Mini Friday (The Wave)

营业中

休息中

近排天氣咁熱，最好都係匿埋係石屎森林度，涼冷氣揾美食。 住觀塘有個好處，真係好多野食，餐廳種類選擇又多。見餐廳個名(Mini Friday) 咁得意，就選擇呢間。 餐廳位於一幢活化工業大廈内，所以環境衛生都非常好。 一出電梯，全層分為2間餐廳， mini friday 同米走雞live. 餐廳open plan 佈置，所以空氣流通同空間感不錯。 Set lunch 有9款選擇，價錢由$59至$109 不等，不設加一。 我地分別選擇左雞扒配意粉及黑毛豬配意粉。 跟餐有餐湯，餐前小吃，炸脆片及餐飲。 小食我地都係揀左炸花枝丸。 炸雞扒係去骨雞脾肉，炸得金黃，再配以白汁，紫蕃薯，沙律菜，同埋一隻鮑魚！份量都算幾多，男士食都好夠。黑毛豬扒，肉質香嫩，切開入面係有少少粉紅色，煮既時間係岩岩好，配上BBQ 醬，送意粉一流。 整體黎講，服務，上菜速度，食物質素加埋價位，性價比非常高。係可以再回頭的午餐選擇。

好朋友當然要時常見面，晚飯時間難約就約個Happy Lunch, 過左段繁忙時間，食兩點就剛剛好。裝璜氣氛很好，若果晚飯時段更有live band贈慶，下次一定要來感受一下Set lunch 選擇也多，而且價格不錯，很快就選到自己喜歡的炭烤澳洲鮮羊架$99有餐湯有小食配周打魚白湯，濃濃的湯絕不是水稀稀的。還有墨西哥脆片食過不停附上小食炸物炸魚丸，外脆内軟，不錯Main course份量也頗大，有3支羊架，肉嫩且油脂甚香，嗜羊者不要錯過，而意粉也可以清晒就可想而知很好吃會再找機會晚上再來

Happy Friday 一班同學搵好野食，見到依間西餐都開左一段時間，一班人一於去試下午餐款式都可以，唔算小是日餐湯西蘭花忌廉湯稀左啲，冇咩味每枱送炸蝦丸，感覺怪怪地，西餐食依啲野薄餅ok呀點左咖哩黑毛豬飯，上枱時好香，但食落冇味，冇咖哩味，快餐飯咁還點左個蒜香鮮蜆粉，依個都係冇味，成班同事o左咀，咩料依間野，差到咁，午餐價錢不算太貴但又比起茶餐貴左，但茶餐廳都好食過佢，一定唔會再泥幫襯，完全唔惦一個字差

上次同男朋友食完覺得唔錯,今次就帶埋母親大人黎撐枱腳。依舊都要食佢哋依度嘅王牌威靈頓牛柳,酥脆嘅酥皮包住黑松露蘑菇醬配上充滿肉汁嘅嫩牛柳,同上一次一樣都係依然好味。依個係母親大人堅持要叫嘅小食,本身對佢冇咩期望,但係反而令我好有驚喜。牛脷稍為燒得微微外脆,但係內裏就非常之軟淋,如果唔講真係唔覺自己係食緊牛脷,而係似食緊一塊有質素嘅牛扒。配埋旁邊嘅芥末沙律醬或者黑醋味道跟上一層樓。面頭鋪滿大量海鮮有炸魚柳,青口,大蝦同魷魚。燴飯食落仲有啖啖新鮮香甜南瓜蓉。

