Lockeroom Dining (朗晴坊) (已結業)

吾知點解今日好想食西餐，好想食排，咩排都好，豬排失牛排都可以。放工就叫女朋友上網睇下有咩好食，佢搵左一間向旺角既餐聽，係樓上鋪。我心諗，會吾會有啲服嫁，之前食果啲樓上Cafe，啲牛排難食到嘔⋯⋯吾緊要，女朋友話Friend食過，推介話好好味，我唯有信啦。一出電梯，我嚇一嚇，有好多客等位之外，佢地係一間用足球隊裝飾既餐廳，全部都係阿仙奴，阿仙奴，同埋阿仙奴，哈哈😂 鍾意呢隊波既朋友，一定吾可以錯過。餐廳入面的裝修都係以足球為主，好有特色。入到去坐底，更令我驚訝既係，佢地可以Book位，而Book既位係好特別，好似一間獨立房仔咁，可以提高私隱度，想試既朋友，一定要預早訂位😂佢地既Set Dinner 都好多選擇，我緊係選返牛排啦，我選左香烤美國1855的牛西冷拼法國鵝肝，女朋友就選擇了西班牙豬排，燒烤醬西班牙黑毛豬肉拼北海道元貝。全部餐都包左餐湯同沙律，識我既朋友都知，我最鍾意食沙律，又係開正我果範。👍🏻👍🏻但今次我要大讚佢地果沙律，真係估佢地吾到，新鮮好味之餘，佢地重好有心思，睇下相就會知，佢地一樽樽沙律裝好晒先上菜，整到好靚，好食又好睇，認真抵讚。到主菜啦，我個牛排黎啦，佢地啲Side

今日同男朋友響旺角朗豪坊睇戲，睇完戲咁啱落左陣雨，見有少少餓餓地，就步出戲院門口過旁邊既朗晴坊睇下有乜食，男朋友話想食西餐，所以就地揾左呢間餐廳試一下，沙律菜新鮮爽口，而且用呢一個樽裝起，份外精緻，配上芝麻醬，酸酸甜甜，特別開胃。環境以足球做主題，牆上仲掛住好多簽名波衫，雖然我唔識係乜水，我男朋友郤睇得津津樂道，俾佢激死！香草燒法國原隻春雞一上枱既一刻都俾佢嚇左一下，春雞好大隻，外皮燒得好香脆配上淡淡既香草味，內裡肉汁豐富而家十分嫩滑，yummy！香烤美國1855牛西冷拼法國鵝肝西冷牛扒五成熟，肥瘦適中，厚度剛剛好，質感良好，鵝肝表面香脆，香氣十分濃厚，值得再試！蒜容包小小蔥花帶出香味，脆卜卜既包，恰到好處既焦度，飯前吃過的確開胃黑松露磨菇湯口感豐富淡淡充滿著雜菌碎，香濃既黑松露配合十分完美白松露忌廉炒野菌忌廉混合左白松露既香味，十分柔滑及濃厚，野菌爽嫩清香，好滿足

一到步，就被這間餐廳的裝潢吸引，門口、牆身展示了足球衫和海量的球員簽名照片（據店員稱是真跡），連地板都以草地綠做佈置，可見老闆對足球的狂熱。以足球為主題的西餐廳真的有點別樹一格。Dinner set包是日沙律、是日餐湯、蒜香牛油法包、飲品，另外可半價加甜品，剛大約加二十多元，非常吸引！最後點了香烤美國1855牛西冷拼法國牛肝（$198）和香草燒法國原隻春雞（$138），另外加了小食芝士流心玉子大啡茄（$55）先上蒜香牛油法包，本身對餐包沒甚麼期待，但這個法包烤得熱辣辣又香脆，牛油味很香濃，本身愛吃麵包的我其實可以吃光兩片。沙律賣相和味道都有驚喜。特別一提這兒的餐具，雖然餐廳用足球作佈置，餐具卻是走童話夢幻路線。沙律是用玻璃瓶裝著，除了有沙律菜、三色椒和蕃茄粒外，還有少見的爆珠，配合另上的芝麻醬，味道相當有驚喜，欣賞廚師的創意。接著還有餐湯，未吃主菜感覺已飽了一半🤣小食是芝士流心玉子大啡菇，切開大啡菇後確實有流心的效果，芝心和流心蛋是絕配的，大啡菇也很juicy。香草燒法國原隻春雞份量非常充足，足夠兩個人吃。外皮燒得焦脆而肉質幼嫩多汁，配菜是少有的羽衣甘藍和紫薯蓉，個人很喜歡紫薯蓉，是天

