Mr. Steak Buffet à la minute

营业中

休息中

懶於寫食評⋯但食物質素迫使我好想分享下聖誕假諗住出街食好啲開心下，book左lunch buffet一入到店內見到好多甜品裝飾好有聖誕氣氛，都幾開心，但啲野食就⋯三文魚有骨，壽司有臭味，生蠔頭3隻鮮甜，但之後3隻有苦味，長腳蟹肉霉，肉痴殼，熟食正常，沙律菜最正常，於是好快食甜品，但款式唔太吸引，大蛋糕好多任由顧客自己（畢），個樣好核突，於是夾左哈密瓜食，但點解連哈密瓜個質感都怪怪的（起沙）。埋單1千幾...

🦪任食生蠔龍蝦自助餐🦞-最近幫朋友慶祝升職加人工 食咗一間自助餐 有齊生蠔龍蝦海鮮刺身 好多回本位 平日都係$600-$700左右連加一🙈 長假期仲未諗到食咩慶祝嘅朋友仔 就唔好錯過啦😙-🧀冷盤沙律呢啲基本嘢已經有好多款揀 仲有啲自己揀菜同醬整添😉 另外仲有煙三文魚同唔同款嘅煙肉🥓 而且仲有大大個位放咗四五款芝士 自製charcuterie冇難度🥳-🐟刺身海鮮龍蝦刺身都有成六七款 虎蝦同帶子都幾鮮甜 其他就正常發揮 另外仲有壽司同手捲😋 海鮮種類都好多 蝦 蜆 青口 蟹腳呢啲基本款實走唔甩 最吸睛應該係龍蝦啦🦞 大大隻肉質爽口而且refill速度都好快 唔會似某啲酒店咁揼波鐘🤣-🦪生蠔呢個位真係好值得讚佢 因為生蠔section有成兩位師傅 一個負責開殼 一個負責沖洗同分蠔 就算有人排都好快有得拎👍🏻 今晚係法國生蠔 海水味比較重 肉質爽口 食得出都幾新鮮 即叫即開係唔同啲😘-🍽️熱盤咖哩中西式小菜呢啲實走唔甩 不過要讚吓佢哋嘅中湯有灌湯餃而西湯有酥皮蘑菇湯 兩款都好吸睛👀 當然我最鍾意係佢地有幾個位都係有師傅處理 感覺上更加吸引😍 第一個排隊位就係日牛鐵板燒 牛肉油脂充足好香口 仲要望

琴晚去咗Mr. Steak 試佢地嘅和牛生蠔buffet，而家仲有生日「四人同行壽星免費」優惠，聖誕同屋企人食啱晒。٩(˃̶͈̀௰˂̶͈́)وDINNER BUFFET 自助晚餐 $698加一晚市buffet有兩個時段，我就食第二輪，由7:30到10點，主角除咗有即開生蠔仲有任食和牛。🦞海鮮海鮮 counter有龍蝦🦞、長腳蟹🦀、青口、生蠔🦪等等，龍蝦開咗邊，好方便就起到龍蝦肉，肉質算彈牙、啖啖肉，仲有蝦膏，好鮮甜。長腳蟹肉大大條，好重海水味。即開生蠔好creamy，一啲都唔腥。(⁎⁍̴̛ᴗ⁍̴̛⁎)🐟刺身刺身有三文魚、帶子、鯖魚、紅蝦、赤貝等，三文魚好肥美，帶子好厚身鮮甜，值得一試係紅蝦，好鮮甜彈牙。♪(´ε｀ )🥩和牛區和牛區有佐賀和牛鐵板燒、美國極黑和牛壽喜燒、燒牛肉同炙燒和牛壽司。佐賀和牛鐵板燒入口油脂豐富，牛味香濃。😛 和牛壽喜燒配上甜甜嘅壽喜燒汁，兩者好夾。另外仲試咗燒牛肉，牛肉大約medium rare，好重牛味。(˶ˊᵕˋ˵) 🍲熱食熱食選擇都好多，有泰式咖哩蟹、蒜蓉粉絲扇貝、關東煮、蒸魚等等。湯類有中式同西湯，西湯係酥皮牛肝菌忌廉湯，酥皮混入忌廉湯更加惹味。😆🍮甜品食到差唔多就試下佢地最

