Mini Friday (銀城廣場) (已結業)

“翼”下還債！！香港實施左d高超法！令到好多食店都冇咩人去！我地唯有盡力地外出用餐幫幫佢地啦！環境好優雅！！可以慢慢食！餐廳做緊好多優惠！！身份證特別優惠！雞翼做緊特價！58蚊！ 有4隻口味！叫左爆辣！個外形夠晒吸引！好多辣椒粉/子！ 一放低個陣辛辣味就傳出黎！！ 雞皮係脆慨！！入面又有汁！d辣味有d似熱浪薯片味！好岩香港人口味！溫泉蛋菠菜大啡菇！！！隻蛋一切就流d蛋汁流出黎！！好治癒！ 個茹又大又有菇味！！正！！叫左個H餐！！ 黑松露燒汁牛扒！7成熟！煎得岩岩好！肉外焦內嫩！同應該做左靜止！所以食完冇咩血水！好少見！ 個燒汁就咸中帶淡淡松露香！！正！！餐飲叫凍朱！！希望大家！多d幫下d餐廳！叫下外賣都好！！

今次係第二次幫襯，上次同友人去食，比佢既卡邦尼意粉同甜品吸引，所以今次介紹左其他朋友黎食。一坐底，店員好主動提醒最近的推廣優惠，「不要23條！」身份證no無2及3就可以有8折優惠。*睇左其他食評，有推介威靈頓牛柳，所以試試。份量多，酥皮香口，友人好欣賞個牛柳。*催淚雞奕，好香口夠味，我可以食更辣。但友人食一隻已頂唔順。喜歡辣既一定要來試試。*另外叫左個南瓜野菌露筍寛麵，可能我岩食完辣雞奕，味覺受影響，覺得南瓜味不足。。。*友人點了黑麥啤，說為了配枱上的脆片食。哈！又多一個理由啤一啤～總括，會繼續幫襯良心餐廳。奈何政府推出每枱不可多於4人，每枱保持1.5米距離的抗疫政策，令食肆大受打擊。我入坐時大約7點多只有2-3枱客，到離座時都只有約8枱客吧。希望大家多多支幫良心店，撐下去。香港人，加油！

今日來到了位於旺角的Mini Friday，餐廳燈光柔和，適合情侶們撐枱腳。餐廳主打西餐，除了main menu外，亦有多款dinner set和DIY pasta set可供選擇。和一般西餐廳不同，餐廳提供薄脆片代替餐包。我和友人點了1份DIY pasta set，辣肉腸帕爾瑪火腿pizza，黃金雞翼和梳乎里pancake。DIY pasta可以自選醬汁、意粉和配料，更可加錢追加配料。我們選了黑松露忌廉汁鴨胸扁意粉，更追加了半隻龍蝦。意粉煮得al dente，龍蝦煎香過，而且爽口彈牙，不錯。Set已包餐湯、沙律、餐飲(另可補差價轉特飲)，另加$1會有精選甜品，非常抵食。Pizza面層鋪滿辣肉腸、芝士和 Parma Ham，非常足料，餅底亦烤得香脆。黃金雞翼非常邪惡，咸蛋黃金沙醬非常香濃，與炸雞翼係最佳配搭。甜品的梳乎里pancake，質感輕盈，不會太膩，配搭抹茶雪糕，作為晚飯的收尾就最適合不過。..Mini Friday旺角西洋菜南街2號銀城廣場9樓..

🧡 之前同男朋友去咗食晚飯，位置喺上次介紹過嘅"日本野"隔離。啲座位幾寬躺，坐得幾舒服☺️🧡 我哋嗌左兩個Dinner set，全部都有配田園沙律🥗, 餐湯, 同飲品🧡 餐湯配上當天的"脆餅"的確很好吃，"脆餅"浸左湯之後，食落去簡直欲罷不能，話咁快食晒🤣🧡 炭燒鹿兒島極黑豚西冷扒 配藍莓燒汁$248，食黑豚肉我鍾意食高脂肪的，這個不錯喔~🧡 炭燒紐西蘭肉眼扒配黑松露燒汁 $258，點了五成熟，食落口唔會太韌。後面仲配左薯蓉☺️🧡 加一蚊仲有是日甜品🍮 當天嘅甜品係咖啡蛋糕仔☺️

服務態度好差！一入去問佢可唔可以換張大d既台，已經面色不善，仲要係到單單打打話，你叫得夠多野食，咪幫你換囉！跟住我地埋單個陣，又唔同我地講話話有88折，然後拎張單比我地，我地比完左錢無得追返折扣！成餐飯又要受氣又要比人呃，感覺非常之差！