朗晴坊出名多食肆，今晚就去了8/F的Lockeroom食晚餐。套餐百多元就有交易，非常抵食。水牛城雞翼雞翼有五隻，已經淋上了酸辣汁，可能怕不夠醬汁，另外還有一碟醬汁可因應個人味道點，雞翼香脆，旁邊還有些黑醋沙律。套餐沙律沙律用玻璃瓶裝著，外觀吸引，沙律爽脆開胃。套餐黑松露雜菌湯有粒粒蘑菇碎融入湯內，而且有淡淡菌香。波士頓龍蝦配白松露忌廉扁麵意粉爽口不會煮至太腍，清香的松露味道加上忌廉汁整體十分creamy，龍蝦彈牙。香烤美國1855牛肉眼扒拼法國鵝肝鵝肝有油份甘香跟牛扒超夾，肉眼是薄切，所以都算腍滑，以香甜的番薯蓉代替薯蓉，比較十健康。

係旺角行完街，想搵間舒服嘅地方食餐好嘅，見到朗晴坊樓下啲menu就吸引左上去。一上到去，裝修都唔錯，又有啲靚位俾港女打卡，都有幾件簽名波衫同足球員卡俾男人影相。我地揀左dinner set，B同埋G餐，龍蝦意粉同埋黑毛豬併元貝。跟餐仲會有沙律、餐湯同埋蒜蓉法包，好多野食！一開始黎左沙律先，份量好多好fresh，仲有啲透明爆珠好好食，放沙律個碟好靚。而餐湯佢用靚靚cafe杯上，細細杯靚蕃茄湯，好足料，好多蕃茄蓉。龍蝦意粉有半隻龍蝦，份量同味道都唔錯。黑毛豬帶子煮得剛好，唔會太乾。另外嗌左芝士大啡菇，加左芝士同冰菜上面，都幾健康幾特別，好少食到冰菜加啡菇。最後加錢食埋心太軟，心太軟味道唔太甜，可惜唔夠流心，過左少少火，流心啲就好perfect喇！

逢星期四晚要去旺角學畫畫，所以都會揀旺角特色嘅餐廳。今日揀咗一間樓上Cafe，係有以足球為主題嘅。裝修都幾Grand，佢安排左個全場最高級嘅位俾我哋坐haha我哋叫咗個兩個都係套餐。套餐有沙律、是日餐湯（番茄湯）、仲有蒜香牛油法包，個法包係熱㗎，蒜蓉包冇得彈🤤沙律用玻璃樽裝住好得意，最鍾意就係佢啲爆爆珠，正！主食：1️⃣燒烤醬黑毛豬梅肉拼北海道元貝 $178 我鍾意燒烤醬配黑毛豬，好match😋元貝好新鮮好大粒👍2️⃣香烤牛西冷拼法國鵝肝$198 （五成熟） 鵝肝真係令人地忍唔住流口水㗎，個層香味不斷係個口度徘徊着😻西冷不過不失：）因為叫咗套餐，所以可以用半價食甜品🍮🤩 甜品賣相精緻，味道還好：）3️⃣意式芝士蛋糕（ $45 ，半價後$22.5) 4️⃣熱香甜鬆餅🥞（ $55 ，半價後$27.5)最後以一杯凍檸茶（不用加錢） 作為晚餐嘅終結👍💕其實我真係幾欣賞佢嘅餐具，好有少女味😻😻自己都想擁有一啲花花間條嘅餐具🍴另外都好想讚下侍應好友善，成日都會關注到我哋嘅需要👍環境+Menu：