聞名不如見面 終於試倒Mr. Steak Buffet呢度出名食物選擇多 12月黎仲好有聖誕氣氛今次食7:30-10:00嘅時段 原價每位$698有齊生蠔 龍蝦 長腳蟹 蜆肉 青口呢度凍海鮮擺放得非常吸睛 放到成座山咁高龍蝦肉質彈牙仲好多膏 長腳蟹都多肉同鮮甜法國生蠔每人每次可取三隻 生蠔水準正常刺身我推薦三文魚同帆立貝 兩款都肥美厚肉熱葷方面 我推薦焗酥皮蘑菇忌廉湯 酥皮焗得超香脆日本佐賀牛鐵板燒充滿油花 我encore左幾round而壽喜燒亦唔錯 牛味濃郁 仲有香甜湯底配上野菜甜品方面 有幾款聖誕主題原個切件蛋糕 打卡一流仲有多款Mövenpick同Häagen-Dazs雪糕任食我最鍾意佢地嘅北海道牛乳布丁同朱古力心太軟心太軟每晚6:15pm同8:15pm準時出爐最特別係客人可以自訂句子同公仔 有求必應心太軟好好味 碟面又畫得靚 絕對係呢度嘅最大特色

平日放工咗位於世貿中心6樓嘅Mr.Steak食Dinner Buffet，佢分咗兩輪時間，頭段由5點食到7點，價錢會係$498，而第二輪則由7點半食到10點，價錢就係$698～今次我哋就食第二輪，上到去都要排隊等入座，非常多人，想食嘅朋友記住一定要預早卜位😋.餐廳環境大，裝修幾有特色，坐得都舒服。食物分區都好清晰，有冷盤，海鮮，刺身，熟食到甜品🍦選擇夠曬多，以下就係我特別推薦嘅食物(*ˊᵕˋ*).🍴Dinner Buffet (1930-2200) $698/成人.◽️龍蝦、蟹腳一入座就已經見到好多人排隊拎，龍蝦夠曬大隻，入面有大大舊嘅龍蝦肉同蝦膏，味道唔錯；而蟹腳肉多，食落啖啖肉肥美新鮮💕.◽️生蠔生蠔應該係自助餐必食(?)師傅會即場開蠔，夠晒新鮮，生蠔食落亦比較重海水味 🦪.◽️酥皮蘑菇忌廉湯酥皮鬆脆，忌廉湯味道香濃，仲有唔少嘅蘑菇粒🍲 .◽️Rib-Eye廚師即場切嘅肉眼，肉眼扒塊肉質呈粉紅色🥩肉質食落嫩滑而幾香牛味，想再濃味啲可以係旁邊加各色各樣嘅調味料同醬汁.◽️佐賀牛鐵板燒由師傅即場鐵板燒佐賀牛，牛肉油脂豐富，食落嫩滑，對重口味，亦有些少入口即溶嘅感覺.◽️美國極黑和牛火焰壽燒即場火焰

今次係周年紀念，專登搵左依間《Mr. Steak Buffet à la minute》位於銅鑼灣嘅高質自助餐。自助晚餐主要分兩個時段：5-7pm 及 7:30-10pm。我就揀左7:30戈場。一開始當然食左海鮮先，佢地有一座山咁高嘅海鮮區。龍蝦、長腳蟹、蜆、青口、龍蝦鉗同埋翡翠螺。龍蝦多數都有膏，食落鮮甜又彈牙。長腳蟹個尺寸都好長，甚至比一般酒店食到嘅仲長，蟹飲新鮮又帶少少咸味。跟住就可以試下生蠔同埋刺身。佢地係用法國生蠔，海水味重，外型飽滿又多汁。刺身就有常見嘅三文魚、帆立貝、八爪魚、赤貝、虎蝦風等，每一款都好新鮮。自訂手寫甜品，可以比你寫低想和你愛人、親人或者朋友講嘅說話，廚師會幫你用朱古力寫係個碟度，再放埋個朱古力心太軟，真係好適合慶祝生日同埋周年紀念。美國極黑和牛壽喜燒，大理石油花嘅美國極黑和牛，廚師淥幾秒就食得，嬸汁鮮甜，和牛又入口即溶。佐賀牛鐵板燒，油脂味極香濃，入口軟腍。其他熱食:美國極黑和牛壽喜燒佐賀牛鐵板燒腰果蝦仁炒帶子泰式咖喱炒蟹蔥薑炒生蠔龍仔荷葉蒸蝦鵝肝和牛炒飯麻辣鴨血大腸清蒸比目魚甜品同埋雪糕區雪糕佢地就提供Movenpick，有多款口味：曲奇味、薄荷味、芒果

