Lockeroom Dining (朗晴坊) (已結業)

今日去旺角睇戲，睇完去咗朗晴坊食野，見到有間新開既餐廳，食物款式都唔錯就去試下~腐皮蟹子沙律 ($55) 呢個同元氣果件腐皮蟹子壽司好似🤤 呢度都好好食，入面青瓜好爽脆外而腐皮甜甜地，好開胃好好味鹹蛋黃雞翼 ($45) 本身餐牌係水牛城雞翼，但黎到唔知點解係鹹蛋黃雞翼，對我黎講係仲開心，因為好鐘意食鹹蛋黃😆 雞翼都好吸收到鹹蛋黃既味道，炸得剛剛好芝士流心玉子大啡菇 ($55) 呢度全部小食都好高質，大大隻流心蛋放係大啡菇上面，好香好濃，入面仲有菠菜，好似egg Benedict將包轉咗菇咁🤪 表面層芝士都好正好開心呢度連主菜都好食！😍因為普遍食過呢一棟既其他cafe質素都麻麻。海鱸魚柳香草醬意大利燴飯 ($85) 魚煎得好香，啱啱好。而下而既飯係好重香草醬味，煙煙韌韌十分正最後都係叫咗個熱香甜鬆餅 ($55) 2層鬆餅都好鬆軟，蛋香好重，口感實在得黎又唔算好乾身。雪糕都好好食，好creamy!!同pancake 一齊食好好味

本身以為樓上cafe野食唔會特別好，是但叫完個set真係有驚喜！所有野擺得好精緻，你feel到唔求其，味道仲真係幾好！一開始有沙律、湯同蒜蓉包，個蘑菇湯真係落足料，好重菇味，蒜蓉包熱辣辣好鬆軟，唔會食到好dry。個main既黑毛豬好好食，唔韌，個汁撈埋好香，伴碟有帶子、翠肉瓜，蕃薯mash，成件事好清新唔會感覺好油膩。仲有個carbonara 唔記得影，十分creamy，唔係好稀既蛋黃醬，再加埋咸蛋黃薯角、甜品，勁滿足，會再黎😌

Set dinner會有蒜香牛油法包、沙律菜、是日餐湯、主菜和一杯飲品。蒜香牛油法包質感幾香脆, 蒜蓉味很突出。沙律以一個玻璃瓶盛載著, 還會附上芝麻醬汁以提升味道。除了有沙律菜之外, 裡面亦有荔枝味的爆珠。今天的餐湯是黑松露蘑菇湯。低溫煎焗挪威三文魚柳 - 會伴上菜心、蕃茄🍅、番薯蓉、忌廉汁蘑菇。三文魚肉質也算嫩, 三文魚皮煎至香脆。我幾喜歡充滿忌廉汁的蘑菇, 很惹味。香烤牛肉眼扒拼法國鵝肝熱香甜鬆餅細細個, 幾鬆軟, 切開時還冒著煙的。朱古力心太軟配香草雪糕 - 上面有塊朱古力薄脆, 朱古力味幾香濃, 心太軟有流心效果。

朋友帶我來到這間位於旺角，以足球為主題的 cafe。晚市套餐的價錢相當合理，絕對掋食。水牛成雞翼 ($45) 一客有五件，水牛成醬汁微辣，十分惹味。性價比極高的紅白酒，只需加$25便可由餐茶轉酒，味道還不錯呢。蒜香牛油法包是即叫即烘的，鬆脆香軟，蒜味濃郁。沙律賣相吸引，用了新鮮的沙律菜配上甜醋汁，讓人開胃。最令人驚訝的是加了爆珠，令口感昇華。餐湯是西式的青蘿白牛腩，口感較 thick，是真材實料。法國原隻春雞 ($128) 份量十足！雞皮燒得香脆可口，雞肉也能保持嫩滑多汁，就連伴碟的紫薯蓉和冰菜也相當好吃 以此價錢來説，絕對超正。朋友點的肉眼扒拼法國鵝肝 ($188) 也非常吸引，他點了 medium 熟度，牛扒也煮得恰到好處，腍而入味，一點筋也没有。上面的法國鵝肝也是畫龍點晴，煎得香脆可口。最後以甜品法式焦糖燉蛋 (+$22) 作結，雲呢拿味凸岀，整體不會太甜。原來旁邊還有穌餅，真吸引！

