Little Fresh Cafe & Bar (已結業)

老實講，我真係好耐無係旺角食飯，坦白講之前換來一次又一次嘅失望。因為一個機會，我再返黎呢頭路過。行到門口，有張好靚嘅「雲」椅，都幾可以吸下睛，坐上去「發夢」，或者幻想自己坐係舊雲度飛下。日落呢幅畫幾有意境，好像坐係度你能睇到日落咁。好想叫咗杯flat white，36元，啡底小小烘，奶剛剛好，飲到尾仍然keep到，有水準。呢碟幾特別，係煙熏迷迭香雞翼，78元。上菜個陣完全唔知發生咩事，未幾見店主用火槍燒一燒個香草，煙熏香草即時出哂黎。雞翼本身係醃左，亦都已經煎過，臨食之前再用香草熏下，個味再出。初初係度諗，唔會係肉有血未熟，完全唔會，熟哂，同埋juicy！店主曾經做過法式餐廳嘅經驗，呢種煙熏方法係參考整cocktail，真係眼界大開。香港人繼續創意應用無限，支持住佢地小店繼續經營嘅，係一種堅持，係一種信念，賺唔賺次要，而有人肯定佢地嘅能力更為重要。係呢個世代，企得穩，可以勇敢站出來嘅，我真心佩服，亦相信佢地對自己出品有要求，突然推翻咗「旺角樓上cafe好伏」。臨尾店主俾左張coupon我，可以再去幫襯，正呀喂。

Surprisingly good food, nice staff as well.Found this restaurant by looking at OpenRice in Mongkok location for western food and came upon this restaurant.Did not have any expectation going into this dining experience but this was a pleasant surprise. Food was really good, great soups, great steak, great fries!Also ordered the Risotto, linguini, penne pasta which was fair. I would definitely recommend the soups and steak. The staff there was really nice and provided good service. 

約左好友係油麻地晚餐，大家好耐無見想舒舒服服坐底傾下計，上OPENRICE見到呢間樓上cafe，好多人推薦而且環境舒適，地點又近地鐵站，一於試試！ Little fresh燈光偏昏暗，氣氛浪漫，充滿情調。獲安排坐窗邊位置，可以望到街景，正～晚餐有唔少選擇，老闆好細心咁介紹推薦菜式，好親切好NICE，加分！ 紅菜頭甘筍濃湯 HK$48熱辣辣既紅菜頭湯味道清甜，高纖又有效排毒去水腫～蒜蓉多士烘得脆卜卜，很不錯。 芝士煙肉薯泥熱鍋 HK$68薯泥口感滑滑綿綿富薯香，食落有粒粒薯仔粒，並伴以香濃芝士及煙肉，層次豐富，滋味又香口～ 黑松露什菌意大利飯 HK$128充滿黑松露獨有的香濃氣味，香氣四溢，飯粒控制得非常好，口感煙韌有咬口，不會過於濕潤或過硬~拌入芝士及什菌，味道濃郁，夠哂creamy，推薦！ 法式甜酒西班牙杜洛克豬肉眼扒配紅菜頭醬 HK$198帶少許油脂的豬肉眼扒肉味濃郁，充滿肉汁，口感軟腍香口，不會過韌。配上紅菜頭醬出奇地夾，配菜有薯蓉、蕃茄等。 自家制焦糖燉蛋HK$58自家制焦糖燉蛋口感嫩滑，味道濃厚，入口香甜滑溜，面層的焦糖皮脆卜卜，很不錯！

我又去了旺角搵食，旺角食店多不勝數，朋友推介這家餐廳，西餐還可配美酒。南瓜野菌湯 $48濃湯南瓜味突出，香滑順喉，野菌香，幫助打開胃口黑松露什菌意大利飯 $128意大利飯有質感，軟硬適中，黑松露濃味又突出，令味道提升，惹味芝士煙肉薯泥熱鍋 $68薯泥香滑，底層香軟，芝士味不算突出香草遲煮雞胸配迷迭香莎莎 $158雞胸嫩口，味道較淡，低鹽更健康，配上香滑薯茸，燒蕃茄，瘦身必食鐵板朱古力布朗尼配雜莓雪糕 $88朱古力漿淋上鐵板，一陣蒸氣，賣相一流，雜莓雪糕包著果肉，酸酸甜甜，化解朱古力甜味。滿足的一晚

