Mr. Steak Buffet à la minute

营业中

休息中

這間餐廳，一直以來都是我Top buffet 之選，雖然熟食選擇唔多，甜品除了心太軟比較出色之外，其他都一般.但係，佢有我最喜愛嘅生蠔，長腳蟹，和牛，鵝肝，已滿足！因疫情下，好耐冇食buffet，解封後當然要來.之前已見網上嘅負評都好多，儘管試一試.長腳蟹:比較鹹，但還可以，第1 round 後， 差不多去到9:00 先有第二次refill ,而且每次refill 都係好少量，成晚都係refill 幾次,真懷念以前長腳蟹山😥　刺身：試咗帶子，完全唔掂，冇味三文魚：同百佳貨色冇分別.甘蝦：賣相OK，但係最難食，因為真係好腥😖生蠔：只有一款，都好細隻，同之前爭好遠，排隊最耐😥鵝肝：只出過一轉，完全攞唔到😭和牛：呢個保持水準.....食咗兩round 後，轉左唔知乜嘢牛，完全唔好食，所以都冇再攞甜品：只有心太軟維持水準，其他甜品，保持平時一般水準～ 總結：7:30時段有七折，折後大約$500/位，這個價錢&質素，不會再來了～寧願沒有折扣，回服質素！

今天下午第一次去到mr.steak試下佢哋嘅buffet,價錢連埋加一都係189,首先第一個感覺係幾抵食 ,跟住上網book咗位唔使等,即刻入去見到個海景已經胃口大增,跟住由生菜頭盤沙律開始食起一路到刺身冷盤熱食和牛壽喜燒甚至乎甜品食物品質嘅質素非常之好,但係去到等咗好耐嘅蟹腳之後,有少少失望因為啲蟹腳有啲水蟹感覺,好鹹嘅感覺,唔係太新鮮,不太好食, 至於服務嚟講不過不失啦,因為啲夥記好似同啲客人冇乜溝通都冇乜接觸,佢有佢收碟你有你食嘢,完全都唔顧及到任何一個客人嘅情況整體嚟講嗰個buffet都係抵食唔錯非常之好嘅, 期待試下佢哋個晚餐buffet但係個價錢就比較貴喇要四百幾蚊一個

同事同我補祝生日飯所以決定一嘗很想試好耐的呢間和牛龍蝦海鮮自助晚餐全晚侍應服務真的5錯，我地原本坐二人檯真系好逼又近人群所以問侍應轉檯，結果幫我地安排左張大梳發超正囉，又舒服又5洗同人逼中好自成一角感覺都安全d以6折呢個價錢黎請真系無野好挑剔！唯一不足系我至愛的長腳蟹好失望，無乜味又痴殼龍蝦ok幾乎只只都有膏，肉都好彈牙刺身都有幾款選擇，有帶子，赤蝦，三文魚，北極貝，油甘魚等…鮮甜好味生蠔實在真系太多人排了幸好有朋友拎埋俾我食，好細只普普通通盛在夠新鮮～和牛同壽喜燒我食左幾轉真系既，但未至於去到入口即溶既級數，就因為食左幾轉漏得濟結果好快飽最後雪糕都無食到哈，不過戲肉緊系必須一提的甜品心太軟啦，5會好甜好好食，又可以系碟上寫上㊗️福語有心思得黎又好味，贊(≧∇≦*)總括值得一試的自助餐！

見到九月份仲有優惠，拿拿林訂位🤩主要係因為想食生蠔，對Mr Steak嘅品質又比較有信心🙆🏻‍♀️•好好彩獲安排窗邊超靚境位☺️今日主要目標：生蠔！🦪除左生蠔，刺身、長腳蟹都係必食～熟食區亦好多選擇，炖湯同酥皮龍蝦湯都好正🤤和牛壽喜燒、鐵板和牛、蟹粥都唔錯，可惜當日無鵝肝😭 甜品區有Haagen dazz 雪榚，各款中西式甜品，!🥧藍莓撻、🍮牛奶布甸同🍨Haagen Dazz 雪榚都要encore!🥰

大不如前！！！！服務及食物質數極差！！！帶子刺身啲帶子難食到似麵粉帶子！！！食物選擇少！雖然有refill，不過每次refill份量少，等refill時間又耐，埋單都未必見到一次refill！坐離食物枱遠少少都無得食！六折好似好抵，實情係伏！伏！！伏！！！