朗晴坊不嬲都臥虎藏龍，今日返工時搵餐廳見到呢間新餐廳，菜式幾靚又唔貴所以想去試吓。我地係放工時段入去食既，一入到門口，員工個個都好有禮貌，禮貌方面係比得上酒店級數。再者，入到餐廳你即時會被濃厚嘅足球氣氛包圍，完全知道間餐廳點解叫做Lockerroom 睇到呢幅牆，我係有點驚訝，阿仙奴嘅施治同埋皮利斯起碼差左成日decade咁耐，但都親筆簽名過比老闆。可想而知老闆對足球嘅熱愛程度。就坐後，看看Menu, 在員工幫忙介紹下最終選擇了C和F餐。食物方面，佢第一道菜係沙律, 但係已經over my expectation. 你可以睇吓佢用嘅器具同埋橙色嘅爆珠，口感係魚子，味道是甜甜的果味，好得意呀店員仲會提供埋黑醋去調味，不過個人認為唔使加已經好好味。另外，蒜蓉包深得我心，雖然係前菜嘅一部份，但係好脆好香，甚至有水準過好多麵包舖。至於湯的方面湯既口感幾綿滑，唔係好似一般罐頭湯稀稀既口感。飲完好想Encore. 前菜d食物量已經幾豐富，主菜到來前其實都已經有飽腹感。可是，主菜一到，看見賣相馬上又有胃口了 鵝肝加肉眼扒鵝肝好大舊 見到都流哂口水 煎得岩岩好 好香好creamy 既鵝肝味。肉眼扒雖然

一入到餐廳，環境好舒服，裝潢都頗精緻，而且沒有油煙味，非常之驚喜而且餐廳的服務好好。最後同朋友食完2碟嘢，都坐左好長一段時間，侍應都有keep住不停幫我地refill水，真係太體貼了。最後從用餐時間到離開，一共坐左1.5h，都算系咁，環境仲要好安靜下！雖然當時餐廳都冇咩客人，不過侍應都有同我地講有用餐時間限制。不過冇所謂啦，因為真系好好坐，而且服務態度好好。冇記錯，lee個系雞扒~  d 汁好香，而且有紫薯蓉！食得出系佢地自己買D紫薯打出黎嘅，因為好新鮮，而且應該有mix牛奶or牛油？好香滑hmm，lee個唔記得系咩（好後悔冇影低餐牌），上面嘅系魚扒，好新鮮，而且D飯好咸香！話雖如此，又唔會話太咸！！！真係食完一淡仲想食！太滿足的一餐！分量又足夠，價錢又合宜~ 環境又舒適

星期六同老公去旺角朗豪坊逛街，想起朋友之前介紹過的一間餐廳在朗晴坊(就在朗豪坊隔離)，先望望水牌原來很多餐廳選擇，我地最終上了Lockeroom. 因時間尚早，我地係第一枱客， 侍應帶我地到一個特色座位坐低，幾 romantic 😀。餐廳裝修以足球為主題，紅色座椅頗有氣派。晚套餐價錢非常合理，我地點了兩個晚餐，有齊沙律、湯、包、主菜、餐飲，仲可以半價加甜品😋。  不論食物質素, 服務都給我們很多驚喜, 我地非常滿意這晚餐, 在旺角地區竟有如此高質餐廳, 超乎我們預期。 沙律以密封樽上, 配黑醋非常好味蒜蓉包夠香脆, 好正(真係好想encore)餐湯好好味主菜: 香烤牛肉眼扒拼鵝肝 ~鵝肝煎得夠香脆, 入口溶化(好罪惡但好好味呀  牛肉眼扒肉質鮮嫩夠juicy 配菜用了冰菜及紫薯蓉 主菜: 燒烤黑毛豬肉拼北海道元貝 ~豬肉好味夠juicy心太軟配雪糕 ~非常有驚喜, 超有水準, 平時不食甜品的老公也大讚Tiramisu ~單賣相已贏晒, 佢特別之處是, Cream Cheese 下面混入了咖啡啫喱及脆脆, 口感非常豐富, 好好味

