Mini Friday (銀城廣場) (已結業)

Happy Friday 當然要吃好東西，我們決定試一試旺角的Mini Friday！未order 食物，餐廳便提供了一大盤脆炸片加千島醬，非常貼心！芒果黑松露鮮蝦沙律賣相一流，造型可愛！用上漸變藍色、水滴造型冰，中間的洞就用來上菜！沙律新鮮爽口！黑松露沙律醬配蝦肉能夠提升鮮味，再加上又香又甜的芒果粒和芒果味爆珠，清新又美味！DINNER SET相當豐富，有沙律、餐湯、主菜、甜品和餐飲！田園沙律十分開胃！是日餐湯不錯！燒澳洲肉眼扒 配 黑松露燒汁肉眼扒可以要求生熟程度，我們選擇了7成熟！肉眼扒相當厚身，內裡保持粉嫩又多汁，肉味香濃！精選是日甜品細滑甜美！凍朱古力1664啤酒

部電話終於搞掂好去整，M先生一早訂左間旺角西餐同我食，朋友推介應該都不錯，我們因為早早去整電話，所以都訂好早時間，初初黎到仲未開門，一陣都已經陸續有人入座，好彩訂左位！環境都好靚，吊燈+滿天星的燈飾，坐得都好舒服，坐低職員馬上拎個小食比我地同Menu慢慢揀。小食初初以為係墨西哥片加芝士醬，但原來係類似千島醬，都幾好食，好脆，又大塊！鹹蛋黃薯角 (HKD 58)前菜我地點左份鹹蛋黃薯角，初初以前係有D鹹蛋黃粒既薯角，原來係鹹蛋黃醬炒勻每一隻薯角，仲要起沙，超驚喜！聞落去已經好香，食落口都超香鹹蛋黃味，薯角仲係軟軟，外表香脆，份量一點都不少，超級推介！Dinner Set 香煎鴨胸伴鵝肝 配 黑醋汁 (HKD 178)鴨胸不羶不韌，食落口一點都不膩，份量都算多，加上面頭很大件的鵝肝鵝肝好肥美，好好味，煎得好香，仲有翠玉瓜同蕃茄、薯蓉伴碟，可以中和一下。Dinner set配埋既沙律，好得意，除左係有沙律菜，仲要紅椒切條同埋爆爆珠，爆爆珠係酸酸甜甜水果味，令到成個沙律好開胃。草莓牛奶沙冰 (HKD 68)好大杯的沙冰，超級凍，同埋好足料，一點都唔水，唔易溶，草莓牛奶既味道好香好好味，好適合女

今晚幾個人出去食飯，揀咗間坐得舒服啲嘅餐廳，而且唔限時任坐，唔使食到趕頭趕命。餐廳嘅餐牌好多選擇，而且食物好有彈性，最欣賞佢嘅意粉可以自己配搭。 我哋自己配搭左個黑松露忌廉汁意粉，味道唔錯。小食要咗個鹹蛋黃醬薯角，炸得好香脆，非常熱氣，但每一件薯角都佈滿鹹蛋黃醬真係好正！仲要咗個凱撒沙律，又係可以自己揀配咩肉類，我哋揀咗煙三文魚。肉類要左兩款，一個燒豬手、一個威靈頓牛柳。威靈頓牛柳個樣唔錯。不過入面略為生左少少，有啲靭。燒豬手唔錯！抵食又好味！侍應會拎上枱係你面前燒下，再拎返入去切，之後先上枱。大家都幾欣賞個豬手。甜品要咗個疏乎厘pancake同焦糖燉蛋。整體來講大家都幾滿意

朋友們話聚會提議黎尼度唔講唔知尼度有樓上cafe環境靚呀又有氣氛我地6人有窗口卡位座So lucky 夜晚望到出面旺角既街道高處望落去人來人往但唔知點解覺得好relax人多既好處真係可以叫好多野試唔使怕選擇障礙唔知食咩好又唔使怕叫多食唔曬浪費前菜有芝士薄脆正呀😋個黑醋沙律又得意成樽上你shack左佢就食得個雜菇扁意粉好好味菇味好濃又creamy 😋個水牛城雞翼又惹味重頭戲就等緊隻豬手係你面前燒俾你睇即刻食慾大增燒完之後又幫你切埋好服務呀燒過既豬手更香更脆😋😋正呀尼度真係朋友聚會食物好既又一好選擇👍🏻

之前都幾想試下威靈頓牛扒架啦，聽人講好好食可能去到早左，唯有起餐廳外等下等左冇耐就可以入去啦發覺入得去時間可能仲係幾早，但係都已經入唔小人，都幾好生意藍檸檬梳打酸酸甜甜好開胃唔會太甜幾好飲一開始佢都會比個餐前小食比你炸脆片加千島醬醬汁較得幾好，酸酸地令客人好開胃，脆片好脆好好食，真係想問佢拎多盤😁黃金薯角我估唔到佢整得甘好食每隻薯角都充滿咸蛋香味，真係無得頂，要讚👍🏻會肥但食到真心停唔到口我推介大家叫黎試下主菜上枱威靈頓牛扒外層「蘇皮」已經感受到好香脆切落去果然脆身，牛扒亦都好易切食落好脆口，牛扒味都幾濃，我諗8成熟？但好似慢煮既感覺，好食，再配上入面熟哂既菇菌一齊食會係另一重感覺總之材料豐富好味道8/10 分

