Main St. Deli (已結業)

昨日下午(星期六) 打算到朗廷酒店的cafhigh tea既, 不過女朋友仔家宴客,所以無去到. 今日已經無mood去, 但係手持一疊朗廷酒店coupons: 有一日會員優惠, $100coupon, 餐酒coupon, 下午茶coupon. 所以上open rice search下有甚麼可以用得著,見到MAIN ST. DELI, 有好多好評, 於是決定用張一日會員優惠(即買一送一)coupon.大約6.30pm, 去到的時候不是太多人, 有梳化位,都幾舒服,侍應都幾好招呼. 前菜有酸菜,醃青瓜, 但係我們都不大喜歡.無食到. 而我們點了:1. Original French Dip ($148) --我的至愛, 是三文治中間夾了很多燒牛肉, 再配一碗燒牛肉汁. 至於伴碟的mash potato, 是女朋友仔的至愛. 好有水準. Highly recommend2. Ultimate 54 Burger ($138) -- 一個好大的漢堡, 有免治牛肉, 生菜, 蕃茄,蘑菇,洋蔥,酸瓜,芝士,煙肉, 煎蛋. 免治牛肉叫了medium rare, 但係好似熟左少少,但係好好味呀.

一直聽說Main St Deli的Burger是全港最好，於是便攜同牛痴男友前來大吃特吃。這裡的portion偏巨，我們只點了54 Burger($148元)和Four Egg Benedict($138)。我那4隻Egg Benedict被推砌在一巨型muffin上，賣相一貫的美式粗枝大葉。好的Egg Benedict蛋黃應呈糖心，被剛成形的蛋白重重包圍，這裡的，沒一項付合要求。蛋黃只有一隻完全糖心，其餘三隻都過熟，蛋白散落四周，進食時超麻煩。荷蘭醬太酸，不合個人口味。這個Egg Benedict，不合格！54 Burger沒想像中巨型，patty亦沒想像中juicy，亦明顯overdone。男友說味道普通，建意大家將伴碟的蕃茄、洋葱、煎蛋和生菜夾在burger內吃，這樣口感會較濕潤豐富。如果這質素已算香港頂級，相信香港是沒有好吃的burger了！伴碟的fries最令人失望，一點也不新鮮熱辣，男友的幼薯條同麥記出品無分別，麥記分分鐘新鮮過佢。我的蕃薯絛甜甜的，味道其實討好，可惜上枱時已淋了大半。這餐令人大失所望，可能是期望過高之過吧！

上次响度食到嘴lam lam。今次跟太太及佢個朋友一齊嚟，可以試多D嘢...上兩次食reuben及ultimate 54，今日試吓個monster beef burger...話明"monster"，件頭當然係不得了la。12 oz五成熟牛肉，一切落去，感覺有D乾，再咬落去，果然冇估錯，實在係太乾嘞，毫不juicy；且煎得太熟，明顯有七至八成熟，扣分...sweet potatos仍然特別，有水準...太座個ultimate 54入面嘅牛肉亦有同樣情況，overdone咗...招牌嘅main st. deli salad一如普通美式沙律，大堆頭大集燴，但水準只是普通...有D失望添...

10/2(六) 6:30pm懶理友人們對此酒店的劣評,鐵了心與他人share此酒店的會籍;新茅廁,相當蠢蠢欲動一試虛實.前一晚致電訂了6:30pm,禮貌周周的服務生先交代要8時還臺,個半小時享受晚餐,按理不是登天難事.我倆準時到埗,餐廳位處低層,甫進入已給那懷舊美式快餐廳的格局著迷了;高聳的樓底,昏黃的燈光,水晶大吊燈,配以彩色細格瓷地磚及超闊落的高身卡座,氣氛輕鬆得來不失優雅!坐下良久,服務生先送上酸青瓜及醃椰菜2大碗.我倆對著餐牌費煞思量一番後,點了Black cod fish set$228-跟餐湯及餐酒,及The Ultimate 54 Burger $148.餐湯-蘑菇薏米忌廉湯;以方型白瓷碗盛上,份量較坊間的多,一入口除嚐到creamy而不過膩的忌廉湯外,蘑菇跟薏米這配搭令味覺多添層次,構思應記一功!餐酒--選了白酒,是California 的Chardonnay,作為house wine的話,此酒已是符合標準,雖沒多餘的aftertaste,但總算易入口.Black cod fish set--黑鱈魚件頭不大是意料中事,魚皮煎至香脆,而魚肉質地嫩滑無比,且魚味濃郁,伴以檸

I took 2 British friends there for a late lunch at 5 p.m.We have ordered 2 Blue Cheese burger 12oz and 1 Monster burger which was so huge in size,I was so impressed by the size of the burger!!The coffee was hot and strong to keep me going for a while!Nari is a good and attentive waitress.