我同朋友一早book咗呢間餐廳嘅晚餐時段，入座時已坐滿九成座位，好熱鬧。現場嘅佈置已婚禮做主題，都幾有心思，但係座位之間就比較狹窄。套餐包沙律，湯同飲品，價錢由$108至188不等。以西餐嚟講，絕對唔貴。沙津用玻璃樽盛載，配上以花為主既餐具，充滿浪漫情懷。餐具非常精緻。要大讚呢度嘅蒜蓉包！蒜味十足，口感香軟，令人回味無窮，相當出色！餐湯(甘筍湯)，淡淡既甘筍味道係口中彌漫，係好舒服嘅味道，唔會太濃太膩。黑松露蘑菇湯有粒粒細碎嘅蘑菇，口感豐富，濃稠。黑松露味道突出，但略嫌不夠creamy。整餐飯最滿意就係羊架，有淡淡唔過火既羊羶味，香氣逼人，啖啖肉。香腸外脆內軟，十分香口。配菜紫薯香甜，口感柔滑，有中和膩感之效。而牛扒則比較熟，如果冇咁熟就會比較好。水牛城雞翼配上特製醬汁，辣度容易接受，雞翼皮脆肉嫩。Tiramisu，上層係柔滑既忌廉，下層係朱古力同咖啡味嘅啫喱同蛋糕🧁咖啡味道偏苦，唔會太甜，個人都偏好呢種苦澀，唔錯。整餐飯美中不足嘅係牛扒太熟，其他都相當有水準，價錢亦都好親民，蒜蓉包非常好味，推薦大家試吓

呢間餐廳以足球為主題，地下鋪上人造草地，牆上掛上球衣，相信足球迷應該會幾鍾意係呢度聚會🤣🙌🏻.Set dinner 有幾個選擇，價錢合理，份量又夠大👍🏻Set跟一個沙律、餐湯同餐飲。.香烤美國1855牛肉眼扒拼法國鵝肝 $188五成熟，塊扒望落既視覺效果係好大塊！牛扒薄身，肉質幾嫩、juicy，唔錯呢！薯菜既部分好豐富！👏🏻而紫薯蓉真係好正🤤💜法式焦糖燉蛋$45(跟餐半價)係自家製既味道，唔錯，如果大個啲會更開心🤣.蟹肉芒果木瓜沙律 $65好多配料，味道豐富，而且夠鮮甜😋.白松露忌廉美國雞脾扒 $95呢個都好大份！👏🏻望落好吸引😍 雞脾啖啖肉，肉質算滑👌🏻白松露炒雜菌好好味！🤤

今晚同朋友小聚 因為大家都好忙所以揀左個大家都就腳嘅地方 又覺得旺角食黎食去都係果啲所以今次就去左近朗豪坊嘅朗晴坊覓食聽講八樓呢間lockeroom係新開嘅餐廳上到去就知道係用足球⚽️做主題牆上面都掛左好多簽左名嘅波衫仲有一面牆全部都痴滿左球星嘅卡都幾有特色架野食黎講都幾多選擇 又唔會太貴我地兩個人叫左一個set dinner share1855牛肉眼扒拼鵝肝五成熟咁咁好 啲肉好嫰 唔會痴牙鵝肝都係厚切 一啲都唔馬虎蛋黃醬焗波士頓龍蝦好味 啲肉幾新鮮 個鉗好多肉添之後仲叫左兩個小食 咸蛋黃薯角 佢個咸蛋黃係薯角隔離 你中意要幾多就幾多 唔會話好滯仲有炒雜菌 好入味另外要提嘅就係呢個好多review都讚嘅法包因為真係好脆好好味架餐廳入面有一個好有特色嘅位架大家想知係點樣就要去試下啦！