中午自助餐，昨為一間出名自助餐廳，水準差，野食無様好，龍蝦出一次，超級差一開始長腳蟹十分鐘已經沒有，等了一個鐘只補了小少，十幾二十隻，排了五個人也是取不到，其他人問有沒有，服務員說有，結果走都未食到，其他海鮮都好少，和牛喜壽燒，每次一片，沒有人排也是，食一樣野要排二十次，因為沒有野好食，只能排這個，豆腐花又不滑，糖水又不甜又沒有味，凍檸檬茶一早加冰的然後再加檸檬茶入去,見到不想飲我飲水好過，結果由頭到尾，無様好，好多野見到食唔到，只食了火藥同氣，出去食定食好過佢，食一次都不會，就算之後有幾好，請都一定不會去。

晚市嘅堂食延長到十點梗係要食番餐好啲㗎啦😗今日就嚟到 Mr. Steak Buffet a la minute ，佢地主打環球美食的自助餐，包括多款精選海鮮，燒牛扒等，滿足你不同的口味。🥰我最鍾意食嘅呢就係鐵板和牛🍳，師傅會在客人面前，現場用刨肉機刨出原片和牛，🥩再放在鐵板上香煎，入口滿是焦香！🍲和牛壽喜燒也是Mr.Steak的招牌菜式之一，每片和牛落湯輕灼，加上野菜與濃郁醬汁，肉味濃郁好吃！波士頓龍蝦肉質爽彈🦞近加拿大海域的長腳蟹size大，蟹腳粗身肉厚，富海水味鹹鮮。花蟹肉質鮮甜細嫩🦀慶祝生日好適合！🎂Mr.Steak招牌即焗朱古力心太軟🍮，大家可以寫低你的心思比另一半，師傅會把它寫在心形碟上，並畫上個性化圖案， 節日慶祝就啱曬啦🍰

我地去慶祝週年紀念， 老公揀左自己好想試既Mr. steak buffet, 但又扮到係我自己想試。 Anyfat, 未試過就試下。6折完dinner buffet每人430蚊， 以質素同價格黎講係ok。我公就好鍾意tim。buffet太多野食， 所以都係淨係講d 大家可以盡量食多d同唔好晒quota 2類。😀笑面：龍蝦：有膏， 大隻。 壽喜燒：牛肉嫩口，重牛肉味。燒和牛：即場切薄片， 好肥美。牛奶布丁：好濃既牛乳味。喊面：生蠔：好細， 唔太重蠔味。黑森林蛋糕：蛋糕好乾， d車厘子又勁酸。燒牛肉：好so既牛味。酥皮龍蝦湯：好罐頭湯，酥皮又唔夠脆， 唔好晒quota。最開心係心太軟朱古力蛋糕， 仲可以係碟試面寫字

📍Mr. Steak Buffet à la minute (銅鑼灣)🔍銅鑼灣告士打道280號世貿中心6樓-----疫情下好耐都無出街食晚餐，一放寬之後，想出街食野嘅慾望實在係撳都撳唔住，剛好呢間Buffet做緊晚市自助6折優惠，所以就即刻book咗同朋友一齊星期五收工之後去食，原本以為呢一個時候會少咗人出去食Buffet ，結果嚟到都非常多人，所以有興趣都最好預先打電話預約。☎️-✨佢哋有好多唔同嘅區域，例如有熟食區、刺身區、冷盤區、海鮮區同🍰甜品區等，款式甚多，B仔就唔一一詳列，直接挑選幾款我認為值得一試嘅同大家重點介紹下。-🦞龍蝦：回本必食嘅龍蝦，大大隻、外殼色澤紅潤、肉質扎實彈牙，啖啖肉咁，又容易拆殼，唔食返幾隻簡直對唔住自己。🦞龍蝦沙律酥：適合中意龍蝦但又懶得拆殼嘅人。酥底非常脆身，入口鬆化，而上面嘅龍蝦沙律，則多肉少醬，感覺非常真材實料，B仔食完一舊又一舊。🦞焗酥皮龍蝦湯：係，冇錯又係龍蝦，因為佢地嘅龍蝦食品，味道確係做得不錯，龍蝦湯非常濃稠，而酥皮嘅牛油香更係令人聞到都已垂涎欲滴，每次一出爐都會有一堆人蜂擁而至。🦀蟹粥：即叫即煮嘅蟹粥，用上隻隻肉肥膏滿嘅新鮮螃蟹黎熬煮，粥底