之前喺2021年嗰時就同朋友一齊去食呢間性價比幾高嘅餐廳buffet 😙今次亦都再去回味 一去到梗係食長腳蟹啦 今次畀我哋感覺唔同左 鹹水味重咗 蟹味反而淡咗 可能浸鹹水浸得耐咗 所以個鹹味好出 🤣🤣 但我哋最後都食咗20隻腳+🤣回本了跟住再試埋佢啲生蠔 都好嫩同平時生蠔冇咩分別 不過不失 但係如果腸胃易敏感嘅朋友記得就唔好食咁多隻啦👀👀之後食咗廚師即叫即煎嘅美國黑和牛 反而今次都幾有驚喜🙊因為肉既油香 同脂肪分佈都岩岩好 我哋最後都拎咗三至四轉👍🏻之後我哋揀咗啲熟食就普普通通啦 到最後甜點 🍨款式都唔係話十分多 但係起碼都有平時食開嘅種類 例如Häagen-Dazs雪糕🍨🍰生果 蛋糕仲有最招牌為客人寫字訂做嘅心太軟 簡直係每枱都要整返幾碟靚靚打卡📷總括而言 相比我哋第一次食嘅話有少少失色 🙊食物款色小左 例如冇咗即煎鵝肝同埋燉湯 但係餐廳晚上第一時段有八折 所以埋單都唔超過五百蚊一個人 仲有值得一題職員態度都好好 收碟都好快 keep住密密清 又樂意幫我哋影相

聽聞呢間自助餐晚市要開兩輪，睇嚟應該係幾受歡迎，今次上佢官網訂位試下佢嘅午市自助餐，依家佢嘅午市自助餐做緊八五折優惠，連加一後實付每位275.5都算幾抵，即管睇下佢有乜賣點先：佢嘅自助餐最大賣點都應該係蟹腳同美國極黑和牛壽喜燒。其餘食物大概（未能盡錄）有以下：凍海鮮有蟹腳、藍青口、凍蝦、蜆同青口。刺身有三文魚，立魚，八爪魚、蟹柳同醋青魚。熱葷有魚柳、川椒雞、豬紅、抄手、咖喱牛腩、豬皮魚旦、 姑嚕肉、蒜心炒豬頸肉、四季豆、燒三文魚頭同炒飯等。湯有兩款，粟米忌廉湯同冬瓜薏米湯，另外還有即切燒牛肉同美國極黑和牛壽喜燒。各款沙律同幾款cold cuts及芝士。甜品都有幾款選擇但感覺好一般，冇試過！雪糕就係 movenpick, 試咗兩種口味藍莓同士多啤梨味，佢係一桶唔係杯裝，我覺得好味個杯裝，值得一試。飲品方面有自己調製嘅凍檸檬茶同自助咖啡機。凍海鮮就試勻哂咁多款，蟹腳就最好味，雖然間中有一兩隻較瘦削，但整體都唔錯，其餘嘅凍海鮮就一般。刺身試左三款都只係一般般。呢個美國極黑和牛壽喜燒就幾好食，牛肉味好濃，個汁甜甜地幾好味，要翻兜食多次！燒牛肉同蒜芯炒豬頸肉都幾好味，燒牛肉嫩滑唔會嚡，蒜芯炒豬

Mr steak Dinner buffet 分享同老公心血來潮想去食自助餐，喺group入邊見到呢間好似ok,就即刻打電話去book時段：第一輪5-7pm價錢：$398.4/adult 優惠：當月生日，買4送1（要打電話去book)環境：靠窗有海境我地2人安排卡位，好闊落，但我地坐44號枱，好近後樓梯度門，臨尾聲，waiter開始換場，經常開住度門，陣陣臭味飄出黎，好臭，要不停同waiter 講請閂門Service :平日人手都好足夠，收碟好快手法國蠔每人每次3隻，真係又細又瘦，有幾隻細到指甲咁瘦，味道都鮮，係爽口蠔。平日勝在人唔多，尾段冇乜人拎，哥哥會比多2隻長腳蟹都係好瘦，第一輪拎有d未解哂凍，之後果d就好食，唔會太咸細青口比大青口甜沙白冇沙，甜*7:30-10:00pm 第二轉先有龍蝦，蟹拑*三文魚刺身ok 八爪魚剌身唔un頭盤沙律芝士正常鮮果沙律係罐頭生果+新鮮生果熟悉冇樣樣食，但大部份都ok酥皮忌廉湯，ok花旗參排骨雞燉湯好好飲，飲左2盅美國和牛喜燒燒，重牛味但比較瘦，有d鞋板燒薄牛肉，麻麻，都係瘦燒牛扒，比較好食海南雞唔滑薑醋，比較酸辣酒煮花螺好辣橙香骨好食各款天婦羅，d

10月尾老公生日，見到有4位同行，生日果位免費，就book左5點，2大2小，黎到第一時間去排生蠔，長期都有兩三個係度排緊隊不過好快拎到，啲蠔全部即開，雖然….每次只可以拎3隻，而且超細隻，不過幾鮮甜，所以我都係度拎左10轉8轉🤤🤤老公就好欣賞個長腳蟹雞湯超好飲，落足料，不過只係拎到2碗，只可以4個人share。個心太軟都好好食，完全流心，又非常有心思比我地手寫跟住幫我地畫上去，所以小朋友最開心，最後埋單1000，抵到爛

