Mamaday (已搬遷) 新店位置

剛剛被安排坐高檯，我眼前有幾張空檯，咁我就問可唔可以安排其他檯啦，點知同我講話冇位，痴線，係咪你餐廳有d我哋普通人見唔到既客幫襯緊？！你哋生意咁好的話專做佢哋生意吖嘛

明明係樓上舖都可以吸引lunch time 排長龍，真係要有水準加gimmick先做到！由入餐廳一刻，點餐menu,餐具甚至到廁所，都有好多抵死金句🤣 5但只睇得，野食都好得！Lunch set 叫左啖啖蟹肉...你就想～墨汁海鮮🦞pizza ($128)同美利堅合草飼牛扒扒扒（$152) . 本來牛扒上碟見到牛嘅份量咁細有少少失望。不過一食，塊扒係重質不重量，超juicy 同medium rare 得岩岩好😋跟餐個沙律🥗有好多藍莓同野莓，令食肉獸覺得健康左👍🏻另外仲跟左個小小冷麵，確保你一定夠飽🤰🏼 所以係推薦嘅😋Pizza 係一定要share 食！因為好多海鮮料，有櫻花蝦，八爪魚🐙，蟹肉同5小得嘅蟹肉。個底脆卜卜再。今次只要左跟餐咖啡☕️，但見隔離枱叫特色飲品，用中國茶杯，好似好好味咁，下次再嚟試下先！

作為香港人，經常支持香港人的餐廳是應該的，特別係一間特別的香港餐廳，就好值得去啦。今日同朋友相約尖沙嘴「麻麻地」，心情開心興奮絕對不會麻麻地，因為呢度既裝潢同各樣設備都令人好開心，而且仲係打卡天地。我們點了Set burger, kimchi pork rice,carnivo salad,Lava cake等等。Set burger其實係牛肉漢堡，配有香脆薯條，漢堡有牛肉，salad, 炸洋蔥圈，口感豐富⋯⋯Kimchi pork rice大大碟，滑蛋係面連同面頭泡菜炒豬肉，酸酸辣辣口感特別開胃。Lava cake係心太軟，鬆軟內熱，熱巧克力慢慢出，真係好正。除左食野，仲有嘢飲都好有特色，有marshmallow coffee同ice cholatte, 兩杯都有水準，不過不失。大家未來過麻麻地真係要來下，包你有驚喜。

呢間mamaday最近成為左打卡熱點，唔單止坐位舒適，而且裝潢別樹一格，玩味十足，個個都忍唔住要打卡！牛油果蟹肉薄餅主菜方面叫咗蛋黃牛油果蟹肉薄餅，都幾大份同足料，入口有淡淡嘅蛋黃咸香，配埋牛油果特別嘅texture，同埋食極都有嘅蟹肉，每一啖都有豐富嘅口感估唔到咸蛋黃同pizza呢個配搭係出奇地夾，食完一啖又一啖，真係好邪惡啊！><抹茶沙冰抹茶沙冰唔係苦澀嗰種抹茶味，亦唔會得個甜字，甜得嚟有奶同抹茶嘅味道，而且大大杯，即使食哂所有野都未飲完，十分推薦。玫瑰士多啤梨味蛋糕呢個係每日都唔同嘅蛋糕款，今次食嘅係玫瑰士多啤梨味，玫瑰嘅香味配埋甜甜酸酸嘅士多啤梨，最值得囋嘅係餠底好香牛油味亦壓到好實，簡單而又好食嘅甜品為今餐作完美嘅總結。