已經幫襯過呢間好多好多次，以前通常節日同一班朋友一齊嚟，但係而家疫情關係，唔夠膽約人，不能眾樂樂不如獨樂樂，咁啱見到有優惠，中午buffet 六折，即刻book枱食餐飽😋今日book到靠窗嘅海景位，正😁😁😁但係啲座位距離好近，會比較迫。今次有長腳蟹同埋龍蝦鉗，非常新鮮，但係好快俾人夾晒，要等佢refill，好似見佢都refill左兩、三次，所以一去到要即刻夾，刺身就有三文魚、鯖魚、立魚，不過三文魚又好快俾人夾晒，亦都要等refill，但係最抵食嘅係和牛壽喜燒😍😍😍和牛真係鮮甜多汁又嫩又滑又有牛味，我都食咗三件，真係好正👍🏻👍🏻👍🏻呢一間嘅中湯都好好味，材料好足，都要飲番碗。甜品亦都係我嘅至愛，朱古力心太軟同牛奶布甸係首選😋😋😋其他酒店自助餐都未食過咁好食嘅牛奶布甸，通常會大約1:30pm左右先出，之前幾次食，佢仲有出細細塊嘅朱古力，今次就冇啦，其實佢嘅手工朱古力都好好食，今次試咗佢嘅朱古力布朗尼，但係太甜，唔太得😅要留意只有夜晚先有Häagen-Dazs雪糕，中午嘅係阿波羅雪糕。以六折嘅價錢，中午自助餐$200有找，有海景、蟹腳、和牛、牛奶布甸、心太軟、刺身，都真係幾抵食👏🏻👏🏻👏🏻

今次第2次食之前正價食過一次 今次係見佢有7折先去，book左晏就。唔知係咪唔多人既關係，蟹腳又唔洗搶，慢慢拎到最後都仲有！之前見過其他post話要爭😂生蠔 好一般，唔creamy都冇乜海水味，食左1次都冇再拎壽喜燒就都ok既，幾嫩滑，拎左好幾round！但另外2種牛 一種係牛扒，一種係燒，燒既好食d 牛扒好en 不過都只係過得去 未去到超好食！D甜品就都幾出色！好多款蛋糕都幾好食 款式勁多 根本試唔哂就飽左！Overall 其實水準真係一般，冇7折正價真係唔值呢個價，講真真係冇乜野係質素高，得個心太軟最正！食左2舊！心太軟真係必食

超久超久沒吃自助餐了！！好姐妹邀請我來  大快朵頤一番恭敬不如從命啦，哈哈🙈先來看看有什麼好吃的～～佢有分好多不同類別的區域主要有海解區，各類的蟹又有專門一區，也是最多人排隊的沙律區﹑熟食區﹑日式美食區例如和牛等😋最最推介的一定是酥皮湯，薄而酥脆絕不油膩，可連續喝兩碗呢！甜品區也非常多選擇，應有盡有不多說了來點圖片吸引下大家吧XD滿桌都是食物～太爽了XD但我很快就第２ROUND了 0v0風捲殘雲......長腳蟹、生蠔、各類海鮮；和牛、燒牛、壽司刺身、世界級好喝的酥皮湯🤤全部環球美食隨便吃❣️吃飽飽後還有私人客製的即焗心太軟及超多款的中西式甜品🍮單是這個心太軟就值得我回味一輩子啦😋😋現在還有7折優惠＋生日優惠！正

上個月同男朋友一家人一齊去左食自助餐預祝父親節, 仲記得對上一次黎食已經相隔差唔多半年, 今次我地訂左晚第一個時段19:30, 預早去到已經好多人等緊入座, 入座後等到準時先可以拎野食, 所以我行左個圈睇下有咩食同鎖定目標, 依舊有我至愛既冷盤海鮮, 有龍蝦、長腳蟹腳、凍螺、凍蝦、青口等等, 龍蝦勁多膏, 蟹腳厚肉得黎爽口, 海水味剛剛好除左魚生刺身之外, 點少得最正既任食生蠔, 每人每次只可以拎三隻, 即叫即開, 真係好新鮮又大隻厚肉, 每次來貨都唔同產地, 所以每次黎我一定留定肚就係因為佢地既生蠔, 食夠一打先至收手佢地平均熱食味道都唔錯, 而燉湯同酥皮湯都係每次必飲, 每轉出都會排哂隊限量咁拎, 不得不讚個酥皮湯真心夠酥脆, 點埋湯咁食真係好正, 依然仲帶少少脆口感而另一樣不得不食既就係壽喜燒, 每片啖啖肉, 壽喜燒汁索哂入塊牛, 食落好實在, 牛味好出最後又點少得甜品雪糕, 真係次次都捧住個肚食到好飽先至肯走, 好滿足啊!

今次同男朋友嚟呢一間Mr. steak 食buffet，我最鍾意就係食嗰個長腳蟹、生蠔、薄切牛同埋壽喜燒牛，佢個甜品都好正係心太軟，你仲可以要求師父寫字上去真係好有心思，呢間野食真係好正好好味，環境都好舒適，總括來講我會推介呢一間buffet真係好好味😋

講到有沙係必然，我食左咁多年，幾時食d師傅都係洗到沒沙好似他的盡責是額外，是客人要求高，唔炒得人沒所謂，旦個人態度認真，簡直同公司掃生意不知所謂，以後唔使去食。