Mini Friday (銀城廣場) (已結業)

星期六中午經openrice 網上訂位， 仲有88折。位於銀城9樓，地點旺中帶靜， 餐廳內唔會好嘈， 當天雷暴， 但坐窗邊位，唔會太暗。待應服務好， 上菜會講上什麼菜，問食物是那位的才放上， 起碼出聲講下野， 唔會好像有些餐廳， 放低食物就算。 2人點了2個午餐1） 香草海鮮手卷粉 （7分）好足份量， 不過覺香草味偏重味。手卷粉幾特別。2）澳洲黑松露肉眼牛排 （7分）配燒汁及薯蓉， 7成熟牛排夠林， 不過薄身d. 3）香草牛油焗田螺酥盒 （8分）此小食夠特別， 酥皮夠鬆脆，田螺普通d.食物上菜速度好快，侍應有禮（8分）

好耐冇出旺角，朋友推介喺銀城有間西餐坐得舒服又抵食，一於試下😌我哋兩個人嗌咗兩個dinner set加一碟雞翼每枱都有小食附送，又有水俾你自己斟dinner set跟埋湯同salad再加野飲香烤美式BBQ豬肋骨$208個Ribs好入味，啲肉整得啱啱好唔會過淋又唔韌好適中，加埋佢哋嘅BBQ醬真係好惹味仲有sidedish跟嘅薯蓉好suprise係黑松露薯蓉勁好食黑松露忌廉汁天使麵配煙肉$168尼個係DIY pasta可以自己選汁同配料加咩意粉黑松露忌廉汁真係冇得輸好香黑松露味又唔會太濃，好好味絕對可以再食一次水牛雞翼尼個醬真係不得了咁好食酸酸辣辣勁惹味同埋啲雞翼係炸過好脆口如果出去旺角不防一試Mini Friday 坐得舒服又唔太吵，適合同一班朋友聚會

今次就黎左旺角嘅Mini Friday食西餐， 入到去已經覺得好靚好有氣氛！胡椒雞翼胡椒香味撲鼻脆口得黎又唔會過膿雞翼嫩滑 調味又剛剛好香草牛油焗田螺酥盒通常都係就咁食田螺焗薯蓉冇試過加埋酥皮一齊食！牛油香味好濃田螺肉厚又新鮮再加上外面嘅酥皮恰到好處好值得再Encore👍🏻👍🏻主食嗌咗西班牙海鮮飯啲汁味道啱啱好飯粒分明煙韌海鮮都夠新鮮飲品嗌左朱古力同蜜糖檸檬玉桂茶兩者都係甜而不膩 中和返成餐啱啱好🤤

返工永遠都覺得超累😵😵😵放工即刻變精神，因為我可以同好友歡聚暢快地舒發心中的屈悶🤨， 今晚同好友來到 Mini Friday ♥ 實行一路吹一路食。究竟我地可以傾幾耐先累呢？🤪呢到環境燈光幾有feel ，我地座係窗邊位置，望出去就係彌敦道，食物方便我地叫左以下幾款：🥣 餐湯 ～ 菜湯🥗田園沙律 ～ 沙律菜上加左芝麻醬DIY PASTA ~ 蒜片欖油+扁意粉+ 煙鴨胸 另加煙三文魚 ， 我好喜歡呢到的diy， 因為可以自己點配搭都得， 今次呢個配法超喜歡，因為蒜片欖油帶點辣夠開胃。🍕千島海鮮薄餅 ～ 超薄脆每件都會有隻大蝦仲要幾爽口，啖啖千島醬和芝士大愛。🍟炸魚薯條 ～ 即炸魚柳好香脆，點醬唔錯，粗薯條🥰🥰🥰絕對滿足口感，邊吹水邊食就最夾。

今日同男朋友黎食 我上次同朋友食覺得唔錯所以再食 今次頭盤叫左黃到金雞翼 唔錯 熱辣辣多汁 好有味pasta叫左diy 嘅温泉蛋芝士忌廉汁雞柳扁意粉咁意粉都唔錯 多料又爽口 好味😋 之後主菜威靈頓牛扒 上次食都唔差今次竟然well done over cook比圖你地睇下 好似食緊瘦肉咁今次真係失望

食完平民扒房,實在覺得一般,又未飽,暴生胃洞已開,要求搵間正常食肉既店,網上喪搵有咩好食,搵到哩間有肉食既良知扒店,睇openrice d 相野食幾得就殺上去啦,上到去,燈光柔和,播緊jazz,幾舒服,以為過左海係中環扒房吖,快手揭揭menu,佢要左個美式香烤豬肋骨, 我要左冰島羊架寶雲蘇,3成熟,跟餐有忌廉蘑菇菇湯,幼滑忌廉配合濃濃菇菌味美式香烤豬肋骨,肉汁濃厚,好食.冰島羊架寶雲蘇,個樣唔錯,切開係靚靚粉紅色,外面係脆脆咁,肉就嫩既,問店員拎左薄荷啫喱伴食,好味呀.今晚前半伏左,還好後面食到好野,嘿