好耐無去啲樓上cafe，經朋友介紹下去左呢間旺角嘅cafe，環境靜靜地，而且食物仲幾好味啊！紅菜頭甘荀濃湯— 平時好抗拒食紅菜頭，但呢個湯幾有驚喜。甜甜鹹鹹咁樣，絕對唔係平時食開嘅苦味。西班牙海蝦蛋餅— 裏面真係夾住幾隻好肥美嘅蝦，而且新鮮彈牙。好濃郁嘅蛋味，如果可以加返少少調味就更好啦。南瓜蟹肉芝麻菜意大利飯— 好creamy，滲滿南瓜汁，再加埋啲芝麻菜，感覺非常健康😆😆法式龍利柳配檸檬薄荷醬— 以$168咁嘅價錢，有咁大塊龍利柳真係幾抵食～而且廚房煮到啱啱好，入邊非常嫩滑。下邊仲有啲薯蓉同埋配菜，所以食材方面都幾豐富。最後再嗌左brownie做甜品，倒啲朱古力落熱辣辣嘅鐵板上面，‘咋’一聲蒸發左上嚟非常香😋熱嘅brownie配埋凍嘅雪芭，好味！啱晒我呢啲甜品控🍫我同朋友都食到好飽，下次可以嗌少啲野，呢到好適合坐一個晏晝啊🌄

想同朋友來個Girl's Talk  就選擇了這間提供法式菜的咖啡店 甫入店內 佈局簡單乾淨 藍白色希臘風 加上大玻璃景觀 是享受精美餐點的好地方 . 南瓜野菌湯 味道濃郁，而且足料，湯內有很多野菌，另外用法包沾湯吃也好美味。 . 西班牙海鮮蛋餅 好香洋蔥味，蛋餅厚而嫩，每一口都吃到蝦道。 . 主菜：法式頂級龍利柳配檸檬薄荷醬 龍利柳外層烤得微帶金黃，肉質滑嫩，味鮮不腥，沾上旁邊的檸檬薄荷醬更顯清新。 底部的薯菜充滿牛油香。 . 法式焦糖蘋果吐司 上枱時有著濃濃的肉桂味。厚厚的吐司上鋪滿香烤焦糖和甜甜酸酸的蘋果粒。美中不足的是焦糖有點痴牙。 .

How's your comment on which it developown style in different culture perfectly?-竟然比我搵到一間高質樓上Café，仲要係以正宗手法烹調既法國菜，無論擺盤、細節、服務都絕對有High-end餐廳水準，同我去開既樓上Café絕對係兩個層次，上菜既時侯Staff會好細心同你介紹呢道菜既特點同配料，價錢仲係大眾化，性價比咁高，唔怪去到既時侯，餐廳己經爆哂埸啦！👇📌 南瓜野菌湯 - $48👉 先黎個最受歡迎既精選餐湯先，呢個南瓜湯犀利啦！當中落足料，啖啖都食到一片片野菌，加埋細滑既南瓜蓉，兩者結合令到成件事香味直撲鼻裡深深處，飲落又夠南瓜鮮甜味，第一印象已經好高分！📌 西班牙海蝦蛋餅 - $68👉 驚喜呢家野唔可以比佢停呢！作為西班牙Tapas既排名第一，非蛋餅莫屬啦！用鐵盤送上可以為蛋餅保溫之餘仲可以有種新鮮滾熱辣既感覺，蛋餅色水唔錯，入面海蝦係非常新鮮，彈牙爽口，呢個絕對係必食之選！📌 南瓜汁燴牛油蟹肉芝麻菜意大利飯 - $138👉 到主菜出埸啦！再次有請南瓜做我地既主角，開左個頭，真係停唔到口呀，呢個Risot

其實食物一般，我地分別5個人，點了豬肉眼扒及海蝦燴意大利麵，同出面食嘅差不多，其後飲品點了朱古力曲奇沙冰、椰子水、香某拿鐵、青檸薄荷梳打及熱朱古力，我杯朱古力不太甜亦不會淡而無味，對我嚟講算係唔錯，另一位朋友點嗰杯梳打表示完全冇薄荷味，最後埋單時店員過來說如果每人喺Facebook like & share，人頭計每人可以減$10，因為朋友冇特別check 單便簽帳，翌日才發現簽單同店收據銀碼不符，另更發現所謂人頭每人減$10係完全冇減過，只怪顧客自己唔check清楚之過，大家要小心呢間店，蝕$之餘仲要幫佢間舖做埋宣傳，實在太過份。亦奉勸各位埋單碌咭要睇清楚先好簽名。