生日飯局，來到我期待已久的Main St.Deli，為的是高貴版的垃圾食物。只是說笑而已，這裡的環境格局及價錢絕不能與一般快餐店相比，這裡賣的是New York Feel的美式食物，被安排坐在舒服的卡座位，在昏暗的環境下，加上水晶燈，加上我喜歡的country feel的old songs，十分喜歡！講返食物，絕對是沒有令我失望，我們點了史上最強的「和牛漢堡」，漢堡包的包只是配角，中間夾著的是8安士的日本和牛，但咬下去最意想不到竟有鵝肝夾在和牛的中心，吃落有濃濃的鵝肝味。姐夫話好似食九龍城牛肉館的牛肉餅，但牛肉館的是以麵粉做皮，牛肉就餡，而Main St.Deli的卻是以和牛做皮，鵝肝做餡，果然是史上最強！其他的Ruben三文治，層層疊的咸牛肉和芝士加在烘得脆脆的麥包中，味道真的很夾，亦是無得彈的三文治。煙三文魚Pizza亦十分不錯，吃落不會很膩，因為算是薄批底，面上鋪滿了美味的煙三文魚和草苗，感覺很清新的。再加上紅酒和朱古力慕絲Cake，這個最早的生日飯局真的很滿足！p.s.今次有生日coupon有免費紅酒&蛋糕，抵左！

放假周圍hea唔知去邊度食好，記得kc話過唔錯，最後決定這裡食個early bird dinner。先來兩碗我十分喜受的酸菜、醃青瓜，那碗酸菜給我一個人食晒。Blue Cheese Beef漢堡-中間是厚厚的牛肉，雖然叫了3成，果效有5成之多，但仍然充滿濃烈的肉汁，肉質又嫩，可惜Blue Cheese味道唔夠濃，而麵包帶了少少甜，好好味。煙三文魚配Bagel-幾層的三文魚，加了又香又美味的芝士醬，味道份外突出。而Bagel烘得又香又脆。以上兩碟亦配以大大舊的炸薯塊，點埋茄汁真是一流。本來好想好想食NY Cheese Cake，但實在太巨型，十足十一大舊的車打芝士。最後叫了一個甜品併盤，有NY Cheese Cake、Chocolate Babka、Crepe同Apple crumble，每款都是迷你的，我唔食Apple crumble改了一球朱古力雪榚。NY Cheese Cake-好失望，芝士味唔強烈。Chocolate Babka-朱古力味又係唔濃。Crepe淋了一層楓葉蜜，雖然味道過甜，但係楓葉蜜好香。食完今餐真是十分滿足，因為好飽好飽。價錢可以接受，HSBC仲有9折。呢間係我近

800個食評了!之前一直沒留意，今次就留給這著名的美式餐廳吧! 　其實來這裡都是隨意的決定。週末，眾多的人和事煩心，又忙著與媽咪買野，到五點都粒飯未進肚。任務完成，不願虧待自己，來了這裡食下午茶。與媽咪步入餐廳，將自己及數袋戰利品都拋在巨大的沙發卡位上，感覺是鬆了一口氣!　原來Main St. Deli是沒有下午茶套餐的，僅有的pizza及entree套餐又不合我意，結果單點了12oz Barbecue Bacon Burger ($168)及Black sesame cheesecake ($68)。先上酸菜、醃青瓜及醃蕃茄，份量之大令人咋舌；果然，12oz的漢堡上檯，已經一分為二都仍然巨大無比。香味滿溢令我對它有很好的第一印象，一咬，滿口蘑菇、芝士、肉餅，感覺豐盛而滿足；加上伴碟的特色醬，滋味更佳。不過當中大大塊的肉餅真的很漏，吃幾口就需要停一停，咬一啖酸菜/青瓜隔一隔，才可以繼續。到吃完半個包，就發現根本吃不下伴碟的粗薯；不過話說回來，這裡的粗薯實在太粗，我還是喜歡手指般粗的薯條，如triple o's的，因較香。　吃完很飽了，卻不甘心錯過甜品。其實最想試最具代表性的NY che

I've always loved this restaurant's sandwiches and burgers. Last week I walked pass and decided to pop in for a drink and dessert. The manager recommended a Hot Lemonade, which was perfect to sooth my sore throat. Then he recommended a Chocolate Babka, which was more like chocolate swirl bread. When it arrived it was warm and soft, and when I eat it, the smell of chocolate was so good that I couldn't resist but finished the whole piece! Service was warm and friendly, and a good place to bri

