Mokumoku Yakiton (厚福街)

营业中

休息中

今日同老婆難得出去尖沙咀行街，順便去搵下美食，搵到呢間mokumoku食個午餐，上到去環境坐得幾舒服，又可以食串燒、刺身等等【前菜】蕃茄沙律，非常新鮮，帶點酸酸未未的醬汁，食完真係好醒胃。【三得利黑白啤】入口充滿頂級香氣，擁有濃郁的口感，帶點苦澀和甜味，今次第一次試。【乳酸梳打】去居酒屋食串燒，太太必叫既乳酸梳打，清新香甜之中略帶微酸。【岩手縣岩蠔】岩蠔非常大隻，又厚肉又夠鮮甜肥美，仲帶點海水味，再配埋酸汁一起食非常醒胃。【味噌煮】今次叫了不同既味噌煮，味道鹹味剛剛好，每件煮得非常入味。豬軟骨、豬手：餸飯真係一流，又夠入味又夠軟淋。豬大腸：質地更軟淋入味，仲帶點嚼口。魚餅：入口好有彈性，鮮味豐富。日本蘿蔔：煮到半透，不但美味又夠入味。油揚：吸收哂湯汁，豆味又夠香。【沖縄苦瓜】沖繩苦瓜非常出名，入口有淡淡的苦味、清脆的口感，同平時苦瓜很不一樣，表面加了脆蝦米再內裡加了少許肉來燒，真是有另一種甘甜味。【豬心串】內臟比較少食，但呢個真係可以接受到，入口非常之爽口，口感像吃爽肉一樣。【燒菠蘿】最後點了一個甜品生果，食完肉類多，點一個燒菠蘿黎消滯下，表面加了少許糖去燒，令表面有脆脆焦糖面，整體非

今日心血來潮晏晝食串燒，其實因為而家lunch 有7折🤭，計落真係抵食好多，而且晏晝食多啲都仲有足夠時間消化，健康好多呢😂乳酸梳打平時食串燒一定配啤酒，但而家只是晏晝時份，都是叫杯梳打汽水吧😂，乳酸梳打酸酸甜甜，最適合配串燒。蒜子蕃茄一坐低就有的餐前小食，日本蕃茄甜味特別突出，而且鮮甜多汁，配上酸汁，蒜蓉已經非常可口。豚肉鵪鶉蛋卷豚肉包住原粒鵪鶉蛋，入口蛋黃在口腔內爆發，吃的時候真的要小心一點，豚肉鮮嫩多汁，沾上少許醬油，櫻花蝦，味道超甜又富蛋香。蒜香牛柳牛柳肉質軟嫩，加了大量蔥花調味，特別香口惹味。沖繩苦瓜苦瓜入口看似很淡，但是淡雅的苦味、清脆的口感配上免治豬肉,香口又滋味。燒厚揚燒到外脆內軟，配醬油、木魚碎和葱花，外脆內滑。西班牙黑豚豬頸肉串黑豚豬頸肉油脂豐富，師傅燒到表面香脆入口甘香，而且仲非常爽口鮮甜。西班牙夾心肉肉味香濃而有咬勁，鮮甜味十足，而且肉嫩多汁。燒油甘魚鰭油甘魚油脂豐富肉質幼滑，魚鰭因為長期活動所以周邊肌肉肉質較結實，入口甘香，油份充足。

上個禮拜同屋企人食咗呢間居酒屋周圍氣氛好好 好適合同frd一齊傾下計飲下酒首先，就叫咗個頭盤，有三文魚，帶子，蝦，仲有個明太子沙律，脆卜卜好得意，啲刺生全部都好新鮮啊！！！跟住最令我記得嘅係燒雞翼，咁佢全部都係單骨雞翼，雞翼燒到焦香，好好味呀😝跟住嗌咗個豆腐，佢個汁配搭埋一齊超級夾，仲有啲柴魚喺上面😚😚😚跟住佢有個魷魚，超級煙韌，仲有啲櫻花蝦喺上面做配搭，令人想一舊接一舊咁食😍❤️最後仲有個豬肚同埋黑豚肩肉串，豬肚好爽脆肩肉串呢 係店員推介，完全沒有怪味，兩個都超級好食。最後仲帶咗兩杯嘢飲，夜晚同friend一齊去超下都幾開心，氣氛令我好似去咗日本。

