晒排隊拎野食 不過餐廳refill速度都算快 雖然時間只有2個鐘 但其實我地食得一d都唔趕 可以食完一樣野食慢慢再排隊拎第二樣野食 食飽飽又可以同朋友一齊影相 傾吓偈 幾relex 野

一直以來都好想食MrSteak， 但佢唔係酒店嘅自助餐但收酒店價錢我覺得有啲貴，所以一直都冇去試。最近因為疫情關係，佢哋推出六折優惠，即係lunch buffet 每位$200 左右，我見咁抵就上網訂位，要等半個月到6 月初先有位，我心諗一定好好食先咁Full，所以一直都好期待，但最後竟然係中左伏， 佢減咗價即係減咗生蠔佐賀牛和呢啲貴價野，其實一分錢一分貨，平嘢無好係真嘅。我中午12:05去到已經全場爆滿，我首先繞場一周睇吓有咩食，食物種類比我想像之中少，有凍盤如長腳蟹、蝦同青口，刺身，中式湯，越式生牛肉河，粥，幾款熱盤，燒牛肉，幾款沙律同甜品。佢哋最受歡迎嘅長腳蟹一開始已經俾人掃清，其後佢哋都refill 左幾次，但每次refill都大排長龍，通常都比頭兩三位顧客攞哂，佢哋隻碟係堆到滿晒，我排咗幾次都攞唔到。我見幾枱顧客枱面都有一至兩碟堆到山咁高嘅蟹腳，而我就一隻都無，心情真係好差。直至最后一次refill 我才攞到幾隻。食到中段我見刺身無人排隊，咁咪行過去睇吓有咩食，點知原來已經無哂刺身，個師傅都執緊野準備收檔。成餐飯唯一令到我有興趣嘅就係佢嘅心太軟，可以寫上自己嘅心意係隻碟度比心

對於呢度嘅 Buffet ，一定唔會陌生，因為真係抵食之選 😁 凍海鮮唔少得龍蝦同長腳蟹，生蠔係即開即食，味道都算唔錯😉每次嚟都一定食甜品食到夠，選擇嚟講都算多，同幾精緻😂熱盤唔係我食 Buffet 建議之選，因為易飽、普通、無特別，但如果係蒸蟶子呢類，作為海鮮控嘅我一定加分😋鐘意日本和牛一定要食埋呢度壽喜燒，係份量少啲要排多轉，但我覺得好食😉結論: 希望遲啲有鵝肝就好🙏 但 anyway 真係高性價比之選💪💪💪

早排疫情期間，好多自助餐都停咗。✋🏻 Mr Steak嘅生蠔自助餐就已經喺六月回歸，而且餐廳都有好多標示提醒攞食物時要戴口罩，感覺安心。⁣⁣⁣😌⁣⁣⁣打頭號嘅當然係即開生蠔。🦪 每次可以拎足足三隻，而且係喺正面前即開嘅生蠔，超新鮮。😝 生蠔好大隻，隻隻都好肥美，有淡淡嘅海水味。🌊 除此之外，亦有好多凍海鮮任攞，包括長腳蟹，蟹鉗，開邊波士頓龍蝦，樣樣都好新鮮，超多肉，鮮味爆棚。⁣⁣⁣😝⁣⁣⁣除咗食凍嘅海鮮之外，仲有必食熱辣辣嘅和牛。🥩 呢度有JA日本全農直送嘅和牛。🇯🇵 師傅會即場喺客人面前用刨肉機刨出原片和牛，以後用鐵板燒煎香。👨🏻‍🍳 和牛入口即溶，油香澎湃，中意食牛嘅朋友一定唔可以錯過。😉 除咗鐵板燒之外，亦都有壽喜燒。😌 壽喜燒選用咗頂級級嘅SRF美國極黑和牛。🇺🇸 每片和牛由師傅喺湯汁入面輕灼，控制得肉類啱啱好熟，保持住牛肉嘅嫩滑。😙 在加上野菜與濃郁嘅壽喜燒醬汁，好滋味。⁣😍 當然亦都有燒牛肉，亦係即叫即切。⁣🤠⁣甜品方面，一樣好多選擇。🎂 除咗好多款嘅蛋糕之外，亦有燉蛋，牛乳布甸，豆腐花等等。😋 最吸引嘅係心太軟，可以喺紙仔先將想寫嘅字句留低比師傅，師傅就會跟返你想寫嘅嘢用