用心小店 浪漫又足球感的新餐廳今日朋友帶左我去一間旺角樓上Dining新餐廳,地點係朗豪坊CINEMA旁的大廈幾便利就腳,店內的佈置行草地足球系但又有些GRAND的紅色高級餐桌加皇冠型小LED燭光,其中一台更是王子公主心的風格小帳台,格調高級而又不失輕鬆,打卡不錯,同RELAX的Dining氛圍餐廳~,鬧市中的小小寧靜處,總體環境不錯,地方坐落舒服,聊天談心是不錯的地方~.DINNER SET應該係必點之物,因為跟SET叫甜品就會有半價 性價比極奇高呀*是日餐湯係牛腩青蘿蔔湯,滿滿蘿蔔蓉,湯味香濃,有小小中式味道,但個英倫風HIGH TEA碗成件事又GRAND左*沙律用樽裝感覺就輕鬆CHILL感多些,沙律菜幾新鮮 入面仲有爆珠啫喱,配以黑醋,味道清新~*蒜香牛油法包 香脆可口,陣陣蒜香牛油很入味,*香草燒法國原隻春雞真係唔係春雞咁簡單,係燒巨雞喇~份量極大份,兩人食都可以肉汁保留得很足,外面呈金黃色,啖啖肉*燒烤醬西班牙黑毛豬梅肉併北海道元貝黑毛豬梅肉油潤甘香，肉嫩多汁，口感味道遠勝一般豬扒,北海道元貝彈牙爽口*白松露忌廉炒野菌又係必點之物,性價比高,秀珍菇 雞比菇 冬菇 白松露共冶一

同朋友行行下旺角，就黎到呢間係朗豪坊隔離既朗晴坊搵食！一入到去，個場佈置到好似酒店西餐廳咁！感覺好fancy!周圍仲有好多關於足球既佈置！氣氛超級好，播住啲好令人舒服既音樂，非常之chill!好適合兩個人黎撐枱腳。鹹蛋黃香脆薯角$35熱辣辣！ 薯角炸到好香，但唔會太硬身，入面唔係空既。同埋真係會食到鹹蛋黃嫁！卡邦尼意大利扁麵配溫泉蛋$85份量麵幾多，夠兩個人share！佢既汁比較稀，味道正正常常，無乜特別。香烤美國1855頂級牛肉眼扒$185勁勁勁大塊！差唔多有三隻手掌咁大！嗌左5成熟，佢係比較薄身，肉汁唔多，牛味唔算重，不過呢個價錢食到咁大塊牛扒都算唔錯！配紫蕃薯溶好特別！英式炸魚薯條$65正！炸魚炸到好香脆，配個青芥末醬，吱少少檸檬汁落去，成件事好fresh!不過佢比較易散，切果陣要小心。 佢既配菜都好好味，唔係得個樣！竟然仲有爆珠！草莓梳打$39佢唔會好甜，完全無藥水味，陣味似士多啤梨糖既味，我幾中意！雜果賓治$39好清新，佢又唔會酸，幾開胃，可以一試