覺得呢到好多款串燒都好有驚喜、好好味😋😋😋豬肉夾蠔串個蠔好食得黎又新鮮！😇豬肉釀冬菇個豬肉好有驚喜！！😇豆腐串燒外脆內軟 好味道！白鱔油份重 食落好香口 juicy!!!! 大推介😍😍豬脷都有dd韌 咬好耐🤣🤣🤣岩蠔比較貴$88/隻 食落又唔算好特別咁 不過不失 下次唔會點呢樣。😞😞同埋三文魚茶漬飯（呢個冇影到）味道ok正正常常，但三文魚略少🤣🤣🤣🤣再豬夾心肉偏肥膏味過重 可能本身期望太高了！😟😟

book左位1730，準時到，間舖冇人，有bb，比張好細ge枱我地，我地好聲好氣叫佢換，佢態度好串咁回應，今晚好full，冇晒位，但當時冇人而我地係寫左7點離桌，明顯係見到有bb唔想做我地生意，所以叫大家都唔好去，態度要用激西尼形容，100萬句粗口都止想講出口，個個女老闆定侍仔，唔知佢啦，真心覺得完全冇同理心。你真係要比多d關心人地有一家大細個d人，如果你以後都咁真係唔止d客心中有粗口或直接講粗口問候你，甚至你唔洗做。

中意食豬的朋友不要錯過黎這間專門食豚肉串燒的餐廳，他們的串燒有好多不同的部位，除了有串燒，亦有刺身、食事、甜品等食物可以選擇!刺身盛 ，食串燒之前先食個刺身，我們點了個有5款刺身的拼盤，包括有天使蝦、海膽、帆立貝、油甘魚和三文魚!天使蝦味道濃得黎又鮮甜，油甘魚和三文魚都幾厚切而且新鮮，而海膽味道鮮甜而且creamy，非常美味!西班牙夾心肉，夾心肉肉質juicy，豬肉夾雜了少少肥肉，所以食落較鬆軟!上等豬脷串，豬脷都幾厚切，食落爽韌，用上黑椒作調味，味道不錯!林檎紅薑豬肉卷，豚肉片夾著爽甜的蘋果，能夠解去油膩感，食完都不會覺得好漏!燒芝士年糕，年糕入面的芝士能夠做到流心效果，外層咸咸地又甜甜地，內裡咸香，十分適合中意食芝士的我!大啡菇，啡菇味道鮮甜又多汁，有稍稍用鹽調味，令鮮味更突出!柚子梅酒，梅子有淡淡的柚子清香，味道較清新而且易入口，十分適合女士飲用!

又係朋友生日既日子，當然要食餐好的。朋友喜歡食豚肉，所以今次就搵黎這間食豚肉串燒的餐廳，等他可以食餐好。餐廳有吧枱亦有普通座位，牆上還有豬的結構圖，等你可以知道自己食緊咩位置。點餐後，店員先為我地送上前菜，前菜係凍蕃茄，蕃茄味道鮮甜，配上酸味味的酸汁，食落好開胃。京姬梅子酒，呢款梅酒味道都幾濃，有陣陣既梅香，味道甜甜的，最岩跟串燒一齊飲。豬顎骨肉串，顎骨位的肉都幾多汁，而且唔會好肥，調味剛剛好。雞骨豬肉腸串，最愛食雞骨腸，外層脆卜卜，咬落多汁，口感豐富。豬肉蠔卷，豬肉片中間夾著蠔肉，蠔肉脹卜卜，鮮甜又多汁，估唔到咁好食。白鱔串，鱔肉用上炭燒的方法，上面灑有少少鹽花，魚肉爽彈，魚皮燒到脆卜卜，十分惹味。日本長蔥，每段蔥段上都有面豉醬，食落咸香又清新。燒菠蘿，最後仲食左燒菠蘿，菠蘿上面有燒焦既無糖，味道甜甜酸酸，好滿足呢。