在旺角做完嘢正正就是中午lunch時段就想起呢間性價比高的Mini Friday 西餐廳😋😋餐廳在鬧市中又方便但又很寧靜舒適我好鍾意進餐時可以望下窗外天空景色而又可以舒舒服服咁嘆番個午餐 👍👍而且餐廳定時會轉menu的咁樣可以嘗試到唔同嘅款式😊😊 我哋叫咗兩個午餐~ 香煎比目魚柳配香草忌廉配薯菜 $78魚皮香脆，魚柳肉嫩滑😋😋我鍾意唔油膩👍👍~ 炭烤澳洲肉眼扒配黑松露燒汁配意粉 $108肉眼扒好大塊😁有我兩隻手掌咁大😆😆 我叫的係七成熟😋😋肉質軟淋淋配埋我最愛的黑松露燒汁，正👍😋~ 是日餐湯: 羅宋湯×2~ 飲品: 凍咖啡, 凍檸茶Lunch Set 包了餐湯同埋凍飲都唔使加錢👍😁又免加一服務費( 星期六、日及公眾假期除外)我覺得真係幾抵嘅😄😄

話說夜晚又到收工時間同老公去咗旺角附近搵一搵OpenRice就決定去鋸個靚扒.呢間舖頭有啲有趣嘅地方佢入門口左邊係日本嘢右邊係西餐我估係同一間舖但係分開兩邊營運下次可以試埋日本嘢.去到之後因為都肚餓坐低就即刻嗌睇吓食咩因為真係好想食雞扒所以嗌咗個唔符合鋸扒嘅原則譏燒鮑魚雞扒老公就嗌左牛肉因為要share嘅關係所以就我要食七成熟另外佢仲有加一蚊有甜品而餐飲方面可以嗌$28再補錢嘅嘢飲.首先餐前嘅餐湯非常失望佢今日只係得一款羅宋湯但係真係淡到好似飲水咁而沙律方面我覺得係唔錯嘅只係個沙律醬有啲太多too much 有d heavy🥲好彩佢本身仲有啲炸脆脆片喺度反而我覺得仲好食過個沙律.主菜方面個雞嚟咗之後我老公話有啲似茶餐廳嘅雞即係相當普通你話難食又唔係難食但係又唔係太適合呢個價錢上面有兩隻鮑魚味道都幾入味嘅相信係罐頭包.另一個主菜牛肉老公話個味道相對好啲但係佢覺得有啲太熟我覺得份量反而幾大如果一條友食嘅話係絕對夠飽嘅.兩個主菜都有配菜有小紅蘿蔔同埋蘆筍但蘆筍我覺得有啲苦紅蘿蔔就不過不失啦佢仲有個薯蓉嘅物體相信係加咗黑松露嘅味道味道幾濃烈所以我係幾欣賞嘅.最後就到甜品啦因為一蚊就可以換到嘅甜

兩位食肉獸相約去鋸扒，二人分別點牛及羊。地理位置很方便，讀書時代成日到旺角行街，今日拎相機去維修，walk in 食中午，剛好有位，一點後人流都很旺。是日餐湯（羅宋湯）炭烤澳洲羊架配紅酒燒汁 $98（自選飯/意粉/薯菜）🍴羊肉沒有羶味，有陣陣炭烤香，肉質軟淋，有驚喜。炭烤澳洲肉眼扒配黑松露燒汁$108 （自選飯/意粉/薯菜）🍴 一上枱黑松露香氣撲鼻，牛肉肉質鮮嫩，絕對系性價比高。聞說晚市很出色，有威靈頓牛柳 及火焰脆燒德國咸豬手😍下次要去食😋

這晚跟朋友來旺角吃飯～餐廳地方寬敞，燈光柔和，來吃飯/聚會挺有feel的。點了：DIY Pasta Set、Dinner Set及小食一份。Set餐包沙律、餐湯及餐飲，更可加$1換是日甜品。DIY Pasta Set醬汁選了：蒜片欖油；配雜錦海鮮及菠菜，意粉則選了較少吃到的墨魚汁意粉。這裏的蒜片欖油辣度比想像中的辣很多倍，不過是惹味的辣，跟雜錦海鮮及菠菜很夾，吃辣的人可以點這醬汁。Dinner Set點了香烤美式BBQ豬肋骨（最保守的菜式哈哈），份量挺大的，啖啖肉。小食則點了溫泉蛋菠菜大啡菇旁邊更有沙律伴碟，整碟就是很輕型的一道素菜式。甜品是另一個胃，當然也加了甜品吃囉。是日甜品是香蕉焦糖蛋糕，小小的一件，份量剛好。

Brunch set價錢實惠，$138有大大個邪惡漢堡包，芝士好多，牛又厚，仲有薯條，男士實飽，女仔可以同朋友share再叫個小食就得，散叫龍蝦意粉都好食，好豐富多肉同粉夠味。有係六/七個坐窗邊卡位，旺角街上的旺中帶靜環境、服務態度親切下傾偈唔錯，久唔久靜落嚟望下街，再傾偈好过被夾在中間好多人果啲西餐廳咁，唔舒服。比較適合情侶，商務就可以搵高級少少，星期六中午黎呢度較靜啲，服務員不多，但成日會主動照顧，如提個熱溶芝士係時候落或幫助整埋。會再返去。