餐廳門口有關足球嘅擺設，入面又有波衫同球星的相原來餐廳係以足球做主題，但一間以足球為主題的餐廳黎講，都唔算話超多足球的裝修～環境就幾寬敞，唔算好嘈。今次因為二人都比較飽，淨係叫左兩個主菜，連飲品都無叫。我見隔離就有叫dinner set，仲話跟餐果個忌廉湯幾香幾好飲😌卡邦尼意大利扁麵配溫泉蛋 － $85食物份量普通，一般cafe都唔會話好大碟，呢度份量就還可以啦！煮得好香同creamy，煙肉帶少少咸香味，忌廉十分奶滑！個扁意粉唔會好硬但有口感～原本見呢間餐廳無咩名氣，價錢又唔高，都無咩期望，點知質素都幾驚喜！法國鴨肝牛肝菌意大利燴飯 － $95因為用左黑松露醬，一聞已經好香～鴨肝好入味呀好食！牛肝菌配合忌廉醬汁所以都幾香滑，整體滿意！我地二人食飽坐左陣，見附近幾檯的食客都坐左好耐，都無話會趕人走，什至不停幫我地加水，服務好好！同朋友Gathering會係個唔錯嘅選擇，食物味道出乎意料之外，性價比合格！

如果男朋友鐘意阿仙奴既話 不妨好似我咁訂定Lockeroom俾個驚喜佢⚽️❣️Lockeroom位於朗豪坊地下戲院售票處既對面 旺角地鐵站一出兩分鐘內就到 十分方便😂 上到去你就見到唔同既簽名波衫😍 我就唔係好認到係邊隊 但我男朋友一見到雙眼就開始發光😂🤭入到去當然仲有更多既簽名球衣 裝潢都十分特別 地下鋪左人造草皮 亦有一塊滿滿都係球星小卡既牆😳連manu都十分有心機 background係足球場😳我地叫左兩個Set Dinner 分別係西班牙黑毛豬拼元貝同肉眼扒配鵝肝🤤 有齊沙律湯脆卜卜麵包主菜同野飲都只係HKD168同HKD188😈 如果想加甜品仲可以半價 以慶祝紀念日泥講又真係幾抵食😛餐湯係蔬菜湯 有好多一顆顆蔬菜粒粒 完全感受真材實料 又好好飲😚至於主菜黑毛豬方面 因為我最驚啲煎到好硬既豬食落去會好乾 所以呢塊稔稔地易切對我泥講就岩岩好 配上BBQ醬好鬼正❣️肉眼扒我地叫左五成熟又係perfect池 啖啖肉又有肉汁 可以一戰😈

平時去開朗豪坊shopping 都只會係返朗豪坊入邊搵食，但其實戲院旁邊有一棟美食大樓，上上下下都有唔少精彩小店，今日老公帶我去咗 Lockeroom ，裏面人頭湧湧！原來大家都係足球衣嘅愛好者，都可以話係男人嘅一個聚腳點。估唔到裏面嘅裝修都幾別緻，我哋兩個坐係一個好似鳥籠嘅卡位，仲有珍寶size嘅球衣，識佢方面都幾精美價錢又唔貴。Dinner Set 啱我哋口味，落好order好快有得食。精選沙律估唔到沙律賣相咁靚，連襯托嘅碟都特別漂亮，三文魚魚子配新鮮嘅沙律菜，用櫻花碟奉上黑醋汁，咁你就睇到心思所在啦！湯 & 蒜香牛油法包蒜香牛油法包新鮮熱辣又惹味。南瓜湯入口好 creamy，用上雲石 pattern 嘅英式茶杯，我其實覺得自己係高貴 high tea 緊。燒烤醬西班牙黑毛豬梅肉併北海道元貝 $168BBQ燒烤醬十分惹味，西班牙黑毛豬梅肉肉質特別軟滑，入口肉味濃郁。併北海道元貝爽滑彈牙，質素挺好的！香烤美國 1855 牛肉眼扒併法國鵝肝 $188香烤美國 1855 牛肉眼扒生熟度剛剛好，油脂分布平均，牛肉味香濃，食到回味再回味。併法國鵝肝更加係錦上添花，我講入口肥美，油脂甘香美味。