Mano (The L. Square)

营业中

休息中

🎪 Mano (銅鑼灣)銅鑼灣駱克道459-461號The L. Square 5樓🌟自家製意式肉丸 $138前菜點了肉丸，只有3粒好矜貴，入口有驚喜，肉質非常鮮嫩軟糯。醬汁用上洋蔥、蒜、蕃茄和意大利芝士🧀芝士濃郁仲有拉絲的效味，兩者配搭得剛好！🌟意式脆皮燒豬腩卷$238主菜點了燒豬腩卷，是功夫菜💯外皮燒到脆卜卜，但肉質卻仍然保持鮮嫩多汁的口感🤤價錢略高但合理可接受，岀色的烹飪的技藝。配料有辣肉腸蘭度豆，高纖維夠健康👍🌟芝士肉醬千層麵$188自家製意大利麵的麵條柔軟Q彈，口感上乘，芝士和肉醬融合在千層麵中，呈現濃郁的意式風味，入口芝士香滑肉醬風味醇厚👍不錯💜

銅鑼灣真係美食雲集既地方，今日又搵到間人氣高企既西餐廳-mano。意大利牛柳配 車厘茄火箭菜 $308 - 牛柳生熟程度剛剛好，食落軟腍多汁，肉味濃郁！最特別仲會俾三款醬客人選擇點黎食，店員仲會非常貼心，問你想直接淋係肉上定放係碟上。而沙律菜既份量都好多。巴馬火腿配烤菠蘿哈蜜瓜 $148 - 巴馬火腿同哈蜜瓜🍈永遠都係最佳配搭，估唔到同烤菠羅都好夾，未試過咁食，出面都好少見，酸酸甜甜再加上火腿的咸香真係好有層次！新鮮黑松露蘑菇扁意大利粉$178 - 依到既扁意大利粉真係好值得一試！食落竟然同烏冬一樣咁滑溜，每一條都掛上醬汁，充滿濃郁既黑松濃味😋Mano最值得一讚係店員既服務態度非常好，既有禮貌又親切，每一位臉上都掛滿笑容，不論人定食物都真係好有水準👍🏻

成日喺社交平台見到呢間銅鑼灣樓上西餐，啲嘢食都整得好靚，好多人大贊手工意粉質素好高。今次見到OpenRice預約晚市餐牌七五折，我哋就一於膽粗粗去試吓啦！🤤風乾火腿芝士拼盤 $138拼盤有三種唔同嘅火腿，芝士份量都唔少，仲有幾塊蒜蓉麵包。火腿芝士嘅質素好唔錯，麵包都焗得好鬆軟。🤤意式脆皮豬腩卷配辣肉腸蘭度豆 $238豬腩嘅煮得好腍，肥瘦相間有少少入口即溶嘅感覺。但係外皮就好脆，而且有少少蜜糖嘅味道，好高質推薦大家嗌。可惜個外皮做得有少少黐口，如果可以脆得黎又唔痴牙，呢個菜式真係滿分！🤤新鮮黑松露扁意大利麵 $178意粉嘅軟硬適中，條條分明。意粉醬嘅texture偏厚身，食落口好滿足，奶味好濃厚，黑松露味都好出成，個意粉都幾高質。推薦！🤤白酒煮蜆配墨汁意大利飯 $228呢個risotto 就真係可惜咗少少，首先入口有少少酒味先，但係下1秒就係鹹味，其他味都唔好食得出。蜆多數量唔少嘅有六七隻，size都唔細。可惜個飯真係太鹹啦，都唔係好食到隻蜆嘅其他味，呢個risotto就唔推薦。總括而言，呢間餐廳嘅嘢食係OK嘅有一定質素。服務態度都好好，中途侍應會不停過嚟加水收盤同埋問吓嘢食嘅味道o唔o

