Mini Friday (銀城廣場) (已結業)

第一次食呢間多元化多國菜餐廳係觀塘工廈區，今次來到位於九樓的旺角分店同樣是充滿情調的環境，玻璃窗街景加上星空的排燈，燈光充足方便打卡，Sofa座位坐得舒服，是適合傾計Chill下嘅好地方。每檯點菜tnw均有墨西哥脆片小食一籃，可以慢慢食住慢慢揀，Dinner Set 及DIY Pasta由$168-$258每份包括有沙律及是日餐湯及餐飲。田園沙律以粟米粒拌上沙律醋，意大利雜菜湯足料正常。=̶香草牛油焗田螺酥盒=̶ $88推介:⭐️⭐️⭐️⭐️⭐️鬆化酥皮盒內放入香蒜及薯蓉，薯蓉淡淡蒜香藏在原粒田螺下面，田螺烤焗上檯牛油飄香，其實一小口一小口咬落去比一啖過更好味。=̶自選意粉意粉DIY pasta=̶ $188推介:⭐️⭐️⭐️⭐️⭐️全憑你話事由醬料，意粉款，到配料，驚喜+$1 多一個是日甜品最後作結尾，蒜片欖油扁意粉+菠菜+煙三文魚，加了辣味提升了惹味感，愈食會變得愈辣，若果唔食辣建議order時問清楚店員味道。=̶千島海鮮薄餅=̶ $168估唔到咁薄脆多料的驚喜Pizza,餅底香脆有如餅乾每片pizza平均一隻大蝦，薄餅心充滿海鮮感的墨魚仔、蜆肉及紅黄椒，三至四人份量share食都好滿足。=̶黃到金雞翼=̶ $58推

今次第一次來尼間餐廳，感覺環境不錯，有好嘅情調，好舒服，絕對係朋友嘅聚脚點，或情侣撑枱脚嘅好地方一流👍。至於食物方面就逐一講下，每張枱都有一篮脆脆小食，for飲湯或空口吃都好好味😋當日係蘿蔔湯，但味道就好一般吾夠味，我地試了一個炭燒美國頂級肉眼扒，但賣相完全看不出係炭燒，要了七成熟，但味道都可以，另外一個香草燒牛仔骨，賣相好ok，而且仲好大碟好抵食，至於飲品凍飲就細杯咗D，食飽仲有個甜品送，味道好味good ，下次可以再來試下其他美食。

好耐都無兩個人拍下拖食下飯，今日難得可以出街食飯兩人世界一下，出左旺角行左一陣街肚仔都好餓，睇下附近有咩餐廳好食，由於我比較喜歡食西餐，我哋都係搵間西餐廳，見到附近銀城有一間都好似好吸引餐廳，決定去食下啦，上到餐廳門口望到入去裝修好有氣氛，我哋坐低，枱上都有餐前小食，望一望餐牌決定叫一個dinner set ,粉類，同一個小食.~Dinner set 有沙律，湯，北海道豚肉配燒汁 沙律食落好新鮮，湯平時飲開羅宋湯，豚肉食落去好軟熟，口感都不錯。～明太子忌廉帶子手捲粉 帶子見到燒過，食落都有口感，手捲粉好特別好煙韌，仲有一陣陣好濃芝士，味道我比較喜歡！～芝士溫泉蛋焗牛脷薯粒面頭好濃芝士，牛脷食落口感但係味道比較偏咸。～雜果賓治幾好飲，平時唔係好多地方有得飲，～蜂蜜檸檬玉桂茶食左啲比較味道濃既食物，飲返茶都係一件幾好事，我覺得都幾好飲，好滋潤。～

旺角有千千萬萬既餐廳，但有時人多擠迫，都唔想迫在地舖，又多人又熱。上網見到呢間樓上餐廳咁多好評，今日就同朋友喺度聚一聚！Dinner set 價錢中等，望落都幾吸引，我叫左香烤美式BBQ豬肋骨套餐:豬肋骨惹味大份，適合多人分享！推介之選： 辣肉腸Parma ham薄餅餅底香脆十分，醬料亦好開胃，新鮮焗完即上，一件又一件唔停口！推介之選2 ：一jar cocktail mojito 黎到見到一大jar cocktail真係令人興奮，價錢又唔貴，岩哂一眾酒鬼！