母親節前同屋企人早d出去食飯提早慶祝有朋友推介食呢間工廈嘅餐廳之前食過旺角果間印象中d野食唔錯所以試下其他分店觀塘呢間原來都好出色等我開心share下先海鮮二人餐 $555我地叫左個二人海鮮餐超豐富之後再散叫其他野食蟹肉芒果木瓜牛油果沙律$108器皿外型相當有趣好似水滴以法式手法去呈現唔同層次嘅食物相當精緻同好吸引味道食落相當清新同夾四種唔同材料都配合得好好口感同味道都好豐富忌廉湯好滑蟹膏帶子二重奏材料好新鮮底部係飯來二人海鮮拼盤非常新鮮有兩隻醬汁一個係青醬汁，味道有小小似泰式辣醬但唔太辣非常之惹味另一個係麵豉汁，配海鮮可令鮮味提升抵飲鮑魚鮮蝦意大利麵＄118意粉彈牙同好入味黑毛🐷肉質香嫩個醬好好味炭烤牛肉眼扒份量好大份相當抵食味道唔錯精選甜品面頭d朱古力超濃味整體唔太甜好好食呢度服務好好價錢平均每人二百零蚊相當抵食值得推介

今日星期四，約左朋友食晚飯，呢間餐廳為我哋帶來一個Happy Thursday~~~剛坐低就送來小食，感覺有啲似墨西哥脆片，點埋個醬仲好食比個顏色吸引咗～睇到已經有種refreshing感覺最後揀咗passion fruit soda，味道酸酸地，入面仲有粒粒爽口果肉，好大樽，抵飲！蟹膏帶子二重奏佢屬於前菜類，無諗過前菜係飯囉⋯⋯哈哈！蟹膏好香好creamy，伴飯超好食！帶子輕輕煎熟，原汁原味！水牛城雞翼六隻！一上枱已經嚇親無諗過咁多隻咁大隻，又係抵食！味道酸酸，醒胃～但再辣多啲更好～明太子青醬長通粉一吃愛上！明太子帶點辣及鹹香，加上青醬香草味，互相輝映！配菜除了常見的車厘茄，仲有青豆角，咬落爽脆～而且長通粉口感很好，沒有煮得過軟或過硬，有咬口，al dente~法國紅酒燴紐西蘭羊膝肉質嫩唔嚡口，但略嫌隻羊仔做得太多運動，結實咗啲，配紅酒汁不錯。配菜有羽衣甘藍同蕃茄等蔬菜，蕃茄下面原來仲有蕃薯蓉，第一次見唔係薯仔蓉，除咗好味，仲無薯蓉咁膩今晚好豐富～食物質素、服務、環境都不錯，而且食物份量多，可以一齊開心share～環境好relaxing，食到中途仲有live band表演，好適合放工

今日係Saturday，去咗食Mini Friday嘅lunch。餐廳好闊落，裝修以黑色為主。大約兩點鐘到唔算太多人，可以坐得舒服啲。星期六都有set lunch好唔錯，而價錢亦都唔算貴又多餐選擇。餐湯係海鮮湯，都幾濃海鮮味同飲落好滑，亦都有啲料如蠔豉同魷魚咬下，唔錯。墨西哥脆片，唔算好脆，相對失色。小食係炸墨魚丸，食落好彈牙有咬口。美式香烤西班牙黑毛豬意粉。黑毛豬烤得好香，外脆內軟，油滋滋加埋啲甜甜地嘅醬汁好滋味。意粉用蕃茄汁煮，酸酸地好開胃。炭烤美國鮮牛肉眼意粉。牛肉眼好大塊好有份量！煮得剛好唔會太韌，就咁食塊扒都夠飽。以上兩個餐都有紫薯同菜做配菜，滿足注重健康嘅人嘅需要。埋單每人大約100蚊，物超所值呀！

好久沒有去觀塘，朋友生日，所以約了一齊吃晚飯。餐廳有晚市套餐，所以點了兩個套餐。套餐有墨西哥脆片配沙律醬，是日餐湯白湯，鮮果沙律，飲品及甜品。飲品可以半價轉特飲，所以點了菊花茉莉花茶，清香，加了一次水亦有味。意粉是可以自選四種配料及自選醬汁的，要了煙肉、牛肉、海鮮、洋蔥配蕃茄汁，好夾。燒春雞有一隻，雖然細細隻，但好多肉下，還有蕃薯蓉及羽衣甘藍。另外，點了個白酒煮蜆,超重味的酒香，蜆肉漲卜卜。最後上了一塊蛋糕，連生日蛋糕都省了，真好。

