Med Chef (已結業)

行過見個主題幾得意就試下試左個八爪魚海鮮炒長米飯坦白講一開始唔係好知咩黎，以為係類似希臘食到果種燒八爪魚飯，食落唔同但味道ok重點係食完10分鐘左右真係好似有少少似靜止放鬆得黎又有d精神，似跑完30分鐘步咁既情況。可能純粹係自己先入為主既placebo effect,又或者係自己冇試過cbd 比較sensitive環境算整潔service 值得一讚，由入場，fill水，到埋單走人員工都好主動同客人打招呼。我估有機會係幾對couple夾份開同自己落場做，比較特別上心。之前試過兩次一個人去試唔同主題餐廳，d員工一係西面ban你一邊wfc就催場。心諗俾得主題餐廳既錢試野唔係要客睇你面色下話？俾cbd個效果impressed到，主題同service唔錯，值得俾機會一試。新開張好似有20％ off

今日同男朋友經過厚福街，見到有間新餐廳開張，又有折所以就去試試啦。間餐廳嘅菜式唔多，好似有20款。我哋叫咗個推介既帶子蟹肉牛油果他他，一食落既口感啖啖肉，再加埋黑醋汁，味道微酸十分開胃。之後食咗八爪魚海鮮炒飯，唔知係咪鐵板嘅關係，一拎出嚟已經聞到成浸香氣飄過嚟，八爪魚味道鮮美有咬口，加埋秘製醬汁每一啖都好惹味。最後我地叫左個 青檸芒果千層酥 ，個味道好新鮮，酥皮好脆，有驚喜！成餐飯埋單都係四百幾，個人認為咁既質素嘅食物來講，都算對得住個價錢。有機會嘅話下次都想再嚟多次，試埋其他嘅菜式。