Mini Friday (The Wave)

营业中

休息中

之前食過旺角店已經覺得幾好，龍蝦最難忘😝✌🏻觀塘有另一番感覺，放工盡情吃喝既輕鬆感，大家都點wine/beer呢個dinner set 好抵，再食再食！要左A&G!先黎大大佢份沙律🥗！我最後先食，因為會好飽！湯，當晚係南瓜🎃，唔錯，好creamy!主角！請登場！！洗唔洗咁大隻！肉質彈牙，鮮甜既龍蝦食過番尋味價錢真抵！意大利飯，任選4款材料！i had garlic steak ham with tomato souce😂好味！番茄汁好開胃，今晚喜歡食飯加$48既小海鮮拼盤，我通常都加，抵食，可襯tabasco加映明太子雞翼！好香兼去骨，配酒之選啦

今日去觀塘搵好野食，揀了這間餐廳可以又食火鍋，又食西餐的。天氣熱，我地揀食西餐。一坐低就有小食墨西哥脆片，一邊食一邊睇 menu, 食物種類不少。 點了水牛城雞翼，微微的辣味，不會太咸，一碟有6隻，都幾抵食。 威寧頓牛柳賣相吸引。金黃色的酥皮很香牛油味，中間的威寧牛近8成熟，肉質嫩，口感滑，厚度有6-8cm。加上黑松露和磨菇，餡料十分豐富，黑松露非常多，一入口，味蕾馬上被黑松露攻佔。龍蝦配豬肋條，龍蝦已預先開邊，有濃濃香草味，肉質很實，配上番薯薯蓉。番薯蓉夠滑，淡淡的甜味，有助清清味蕾。

今日約左朋友去mini Friday 慶祝以為佢係the wave 其中一層黎到發現原來同米走雞share同一層 但接駁得絕無違和感 成個感覺好舒服 令你唔信隔離場打緊邊爐😂今次主要係想食威靈頓牛上次去旺角間分店試左海鮮餐已經impressive 所以要睇下肉類既水準🙈🙈終於上碟 係主菜未黎之前 已經完成左一大碟前菜🤭🤭食舊羽衣甘藍同紫薯蓉做伴菜酥皮隻色非常吸引☺️Cut開見到真面目 碎菇燈包係牛扒外圍 再包酥皮令口感唔會太膩而且菇既出現更帶出肉味肉質嫩 酥皮脆 雖然酥皮底有啲厚 但都無損整體味道👍之後叫左寶雲酥羊扒set dinner 包餐湯 沙律同甜品真係好抵食🙈🙈同樣羊扒賣相優雅鋪面既雲酥唔會太出味 無任何喧賓奪主之感但令整體口感更有層次羊扒叫左五成熟但出黎似七成正是我地想要既texture考慮到上碟餘溫既影響你想食七成就要叫五成😂😂同場加映隔離場live music 😜環境真係唔錯！坐得舒服又食得開心😆😆人均200幾蚊都算值得😝

今日選擇了Mini Friday 另一間係觀塘The Wave既分店, The Wave係一橦舊工廈改建成新活化的工廈, 裝修幾靚3樓係Mini Friday Bar& Restaurant 同米走雞Live share 同一個reception, 餐廳裝修有d似酒吧咁，地方大又好多sofa座位。同旺角店一樣,一坐低店員就拎左墨西哥脆片黎之後我地揀左set dinnerSet Dinner 包乳酪鮮果沙律&是日餐湯沙律菜同鮮果粒好新鮮，仲有蜜桃味爆珠，口感一流香烤波士頓活龍蝦配西班牙黑毛豬肋條半隻烤龍蝦都幾大隻，龍蝦肉爽口彈牙，烤焗時間岩岩好。豬肋條細細條但肉質爽口。配菜仲有蕃薯球同羽衣甘藍，健康之選炭烤1855美國牛肉眼扒拼牛脷牛扒好大塊，肉味濃郁加錢要左一客迷你海鮮拼盤有蟶子、藍青口、蝦、帶子同鮑魚 海鮮全部都好新鮮，不錯👍🏻是日精選甜品朱古力蛋糕都幾大件，上層係朱古力慕絲，中層係香滑忌廉慕絲，加埋下層朱古力脆餅，味道口感都不錯

