影片
更多
2006-07-26
8 浏览
老友聚舊，原本約食中菜，點知老友忽然話想飲啤酒，第一時間就諗起呢個我一直好想嚟嘅地方。之前已經諗定要試佢嘅Sandwiches 同burger，入到去waitress推介我哋試吓佢哋嘅lobster menu，再望吓個賣相，好似幾得，但既然已經下定決心，就不為所動。望咗一陣menu，決定叫My very own Reuben 同Ultimate 54 burger share嚟食。再叫咗兩杯Stella及Hoegarden。典型嘅美式食物當然係份量有咁大得咁大la，先食D酸菜及鹹酸瓜開吓個胃，個Reuben 入面嘅料直頭係多到跌晒出嚟咁濟，炕過嘅三文治包內有成三四吋厚嘅鹹牛肉，再加火雞肉及黑椒牛肉，中間又夾咗一層酸菜，望上去好似一個大包山咁。味道係好得沒話說嘅，麵包微脆，肉餡夠多夠味仲嘅juicy，配合伴碟嘅炸薯條，無以尚之。Burger亦相當不俗。牛肉煎至五成啱啱熟，一咬落去，D牛肉汁唧到一手都係，牛肉面上鋪上一塊半溶嘅chedder cheese，幸福感覺滿瀉。話明叫Ultimate，配菜當然唔嘢小la --- 有一塊煎蛋，再加幾塊bacon及大量嘅洋葱及蕃茄及甜薯，份量十足，一樂
之前已經諗定要試佢嘅Sandwiches 同burger，入到去waitress推介我哋試吓佢哋嘅lobster menu，再望吓個賣相，好似幾得，但既然已經下定決心，就不為所動。
望咗一陣menu，決定叫My very own Reuben 同Ultimate 54 burger share嚟食。再叫咗兩杯Stella及Hoegarden。
典型嘅美式食物當然係份量有咁大得咁大la，先食D酸菜及鹹酸瓜開吓個胃，個Reuben 入面嘅料直頭係多到跌晒出嚟咁濟，炕過嘅三文治包內有成三四吋厚嘅鹹牛肉，再加火雞肉及黑椒牛肉，中間又夾咗一層酸菜，望上去好似一個大包山咁。味道係好得沒話說嘅，麵包微脆，肉餡夠多夠味仲嘅juicy，配合伴碟嘅炸薯條，無以尚之。
Burger亦相當不俗。牛肉煎至五成啱啱熟，一咬落去，D牛肉汁唧到一手都係，牛肉面上鋪上一塊半溶嘅chedder cheese，幸福感覺滿瀉。話明叫Ultimate，配菜當然唔嘢小la --- 有一塊煎蛋，再加幾塊bacon及大量嘅洋葱及蕃茄及甜薯，份量十足，一樂也。
老友食到點晒頭，話下次一定要再嚟。
食物固然好味，良朋歡聚，一口肉，一口啤酒，人生幾何....
张贴