放工同事帶了我去搵食，兩個就去了朗豪坊隔離的樓上餐廳，原來成棟大廈有很多的cafe，真係唔講唔知。一人點了一個晚餐，百多元已包餐湯、沙律及飲品，甜品則是半價可換，價錢都算合理。沙律用現時流行的玻璃瓶，望落大方精緻，配上芝麻醬更加開胃。雜菌湯有點咬口，雜菌未打至全蓉，反而有點雜菌粒，再配上蒜蓉多士。我要了低溫煎焗挪威三文魚柳，魚柳份量不算太太件，魚皮煎至微脆，肉質嫩滑，有些茄子及番薯蓉伴碟。朋友的燒烤醬西班牙黑毛豬梅肉拼北海道元貝，黑毛豬帶油脂甘香，肉質嫩腍帶焦香，元貝就比較普通。最後我叫了Tiramisu，一小杯有酒香，忌廉芝士幼滑，剛好七成飽。

去到朗豪坊附近覓食通常都好多人，Food court 已經有D食厭~ 諗住去試下D有特色既餐廳~我朋友推介左一間以足球做主題既西餐廳，因為佢係英超既波友~上到去餐廳就見到非常多既足球收藏品，牆上仲有幾位阿仙奴球員簽名既球衣~同老闆傾左幾句原來佢係阿仙奴既球迷~二人點左 2份晚餐一份 頭盤沙律+白菌汁配三文魚+是日餐湯+一杯飲品頭盤個頭盤沙律都幾特別下   生菜放進一個密實玻璃罐中 入面仲有一粒粒西柚同芒果味爆珠 之前未試過  感覺都幾特別~  餐湯+蒜蓉包個蒜蓉包OK 烤得好香好鬆軟，唔會好似法國麵包太硬既口感。湯都好特別 唔記得問咩名堂。但嘗得出應該似係蘿蔔加牛展，蘿蔔打成蓉口感好香膿好特別。主菜個三文魚煮得非常好，聽佢地店員話個三文魚係采用慢煮既方法去泡制。可能因為慢煮既關係~食得出個三文魚非常有內汁同魚油香，唔會出面太個柴入面唔熟既現象~ 而魚皮相信係用火槍再烤過，皮脆而不油!白菌汁亦都好香濃!配菜亦都唔差  個紫薯蓉比到驚喜~既有烤蕃薯既香味又有薯蓉既綿香而另一份晚餐就係香烤牛肉肉眼扒拼法國鵝肝份量的確係幾大碟。肉眼扒既熟度大約係5成熟。因為係朋友點所以味道就無法評論。總括:總

呢間餐廳位置幾方便 喺正朗豪坊對面嘅朗晴坊 行完後去食 入到去身位吾係足球迷嘅我都心心眼 因為真係好靚 牆上面掛滿左球星相同波衫 地下亦鋪晒草皮 踩落去質感好正🤣講番野食先 一如以往 去新食西餐都會試個牛扒 呢個叫左7成熟 出到黎目測大約8成 吾影響效果 食落味道吾錯 肉質比較實 要趙多幾下先得😆 但係就超大塊 食落好有滿足感 食肉獸必點哦另外叫左個鱸魚意大利飯 鱸魚肉好新鮮 有肉汁 飯入面撈左香草醬 好夾 呢個比較淡口 吾中意太重口味嘅一定要揀佢另外值得一提嘅係白松露忌廉炒野菌 佢整到個汁好creamy 幾有質感 松露嘅味道好濃郁 一啲都唔姑寒 最後一個環節當然係甜品啦😏 叫左一個係焦糖燉蛋配紅莓拿破崙 好味喎 好驚啲燉蛋焦糖太厚黎燒 會介到口 但佢吾會 食得好舒服 哈哈 另外一個正正甜品係熱香甜鬆餅 佢煎得好厚 所以有外脆內軟嘅效果 亦比左2種醬比我地揀 貼心哦 配埋凍冰冰嘅雪糕 正哦～