星期五收工想食好啲，約咗好閨蜜食呢一間之前有同事推介過嘅西餐。7:30嚟到已經有七成滿，好彩有訂位，坐咗一陣八點幾已經全場爆滿。.睇完餐牌叫咗一個前菜，兩個小食再加一個main，兩個女仔share，份量啱啱好。.前菜係BURRATA SALAD，一向都好鍾意食burrata cheese所以就叫黎試下，點知整體味道竟然比想像中更有驚喜。車厘茄香甜多汁，加上熟透蜜桃🍑，配搭濃厚burrata cheese，再加少少火箭菜提升清爽感，入口冰凍香滑，係暫時喺香港食過數一數二高質嘅burrata沙律。.兩個小食分別係香烤千層芝士茄子及烤牛油澳洲西蘭花苗，本身無抱有大期望，只係想叫兩個健康啲嘅小食食下，點知雖然只係小食佢哋竟然烹調得非常認真，千層茄子濕潤多汁加上芝士🧀同埋蕃茄汁，酸甜開胃。而broccolini就蒜香🧄濃濃，爽脆清甜。.最後香煎北海道帶子三文魚籽龍蝦汁扁意大利麵調味亦到位。意大利粉是手作意大利粉，麵質頗有彈性，三文魚籽鮮甜鮮甜的，加上柔嫩北海道帶子，不錯。

💡銅鑼灣人氣手工意粉位於銅鑼灣C出口附近，一上樓就有熱情侍應招呼落座，晚上好多下班族約埋朋友喺到食飯飲酒聚一聚。🍽️ Carbonara今次嘅Carbonara 用上扁意粉，都幾掛汁，尤其是新鮮煮好嗰上碟嗰陣，香到朋友都想我快啲影完相開餐呀。味道方面，醬汁偏淡身但夾埋煙肉就啱啱好，適合唔鍾意重口味嘅朋友。🍽️Lasagne 千層麵千層麵味道就更為豐富，入面有肉醬芝士香草，賣相一睇就知非常惹味，麵皮厚薄適中，食到質感又唔會偏向煙靭，入口感覺豐腴。🍽️Mano Meatball 自家製意式肉丸餐廳自製嘅意式肉丸，牛肉球咁大粒，口感唔會死彈，而係食得出自己手搓，配埋餐廳自己整嘅蕃茄醬同埋香草，非常惹味亦有飽腹感。🍸Italian Margarita 入口微酸，好舒服嘅佐餐酒。🍹Cheesecake Martini厚厚嘅芝士乳酪泡，蓋住Martini，就好似液體嘅檸檬Martin芝士蛋糕咁，適合飯後再飲一杯！

第一次光顧以手製意大利粉聞名的Mano，銅鑼灣分店位於L Square，裝修簡約別緻，乾淨整潔，店面不算大，座無虛席，充滿人氣！因為進入餐廳的時候我見到隔離枱點了這個布拉塔芝士蜜桃車厘茄沙律 （$168），作為喜歡別芝士的人，我被這一大舊BURRATA芝士吸引了！BURRATA Cheese源自意大利，外層緊實，內層是柔軟奶油狀，跟熟成的芝士不同，它是一個食用期短的新鮮芝士，口感柔軟細膩，味道清爽又帶點奶香 。沙律配了red pesto sauce和新鮮車厘茄，值得一提的是，這個蜜桃用的是新鮮蜜桃，為沙律加上一點生果的香甜，如果份量多點就好了 。香草白酒煮蜆配意式香草麵包 （$188）擺盤精緻吸引，用的大蜆很大隻，肉質彈牙，白酒汁帶帶酒香很好吃！包的質素也幾好，質地鬆軟有麵包香，有烘熱底下外脆內軟，點汁食好好味～是瞬間就清盤的一道菜！我最喜歡吃手工製意大利麵，當然要試試Mano 出品，芝士肉醬千層麵 （$188）份量睇落比較的骰，不過芝士同牛肉比例都好高，焗的火侯控制出色，外層脆、裡面軟，肉醬亦唔係預製好咸那種，整體是一個好吃的千層面，同樣秒清 。-呢度服務幾好，西餐標準，加水收碟換碟

約咗朋友去銅鑼灣食意大利菜，一出lift已經見到差唔多full晒，好彩仲有一張2人枱🥳一路食既時候，都見到好多客人等位🔸 意大利生切牛肉薄片 （$168）生牛肉唔會太厚，仲好嫩滑~配火箭菜同酸豆一齊食，好fresh～starter既好開始🔸 意式脆皮燒豬腩卷配辣肉腸蘭度豆 ($238)燒豬腩卷外表好脆，整到金黃色~入口好juicy，伴碟既豆酸酸辣辣同豬腩卷一齊食，去咗油膩嘅感覺🔸 新鮮黑松露磨菇扁意大利麵 ($178)一上菜已經聞到好香黑松露味，扁意粉煮到啱啱好，每條意粉都沾滿汁，好Creamy～黑松露份量都好多，鋪滿成碟意粉Mano (The L. Square)地址: 銅鑼灣駱克道459-461號The L. Square 5樓