朋友介紹呢間餐廳食飯，一入到去餐廳嘅格局好精緻高級，由於我地入去嘅時間尚早，餐廳暫時仲未有太多客人。餐廳除咗平時嘅一啲散嗌嘢食之外,仲會有啲set dinner比客人選擇。每張枱都會有一份薄脆餅，咸香脆口，作為前菜小食都唔錯㗎。Set dinner會附送湯同沙律，沙律新鮮清甜，羅宋湯不過不失。火焰脆燒德國鹹豬手：一聽個名就知道把炮，侍應真係會成隻豬手先擺上檯，然後淋啲酒落去點火，等佢燒咗幾秒鐘，俾我哋影咗相先。之後侍應會拎入廚房切好一片片方便客人食用，服務很好。豬手經過燒完之後啲皮真係好脆，又唔算好鹹，肉質都唔會太硬，仲配埋鹹酸菜添，夾埋一齊食一流。香草燒牛仔骨：有成三大塊牛仔骨，啲肉燒得啱啱好，點埋配嘅蜜糖燒汁好味，仲附送沙律菜添！Set dinner最後會有餐茶同甜品，是日甜品係咖啡蛋糕，唔會太甜，啱晒小妹口味。總括嚟講，呢間餐廳嘅質素都幾好，環境同嘢食都配合得唔錯，可以再食。

@Mini Friday旺角西洋菜南街2號銀城廣場9樓9/F, Ginza Plaza, 2 Sai Yeung Choi Street South, Mong Kok田園沙律、是日餐湯、精選是日甜品、餐飲，更能以優惠價$1加甜品Salad 用來打開胃口，不會有負擔的salad dressing湯品是大眾都愛的DINNER SET 人均兩百多元, $168 黑松露忌廉花膠繪美國雞扒, 有花膠煮汁當中骨膠原令到汁更厚身同黏黏的，加入了黑松露的忌廉汁滑身又聞到松露香，令普遍雞扒都不再平凡$298 威靈頓牛， 酥皮富牛油香，切開厚厚的牛肉中心粉嫩嫩多肉汁，焗製需時等待上桌都值得配上coffee and dessert抵食之餘又好氣氛。

平日下晝人少少員工會叫大家啲門口用酒精消毒洗手安排座位都會安排隔住坐除口罩一陣食野都覺得安心啲👉🏻叫咗肉眼扒配黑松露汁連白飯肉眼扒煎得幾好 的確係五成熟🎈黑松露汁有驚喜 撈飯唔錯🤤呢個係lunch set $98連飲品餐湯餐湯係羅宋湯，飲品叫咗凍咖啡都係認真嘅👉🏻另外叫咗威靈頓牛柳呢個就考功夫既 味道平凡啲 牛柳略嫌煮得太耐😞酥皮都幾香嘅但賣相就可以呃下人呢個冇lunch set 價錢都唔平 要$298

// Weekend Vibes ♨️🤙🏻 //.#TGIF! It's finally the end of another week again. Stop being harsh to yourself, treat yourself better in Mini Friday for a BIG FRIDAY CELEBRATION!🤪🎉.▪Braised Lamb Shanks w/ Red Wine🍖▪Meat lovers would enjoy this dish a lot!😋 The presentation was already stunning, and the flavors were impeccable!🤤The meat was so tender and soft that it comes right off the bone with an ease. The flavor of this wasn't too gamy at all, but full of softness and juiciness!👌🏻💦I'm sure the combi

今次係去慶祝生日環境大 佈置都好靚 ✨·🍴餐前小食一坐低已經有得食🤣✨墨西哥脆片配芝士醬🧀有啲油 不過誠意搭救·🍖火焰脆燒德國鹹豬手基本上係每檯必點Staff會系你面前 淋酒再點火 🔥然後再幫你切件豬皮燒焦✨超級香脆✨肉唔會韌·🍝卡邦尼扁意粉煙肉味🥓好出香濃芝士🧀再加埋個溫泉蛋口感夠creamy·🍕帕爾馬火腿薄餅個批底焗得好脆rocket leaves 配parma ham好夾🧀芝士味道幾濃 不錯·🍗水牛城雞翼味道較為辣 但係好惹味皮都幾脆口·🥃Snowball叫咗XL Jar其實就係蛋酒配雪碧比較甜 容易入口酒精份量低 ·🍬火焰雪山呢個甜品係✨生日訂座送嘅✨Staff即時過嚟用火槍燒着入邊係士多啤梨味雪糕不過不失 唔會太甜

首先要一讚嘅係呢間餐廳既店員都比較年長店主應該係好有社會責任而店員好好服務同好𝕟𝕚𝕔𝕖攪到有少少唔好意思𝕊𝕖𝕥 𝕝𝕦𝕟𝕔𝕙好抵食，好似$48已經有雞排餐加薯菜塊雞扒其實好厚好厚配埋餐湯同飲品真係好抵食而且餐廳居高臨下，有塊大玻璃望住條街真係一流肉眼排都好厚，雖然平但絕對唔係梳打牛，咁既價錢真係超讚芝士大啡菇呢個單點既，裡面有菠菜茸同埋雞蛋隻菇燒完都仲係好𝕛𝕦𝕚𝕔𝕪德國豬手🥰店員會點火之後再拎返入廚房幫我哋切，好細心個脆皮真係好好味