一個月前攞咗日Annual Leave，自製咗個長假期俾自己。放假日心情尤其興奮，lunch time出黎尖沙嘴食我最鐘意嘅餐廳-mamaday。鍾意食蒜蓉真的不能不嗌呢個蒜蓉虎蝦披薩。薄披薩底鋪上濃郁芝士，扯起更有長長拉絲，大量焗至金黃色嘅蒜蓉撒在虎蝦和芝士面上，極其吸引！薄餅底食落酥脆，虎蝦意外地非常彈牙鮮甜，激量的金蒜爆發濃郁刺激的香味，每一啖食完都大呼過癮！有蟹GO又有蟹肉的蟹蟹蟹意大利扁面$128，非常有誠意同足料，新鮮熱辣上菜，意粉鋪了滿滿的蟹子蟹肉，蟹柳棒、同埋有兩隻大大的蟹鉀， 菜式名夠funny，配料又夠足料，真喺齋睇賣相已經覺得好正。意粉掛滿蟹子cream sauce，令到每一啖都喺濃郁蟹膏蟹香，配料仲配搭少量脆肉瓜，平衡蟹肉濃膩感。

Bookmark左好耐既Mamaday 今日終於同朋友去左尖沙咀食😍 呢到裝修好有風格同個性 餐具甚至紙巾都好特別👍🏻 食物既改名玩味十足 好有心思😆我地主菜揀左可能會失望温泉蛋明太子意大利扁麵同點解個個都叫軟殻蟹比薩架？😂 可能會失望温泉蛋明太子意大利扁麵可能無令我地失望😆 好creamy好濃明太子味 蟹柳煎香過表皮香脆 加埋温泉蛋就真係畫龍點睛🤤 點解個個都叫軟殻蟹比薩架？因為真係好食囉😂 軟殻蟹香脆唔講 pizza係薄款 同樣香脆無比 加上千島醬 蟹柳同菠蘿 酸酸甜甜 幾開胃👍🏻另外我哋仲叫左個小食 記住 期望愈大失望愈大雞翼😂 有4隻味揀 原味 蜜糖芥末 芝士粉同避風塘 我地揀左蜜糖芥末😋 比起平日食開既蜜糖芥末 呢度既芥末味濃少少 雞翼炸到好香脆 單骨食起上嚟更方便👍🏻最後 當然要叫番杯打卡飲品啦 提拉米蘇你聽過未😂 咖啡面頭既cream味道真係好似Tiramisu 唔會好甜都幾好飲架🌟

俾餐牌吸引而黎哩間餐廳本身諗住Book位，但唔知點解餐廳電話長期打唔通所以選擇早D食Dinner，唔洗等位。餐牌D名真係好盞鬼，同朋友研究左一陣先落單是日無pizza供應，有D失望......我地叫左兩個蕎麥麵配牛扒，一個肉食者沙律。無諗過牛扒跟既沙律會咁多，基本上同單叫一份沙律份量一樣（早知唔叫多個沙律啦）我地一人食左1.5份沙律BTW沙律入邊有莓果，值得一讚。牛扒肉質唔錯，熟度啱啱好但略嫌份量太少....感覺好似無食過肉咁。個麵......原來得兩啖。炸蝦片夠大塊夠脆肉食者沙律裡面既雞肉亦唔多（低估左真正肉食者對於肉既渴望啦）於是我地又叫多個避風塘雞翼。雞翼啱啱炸上黎，好味又夠juicy飲品唔推薦個綠茶。聞落有焦糖杏仁香味，但飲落只係好淡既綠茶，不如試其他特色飲品更好。洛神花柚子茶就正常味道。店鋪装修特別，影相打卡都幾唔錯不過疫情關係都唔會特別去影上菜有D慢，即使我地落order既時候無咩客，而且大部分係現成材料（沙律），要煮既部分唔多，但依然等左一陣，希望改善。