自助餐係酒店就食得多，Mr Steak係銅鑼灣原來都有做自助餐仲好似幾好評既，一於黎試下食生日飯海鮮生蠔從來都主宰左自助餐評價既大部分，就睇下依度有冇唔同環境坦白講無酒店咁有派頭同elegant，但都算唔錯又夠空間甜品海鮮刺身多國熟食都齊既食自助餐梗係食返輪海鮮先，不過勞蘇食建議試下飲個靚燉湯先，暖胃又養生，可以放心食個燉湯唔講得笑，桂圓紀子燉排骨，足料又夠火候，甜甜地又好味，清清地好好飲，我飲左四盅隨即就食凍海鮮，蟹腳、凍蝦，蟹腳相當大隻，一開就知非常新鮮，扭一扭就可以成條蟹腳肉拆出嚟好似食蟹柳咁大條，絶對係要好鮮先會做到依個效果淨係蟹腳都食到回本凍蝦就真係麻麻，肉質有啲淋，唔太鮮亦唔彈牙，我都無拎第二次熟食相對較少，都係蒸魚燒味炒蜆菜意粉依啲，味道正正常常，本來仲想食下凍火腿、火雞胸、煙三文魚依啲，但一直都無refill，唔係好等到另外刺身有一般既魚之餘仲有帆立貝，讚幾鮮甜，但9點未到刺身已經收檔咁款，有啲失望燒牛扒救返唔少分數，肥瘦均勻，有牛油脂，相當香而肉質夠嫩，火候唔錯keep係5成左右，整得好過唔少酒店，果然係mr.steak德國腸就中規中矩咁啦重點黎啦和牛係依個自助餐既亮

因為朋友見有折 就陪佢平平地一齊去食成日都有聽過Mr Steak 點都會期待下 點知完全失望我只係揀幾個我印象比較深刻既部分講>刺身方面—種類唔多 個師傅切到一岩一忽咁>凍盤方面—普通 想試下長腳蟹 但其他客人一見到 就一大堆 一大堆咁夾走 搞到即使有refill過 我從來都冇係凍盤區見過 覺得可以限制每人每次攞既分量>甜品方面—冇一樣值得回味 叫做有少少期待係心太軟 有得寫字叫師傅寫係隻碟度 係寫得幾靚 但個心太軟都麻麻 我個人都比較鍾意食甜品 所以係哩個部分好失望>飲品方面—種類唔多 個青檸汁幾好飲既 而引述我朋友所言 杯latte係全餐最值得飲既😂我本身自問都係buffet會食勻食盡既人 但我今次試哂所有野食 因為一開頭已經好失望 而成個過程 都一直好失望🥴如果比我再揀一次 我寧願出街普通食餐飯比較好😅

除咗超多松葉蟹腳、龍蝦之外，最正就係可以任食生蠔🦪同埋超高質嘅牛肉壽喜燒🥩脂肪分布好平均🥳講真嗰句鍾意食海鮮嘅話呢度其實好多選擇，而且啲海鮮非常鮮甜高質素，任食生蠔可能size唔算太大但係可以無限拎，如果刷得嘅話分分鐘食20幾隻等閑事！牛肉壽喜燒唔會有多餘調味，食到牛嘅鮮味，但係同時亦都夠香。Mr. Steak Buffet à la minute有得任食高質生蠔海鮮之外，慶祝節日仲可以喺心太軟隔離寫字📝出面甜品都有多多選擇，我就鍾意每人揀一件，見見都高質，比較鍾意就係蛋糕布甸同埋朱古力蛋糕，畢竟都比較鍾意食朱古力呢！-後記：呢幾日開始有皮膚敏感就要開始戒下口啦😢之前嘅我不嬲乜都食，而呢間buffet都係我心水💋亦間唔中都有唔同優惠記得自己留意吓！

疫情近期舒緩左，約左朋友一齊黎mr steak食餐勁！任何時候都覺得mr steak既環境無得輸，夠大夠寬敞，而且仲有海景，真係又靚又舒服，而且最吸引一定係佢既海鮮🦞🦐冷盤海鮮同生蠔比我食到身邊既朋友都驚，第二日問我有無痾😂生蠔夠鮮夠甜，海水味淡淡地，肉質飽滿夠爽👍🏻松葉蟹腳多肉又大條，入口鮮甜啖啖肉最正係佢既龍蝦! 龍蝦夠厚肉，一叉住就可以成條肉起出黎，食落鮮甜啖啖肉。但今晚無蟹，有點可惜，上一次黎佢晚蟹肉非常鮮甜！最正係佢既佐賀和牛壽喜燒任食，和牛香嫩，壽喜燒既菜煮得夠香腍，超正!熟食我都係食中式牛柳同牛腩😂蟶子一refill就俾人拎哂，太誇張🙉