Mini Friday🌟喺旺角行街同朋友行都攰，又想食西餐就係諗起佢▫️ DIY pasta套餐揀咗溫泉蛋芝士忌廉汁煙鴨胸天使面加$20可以追加煙三文魚無論忌廉汁、天使麵同餸嘅分量都非常豐富同埋多🌟而且天使麵上面鋪滿好多芝士話明套餐仲有沙律、餐湯同餐飲▫️炭燒澳洲M5和牛肉眼扒配黑松露燒汁肉眼扒份量非常大分男士嘅適量都應該非常飽肚牛扒冇筋，食落去柔軟啖啖肉而且配搭嘅黑松露燒汁非常香口有香濃嘅黑松露味

6月19日13:15去食lunch見唔使等就入得不過d人死氣沉沉已經覺得不妙見到個lunch menu 無乜野揀就叫左個pasta同牛扒加2杯凍飲個侍應冇問我幾成熟 已經好奇怪又無講熟度係固定左無得揀可能佢唔記得左問喇 所以都特登同佢講番要3成等左10mins左右塊扒就黎左先好細塊好薄切 6oz都唔知有冇一食d配菜凍既明白係整定先 都唔使凍到咁不過唔緊要 因為最差係塊扒一切開 一滴血水都冇 同well done冇分別...諗住係側邊位可能會比較熟 都切開埋中間黎睇一睇就知過熟 一定唔係3成跟住食左一啖 仲衰過咬條柴 完全係咬唔爛即刻叫個侍應過黎諗住換 點知個侍應居然答我 塊塊扒煎出黎都係咁！叫我叫過第2個餐！員工咁樣答意思係廚師太垃圾 煮唔到3成定係無心幫客人解決問題？已經無心機揀其他（亦都無乜好揀）叫佢幫我取消個餐算塊牛扒本身以為佢會換比我所以無影低點知佢叫我揀第二個餐 真係嬲自己做咩唔影呢個午餐仲要$158 午餐黎講都算偏貴貴都唔緊要 但你都唔係比件咁嘅垃圾我啊？本身午餐係包一杯28蚊野飲 講起杯野飲都覺得好笑細杯過佢本身比我杯水 咁都值28蚊？驚大家唔相信 突燈影低埋見係黃店想支

香烤美國大雞扒配BBQ醬雞扒鮮嫩大件，可惜雞皮比較淋。反而意粉意外地有咬勁，不像平時那些淋淋的意粉，挺好吃的。肉眼扒配黑松露燒汁肉扒七成熟的煎煮拿捏精準，易咬開，不靭。黑松露燒汁味道不是特別香，但也可以。如果想找間環境不錯能和朋友坐下來聊天的餐廳，是一個可考慮的選擇。

星期五的晚上永遠是一個很難預約到餐廳食飯的日子，但幸好我們預約到在旺角的Mini Friday來慶祝朋友生日。黑松露薯條很好吃，熱辣辣又脆。菠蘿及士多啤梨奶昔也出乎地好飲，不太甜。我們還叫了辣肉Pizza及明太子忌廉帶子手捲粉。手捲粉很好吃，質地十分creamy，有驚喜。Pizza就不過不失。我們最後叫了一個Apple crumble 作為生日飯的尾聲。 個人認為雖然餐廳很忙，但是侍應態度也十分好，抵讚。