尖沙咀都有好多特別既食店，今次同我既恩師食飯，佢老人家好少食西餐，最近估佢唔到，佢竟然想食西式野，咁我又想同佢去食D特別D既地方，所以一下子就想起同佢來MAMADAY了~唔知佢老人家睇到MAMADAY既設計，會唔會嚇親呢AHAHA~今日趁午餐來食，人都唔太多，所以坐得幾舒服。而且呢個店有天然光，令人感覺好RELAX~蜜汁香茅豬頸肉$128估佢唔到呢個上菜既樣咁豐富， 豬頸肉夠爽，個蜜汁都有蜜味~!而且D蝦片真係好正~好有開PARTY既感覺，老師都食得幾開心~!鰻魚日本奄列蛋包飯老師本身好少食飯，難得佢今日想食，咁梗要叫個正D佢又少食D既款式佢食下~呢個蛋包飯好正，因為蛋非常之滑，有香味~!而且米口感正好好MAMADAY既飲品好多選擇，我叫左個唔陪薑HONEY菊花茶，好LIKE佢的杯，老師都話好玩又得意，似以前做實驗既樽。

今日去到Mamaday食飯，一直都見到好多朋友去食，餐廳環境又吸引，想去好耐😜咁岩今日得閒就同朋友去食，餐廳1200開門，未開門已經有十幾個人排隊。相信mamaday最出名嘅一定係佢哋啲菜名😂。唔好抱咁大期望蒲燒鰻魚蛋包飯 ($124)蛋包飯可以加錢($28)變全條蒲燒鰻魚，咁我哋就冇加錢，但鰻魚本身份量都唔少。炒蛋加埋木魚碎，成個外觀都好吸引。鰻魚好味，炒蛋有麻油香味，食落去比較香口，加上鰻魚汁，咁成個飯就唔會太過乾身。可能會失望溫泉蛋明太子義大利扁麵 ($118)明太子意粉嘅蒜香味比較重，所以食落去既有明太子味又有蒜香。再加上一隻溫泉蛋，令成個意粉更加creamy，好飽。所以，建議大家可以同朋友share。普通到冇得再普通嘅炸魷魚圈  ($68)魷魚圈新鮮熱辣辣、脆卜卜，而且啲魷魚唔會硬。配上沙律醬都幾好味，而且魷魚圈分量都唔少，應該有over 十舊。73.5%朱古力最好味 ($48)呢款朱古力呢係用樽仔裝住，另有朱古力醬掛邊，岩哂打卡。 朱古力味味道濃郁，入面仲有啲朱古力碎添架。令到成杯朱古力都好香，鐘意既朋友一定要試。All in all, 氣氛幾好，趣味十足，有好多好有創意d

前個排mamaday上哂openrice收藏top3打左勁多次電話先book到呢間咁搞怪既餐廳！有蟹GO又有蟹肉的蟹蟹蟹蟹意大利扁麵 差唔多啖啖都食到蟹肉/蟹膏/蟹籽 好足料😆唔好抱咁大期望蒲燒鰻魚蛋包飯 勁大份😂啲蛋同鰻魚多到😅其實嗌半條都夠食 原條打卡就靚啲😌明太子薯條正正常常~重口味之選😝避風塘雞翼 肉質juicy 微辣 好惹味😆豆腐豆腐咖啡 豆腐雪糕好比想像中濃豆腐味 溶左少少落咖啡度 咖啡既苦即刻升華左😛

自從對上一次晏晝嘅時候嚟到唔洗等位之後，之後同朋友都盡量平日晏就先黎🦦今次我地約好左諗住食個蟹膏pasta，點知去到既時候店員話果日啲大廚咁啱放假，淨係得pizza同炸物有得賣，雖然選擇少左，但鑒於之前食過既水準都唔錯，所以我地一人叫左個pizza試試佢😆我叫左個中國芝士南乳配西方芝士加啲肉碎咁囉pizza，又真係從來都無食過依啲味既pizza，抱住試伏既心態試下佢。我地叫既薄餅底真係好薄🤣 甚至有啲似餅乾，我個人幾鐘意，好過啲厚到成塊面包咁。芝士南乳食落去比我想像中匹配，配上肉碎更加有種食緊芝士肉醬意粉既感覺。足料😛 食落啖啖芝士！另外我哋都叫咗個蒜蓉虎蝦。除左蝦肉份量多之外，另一重點係佢既蒜蓉夠晒香🤫 味道上有啲似蒜蓉包，食完真係啪返粒薄荷糖先搞得掂😬