星期日就係父親節👨🏻👨🏻費事同人迫就提早慶祝咗先一家大細嚟到 @mrsteakhk 豪食buffet 有好多高質冷盤龍蝦 阿拉斯加蟹腳 凍蝦青口等等非常推介啲龍蝦勁多膏 啖啖肉仲好鮮甜 第一round 已經食咗兩隻即開生蠔都唔錯 我就鍾意Pacific多啲 食落比較鮮甜海水味冇咁重同埋飽滿啲佐賀牛鍾意食燒嘅可以揀左佐賀牛 鐵板上面燒一燒爆曬油香壽喜燒和牛呢個勁好食我都食咗差唔多10碗回晒本 入口即溶仲好香另外仲有超多款甜品可以揀 mr steak 既心太軟唔可以錯過 仲可以自己喺上邊寫字有兩場可以揀㗎5:30果場仲有六五折添 超級抵食呀為返一個人都係三百幾蚊

❤️ 期待咗好耐終於食到喇!! 🥰 呢幾個月都有做緊折扣優惠，六月就有七折 (7:30pm 時段, 折咗再加一大概係$480) 同埋6月生蠔🦪回歸啦！😍❤️ 呢個buffet最正當然係有生蠔，長腳蟹，龍蝦，Haagendaz，movenpick ，同埋入口即溶嘅佐賀牛！❤️ 佐賀牛真係好好食！入口即溶嘅感覺好正😋 不過每次只可以攞一件，本身想起碼排10轉，最後因為又掛住食其他嘢，排得三轉咋🤣🤣❤️ 另外，比和牛更令我期待嘅，其實係有得寫字既心太軟！😍😍首先係嗰度心太軟真係好好食😍 另外就係你要將我哋想寫嘅字句寫上紙仔，師傅就會幫我地寫上心形嘅碟上👍🏼 慶祝節日，或者影相都一流呀☺️ 我可以期待下男朋友寫咩俾你😂❤️ 琴晚食咗兩個半鐘好滿足🥰🔆 Book位比較難book，上網有得book位，但係唔係每個日子都有。打電話會去咗留言，但我建議大家都留低自己嘅電話號碼，根據自己嘅經驗，過一兩日佢哋就會打返俾你🤣

知道朋友想食壽喜燒好耐🥺所以前排帶咗佢去 Mr. Steak Buffet à la minute食自助餐🍽呢度嘅冷盤有刺生🐟長腳蟹腳、青口、麵包蟹等🦀仲有唔少熟食🥘.呢度好搶手嘅酥皮濃湯同中式燉湯都非常之唔錯👍🏻.不過呢度嘅亮點當然係即叫即燒嘅特選黑毛佐賀和牛🐄油脂豐富😆入口即溶🤤旁邊仲有和牛壽喜燒🍲用上美國極黑和牛🐂肉質相對紮實，肉味更濃😋.最後除咗有多款甜品同雪糕🍨🧁仲有可以寫上心意或畫公仔嘅即焗心太軟🥰濃郁嘅朱古力味🍫呢度嘅北海道牛乳布丁🥛🍮奶味香濃😙又唔會太甜

朋友請客生日buffet😋 ，疫情價6折$400幾，抵食過之前打算食嘅set dinner.好多嘢食啱胃口又好食，似乎抵過幾年前在金鐘JW 食嗰600幾蚊嘅buffet.連雪糕🍨唔知邊間嘅，都好好食，可惜巳經食得太飽，想食多round 都冇胃口。個人喜歡青檸及紅得很嘅紅莓Cranberry 雪糕。而且仲有師傅在場為心太軟甜品🍮的巨型心型碟寫上客人指示的祝福字句。😻而且又能欣賞維港日落景，真的性價比幾高。也因為當天銅鑼灣發生事故，令不少人卻步不來銅鑼灣，才能臨時訂到位吃。平時這店是很多人吃的。說回主食，豐富地有黑毛牛，即場燒的及淋上湯汁（自配芝麻、7味粉、素菜碎等等），也有和牛及西式燒牛扒，嚐牛1族一定不能錯過。黑毛牛及和牛都很嫩滑。場內有麵包蟹🦀、龍蝦🦞、長腳蟹腳🦀、青口、生蠔、蝦🦐等等，而扇貝及蟶子是以中式蒸熟，也很鮮味。比目魚大條中式蒸煮，個人超喜歡，所以吃了2轉。日式刺身有3文魚、魷魚、赤貝、油甘魚等等，可惜就是沒有吞拿魚，否則1定大吃。湯有中式湯，西式湯是酥皮湯，酥皮很薄很脆。甜品雖然款式跟其他自助餐差不多，味道也不錯，但個人就覺得較甜。總結這是很完滿的1餐，絕對推介。👍🏼👍🏼