用球衣作裝飾的餐廳，原來餐廳老細都幾熱愛足球喎是日精選沙律會用樽仔裝住架~新鮮的生菜、沙律菜、蕃茄非常清甜面上仲有D爆珠，不過係甜甜地，食不出味道~~~幾特別來著~~每人一塊蒜香牛油法包烘得均勻的法包，有陣陣蒜香牛油味~~厚實得來更是滿足濃郁的南瓜湯深層的黃橙色，好Creamy水牛城辣雞翼 $45五隻大大件最正係個水牛城辣辣度十足雞翼雖則香脆，但味道完全依靠水牛城辣味~~我朋友點左個香烤澳洲羊架拼德國腸 $148澳洲羊架一點都不太羶，切起黎非常容易，厚肉質感好配左紫薯，食完都幾飽肚架我就叫左香烤牛肉眼扒拼法國鵝肝 $188法國鵝肝的的色色的一小塊，但呢個價有肉眼扒之餘又有法國鵝肝，超值啦~~法國鵝肝一食就知不算是差貨色，因為好香濃的鵝肝味，鵝肝油起口腔來回滾動一口牛一口鵝肝，成個豐富的層次出曬黎~法式焦糖燉蛋由於叫左SET DINNER關係，甜品將得到半價折扣。真係好抵~唔叫就蝕底啦~最終，原價$45折後$22.5咋~~仲要一點都不馬虎法式焦糖燉蛋用左個蛋既造型承載焦糖燉蛋裡濃濃的雲尼拿香味~~旁邊仲有塊好鬆化既法式餅上有3粒紅莓加Cream

同Honey响西九玩完幾個workshop，已經餓到一個點，因為西。九。只。有。美。食。車！仲要只有一架，根本support唔到咁多人去，所以同honey都變成餓底！即刻唔理搭的士嚟朗豪坊，諗住總有一間餐廳會有位，點知無、就係無咯....即刻行過隔離朗睛坊上樓試吓啦~見到呢間個餐牌都唔錯喎，7點已經幾乎滿座，咁即刻有晒信心！今次只係叫咗兩個set dinner，但水準真係唔錯：頭盤好得意，係用玻璃樽放咗唔同既蔬菜外，仲有啲爆珠响度，食落清甜得多！新鮮煮既南瓜湯，磨咗蓉好香甜，唔會太濃稠滯口，感覺啱啱好！個人叫咗個黑豚豬配帆立貝，黑豚爽口有肉香，帆立貝亦煎得香口，不過一定要提，係佢哋既配菜亦好好食，尤其係畀呀豬遮住咗既蕃薯蓉！好有愛呀~HONEY就揀咗龍蝦白松露扁麵，麵條煮得啱啱好，彈牙又唔黏，白松露相對黑松露嚟得清新，龍蝦亦好夠份量！呢度既餐具亦好精緻...有少少公主Feel添~最後我哋開心些牙呢個新派心太軟，唔太甜亦好濃郁，掂！