星期四晚約了同事來到觀塘比較新的工廈The Wave入面的餐廳晚餐。剛坐下來就有碟新鮮出爐熱騰騰的墨西哥脆片！很開胃！點了兩個前菜，首先上碟的是香草焗脆殼田螺！包著田螺肉的脆殼超級香脆，咬下去田螺肉的汁爆了出來！然後下面的原來是焗甜薯，十分驚喜接著來的是溫泉玉子菠菜大啡菇，菠菜和茹都很鮮味好好吃主菜是我最愛的炸魚薯條炸魚超大份，魚肉沒有炸得很乾身，皮又是薄薄的！最後點了兩客甜品，朋友點的是原隻低脂菠蘿雪葩，雪葩入面吃到很多菠蘿肉，朋友說十分好吃而我點的是原隻低脂椰子雪糕，吃到有著濃濃的椰子香味和很多椰子肉，喜歡甜點的朋友一定不可以錯過

去觀塘咪走雞食雞煲就食得多啦其實隔離仲有一間同集團嘅西餐廳Mini Friday咪走雞食過咁多次但西餐嗰邊一次都未試過所以今次就趁住細佬生日帶佢嚟呢度試一試一坐底侍應就遞上一啲好似Pizza既脆片我哋睇一睇Menu最終決定要一個海鮮二人餐一個二人餐＄555但食品相當豐富Order好之後好快就上咗忌廉蜆湯我個人覺得幾啲味比較重啲之後就係二人海鮮盤你海鮮盤內有帶子及象拔蚌刺身刺身新鮮另外仲有蝦、鮑魚以及藍貝配埋佢哋特製嘅醬汁鮮味無窮之後就到蟹膏帶子二重奏呢個我覺得有啲驚喜蟹膏味道非常濃郁配埋爽口帶子好match炒野菌有陣陣嘅黑松露味道好食牛肝菌溫泉蛋意大利飯意大利飯嘅好感煮得啱啱好食落好有口感我自己認為裏面嘅牛肝菌同埋其他菇類仲多過啲飯非常豐富不得不介紹呢個燒黑毛豬黑毛豬肉質好鬆軟而且每一啖都係好濃郁嘅黑毛豬味道覺得係我識咁多樣嘢之中最好食嘅一道主菜最後食堆甜品朱古力蛋糕味道亦不過不失呢一個餐＄555就有咁多嘢食相當之抵食

今天特意和同事C 來吃午餐，餐廳環境不錯，不嘈吵，但食物和服務水平不如理想。我點了焗牛丸扁意粉，製作需時25-30分鐘，味道不錯，牛丸不是涷肉檔的廉價貨色。C點雞扒意粉，評價是雞肉不夠滑，意粉不夠熱，失望。兩個套餐跟墨西哥片、忌廉湯和餐飲，還贈送一份小食 (像是墨魚丸，4粒)，埋單$158。和旺角店比還是遜色一點，所以...一試無妨，暫無下次。

又約了朋友於觀塘區食飯, 記得上次到型格大廈The Wave吃飯時看到3樓也有一家西餐廳, 決定今天試新的。餐廳原來分了兩邊, 一邊吃西餐, 另一邊則吃雞煲。和朋友貪心想多吃一點不同食物, 未有點套餐, 點了數個小食和一個主菜。一坐下未點餐便會先送上一籃脆片, 很香脆, 配上旁邊的醬帶點酸甜, 開胃。凍朱古力: 明天要上班就不喝酒了, 選杯凍朱古力, 上面的忌廉很好吃, 朱古力味也算濃。和風原條烤鮮魷魚: 上枱時被分量嚇到了, 真是原一大條魷魚! 魷魚肉質飽滿厚肉, 吃得岀是新鮮貨, 配上和風醬汁, 味道剛好不蓋過魷魚鮮味。鮮茄焗意式肉丸蟶子長通粉: 一個焗意粉上有6大粒肉丸! 份量十足! 而且肉丸調味很好, 配上芝士及茄汁很惹味。很欣賞長通粉焗過後仍能保持口感, 這是很多餐廳不能做到的。芝士焗薯條: 我最愛的粗薯! 加上芝士放在鐵鍋上焗, 夠熱, 不錯!水牛城雞翼: 和朋友都喜歡吃雞翼, 點了一客水牛城雞翼。雞翼炸過再沾上水牛城汁, 這裡的沒有落太多辣汁, 味道沒想像中辣, 但也很惹味,雞翼大隻亦嫩滑。吃飯吃到一半時聽到有live band的演出, 唱歌的女孩唱得不錯, 整體氣氛很好