想當年，恆威好多board game cafe，我同湜澄爸都留低過唔少腳毛（雖然佢話唔記得）。今日我地食西餐。身為南瓜控， 🍄 #南瓜野菌湯🍄 走唔甩，好多好多野菌，南瓜湯好香好濃郁，估計唔多 cream，所以有啲口感，但冇咁膩，我鍾意。接力係 🎃 #南瓜汁燴牛油蟹肉芝麻菜意大利飯🎃，意大利飯嘅心有少少硬，但我覺得咁先係意大利飯應有嘅！ 如果個汁再杰身少少就更好😊雖然等咗好耐先有 🐔 #香草慢煮雞胸配迷迭香莎莎🐔，但完全值得等待。慢煮雞胸夠淋夠滑，迷迭香莎莎有少少辛辣，非常開胃。薯蓉加入粟米係好細心嘅選擇，增加香甜同口感。超級驚喜係 🍨 #鐵板朱古力布朗尼配自家製雜莓雪芭🍨，熱辣辣鐵板上，淋上朱古力汁有聲效🤣。酸溜溜凍冰冰嘅雜莓雪芭配甜蜜蜜暖粒粒嘅布朗尼，每一啖都好滿足。😌仲有 🍳 #西班牙海蝦蛋餅🍳，好似婆婆嘅家常菜，原來可以變成西餐高級菜！要學下😁

朋友話想去旺角嘅時候搵間靚靚Cafe坐低傾吓計所以就同朋友嚟咗呢間位於18樓嘅餐廳小食方面叫咗白酒煮青口同鐵板牛柳粒份量係比較少但係食物質素唔錯 尤其推薦白酒煮青口煮食方面就叫咗拿破崙香腸扁意大利粉味道唔錯 嘢飲方面就叫咗熱嘅cappuccino 同埋草莓水果茶店員服務態度非常之好 好貼心問我地需唔需要糖 紅茶需唔需要少甜等等另外呢間野開到凌晨兩點嘅所以同朋友行街下野坐都唔使怕無位食夜晚 不失為旺角樓上cafe嘅好選擇

這個7月心情很沉重，我相信很多人都同我一樣。不過，我們不要氣餒，繼續支持自己堅守的事。今天給自己休息一下，暫時忘記憂慮。位於鬧市中油麻地A1出口 上到黎好似去咗第二個空間咁，天花就像天空看着有種舒服的感覺。🔹南瓜野菌湯 $49湯面頭看到有層油，原本覺得會好油咁..所以好奇一問🤓這層‘油’是欖油，是很健康的💕而且煮既過程中係無落過任何油，sᴏ ɢᴏᴏᴅ👍🔹芝士煙肉薯泥熱鍋 $68我同朋友都係薯蓉愛好者🙆🏽‍♀️薯泥面頭煎一煎過咁，薯蓉整得好好味而且食到薯仔粒，唔似出面有啲餐廳剩係用薯蓉粉整...食晒都唔會覺得口乾👄呢個我地2個一致認為係‘超級正’🤤🔹南瓜汁燴牛油蟹肉芝麻菜意大利飯 $138口感很豐富既意大利飯，賣相好似無咩沒特別咁，嗱....千祈唔好睇表面咁簡單，食落包你喜歡💛意大利飯煮得夠軟身，食飯既時候仲食到南瓜汁的味道帶點牛油香，放了蟹籽令整體好有嚼口，原本我夜晚係食好小飯飯，都忍唔住食曬了😙🔹法式甜酒西班牙杜洛克豬肉眼扒配南瓜醬 $178牛既肉眼扒就食得多，豬既肉眼扒就好小食🐷ᴛʀʏ ᴛʀʏ先🍴呢隻豬算係黑毛豬既fd，呢個比較好少見賣相好吸引，有香料作點綴🌿豬肉眼扒底下有南瓜醬、薯

// 🍴如果想同朋友坐低慢慢食野傾計 去cafe就最好不過而旺角出名cafe多 但就唔係每一間都高質素我最近去呢間零負評cafe就好推薦大家去 💁🏻‍♀️店舖面積唔算好大 但都適合二人 甚至五六人既聚餐 (當然要預早book位 因為我去嗰日都好full🤭)我最鍾意餐廳環境係採用大玻璃窗既設計 空間感好夠 坐窗邊位望出去好舒服寫意.🔹南瓜野菌湯屬於比較稠既湯 唔會好稀好淡似飲水咁野菌份量好多 如果南瓜味再濃啲就更正.🔹芝士煙肉薯泥熱鍋芝士煙肉再加上說來既配搭簡直無得輸薯泥既底部有微焦 食落去軟綿綿得黎又帶點脆.🔹黑魚子白汁煙三文魚燴意大利扁麵煙三文魚既份量夠哂2個女仔share加上我自己偏好意大利扁麵 多於意大利粉 煮得比較入味之餘 每條麵都有掛汁既效果配上濃郁既白汁 相對上可能對愛清淡既人士比較膩 但我就非常滿意.🔹法式甜酒西班牙杜洛克豬肉眼扒配南瓜醬個人覺得呢個絕對係必點單品 我比較少食豬扒 因為覺得全熟肉質比較實 唔係我鍾意食既口感但店主推介呢個豬肉眼扒 食完果然無後悔試肉質係非常腍 而且肉味同平時食既豬肉係真係唔同至於醬汁方面 南瓜醬為點綴都幾夾 但係分量就略嫌唔夠多 唔足夠點哂成