好耐冇帶屋企人食西餐，今次決定要食返個靚靚西餐，觀塘出名多野食，我地就搵左呢間樓上西餐，餐廳環境唔錯打開餐牌已經有好多野覺得好吸引，尤其係皇牌威靈頓牛柳，見到已經流晒口水，梗係要一試啦飲品選擇都多，有簡單既花茶，味道清淡每order一款前菜仲可以半價加野飲，鍾意飲酒亦都有cocktail揀，半價真係幾抵前菜方面叫左蟹膏帶子二重奏，蟹膏好香滑加埋帶子再配少少蟹子，口感豐富黑松露忌廉炒野菌，黑松露味適中，野菌味香濃，味道好夾香草焗脆殼田螺，田螺外脆內軟，入面仲好juicy主角威靈頓牛柳，淨係個樣都已經夠吸睛外層好鬆脆，牛柳生熟程度啱啱好，食落好鬆軟，成為皇牌真係名不虛傳最後點少得甜品，而且仲好貼心咁寫埋係低脂，女士都可以放心食，三款既味道都超正

接好朋友收工，朋友帶我到wave 大廈開餐，觀塘真係越來越多新餐廳～坐得幾闊落，現場有live band唱歌，唔太嘈又幾relax.有set dinner 都係百幾蚊有交易～我地一人一個set dinner , 再加個蟹糕帶子二重奏做前菜。呢度餐廳好特別，通常西餐都係上餐包，呢度係想薄脆，伴沙律醬食幾香口。餐湯係忌廉湯，夠熱不過味道嚟講我感覺有啲濃。沙律菜好新鮮，用上新鮮菠蘿，香甜酸胃！蟹糕帶子二重奏就好似一個迷你壽司丼，上面係火炙過嘅帶子配上鮮甜的蟹糕，下層即係暖暖的飯，三樣味道很夾。朋友點的香烤波士頓活龍蝦配黑毛豬肋條，分量很大，龍蝦新鮮又不會少得過乾，豬肋條則肉質爽口。配上色彩艷麗的紫薯蓉，十分滿足。而碳烤西班牙黑毛豬肉真係烤得焦香，肉質亦十分軟淋，我十分欣賞這裏的配菜用上羽衣甘藍，感覺較健康。飯後甜品是朱古力慕絲凍餅，口感細滑，喂大餐完美作結。總括來說，＄200左右便吃到新鮮的龍蝦和黑毛豬，性價比和質素都十分ok la!

今日去觀塘接朋友收工，順便食個飯行個街，上網search過，覺得哩間餐廳既環境同食物都好吸引，於是一致決定試下佢🙊🙊餐廳燈光幽暗，俾人一種好Relax既感覺，座位舒適度高，員工都好勤力同nice,上菜速度同次序配合得岩岩好👏🏻👏🏻我地叫左一主食，三小食，由於主食烹煮時間需時，所以佢會一道道小食上左先，等你可以一邊食一邊等待，咁樣可以避免一係無得食一係成檯都係野食既情況，哩樣值得讚賞👍🏻👍🏻Dinner有二人set,其實好抵食，不過我地有3個人，所以最後我地決定散叫～坐低無幾耐，職員就俾左個Snacks我地，等我地可以一路食住咁睇menu 小食種類算多蟹膏帶子二重奏，聽個名都好有氣勢🤣🤣帶子鮮甜無雪味，一食道知道材料新鮮👍🏻跟住蟹膏撈飯，鮮味無窮😋飲品方面，我地叫左一杯Long Island（比較清新，酒味比較突出）， pina colada（香甜，易入口，酒味較淡），菊花茶（清香，潤喉）焗田螺以番薯蓉做底，甜味更勝普通薯蓉田螺外殻係用食材整成，起初我仲疑惑點解無俾食田螺既工具我地，之後先發覺原來可以成粒食，笑成我地🤣🤣而且佢既外殻香脆，入面既田螺滑嫩黑松露炒雜菇，食落好creamier