旺角西餐廳：Mini Friday環境: 7/10呢間西餐廳位於旺角銀座11樓，地點方便就走腳，亦有不少情侶慶祝生日或週年，若然與情侶在附近行街，不防一試。食物: 8.5/10鹹蛋黃薯角 - 好濃烈既鹹蛋黃，薯角放喺生鐵碟上keep住好熱，女仔食2-3 塊可能會覺得有d heavy, 因為有12-14塊，所以同3-4 個人share就最合適不過。火焰德國鹹豬手 - 傳菜員上菜時會點火，仲會俾足時間你影相，打卡一流。佢仲會拎入去幫你切埋，對於第一次食德國豬手既朋友切起上黎真係有難度，呢樣Mini Friday服務做得好好。外皮脆口，厚度適中，入面肉質嫩滑，仲保存到肉汁，我食過4-5間德國豬手，呢間係我同另一半都一至認為係食過最好食既德國豬手。 黑從露蘑菇薄脆pizza - 有好多蘑菇，好足料，薄脆好香口，唔會太飽，如果黑從露多些同芝士烤耐些會更好。價錢: 8.5/10人均 $250 - $250食到高質既德國豬手係好難得，鹹蛋黃薯角同黑從露蘑菇薄脆pizza同樣出色。

朋友去完工作應徵後，想立即跟我分享她應徵的過程，於是她約我去老地方Mini Friday吃晚飯，好讓她大談特談，Mini Friday一如既往座無虛席，故也要一點時間才可入座。我們點了一份DIY Pasta和Dinner Set，套餐均附送田園沙律，是日餐湯及茶或咖啡。我很喜歡Mini Friday的田園沙律，生菜極度爽脆，蕃茄仔新鮮，沙律混搭胡麻醬後更為清爽，爆汁的爆珠使沙律多一份甜香。是日餐湯是蕃茄雜菜湯，紅艷艷的湯頭十分誘人，有著無法抗拒的美味，湯裡滿滿的雜菜，喝起來蕃茄味濃郁，酸香開胃。另外我們選喝凍檸水，凍檸水甜度剛好，又夠冰涼。香草牛油焗田螺酥盒可謂醒胃的餐前小食，酥盒酥酥脆脆，非常可口。酥盒內藏綿綿的黑松露薯蓉，田螺彈牙鮮嫩，和酥盒簡直是絕配，超級棒呢，真想多吃幾件。香草燒牛仔骨配蜜糖燒汁嚐到牛油花的甜美，牛仔骨表面燒到焦香，內裡軟嫩，完全保留牛肉的滋味。咀嚼的時候，牛肉的甜味慢慢隨著溢出的肉汁充滿口腔。蜜糖燒汁濃郁卻不搶戲，牛仔骨旁簡單的薯蓉口感綿密，各有風采。DIY Pasta顧名思義由自己搭配出自己想吃的口味粉類，我們選配辣味茄汁煙鴨胸闊條麵。煙鴨胸熟度拿捏恰到好處

真食客點評，個是日晚餐餐湯咸到一個點，全枱放棄...pasta 加lobster（$48）流到呢……杯飲品，🈚️必要係迷你版咁小家吧？$1甜品都費事浪費quota, 性價比低到零願去意x屋，一定無下次！

呢間餐廳，一嚟到，就有免費嘅薄脆，類似bread basket咁，但係就特別啲。⁣⁣😬⁣⁣海鮮濃湯⁣（$88）［好味度：7/10］⁣⁣海鮮濃湯真係好足料，入面有唔同嘅海鮮，包括蜆，蝦，一大塊魚肉同埋好多嘅蟹肉。🤩 一碗湯入面有齊曬咁多種海鮮，真係好滿足。😚 而湯嘅味道就有啲似龍蝦湯，好濃郁。⁣⁣🦞⁣⁣皇牌威靈頓牛柳⁣（$298）［好味度：7/10］⁣⁣呢度菜咁出名，相信大家都唔陌生，不過價錢通常就比較貴。😕 呢度定價就比較親民啲嘞。🤑 酥皮入面一切開，就係見到厚身嘅牛柳。😍 酥皮充滿牛油香，而又唔厚。🤏🏻 酥皮同埋牛柳之間夾住啲蘑菇，而牛柳就好多肉汁，肉味豐富。🤠 配菜嘅薯菜都有心機，係蕃茄雜菜，比較健康。⁣⁣😛 薯蓉仲有好香黑松露味。🤤⁣⁣心太軟配雪糕⁣（$68）［好味度：6.5/10］⁣⁣一餐完滿嘅晚飯點可以少得甜品。😆 心太軟一切開，入面即刻有流心。🥰 朱古力醬充滿濃郁嘅朱古力味，而外層嘅蛋糕都好重朱古力味。🍫 配上綠茶味的雪糕的，中和返甜度，確係唔錯。⁣⁣🍵