我非常贊同我朋友觀點 “如果肯花費，不旅行 留港也有很多美食選擇！” 不再思念日本家鄉，其實可 #留港消費不妨試下香港有高質日式餐廳 香港當然是美食天堂今次我第一次去Mokumoku Yakiton餐廳當我吃過即叫即燒的高級串燒後，好值回票價令人愛上那種香口、肉嫩、多汁的滋味無論係燒蔬果和肉類都完全沒有難度充分表現出廚師的精湛廚藝和熟練的燒烤技巧即叫即燒好重要 #天淵之別 #對食的講究剛開始吃冷食，前菜$28是凍日本番茄配上日本醋，原來比普通番茄更鮮甜。生蠔刺身(2件)這生蠔名叫「令和の怪物」，由日本直送好水嫩口感，有少許海水和銅味亦完全保留最鮮最原汁的味道難怪有「海中牛奶」的美譽💦🍼燒日本帆立貝(1隻)非常彈口的原隻帆立貝份量足，可切開四件，配上濃香的牛油醬汁，即叫即燒，就是天衣無縫的美食享受！🐮A5 和牛橫隔肌(1碟)我和牛吃得多，但要 #橫隔肌 還是首次試食這個部位肉質軟嫩多汁，並帶有濃烈的和牛香味。特式日本串燒有:🍢日本蝦米苦瓜第一次吃到完全不苦的苦瓜，並灑上脆口蝦米令我深深愛上苦瓜的甘甜味。🍢秋葵豬肉卷好完美的蔬果和肉組合，秋葵非常爽脆即使我不太愛吃秋葵，也會徹底改觀🍢原切白

好耐無去日式居酒屋食下串燒小食飲下啤酒🍻呢日朋友帶我去咗尖沙咀嘅Mokumoku Yakiton 無介紹錯喎😌食物款式多之餘 主打嘅豚肉串燒的確出色▪️前菜先嚟係蒜子蕃茄沙律🍅唔係間間居酒屋都有得食 所以每逢見到有嘅話 我都一定要 蕃茄嘅甜酸同鹹鹹地嘅蒜蓉/醬油超夾 好開胃 而令和の怪物岩蠔好肥美好大隻🦪蠔味鮮甜濃厚 ▫️燒物叫咗份燒帆立貝 份量足夠二人share食🥢肉身幾厚 大大粒 簡單以醬油調味已經好好食 鮮味突出▪️串燒(豚)呢度以豚肉為主打 所以叫咗好多款同唔同嘅部位嚟試🐷必叫嘅豬腩肉無失望 燒至金黃色 滿滿豬油香 但食落唔會太膩 豬脷口感好爽 燒豬腦我都係第一次食 表面帶焦香 入面質地有啲似豬膶咁粉粉地 幾特別😆豬生腸好爽口 脆脆地口感好正 仲叫咗三款豚肉卷 分別係大熱嘅九條蔥卷同韭菜泡菜卷 兩款都係用豚肉片包住 由於蔥/韭菜/泡菜味道都濃郁 配埋豚肉味道層次好豐富⤴️仲有鵪鶉蛋卷都唔可以錯過 仲加昨櫻花蝦一齊燒架▫️串燒(菜類/其他)燒多春魚好香口 而且煎得好靚仔 金黃色好吸引🐟燒豆腐外脆內軟 都幾滑 燒椰菜仔配醬油一齊食 一啖一粒好方便 最特别係燒牛油果 面頭加咗沙律醬同木魚絲 第