相約久未見面姊妹食lunch, 第一時間就唸到呢間性價比高的自助餐廳，今天係3個月黎第三次到訪，早兩次都假日食(因有生蠔), 今次就試吓冇生蠔睇吓有什麼唔同，冇失望，款色同樣多選擇，食物新鮮，環境舒服，但唯一另我失望係長腳蟹次次都冇refuel, 另食客一次過取很多，太失禮，希望有改善空間就好，記得食埋雪糕先走，總括今日食得好開心，服務員很nice, 期望再訪。

自助餐Mr.Steak Buffet a la minute 呢間自助餐，每年必食一次全家人同阿爸慶祝生日首選地方，因為食物種類多，生蠔、刺生、長腳蟹、冷盤、熟食、甜品都一應俱全賣點甜品區寫低紙仔俾師傅，師傅就會喺碟寫上Happy birthday/節目慶祝，還可以加上名字好窩心的服務，我哋一家經常要求師傅畫上一啲特別嘅公仔，愉快地慶祝生日推介指數:⭐️⭐️⭐️⭐️⭐️/5 Mr.Steak Buffet a la minute 📍銅鑼灣告士打道280號世貿中心6樓#foodie #hkfoodie #美食 #美食blogger #美食探店 #人生活得精彩 #生存就是食 #香港 #美食分享 #我的美食日記 #周圍搵食#hkig #相機食先 #自助餐

所有食物都好高質剩係牛肉都已經有牛扒，鐵板燒牛，火炙和牛壽司，壽喜燒牛🤤🤤全部都好好好味 好軟好重牛味👍🏻冷盤海鮮有龍蝦，蟹腳，蟹箝，生蠔，青口等等🤩全部都好新鮮好鮮甜唔臭而雪糕甜品都超多選擇 一定要去試！一定要食心太軟！唔係死甜係真係好濃朱古力味🤤同朋友total食左四個心太軟 好正呀！仲可以加埋haagen dazs一齊食！超好味！我最鍾意義大利奶凍味！另外仲有好多隻味揀，例如tiramisu，芒果，mint chocolate！

今年揀咗去銅鑼灣世貿的「Mr. Steak Buffet à la minute」食buffet慶祝生日🎂幾年前已經食過一次，食物選擇好多元化，感覺好好，所以今次再嚟！自助晚餐分兩個時段：5-7pm及7:30-10pm龍蝦、長腳蟹、蜆肉、青口非常吸睛的海鮮區域，龍蝦放到成座小山丘咁高！龍蝦肉質飽滿，爽口彈牙，充滿蝦膏！長腳蟹啖啖肉，鮮甜味美。蜆肉同青口等等海鮮都好新鮮法國生蠔每人每次可取三隻，生蠔大小適中，入口清爽甜美，帶海水鹹鮮味刺身魚生新鮮日本空運刺身有三文魚、八爪魚、帆立貝、立魚及虎蝦等等，富光澤，好肥美沙律冷盤多款凍肉、煙三文魚、冷盤等等任君選擇。薯仔沙律、紅菜頭沙律同菠蘿雞粒沙律都好出色自助沙律吧及芝士芝士有五款選擇，可自行配搭餅乾或麵包。自助沙律新鮮爽脆，營養豐富又健康中式燉湯及西式焗酥皮湯花旗參排骨雞燉湯，火喉十足，清甜滋潤，充滿住家味道。焗酥皮蘑菇忌廉湯，香滑濃稠，邪惡美味佐賀牛鐵板燒及壽喜燒日本佐賀牛鐵板燒，香軟肥美，能品嚐到牛肉的原汁原味✨壽喜燒則輕輕灼數秒，配上日本甜豉油湯底烹調的野菜，甜美可口，牛味濃郁熱盤熱食都有唔少選擇，關東煮、紅油抄手、上湯娃娃菜、薑蔥蠔、

同朋友去銅鑼灣搵食，是日午餐-Mr. Steak buffet平時食Mr. steak 通常叫set，第一次試位於銅鑼灣既buffet環境清幽，地方都好大，望住個維港食buffet，呢個價錢都可接受Mr steak食物種類都算多，同埋佢既海鮮都好新鮮。比較可惜既係海鮮唔算多，同埋牛唔係日本和牛其他熱食都普通水平，但我就唔係幾滿意佢既心太軟，味道好似係預拌粉整出黎既整體都可接受，價錢平日下午8折，折後＄261/位，有機會大家可以平日一試，假日就不建議