餐廳裝修以足球為主題，各處掛有簽名球衣，其中一面牆身更貼滿足球員照片，别具一格。餐牌亦以足球為背景，配合裝修主題。Set Dinner跟有沙律、湯同飲品，啱曬我哋。是日精選沙律 - 有番茄仔、黃椒、沙律菜、紫椰菜及荔枝爆珠，以日式胡麻醬做dressing，清新開胃。是日餐湯 - 南瓜湯香甜有質感，蒜香牛油法包， 表面香脆口感軟熟，蒜香味濃。燒烤醬西班牙黑毛豬梅肉拼北海道元貝 ($178) - 黑毛豬味道鮮美，肉質爽嫩；北海道元貝，鮮甜元貝味濃，配以滋味燒烤醬汁，相當唔錯。香烤美國1855牛西冷拼法國鵝肝 ($198) - 點五成熟，火候控制得宜，食落牛味濃郁而唔韌，加上香口嫩滑鵝肝及味美燒汁，牛魔王絕對唔會失望。法式焦糖燉蛋 (跟餐半價 $22.5) - 賣相十分別緻。以蛋形玻璃器皿盛載嘅焦糖燉蛋，香甜嫩滑。旁邊加有紅莓及藍莓嘅酥餅亦相當美味。意式芝士蛋糕 (跟餐半價 $22.5) - 帶有酒味嘅意式芝士蛋糕口感creamy幼滑，加上表面香脆朱古力薄片及底部嘅朱古力脆粒，食完仲想再食。熱咖啡 - 最後歎返杯香醇順滑嘅熱咖啡為呢餐作句號。

約左友人旺角食飯，宜家旺角都開左好多新野食，search 下search 下就膽粗粗試下哩間新cafe...開左幾個月！上到去就間隔企埋，有d 波衫掛起，仲以為足球餐廳 haha....餐牌都好多選擇，價錢係西餐黎講都合理。set dinner 都有好多choice, 豬牛雞魚海鮮。仲有set lunch tim...有餐湯蒜蓉包海鮮湯，不過不失，反而個包好香熱辣辣，仲要有兩塊。good!沙律青菜沙律，好夠凍！西冷牛併鵝肝本人較貪心，想食哂兩樣野，西冷叫左7成熟，剛剛好，唔鞋。鵝肝軟林林，煎得都香。慢煮三文魚個魚好juicy, 都大件， 同個白汁都好夾，個底好special 用雨衣金蘭，好小餐廳用哩個菜。甜品可以半價叫，女仔食飯一定叫啦！梳乎里pancake好有驚喜， 好鬆軟，配埋兩個雪糕，絕配一冷一熱。提拉米穌好重咖啡同酒味，好正，絕對唔hea 做！

上網見到間以足球為主題既餐廳幾特別咁 男朋友係足球迷於是就決定今晚帶佢去試下醬上掛左好多有晒簽名既球衣最先上左杯蜂蜜柚子茶蒜蓉包外框脆 麵包好軟綿甜甜地 濃濃蒜蓉牛油香 好味道意式香煎深海石班魚柳魚肉緊實嫩滑 面上加上蕃茄洋蔥粒再淋上黑醋同黑椒伴碟有燒蕃茄、茄子、翠肉瓜最鍾意係有甜蕃薯 好味道法式蛋黃醬焗波士頓龍蝦一大隻龍蝦 肉質緊實淋上檸檬汁酸酸地最特別係旁邊綠色既調味醬 酸酸地帶蒜蓉 好開胃 唔錯唔錯法式焦糖燉蛋燉蛋蛋味濃香 而且夠滑面上焦糖脆脆地有口感仲有粒酸酸既紅莓旁邊仲有藍莓士多啤梨忌廉酥餅

唔使講都知係以足球做主題！入到去見到地下都po咗啲草地,又真係幾得意㗎！而且成座大廈食過咁多間，呢間嘅環境都真係幾乾淨企理坐得又舒服💃極力推介佢哋嘅自家製包包真係好鬆軟好香口呀💝再嚟佢哋名哂足料嘅南瓜湯非常creamy呢個蟹肉沙律嚟到嘅時候，我哋都有啲驚喜㗎！因為擺得都真係幾靚*而且入口都幾fresh💕再嚟呢個fish n chips 佢哋個魚好似酥皮咁樣, 完全唔似出面食開勁厚粉漿嗰啲，而且易配埋佢哋個醬汁，一啲都唔油膩！大推！魚一啲都唔腥，而且魚皮非常之香脆可口，魚肉亦都幾滑又唔會話太鞋💕💕另一個重點推介，係佢哋個心太軟幾得意㗎！朱古力蛋糕中間係空心，一不出嚟d朱古力勁流呀🤣🤣