今日老闆帶我食好野見熟客之餘⋯試新野-Mini Friday因為食12:30pm-加上老闆book左位，去到餐廳唔算多人，仲有好多位。哩間餐廳環境都算大，坐又好舒服，Lunch time有lunch set,好多款選擇！不過價錢來講都算貴，$59-99，間中一星期食下都ok!三個人揀左三款lunch set:1.凱撒沙津2.石斑魚柳飯3.燒西班牙黑毛豬意粉沙津普普通通，無咩特別！石斑魚柳飯比想像中無甘好味⋯味道好淡，原來石斑魚係唔好食😂😂最好味就係西班牙黑毛豬意粉，汁同肉都超入味！

週末下午約了朋友來觀塘看戲、APM總是擠滿人、我們轉到工廈區覓食。The Wave 樓上有好多餐廳、最後選了了空間感大又坐得舒適的Mini Friday。忌廉湯夠creamy，有好多磨菇同雞肉。炭燒豬扒配雞肉骨香腸香草洋蔥汁飯賣相幾豐富、雞扒肉質軟嫩、雞肉骨腸好有趣、拿著吃好似大力水手😛配菜除了番茄、磨菇外、還有好像羽衣甘藍、營養價值幾高。不過蛋炒飯的飯就不夠粒粒分明。炭烤紐西蘭鮮羊架烤得不錯、剛熟還保持著軟嫩感、還有我喜愛的紫薯作伴碟。午餐價錢合理、而且坐得舒適、適合假日跟朋友聚會聊天、比起在大商場跟大夥兒迫寫意得多啊。

又到左Happy Thursday周圍揾食的時候，今日揀左觀塘區，呢區工廠大厦林立，好多餐廳食店都糸工厦開店，糸openrice揾左呢間餐廳，佢仲可以網上訂座，而且可以儲積分之餘主餐牌仲有88折。原本訂左6.45pm但系6.30pm已到達餐廳門口。呢度系一地兩食店，左邊系Mini Friday右邊系米走雞。餐廳裝修風格系以工業簡潔風為主，用左好多金屬原素，燈光昏昏暗暗好有情調，而且空間感大無擠迫感覺，感覺好舒適。每枱都放了一籃脆片，脆片口感香脆，可以一邊飲餐湯或者飲啤酒，一邊歎下脆片。睇完set dinner餐牌，點左set dinner for two，價錢糸$555。是日餐湯系忌廉麼磨菇湯磨菇的香味非常濃郁，每一啖都有細細粒的磨菇肉，口感豐盈，但如果質感濃稠D會更好。頭盤糸歐陸海鮮併盤一共有5款海鮮，包括鮑魚、帶子、蝦、聖子、藍青口，每款的尺寸可以接受，但味道唔夠鮮甜有D淡，最欣賞系鮑魚，質感軟林而且煙煙韌韌。沙律系蟹膏帶子二重奏賣相似層層叠，第一層蟹籽，第二層帶子，第三層蟹膏，最底果層系白飯，可以將全部材料撈埋白飯一齊食，又或者逐層食，我哋系逐層逐層食而白飯只系食左小小; 蟹籽份

去到先嚟個小食，好似好普通，但比預期中特別，似係自家制嘅薄脆，好鬆化，仲配埋千島醬！前菜有幾款揀，最吸引而又係推介菜式嘅係蟹膏帶子二重奏，用cocktail杯上令個賣相加分，帶子同蟹膏分量以佢只係$78嚟講算抵食，唯一失望嘅係完全唔知原來佢係飯嚟嘅，應該係餐牌上標明會好啲。每人揀咗個湯，紅湯同白湯，但係好足料嗰款，特別鐘意個雜菌忌廉湯，粒粒蘑菇好夠味。前菜選擇唔多，另揀咗個香草焗田螺，好標準嘅質素，唯一特別在佢用蕃薯取代一般餐廳用嘅薯蓉，健康一點。到主菜，我自己最鐘意食海鮮，揀咗個松露大蝦，好似好簡單，但要整得好味係唔容易，呢度就算係整得唔錯，松露汁好香得嚟又唔會太滯，仲有什菌伴碟。呢度真係好鐘意用蕃薯，連薯菜都係用咗蕃薯蓉代替薯蓉。當然唔少得叫佢好出名嘅主菜，皇牌威靈頓牛柳，焗酥皮包住牛柳，酥皮唔會燶之餘牛柳亦唔會過熟，亦因此冇得好似平時食牛柳咁揀肉嘅生熟程度，相信係先將牛柳煎/焗熟，然後再包上酥皮再焗。整體嚟講真係好特別。