平時唔想過海 又想食居酒屋我一定會嚟Moku Moku食物好食、服務友善、好氣氛！💜哩度有時令刺身同燒物最特別嘅係佢有豬嘅不同部位例如：豬顎骨肉、豬頭肉等值得一試！🔸前菜($28)凍番薯用醋漬，味道酸酸地，再加埋蒜茸，清新開胃。🔸三得利生啤🔸鈿女酒宴結縁（$198/300ml）清酒以雪松木造的木桶內存放三兩星期，所以帶點木味，仲帶點豉油嘅咸，口感比較爽，配串燒不錯。而啤酒買一送一，抵飲。🔸三文魚（$58）🔸帶子（$58）🔸海膽（$128）刺身好新鮮呀！三文魚魚油味香、帶子清甜，海膽好濃好creamy，配紫菜食好正！❤️🔸燒生蠔（$176）非常飽滿！一咬就爆出蠔汁，好新鮮好甜，一d都唔腥！❤️🔸白膳串（$116）好厚肉、好彈牙，皮燒到香脆，口感好正，要試！❤️🔸西班牙夾心肉（$76）🔸豬小腸串（$68）🔸豬生腸串（$68）🔸豬皮串（$60）🔸紫蘇豬肉卷（$72）🔸芝士翠肉瓜（$56）試埋幾款肉嘅部位，當中夾心肉、紫蘇豬肉卷都，豬味又香又濃，燒完油香滿滿，夾埋紫蘇食非常香。🔸明太子茶漬飯（$78）🔸燒菠羅（$38）外層係薄薄嘅脆焦糖，配酸甜菠蘿，真係超好食😋！

同朋友約咗好耐，終於夾到時間出嚟食餐好😋今次去之前bookmark咗嘅Mokumoku Yakiton，一邊飲酒一邊嘆高質串燒，坐得又舒服，同朋友吹水吹到忘我😝爽啊！今次同朋友叫咗唔同類型嘅串燒嚟試吓，喱間居酒屋出名食豬，所以我哋都叫咗好多唔同位置嘅豬嚟試下😜蒜子蕃茄沙律賣相非常好，酸甜適中，好開胃，蒜同蕃茄喱個組合一定唔會輸👍🏻燒帆立貝帆立貝大粒又厚肉，未食已經聞到香噴噴，肉質彈牙，另外醬汁食到有少少酒香，好好味🤤令和之怪物生蠔未身我怕腥所以都比較少食蠔，但喱度嘅蠔一啲都唔腥之餘仲非常新鮮，配合檸檬同醬汁已經好好味😋燒牛油果第一次以串燒嘅方式食，估唔到配合埋沙律醬會咁好食，口感非常好，一啖啖食唔停口👍🏻燒豆腐豆腐燒到外脆內軟，有大量木魚絲，口感一流😋鵪鶉蛋捲醬汁豬肉片包住鵪鶉蛋，咬落去蛋味同肉汁一齊湧出嚟，夠哂邪惡😋豬生腸串燒到金黃色好靚，彈牙又有口感九條蔥卷我鍾意九條蔥嘅獨特香味，另存肉食落不會油膩，韭菜泡菜同樣咁夾😝燒豬腦心，幾特別嘅口感，外脆內嫩，冇腥味冇怪味，仲幾香口🤤豚肉腩肉好厚切，有口感又有肉汁，腩肉參透咗佢哋嘅香氣豬脷☺️嫩滑又彈牙另外仲叫燒多春魚同椰菜仔，兩個人食咗勁多