哩間響旺角鬧市嘅餐廳環境幾靚，乾淨企理又坐得舒服之餘，估唔到就算係星期日都仲有lunch set,, 而且價錢平到你唔信！最平嘅意粉係$38！仲要包餐湯同埋野飲！平時食茶記都唔止哩個價啦！仲要唔收加一！我叫左個羊架配意粉，我自己食份量就啱啱好，一般女仔可能會覺得太大份😆。羊架味道都唔錯，肉質夠嫩，唔會太’蘇‘；扁意粉就淡味左啲，但係都幾煙韌彈牙😋😋朋友叫左個鯖魚柳，塊魚柳成個手板咁大，魚皮煎到香脆，非常之唔錯～～總括而言哩度約三五知己食野傾計係一流嘅，有機會都會再黎幫襯😁😁

最近見到呢間位於銀城廣場既Mini Friday做緊promotion, 只要身份證有5字就有8折 括號入面係5仲可以免費享用午市套餐添😋我同朋友兩個人去食, 埋單只係$30🤩味道出乎意外地好味, 環境唔錯, 價錢就算無優惠都好抵食, promotion完左應該會繼續幫襯😆ps. 午市黃金時段實在太多客人, 只得兩個侍應, 甚至有客人會因為要等太耐而毅然決定離去😣香煎盲鰭魚配香草忌廉汁 (原價$58)黑松露野菜天使麵 (原價$38)另外仲包湯同凍飲😊 兩個字: 抵食！

要在旺角揾食一點也不難，但要揾到好食又經濟的食市就要花一點時間了。今天來到旺角銀城廣場9樓呢間Mini Friday 食西餐, 餐廳內空間感很足夠，環境很大，坐得很舒適。一坐底，便有一大盤脆炸片加千島醬提供，千島醬調校得很甜，配合脆片一齊吃非常夾，仲有一大瓶清水可解熱氣，非常細心。打開餐牌見到有鹹蛋炸薯角，好感興趣，便叫了一客試試，果然別具特色，薯角炸得香脆，外面有咸蛋的咸香味，內裡是薯角那種熱辣辣又軟綿綿的薯蓉甜味，雖然是略帶點咸，但實在忍不住那種香口味，一下子便消清了。為了降除熱氣，特意叫了一道炒雜菜，菜蔬色澤鮮豔，非常清新。巴馬火腿Pizza屬薄脆底，涵料有巴馬火腿、菠蘿和雞肉，巴馬火腿的油香令整個pizza生色不少！晚餐叫了澳洲肉眼扒，包有粟米餐湯、沙律菜、飲品和甜品，非常豐富。肉眼扒賣相不錯，雖然是全熟，但食落仍然嫩口，配上黃芥辣，能吊起牛肉的鮮味！約500元的消費，真的是非常經濟抵食吧，重要的是味道也相當不錯喔，下次途經定必再幫襯！此餐廳還有龍蝦扁意粉和彿跳牆，下次有機會再試！

翻左工之後，長期都係港島工作，星期六日都hea在家中。為左去睇展覽所以就出左九龍，所以就約左朋友夜晚係旺角食飯呢度環境好闊落，同朋友傾計岩唒。一入到去就會上墨西哥餅，一路食一路簡食咩，都幾正。首先要左個菠菜焗大啡菇，入面仲有隻流心蛋，所以食落唔怕乾。呢個小食雖然light d，但勝在口感豐富。朋友叫左個set dinner，所以有湯同沙律等左陣，個羊架就上左。偷食一隻，感覺非常不錯，有肥肉既地方勁香同冇咩羊騷味。如果有跟薄荷醬就perfect🤟🏻之後我既威靈頓牛都到左，都算大件。入面有好多菇，勁正，吸唒牛肉既汁！件牛就正正常常，唔會太重味，但夠厚身！外面塊酥皮好脆好好食。甜品時間就要左個peach雪芭，好食得黎又冇甘高脂肪不過就偏貴😂跟餐cheesecake，味道不錯喲紅酒，沒有太大驚喜

Mini Friday位於銀城廣場上面，屬於樓上鋪既餐廳，一出lift就見到好靚既招牌，馬上有happy Friday既感覺！店內既環境都係偏向浪漫💕既怖置，天花上有細黃燈點綴，好似漫天既星星咁，而且店內既燈光都係偏黃調，就顯得更浪漫，十分適合情侶💑慶祝週年/ 紀念日。一坐低就有芝士脆片附上👍🏻芝士醬芝士味濃，連同脆片一齊香口惹味，不過脆片略厭有點油。叫左溫泉蛋波菜大啡菇做前菜。配搭特別，菠菜加上大啡菇感覺清爽不油膩，而且擺盤精美，令人食慾大開。脆燒德國咸豬手係打卡必叫既主菜之一。上左豬手後，另會有侍應到枱邊淋酒點火供食客拍照，火熄後就會將豬手切好再上，十分貼心👍🏻豬手味道普普通通，不算得上特別，但有「點火」特技，相信已經值回票價👍🏻👍🏻