🥕紅菜頭甘荀濃湯 $48 幾特別 真係好紅菜頭🙈 佢個蒜蓉包 🥖好脆沾湯食一流🍤西班牙海蝦蛋餅 $68 佢用鐵盤 熱辣辣咁上 好正 口感唔似平時果d 蛋餅甘實淨硬身 d蛋都幾嫩口 🥚唔會好乾而且好有鑊氣 ♨️香噴噴 ❤️入面嘅蝦仁唔係用急凍蝦，而係用鮮蝦🦐即拆殼即整，所以食落肉質彈牙，鮮味十足👅🥘南瓜汁燴牛油蟹肉芝麻菜意大利飯 $138 呢個鍾意食南瓜嘅人一定會好鍾意 除左一食落去明顯南瓜的甜味外 仲有鮮甜的蟹肉味 🦀因為d 蟹肉滲係飯入面 再加上蟹子的脆脆口感 好特別😽🐽法式甜酒西班牙杜洛克豬肉眼扒配南瓜醬 $178 呢個豬扒🐷真係值得一大讚 ❤️唔只上碟個賣相幾靚 😍睇得出廚師👨🏻‍🍳ge 心機 煮的時間🕐掌握好好 所以豬扒肉質好嫩滑 配埋個醫 好正 好難得小店cafe 有甘好的質素 👍🏻 佢薯蓉都都一d 都唔馬虎 加左粟米 增加佢的口感👄🍦鐵板朱古力布朗尼配自家製雜莓雪芭 $88 熱辣辣嘅鐵板淋上朱古力醬加上凍冰冰嘅雪芭同埋brownie 一齊食 簡直一流 冷熱交錯 🤩加上酸酸地同好朱古力🍫味 口感好豐富😋🏙：環境唔錯 最驚喜 天花係假

朋友介紹我黎little fresh cafe and bar,話西餐水準高。餐廳係樓上舖，大廈門口都幾隱蔽，搵左陣先見到。上到黎覺得佈置幾relax，藍天白雲天花圖案，襯托窗外景色。♥️1.紅菜頭甘荀濃湯 $48平時少飲，所以特地試下。個湯好紅，飲落幾清新。最愛那片脆卜卜的蒜蓉包，蒜蓉味超濃。🥓2.芝士煙肉薯泥熱鍋 $68連鍋上桌，還在滾呢，新鮮出爐，面頭芝士焦香，女女好喜歡。🍚3.南瓜汁燴牛油蟹肉芝麻菜意大利飯 $138蟹子混入飯中，增加飯的口感，意大利飯軟硬適中。🐷4.法式甜酒西班牙杜洛克豬肉眼扒配南瓜醬$178豬肉眼扒採用了西班牙黑毛豬🐷，超級juicy，入口爆肉汁，十分肥美嫩滑。🍎5. 法式焦糖蘋果吐司 $88味道幾特別，加入甜品比較少見的八角及薄荷葉，第一次食這樣的多士😂。宜家他們做緊3種優惠:一、咖啡買一送一。二、定枱講出優惠碼B43889，可以有9折優惠。三、like and share facebook or ig,人頭費減10元。

今次去喺同一個由細識到大嘅朋友食生日飯🥰大家都一直好懶，不過朋友唔洗常見面嘅，心裡常掛念架麻🤣🤣 喺網上面見到有介紹話幾好，所以就試下訂位食飯。我本身係路痴加上落雨，結果要打電話去問位置🤣🤣不過食店d人好好都好有耐性解釋。。。😂 環境方面，個晚上到去都多人，因為地方唔大，真係有d迫。食物選擇種類還好，不過地方唔大食物選擇多反而對食物水準無好處。我地點左個dinner set, 叫左拿破崙海蝦扁麵，因為我偏好扁麵多過意大利粉😏我本身係無食野想留肚食呢餐，所以就算我朋友佢已經食左d野，我又忍唔住叫左炒什菌，松露醬薯條同好多人會叫嘅迷迭香鷄翼個dinner set完全無hea你，個沙律好有誠意，首先唔會好細份或俾菜碎你，新鮮嘅沙律菜加左d海鹽同橄欖油，真係好正👍👍 跟住個海蝦扁麵，先要讚下海蝦蝦身部分係去殼，完全貼心，個麵對我黎講係軟硬度剛好，醬汁多寡剛好😚有驚喜嘅係炒什菌，蘑菇汁多，什菌多，仲好creamy, 比食開嘅唔同，不過係鹹左少少，但係好食的😎當日我見枱枱都叫迷迭香鷄翼，我又試下。店員好有心咁逐枱黎即刻點迷迭香即時煙燻鷄翼，仲解釋左理念。一試之下，果然會比hea放幾條迷迭香乾條入味