觀塘工廈有好多西餐廳係人都知，但係又有幾多間人真心好食呢，話晒係觀塘牛頭角返緊工嘅我，大大話話都試過唔少間，如果我話係好食嘅就真係好好食，呢一間簡直係帶黎無盡驚喜！海鹽燒牛脷 - 話說作為牛脷精嘅我，見到餐廳有牛脷嘅菜式，我都會叫黎試吓，而佢地呢一個牛脷，直頭可以打入我自己嘅好吃排行榜頭三位！脆！牛脷煎得好脆，作為厚切嘅佢，點解可以做到外脆內軟呢？仲有上枱嘅時候佢係熱辣辣，直頭好似食緊牛扒咁，雖然佢話自己係一個小食，我直頭覺得佢做一個主菜都出得大場面！超鍾意！炸豬手 - 呢個又係另外一個驚喜位，豬手上咗枱，已經圖文相像，點知阿姐問我影完相未，佢要點火！雖然呢個點火嘅動作對味道未必有直接嘅幫助，但係佢令到我好開心，而最開心嘅事，佢呢一隻豬手，比起平時喺灣仔食開個隻更加好味，個屁做得好就不在話下，我想讚下佢哋嘅肉，唔會死實實，佢冇其他人做得咁鹹，配埋佢哋嘅酸菜，又係另外一個必食嘅菜式！原本諗住食少啲嘢所以我哋冇叫set dinner，俾佢呢兩個菜式驚喜完搞到我又想試埋佢個蝦多士。蝦多士 - 好大隻蝦，今次伴碟仲有沙律菜，沙律菜上面有細細粒嘅爆珠，朋友仔唔識得仲以為係三文魚子，就係呢一個爆珠

星期二既晚上同男朋友黎一次浪漫既約會一早上黎openrice 睇下觀堂有咩特別野食，就比我搵到呢間有live band又多人推介既西餐黎到呢間店本身好想試個威靈頓牛，但男朋友仔話唔想食，所以最後嗌左個燒BB豬仔骨一切個豬仔骨果時已經好有驚喜.....d肉一切就散..食落勁林，味道又岩岩好。配菜個蕃薯蓉味道又係幾好，再加埋個趣卜卜既炸薯條推介推介！另外嗌左個水牛城雞翼同埋焗大蘑菇雞翼酸酸辣辣好開胃。個大蘑菇就相對上淡味d，蘑菇味重但唔算特別好食。另外就係，一坐低餐牌都未睇職員已經好快手放低藍餐前小食我同男朋友一至認為呢藍野真係又油又唔好食，完全可以忽略佢....

自己朋友食飯，最啱就係揀呢一啲可以分享嘅食物。今次我哋揀咗近我哋屋企嘅觀塘。由於放工之後大家已經好肚餓。所以立即叫咗個炸雞小食，非常之香脆，小食十分之好味。跟住就到燒春雞。值得一提嘅就係我哋要求左餐廳，去幫我地將雞切件。佢地都10分好人幫我地做。雞十分之滑。芝士薯條不過不失，好香脆。之後就係主菜了。德國鹹豬手呢個真係十分之脆份量都好大，四個人都覺得好多。薄Pizza好正，有芝士呢個恩物令到食物昇華！最後就係呢一個西班牙海鮮炒飯，真係有我係西班牙食果時嘅味道，海鮮亦都十分之新鮮，但海鮮就比較少。