特然好想食Junk Food，即刻諗到呢度。雖然好多人覺得百幾蚊食個包好唔抵，雖則大家都係包，但相比之下麥噹噹個D完全唔掂，根本唔配稱為食物!因為夜晚要去飲，不宜食得太飽，所以兩個人share一個包同一份salad。朋友同我一樣係雞蛋愛好者，Ultimate 54 burger係我o地o既必然選擇! 呢個包正在個隻煎蛋，係茶餐廳個種底面都煎個隻，朋友話以佢食蛋多年o既心得，呢隻煎蛋絕對係掂! 淨係隻蛋已經值十分! Beef burger 我o地要medium，我嫌佢偏熟，有少少韌。其他配料有bacon，mushrooms，cheese，tomato，lettuce，onions，認真大件夾抵食! 朋友話要adults chips(waiter哥哥話係粗薯條)，o黎到發覺真係好粗，根本就係3塊煎薯仔，激死! 早知要French fries啦!!! Salad要左吞拿魚。無乜特別，就係一堆菜上面方左塊用好多dills醃著o黎煎o既tuna steak，切到好似sashimi咁o既大少，有大約8件。都係個句：大件夾抵食!值得一提o既係，佢o地o既mustard有兩種，淺黃色o既美式musta

一間一直想去好耐o既餐廳(正確o的黎講係快餐店, 不過係高級果隻).同老婆兩個人去, 入座後侍者先奉上酸菜兩大碗(分別係菜絲同青瓜), 當中菜絲好食o的. 一睇餐牌, 好多野想食, 仲有套餐供應添. 不過驚住一人一個套餐食唔晒, 所以只係散叫. 一論商議後, 叫左一客"MONSTER BEEF BURGER(8 OZ.)" 同一客蛋蝦沙律.塊牛肉差不多一吋厚, 好juicy, 不過我叫medium, 佢比左差不多well done我, 呢度要扣少少分, 不過伴碟o既fries 同onion ring都很好食. 沙律就好fresh, 蝦同蛋o既份量都很多, 不過蝦就冇乜蝦味, 而且口感麻麻~ 不過個salad dressing係極之好味!! 剩係呢兩個食送已經食到飽飽, 好彩初頭冇叫套餐!埋單$28X, 我覺得OK, 因為坐得都幾舒服同埋service 好好!

Dinner at this restaurant last night and order a BBQ bacon cheese burger + 1/2 liter Hoagaarden...cool & smooth beer with juicy & tasty burger...a perfect match companion!Comfortable environment, big portion, nice service...everything was good just a bit expensive.

The environment is nice and suitable for friends to get together. Service is good and waiters are nice.The portion of sandwich and burger is great, the fries are fresh and the meat is juicy but that night my burger is a bit overdone.The cheesecake, crepe and tofu ice-cream is nice but apple crumble is not so tasty, one dessert's name is "Chocolate Babka" something like that but is a kind of chocolate bread and I think is not a kind of dessert and also too dry.Their lemonade drink is good to try

老友聚舊，原本約食中菜，點知老友忽然話想飲啤酒，第一時間就諗起呢個我一直好想嚟嘅地方。之前已經諗定要試佢嘅Sandwiches 同burger，入到去waitress推介我哋試吓佢哋嘅lobster menu，再望吓個賣相，好似幾得，但既然已經下定決心，就不為所動。望咗一陣menu，決定叫My very own Reuben 同Ultimate 54 burger share嚟食。再叫咗兩杯Stella及Hoegarden。典型嘅美式食物當然係份量有咁大得咁大la，先食D酸菜及鹹酸瓜開吓個胃，個Reuben 入面嘅料直頭係多到跌晒出嚟咁濟，炕過嘅三文治包內有成三四吋厚嘅鹹牛肉，再加火雞肉及黑椒牛肉，中間又夾咗一層酸菜，望上去好似一個大包山咁。味道係好得沒話說嘅，麵包微脆，肉餡夠多夠味仲嘅juicy，配合伴碟嘅炸薯條，無以尚之。Burger亦相當不俗。牛肉煎至五成啱啱熟，一咬落去，D牛肉汁唧到一手都係，牛肉面上鋪上一塊半溶嘅chedder cheese，幸福感覺滿瀉。話明叫Ultimate，配菜當然唔嘢小la --- 有一塊煎蛋，再加幾塊bacon及大量嘅洋葱及蕃茄及甜薯，份量十足，一樂

星期六約了媽咪同阿婆食lunch, 突然想食burger就試下呢間. 我們準備挑戰cheesecake所以叫了的長hotdog同bluecheeze burger一個跟salad另一個跟粗薯條Hotdog是長但味道是一般hotdog的味, 無咩特別至於burger就要讚啦!!牛肉叫了mediam好新鮮加上溶左的blue cheeze少少咸有臭味, 正呀!!重有不可缺少的酸菜我一個食晒2條酸青瓜. 媽咪就讚粗薯條炸得好食金黃色好靚添!到了塊cheesecake, 嚇親我阿婆!!我切了三角尖的一角給阿婆因為少D餅底我怕餅底較硬她咬唔到. 之後把剩下的梯形分2份我同媽咪, 媽咪話餅底好厚食到好累但是我覺得要芝士同餅底一起食先正!!不過我食的時候就諗唔知NY的cheesecake是咪禁巨型呢??