／火焰燒豬手好吧，這道菜最出色的地方是夠 #IGatble，大大隻本身已燒的豬手甫上治，店員沒有多作提示，就在迅雷不及掩耳淋酒再點火。有點catch不住那節奏。即場的表演確很吸睛。味道方面，酒味想當然是沒有的，外表燒得金黃香脆，夾著肉質嫩滑的豬手肉，點上芥末醬，不油不膩。／威靈頓牛柳人生好後期才接觸到威靈頓牛柳，酥皮糖衣下的嫩粉紅色，透着誘人。用一個人來命名菜色，實屬虛搆抑或真有其事，真心只有威靈頓公爵才知曉，但至少敢肯定這是道傳統的英國菜。這道 #威靈頓牛柳 是餐廳皇牌，但有進步空間，上一趟吃這個，內裡的牛柳烤得剛好，切開能看到嫩粉紅的牛柳，加上外成色金黃又酥脆，好汁！然而這次再戰，是almost well done，質素有點不穩，整體口感相當然都有影響。

好耐無黎旺角食飯，咁arm 女朋友係隔離做facial,比幾間佢揀佢揀左呢間，睇食評好似幾好，點知。。。訂位正價有88折，但唔包套餐，坐低餐牌基本上得set menu 同幾樣小食btw 個送既appetizer 幾好食，蛋散定脆麻花d fd, 咸咸地甜甜地，竟然係我最滿意既一樣野食😂staff 都幾好人，叫肉眼扒，同佢講3成，佢話會太生，無得叫...咁好啦我叫5成，黎到塊扒都幾大，但簿身。就咁切周邊，都ok,有5成。點知切到中間發現中晒招，變晒well done done, 收我300幾蚊...即刻叫叔叔幫我換個塊，佢地都好好態度無問題，我同佢講咁你不如比3成我啦，我真係食到架。換完出黎，整體都ok,但切到中間，都係變7成，咁姐係好明顯佢個爐/pan 有問題，受熱唔平均啦，跟住食左大半仲比我發現d 燒汁有一條頭髮...另外叫左份ribs, 不過不失咁啦。 跟住到d 配菜，全部白烚，一d 誠意都無。個薯蓉又唔夠creamy , 鞋口...跟餐送沙律同餐湯，個羅宋湯好似水咁稀，我夠膽講我樓下茶餐廳都好飲過佢沙律菜就幾新鮮，但唔知點解要放幾粒爆朱落去😂😂跟住有勁多汁，d 汁又勁酸。。。。好坦

今日友人生日，特意訂了呢餐生日飯🎆墨西哥脆片 + 是日餐湯 + 田園沙律🎆🌌黃到金雞翼 $58🌌咸蛋黃醬淋在香脆的雞翼面，咸香蛋黃味加上酥脆雞翼，味道不錯🌠香草牛油焗田螺酥盒 $88🌠酥皮盒放入香蒜及薯蓉，口感外脆內軟，加上牛油香蒜及田螺配搭滋味，極力推介🌅千島海鮮薄餅 $168🌅薄餅做到餅底非常薄，口感似餅乾，非常脆口，千島醬份量剛好，有大蝦、魷魚及蜆肉等配料，唔錯🎇香烤澳洲羊架配薄荷燒汁 $248 (Dinner Set)🎇三支大羊架7成熟，肉嫩肥瘦參半，少許羊騷香，加上薄荷燒汁味道剛好特別深刻係黑松露薯蓉，松露味勁出勁香，非常好食🎆生日訂座送的甜品🎆由於訂座時寫生日飯，餐廳主動送上生日甜品火焰小雪山，非常精緻窩心🎆甜品 +$1🎆Set Dinner只需加$1就可以食埋甜品甜甜蜜蜜咁完結，白朱古力檸檬蛋糕總括而言，呢間餐廳食物質素都幾好，服務及環境都舒服，生日食飯仲有小驚喜，下次再黎！

老公想吃「威靈頓牛」🐂剛巧他生日就到，就預約了Mini Friday 大概半個月前，已經透過Openrice訂座，順便享用以下優惠經 Open Rice 訂座晚市主餐牌88折（套餐除外）及凡於生日月份內惠顧送火焰雪山壹客，為方便準備，請在訂座時註明有客人生日（送完即止）兩個人合共消費$715（已包加一服務費）點了1個沙律、2個主菜、1個甜品及1壺fruit punch沙律係有驚喜，非常美味，可惜份量較少。黑松露薄餅，香濃芝味。主角威靈頓牛當然亦不非常出色在高興的日子，當然也要有甜品相伴，香濃朱古力，為整頓晚餐添上完美句號。最後，亦有餐廳送上的火焰雪山作為老公的甜品。可惜，明明叫了店員同心太軟同步送上，但最後亦是分開送上，而且要催了兩三次才出，應該有的驚喜都化為烏有了（已經閒日晚上去食，星期六或日應該更加會漏單）