朋友聚會搵個地方食個早飯先，嚟呢間樓上餐廳有驚喜😍三個人叫咗個二人套餐再加啲小食，款款都真心好食先講二人餐：🥗巴馬火腿藜麥牛油果沙律擺盤靚，味道好fresh，好開胃😌🥣是日餐湯-南瓜湯夠哂味，唔會稀，飲得舒服🥩8 oz 意大利牛柳 切得好平均，每塊都好靚，我哋叫咗五成，好淋，配個汁提昇到肉味🤩🐖意式脆皮燒豬腩卷 配 辣肉腸蘭度豆真係脆，熱上要即食，整體皮、膏同肉好豐富，入口即溶，超級好味😋特別要讚配料，我哋係清哂成碟，去到豬腩卷嘅油膩感之餘，亦幫助開胃👍🏻Tiramisu 正常水準，三個人分剛好每人有兩啖✌🏻飲品買一送一😍另外我哋再叫🍝新鮮黑松露蘑菇扁意大利粉真係好新鮮整，菇味好濃，手工意粉好食🥔巴馬臣芝士薯條份量唔少，包括啲芝士🧀🤣烤牛油澳洲西蘭花苗超好味，我哋係咁搶嚟食😝飲品唔錯唔會過甜🥰偶然我會喺 網上訂座平台 搵下有無平嘢食，有時都驚中伏今次揀呢間我哋都大讚，可惜限時90分鐘，食到有啲急有折之後好平，重點係無伏，仲要好好食🤓值得推介

我今日約同好友去銅鑼灣行街，順道去位於銅鑼灣駱克道459-461號The L. Square 5樓的Mano 食晚餐，環境舒適，坐得舒服。我點左個Grilled Tuscan Rib Eye Steak with roasted broccolini 意式烤安格斯肉眼扒配澳洲西蘭花苗 10oz $368，Mano Lasagne 芝士肉醬千層麵$188。5成熟的安格斯肉眼扒烤得外皮香脆肉嫩滑，牛肉味濃有咬囗；千層麵配著芝士（有拉絲）和滿滿的碎肉，十分的滿足感。

放工同朋友食餐好既，所以揀左食Mano 🍽️我地都係第一次食，果然無令我地失望😍（建議大家book位，因為平日都幾full下）一開頭上左2杯飲品，Lychee lemonade $68 同埋 Fruit garden $68，唔好見到咁靚就以為係cocktails，2杯都係無酒精，岩晒唔飲酒既朋友🫶🏻仲要味道較得岩岩好，唔會好甜🍹Parmesan fries $68岩岩炸起既薯條配芝士，好脆，好好食🥰芝士味唔太濃，感覺唔漏Broccolini $68想有啲菜食，所以就嗌左西蘭花苗☺️Steak tagliata $308我地揀左medium🥩，唔會好韌，亦都無肥膏，岩晒女仔食🤭Black truffle mushroom tagliatelle $178好香松露味，份量都算多，但一定要趁熱食，因為凍左會痴埋一舊🍝Tiramisu $78好滑，中意食甜品既你，一定要試😍

Happy friday 決定去間銅鑼灣人氣西餐廳，好好放鬆下！位置就腳，地鐵站行2分鐘就到餐廳環境暗暗地有氣氛，見到好多都係放工黎chill住食，有bar枱有窗口位。雖然坐滿咗8成枱，不過唔算嘈，熱鬧得剛好！點菜環節好快搞掂，因為都係叫d 人氣菜式先係個小食 自家製意式肉丸喜出望外👍🏻👍🏻肉丸食得出真係手製冇呃人，淋滑嫩口，非機器粗糙質地！茄汁都整得好出色👌🏻👌🏻 鮮茄醬真才實料，仲點咗好多薯條食😆🤣🤣再嚟芝士炸薯條，次次食西餐都一定要食薯條🤓超正，新鮮炸起，芝士份量都好足夠！意式烤安格斯肉眼扒，配澳洲西蘭花苗三百幾蚊，對得住個價錢，肉汁嫩口，肥瘦適中，廚師唔會煎到好多血水，一句講晒好食，秒清咗！西蘭花苗都烤得好出色，份量多啲就好好啦！卡邦尼扁意大利麵意大利麵係手做 ，略嫌質地唔夠彈牙，但係食落都無粉感，都食得出係手工意粉👍🏻豬肉同芝士都有誠意烹調過，卡邦尼汁咸香足夠，煮得唔錯。總括來講會俾8分，氣氛+食物都有質素，定期會再來食佢個肉丸！