今日係Happy Friday, 梗係要同班friend 出去食下飯啦，聽朋友介紹話呢間餐廳環境唔錯，價錢又貼地，味道唔差、甘就黎試下啦🤩我地嗌左一個催淚雞翼，千島海鮮薄餅，威靈頓牛扒同一杯藍檸檬梳打。催淚雞翼🍗話明係催淚雞翼梗係會辣到你流晒眼淚啦，但試完之後其實唔會好辣，佢有少少麻同小辣，就算平時食小辣既朋友都一定試到，而且好惹味，拎黎做餐前小食好開胃。千島海鮮薄餅🍕呢個薄餅係用餅乾作為餅底，所以烘出嚟好脆。而海鮮既用料有蝦肉，魷魚，蜆肉等等，切出黎每一塊都好多料，絕對唔吝嗇。加上千島醬，成個口感層次多左，而且開胃左😋威靈頓牛扒🥩係香港唔係間間西餐廳都有得食呢款牛扒食，而整得好食又好考功夫，而呢間係我食過其他間黎講，呢個價位真係好高CP值。一上到黎大大份，而且有埋蘆筍，紅蘿蔔粒，黑松露薯蓉作為伴碟，完全足夠兩個人食🤤牛扒既熟度係medium,咬落口都幾嫩滑，同埋酥皮焗得唔錯，整體來講係好抵食！

係呢頭買完波鞋苦惱緊食咩之際，友人提議上去呢度開餐，難得有人有提議，當然答應啦!  未點菜前先食咗個歡迎小食........炸薄脆，點千島汁食，得咗!早午餐時食唔多夠蔬菜，晚餐時補返，叫客凱撒沙律 ($68)清脆爽口嘅羅馬生菜，配上香脆煙肉碎及多士粒，面頭再灑上芝士碎，凱撒沙律醬汁另上，落多少隨我喜歡，材料簡單但味道如一!突然好想食薯條，問過脆燒德國咸豬手會唔會配薯條?!  答案係...........無嘅!  所以就叫左呢客炸薯條配黑松露醬 ($58)成個鐵筒裝住，脆得黎唔油膩，除黑松露醬外，仲有茄汁!  唔.................我都係投黑松露醬一票!今晚放棄意粉，改食薄餅，皆因有我歡喜嘅千島海鮮薄餅 ($168)，成個大圓形切成八件每件都有魷魚，大蝦，蝦仔及八爪魚仔等海鮮，加埋甜椒絲及千島醬，餅底係薄脆，食起黎無咁heavy，咁又可以食多兩件，若然加多D芝士就仲好，其待嘅拉絲場面欠缺!火焰鷄同德國豬手就多機會食過，呢客火焰脆燒德國咸豬手 ($238)，就係兩者加埋就第一次食，視覺效果夠晒睇頭火焰幾秒後就熄滅，侍應隨即幫你拎入廚房起肉切件，慳番自己手功.....哈...哈

同朋友o係旺角行完街，search下附近有咩西餐好食，一search見到呢間都幾多好評又o係附近就諗住試下啦！可能都早，唔洗等位，一入就有位喇！職員仲安排左四人位比我地兩個添，仲有櫈可以放下野，岩晒行完街一袋二袋既我地！一坐低已經有小食o係枱，未睇岩野食口痕可以食住先😆有幾個menu，其中有兩頁係set既餐，一頁係意粉，一頁係扒類，咁我地緊係一人叫一款啦，咁先可以試到多d野丫嘛！餐仲包湯同沙律，一人一份唔洗爭！我最鍾意黑松露，所以唔洗諗，識食一定揀黑松露忌廉汁，再配煙肉意粉，完美既配搭！個意粉都多料又夠creamy，食完有種好滿足既感覺🥰之後再叫個牛肋骨食，牛都係我至愛黎家，下次要叫埋和牛試一試🥰問職員set可唔可以揀其他，職員話餐就包$28既野飲，如果貴過$28，加錢就得，咁緊係唔想又飲奶茶咖啡啦，最後叫左兩杯朱古力，都唔錯丫！兩個人兩個sets都好似仲差少少野，最後我地叫多個咸蛋薯角，黎到熱辣辣，職員仲叫我地小心個柄添，其實都幾多份量，兩個人都食唔晒，仲食剩晒！食完晒都仲爭少少野咁，佢餐牌話加$1有甜品，心諗：都唔方好野啦，點知又唔係wo，甜品係tiramisu，食落口仲有咖啡味，