朋友生日 特意到這裏慶祝吃朋友想吃很久的威靈頓牛柳🐂所以就有機會一試威靈頓牛柳⭐️⭐️💫 賣相可以但味道一般 個人認為醬汁影響左🤨🤨所以麻麻哋自選意大利粉⭐️⭐️⭐️⭐️選了鴨肝黑松露天使麵意外地出色黑松露味很濃郁 而且吾會太乾鴨肝煎嘅程度剛剛好 特意一提意粉加左類似爆爆珠嘅嘢 令到成個意粉好特別帶點酸甜嘅感覺減低咗漏既程度 出色！如果朋友生日 訂座時同餐廳提及當天會有一個小甜品送

星期日做完gym行完街之後，食翻餐好既晚餐就要準備迎接忙碌既一星期。💙墨西哥脆片配車打芝士醬一坐低就送上，勁脆，有小小油不過接受到。配上芝士醬都唔會太膩，幾好食。💙溫泉蛋菠菜大啡菇超足料，溫泉蛋流心勁正。菠菜又多，亦冇苦澀味。大啡菇好厚肉，又juicy!💙Set dinner 保雲酥焗羊架有包湯，沙律，飲品同甜品，算抵食。湯係周打魚湯，唔會太咸，幾杰下🤤沙律夠唒fresh，特別在於用上爆爆珠，幾搞笑😂羊架要左5成熟，有小小overcook，不過都ok。羊架食落唔會騷味，幾香亦易咬👍🏻👍🏻💙Snow Ball估唔到仲有cocktails可以叫，就叫左最易入口最多女仔叫既snow ball，甜甜地，冇咩酒味💙set dinner dessert & 香桃雪芭跟餐甜品係芝士蛋糕，幾好食又唔heavy另外叫左個香桃雪芭，夠唒fresh!

睇到好多好評，所以決定去試一試。餐廳decoration 係幾好，但坐落都幾嘈下，枱與枱之間都痴得幾埋下，傾計都要好大聲先聽到。食物質素一般，與價錢不太成正比。叫咗個鹹豬手同三文魚沙律，鹹豬手食落有啲乾身，唔夠juicy，而個沙律食落感覺唔太新鮮。嘢飲方面，叫咗杯fruit punch, 太甜。餐具衞生麻麻，一個茶杯換咗兩次先接受到，第一個有陣怪味，第二個有漬。兩位埋單446。間餐廳勝在員工服務態度算幾好。

間野係旺角銀城9樓，一直以為呢個商場無咩人行，入面嘅餐廳都應該無咩人會去，點知錯曬❌！一出Lift已經見到人山人海👥，店員話要等20張台先入得。不過好彩朋友一早Book左位，即刻入得，哈哈🤗！ 呢到最出名就係「火焰脆燒德國咸豬手🐷」，店員會係你面前點火燒隻豬手，燒十幾秒食得！脆皮、多肉、好味道！ 兩個男人食隻豬手又點會飽丫，所以叫左7️⃣成熟嘅「燒澳洲牛肉眼扒🐮」。味道就唔錯，但係煎得太熟，起碼係9️⃣成熟。 最後叫左個「溫泉蛋菠菜大啡菇🥬」，補充返少少纖維，希望聽日去大便去得順暢D💦💦

早幾日睇youtube，見到有人介紹wellinton beef，咁大個仔未食過，好想試下，女朋友揾左呢間方便就腳既西餐，又見食評唔錯，lets go！呢間係openrice訂枱點set menu上有折，但係因為唔岩我地，最後都係單點，叫左個威寧頓牛，一個蝸牛酥，最後加左個雪糕梳夫里。一入到去，個感覺唔錯，四四正正既西餐廳。第一味蝸牛酥，口感特別，外面鬆脆，內面有𡁻勁。第一道菜等左頗奈，以為佢新鮮焗，不過唔知點解上菜果時都唔係特別熱。而且個底好厚，有d位焗唔脆，變成一大舊粉團既東西，食得落肚，但係唔好食咁解。第二道我最期待既畫面出現了！賣相唔錯，價錢適中。食第一口好興奮，不過舊牛有d凍，又好似唔夠juicy,一樣有角位粉團焗唔熟既情況，呢一味既夾層佢係用菇，而唔係攪碎佢再做醬，睇你鍾意食邊款。我睇一次，無比較，我比6.5/10啦。最後甜品，整體都ok，好味既。衰在佢有粒莓，發毛，係真係睇到d綠色既毛係到。omg。我接受唔到。所以係呢個位對間餐廳既印象即刻大打折扣。希望佢地會留意返，難食係其次，唔好食壞人，保持衛生先係最緊要。