今日同🐧🐧 buddy 到訪銅鑼灣，光顧依間主打手工意粉嘅西餐廳👍 內裡裝修簡約，座位以多人長枱為主，幾啱多人聚餐。三兩知己聚餐，亦可選坐吧枱，別有一番風味🥴 先㨂了一份香煎北海道帶子三文魚籽龍蝦汁扁意大利麵。意麵彈牙有質感，食落嚼感不俗，每一條都掛有清香嘅龍蝦汁，食落味道不錯👍 隨意麵附上三大粒帶子，飽滿又鮮美🥴❤️ 再選了白酒煮蜆配墨汁意大利飯🤭 意大利飯口感正宗，半生熟般嘅質感令人難忘，墨汁味道頗為濃厚，食落幾滋味🌟 一整列蜆賣相好壯觀👍 食落鮮美又爽口，唔錯😚 另叫了一份自家製意式肉丸，都幾有驚喜，肉味濃香，加上酸香嘅蕃茄醬汁，好惹味👍㨂了一杯Fruit Garden 同埋一杯菠蘿汁🥴 好清爽好甜美，解暑消滯都唔錯喲🤭

今日黎到銅鑼灣搵食，見到啲食評唔錯，一於上去試下🤭芝士肉醬千層面🍅🧀我自己好中意食千層面，呢度既千層面就連奄尖既男友都贊好👍🏻面頭芝士焗得夠香，中間既肉醬配合得剛剛好，令成個千層面每一啖都好豐富🤤8oz意大利牛柳配車釐茄火箭菜🥩本來有啲奇怪落單時冇問我幾成熟，上到枱就知道餐廳應該系有個standard熟度，而呢個熟度我非常之滿意😌牛柳調味可以輕手少少，不過落得夠鹽可以帶出牛味🤤牛柳好軟熟亦有濃郁牛味🤤點埋旁邊既磨菇汁又系另一個食味😋Affogato特濃咖啡配香滑雪糕☕️🍨咖啡勁香！一啖雪糕加上咖啡，中和到咖啡苦味😌雪糕滑入喉嚨之際，咖啡既回甘再帶微微酸味，令成個甜品層次更豐富🤤🤑 人均消費：～$300🤩 推薦指數：9 / 10📍 餐廳資料：Mano (The L. Square) (銅鑼灣)銅鑼灣駱克道459-461號The L. Square 5樓☆.。.:*・°☆.。.:*・°☆.。.:*・°☆.。.:*喜歡我的食評請Like & Follow🫶🏻 @umi.bengal.foodie#foodie #foodies #foodiegram #foodielife #food

意式脆皮燒豬腩卷配辣肉腸蘭度豆芝士焗牛肝菌釀脆炸雞胸配薯條香烤芝士千層茄子知道她兩間分店，一直都想試試看。剛好這天放工有空閑時間又剛好在銅鑼灣，雖然現在街道比起以前的確冷清，但晚市依然接近爆滿。一直想試她們的燒豬腩和釀牛肝菌炸雞。份量相當不少，燒豬腩不得不說非十分出色，肉嫩之餘還吃到有淡淡的果汁香，但外皮卻可以焗到十分脆口！釀牛肝菌炸雞外層炸到金黃，滲出淡淡的牛肝菌香氣。千層茄子加上蕃茄醬也很清新，適合配上熱氣的主菜！天氣太熱，否則下次想試試其他主食。

第一次嚟呢間意大利餐廳，環境唔錯👍🏻👍🏻我早食飯，嚟咗冇耐就見到好多人嚟，有2人世界、小家庭、什至成班朋友都有。我第二日要早起，所以都唔飲酒啦😁我哋點咗San Pellegrino，👨🏻‍🍳Chef’s Soup Of The Day🍲,係南瓜湯，南瓜味香味，很細滑。香煎北海道帶子三文魚籽龍蝦汁扁意大利麵🍝做得很出色，帶子煎得啱啱好,😋唔會乾爭爭👍🏻！當然唔少得點呢度嘅熱門菜式💁🏻‍♀️8oz意大利牛柳🥩！牛油見到有血色，但係冇流出嚟！鎖住啲肉汁☺️👍🏻👍🏻We enjoy the dinner very much.