薄餅餐湯每張枱上邊都有一份薄餅，好鬆脆當小食食岩哂，落完餐之後好快就有個餐湯送咗過嚟，我哋配埋啲薄餅一齊食好嘢未。和豚肉眼我帶咗一個晚餐套餐係北海道和豚肉眼，肉眼好厚身，煎得岩岩好，肉質好軟淋身，除咗除咗塊扒，上碟仲有一個黑松露薯蓉，好香好重黑松露味。雞翼由於我哋都好鍾意食雞翼，所以我哋嗌左兩款雞翼，有催淚雞翼同維尼雞翼。催淚雞翼顧名思義係好香辣嘅，佢雞翼上邊都鋪滿晒辣粉同辣椒，一食落口真係有催淚嘅感覺但係啲辣就好過癮。第二款係維尼雞翼，佢就係甜嘅，啱晒啲唔食辣嘅人啦。大啡菇菠菜我哋仲嗌左個焗啡菇菠菜，個啡菇都幾大份上邊鋪滿晒菠菜，焗嘅時間啱啱好啡菇同菠菜都好林。之後我叫左焦糖燉蛋同跟餐有個小甜品，好滿足既一晚。

年頭被朋友帶過到觀塘的「Mini Friday」用午膳，事隔半年，今次便和家人到訪餐廳的旺角分店。「Mini Friday」旺角店在銀城廣場9樓全層。餐廳的昏暗燈光都是一貫西餐廳的作風。座位頗為寬敞，營造舒適之感。每份dinner set都會附有沙律和是日餐湯。田園沙律以粟米粒、車厘茄、生菜等為主，拌上芝麻醬；其中加入了果味爆爆珠，爆開一刻為味蕾帶來一點衝擊。而當天供應的是意大利雜菜湯，味道不過不失。切開有4-5件，豬肋骨烤得香口，塗上甜酸味道的醬汁，啖啖肉入味之餘亦甚為juicy。配上了一球黑松露薯蓉和少量蔬菜，薯蓉綿密口感加上黑松露獨有的香氣，為整道菜生色不少。7成熟的烤羊架，肉質嫩度剛剛好，入口未見有羶味。肉汁隨咀嚼嗌出，令人食得滋味。薄荷燒汁雖未有明顯的薄荷清香，但鹹香燒汁為羊架畫龍點睛，增添惹味感。甜品是香蕉朱古力蛋糕，面上灑了彩針。味道正常，但未有什麼特別。Dinner set還會有餐茶，凍飲也不用加錢。

同朋友慶祝生日揀咗呢間餐廳👍🏻午餐嘅選擇非常豐富我自己就嗌咗紅酒羊扒👀羊扒嗌咗七成熟 有肉汁香味👍🏻👍🏻👍🏻個汁非常之夾 仲要有少量配菜相當厚肉😋好食 仲要有埋湯同嘢飲！！不過個南瓜湯略嫌比較稀同淡，可以再改善😳嘢飲就正正常常檸檬水🤔真心cp值非常高❤️值得一讚嘅係嗰個意粉，雖然睇落好普通但係好入味👏🏻店員都好有禮貌😌為我哋提供額外嘅碟食蛋糕🎂一定會再返轉頭食！推介大家過嚟食lunch

晚餐去邊度食？我們立即想到要到銀城廣場的Mini Friday。我們叫了7款，包括龍蝦海鲜意粉、田園沙律、辣肉腸帕爾馬火腿薄餅、BBQ豬肋排、胡椒雞翼4隻、火熖脆燒德國咸豬手及藍青口鲜番茄墨汁麵，全部都好有水準，我們全部吃完，十分美味。其中最有特色的是咸豬手，在我們面前點火，火很大，再幫我們把咸豬手切成小件，方便我們吃。我們又愛吃胡椒雞翼，有胡椒味，又有蜜糖甜味，我們都很喜歡吃。可惜只有4隻，我們不夠分。食物高質美味，下次再來吃。