觀塘依家有好多餐廳，所以決定同屋企人去試下。揀咗一間位於觀塘興業街，由地鐵站行過去大約5分鐘，叫Mini Friday。餐廳樓底高而且環境闊落，座位舒適。菜式選擇豐富，而且賣相一流，仲有套餐可以選擇。歐陸海鮮拼盤，用料十分新鮮，有鮑魚、帶子、鮮蝦、聖子同藍青口，海鮮爽口彈牙，入口鮮甜。蟹膏帶子二重奏，蟹膏嘅味道配合帶子嘅鮮味，配合飯一齊食簡直係絕配。蟹肉芒果木瓜牛油果沙律，買相吸引，水滴型嘅冰保存着沙律嘅溫度，不同嘅生果配合大量嘅蟹肉，味道相當豐富。黑松露忌廉炒野菌，多種不同嘅野菌配合黑松露香味，味道一流。美式燒西班牙黑毛豬，燒嘅火候恰到好處，豬肉質鬆軟，加上表面嘅醬汁，非常野味。炭烤美國肉眼，肉眼扒非常厚身，而且份量十足，咬落肉嫰多汁，而且配菜亦非常吸引。鮑魚鮮蝦意大利麵，意大利麵彈牙，而且配菜十分豐富。Fruit Tea 有多種不同嘅生果，味道非常清新。精選甜品甜度剛好。餐廳價錢合理，上菜快，菜式精緻，而且店員態度服務一流。

近排天氣咁熱，最好都係匿埋係石屎森林度，涼冷氣揾美食。 住觀塘有個好處，真係好多野食，餐廳種類選擇又多。見餐廳個名(Mini Friday) 咁得意，就選擇呢間。 餐廳位於一幢活化工業大廈内，所以環境衛生都非常好。 一出電梯，全層分為2間餐廳， mini friday 同米走雞live. 餐廳open plan 佈置，所以空氣流通同空間感不錯。 Set lunch 有9款選擇，價錢由$59至$109 不等，不設加一。 我地分別選擇左雞扒配意粉及黑毛豬配意粉。 跟餐有餐湯，餐前小吃，炸脆片及餐飲。 小食我地都係揀左炸花枝丸。 炸雞扒係去骨雞脾肉，炸得金黃，再配以白汁，紫蕃薯，沙律菜，同埋一隻鮑魚！份量都算幾多，男士食都好夠。黑毛豬扒，肉質香嫩，切開入面係有少少粉紅色，煮既時間係岩岩好，配上BBQ 醬，送意粉一流。 整體黎講，服務，上菜速度，食物質素加埋價位，性價比非常高。係可以再回頭的午餐選擇。

好朋友當然要時常見面，晚飯時間難約就約個Happy Lunch, 過左段繁忙時間，食兩點就剛剛好。裝璜氣氛很好，若果晚飯時段更有live band贈慶，下次一定要來感受一下Set lunch 選擇也多，而且價格不錯，很快就選到自己喜歡的炭烤澳洲鮮羊架$99有餐湯有小食配周打魚白湯，濃濃的湯絕不是水稀稀的。還有墨西哥脆片食過不停附上小食炸物炸魚丸，外脆内軟，不錯Main course份量也頗大，有3支羊架，肉嫩且油脂甚香，嗜羊者不要錯過，而意粉也可以清晒就可想而知很好吃會再找機會晚上再來

Happy Friday 一班同學搵好野食，見到依間西餐都開左一段時間，一班人一於去試下午餐款式都可以，唔算小是日餐湯西蘭花忌廉湯稀左啲，冇咩味每枱送炸蝦丸，感覺怪怪地，西餐食依啲野薄餅ok呀點左咖哩黑毛豬飯，上枱時好香，但食落冇味，冇咖哩味，快餐飯咁還點左個蒜香鮮蜆粉，依個都係冇味，成班同事o左咀，咩料依間野，差到咁，午餐價錢不算太貴但又比起茶餐貴左，但茶餐廳都好食過佢，一定唔會再泥幫襯，完全唔惦一個字差