平日七點鐘食，有book枱，唔駛等。限時90分鐘。（不過我地食完冇人等枱都冇趕我地走）每樣都好味。我地叫pizza同意粉都係蟹，原來都係有蟹鉗仔，重複左。但都好味嘅。炸魷魚外脆內軟，啱我呢啲唔多願𡁻嘢嘅人。綠茶latte夠濃郁，但我覺得唔夠甜。會encore的餐廳。

呢間cafe裝修好靚，打卡一流，估吾到食物都甘有水準😍，絕對係一間高質cafe，可以一去再去🤣軟殼蟹pizza $138用左原隻大size軟殼蟹，配上菠蘿，蟹柳，千島醬，食落酸酸甜甜好好味🤣，薄批邊邊脆脆地😚，因為有好多芝士所以食落都幾飽濟😗都幾辣的泰式打豬肉烏冬$118幾有驚喜，打炮豬女泰式得來好惹味，估唔到同烏冬撈埋一齊咁夾，食到最尾都仲有好多豬肉🤪，一啲都唔孤寒👍避風塘雞翼 $68避風塘口味有好多炸蒜，炸得酥脆，熱辣辣😚作為小食來講非常唔錯👍🙋‍♀️：食物中上，同坊間cafe做比較的話水準係上上，值得回訪😚📍:Mamaday (尖沙咀)尖沙咀加連威老道29號信基商業中心2樓

一間想試好耐的餐廳,等我先講講餐廳裝修果然夠哂特祖,牆身掛滿好多西式的掛畫(餐廳好旺影唔到相同大家分享😅)仲有四式骷髏骨,除左牆身餐碟都好特別碟紋行恐怖路線,半人腦半心臟的圖案,小編都幾鐘意😍德國水果🍑花茶除左淡淡的蜜桃味,原來仲有菠蘿同蘋果乾果係入面,每一啖都好清新又唔太甜,幾解渴😉益力多🍊沙冰甜甜酸酸的味道每飲一啖都會覺得好開胃😁夠薑🐝菊🌼茶用精緻的茶具品嚐花茶係一件美好的事,除左夠薑花味仲好香,好養生😀🐙炸魷魚圈外脆內軟唔會太厚粉的炸魷魚圈大家真係要試下😂🍟明太子味薯條即叫叫炸的薯條相信好難抗拒,開頭仲以為個明太子醬會好咸,但食落又出奇地淡味再配埋薯條本身我鹽味,味道剛剛好薯條Size仲要條條都好長好多薯肉😋😋蟹膏蟹肉意大利扁面🍝相信真係用一隻蟹的份量黎煮這碟意粉,因為每啖都食到蟹肉拌埋蟹膏一齊食好惹味,令人容易一口接一口食唔停蒲燒鰻魚蛋包🍚原條鰻🐟淋上燒汁配蛋包飯一定要趁熱食先得😂 鰻魚同滑蛋的質感都好嫩滑拌埋飯一齊食會有一種講唔出的滿足感👍

忙碌工作過後終於可以出去同朋友食個愉快午餐😆.📍OMG Mamaday Cafe.🍕啖啖蟹肉•••你就想~墨汁海鮮比薩($128)-脆脆薄批搽左墨魚汁🦑批上材料相當豐富!!有墨魚、八爪魚仔、櫻花蝦同蟹肉😍仲有至愛千島醬!!好好食啊😋🍛泡菜唔太肥黑豚肉片蛋包飯($112)-泡菜微辣伴左肥瘦啱啱好嘅豚肉片😆撈埋滑蛋同飯一齊食好惹味!🦑脆炸魷魚圈(+$28)-沾上薄薄炸粉即叫即炸嘅魷魚圈熱辣辣上到枱忍唔住即刻食🥰點埋沙律醬真係完美!lunch set加28蚊都幾抵食喎~☕️凍/熱美式咖啡-杯好靚~咖啡香濃唔會酸😗