我們之前曾來過這家日本居酒屋吃串燒，今天再度光顧，水準依然保持著。蒜子番茄沙律，去皮番茄多汁鮮甜，蔥花及醋令甜味更加突出。生蠔刺身，光是外型已經見到大大的一個蠔肉，光滑的表層已覺口感一流。肉質夠新鮮，配合檸檬汁吃也可以，愛蠔者一定滿足。A5和牛橫隔膜肌，表面看來不會太多脂肪，但吃起來卻充滿油香，肉質完全不韌，是牛肉中的上品。我和另一半分別點了柚子檸檬酒和燒酎，燒酎比較烈，但配合著吃肉卻很不錯；柚子檸檬酒則很容易入口，即便單個兒喝也覺得很美味。皮蛋豬肉卷，之前也沒有試過這個組合，想不到也挺配的，豬肉烤得香香再包著皮蛋，是必試推介。西班牙夾心肉，肉質很嫩，串燒師傅的調味也恰到好處，個人認為串燒份量來說也算挺多的。豬喉軟骨串，很有嚼勁，味道也偏鹹，送酒吃是不錯的選擇。而另外的豬頭肉串，口感很軟骨串有點樣，但肉質會多一些。白鱔串，雖然在其他餐廳居酒屋也吃過，但這家烤得真是深得我心，真正做到皮脆肉嫩，調味香得來也不失鱔肉的原味，讚讚。豬肉釀冬菇，這個也是之前沒有吃過的菜，免治豬肉釀在冬菇上烤，再加上木魚的味道，感覺也是十分配的。芝士翠玉瓜，對翠玉瓜沒有好感的我也因為芝士的香味而對此感覺良好，一濃

呢間居酒屋嘅串燒款式十分之多，環境唔錯，坐得又舒服😌前菜係凍蕃茄 $28，味道酸甜適中，好開胃飲品叫咗杯巨峰味汽酒，有淡淡嘅巨峰香氣，酒味唔濃另一杯叫咗乳酸梳打，唔會過甜，好飲💕燒秋刀魚個味道鮮甜，點醬汁就更滋味月見免治豚肉燒至外層香脆，內裡軟腍，再點上生蛋黃食，個味道好夾，可以中和過鹹第一次食豬生腸串，洗得好乾淨，完全冇臭味，仲好香口豬耳芝土串好有咬口，加咗芝士，味道就更香濃豬腰子➕厚切自金豚肉都燒得好香好入味韭菜泡菜豬肉卷個味道唔會辣，食落十分惹味秋葵豬肉背juicy 得黎又唔會韌，好味😋皮蛋豬肉卷都係第一次食，感覺比較鹹，但口感都唔錯抱子什藍係bb椰菜，食落甘甘地燒菠羅係新鮮菠蘿外層加上焦糖去燒，食落酸酸甜甜

星期六和老公到尖沙咀Mokumoku Yakiton吃串燒。蒜子番茄沙律這是一道前菜，番茄新鮮，味道清新。生蠔刺身生蠔大大隻，蠔肉特別肥美，又很新鮮，超棒的。皮蛋紅薑卷豬肉片包著皮蛋紅薑，第一次吃覺得很特別，是好吃的。鹽燒牛小排用上A5和牛橫隔肌，牛味突出，肉質軟腍，很讚。西班牙產夾心肉充滿肉汁，而且夠嫩。活白鱔魚肉彈牙無骨，鹹香味十足。免治豬肉釀冬菇這個也很特別，沒想到冬菇可以包免治豬肉，挺不錯的。芝士翠肉瓜翠肉瓜多汁，加上大量邪惡的芝士，變得更加好吃。豬喉軟骨串口感像吃炸雞皮，很有咬口。豬頭肉串像是吃硬版的豬腩肉。燒菠蘿菠蘿很多汁，焦糖不會黏牙，甜甜的。京姬柚子x檸檬酒、中村-薩摩芋燒酎兩杯都好喝，前者甜甜的，很容易入口；後者是醇醇的酒香味。

食物正常既，燒年糕真係好食，雞皮就比較失色，唔夠脆。其實餐廳定位唔係平價餐廳，我覺得就唔應該學埋d唔好既銷售手法囉，真係好影響食客對餐廳既感覺。我地一坐埋位就比左2碟涷蕃茄話前菜送既，每兩位有一碟，埋單既時候睇反單，原來係要收錢既，之後又話唔要可以同店員講，咁你地同事又就咁放底話係前菜送既？點解唔解釋清楚？問佢個時態度又勁差話佢無講過。係咪搏人唔check單？定覺得一碟半碟前菜唔會同你計？咁就可以比你屈先？一間中價價位既日本餐廳唔應該有尼個服務態度囉。真係無可次。