Library Restaurant and Bar

营业中

休息中

這家餐廳打卡很出名，餐廳佈置的確很有特色。每一處空間都精心佈置過。門口有幾個沙發卡廂進去之後，靠牆的位置放置了不少龜背葉、天堂鳥等，戶外用餐空間背靠清真寺，彷彿置身外國。餐廳上提供不少特色飲品、主食，入義大利麵、義大利飯、小食等。⭐️紅菜頭燴義大利飯$148這碟義大利飯非常搶鏡，鮮紅色配搭酸忌廉合芝士脆片，拌起來吃。紅菜頭的味道較淡，配搭酸忌廉和芝士脆片，味道更濃郁一些。⭐️牛肝菌義大利麵$168這碟意粉入口比較清淡，簡單的牛肝菌加上加上青檸汁，入口散發淡淡的青檸的清香，味道清淡而簡單的義大利麵。⭐️黑松露薯條薯條炸得香脆，加上黑松露醬汁，很不錯。⭐️zero coke

尖沙咀樓上打卡餐廳最近成日見到好多人對住尖沙咀清真寺打卡，原來就係呢一間位於樓上嘅 library and Restaurant可惜我去嗰日落緊大雨，冇得坐外面，冇得打返張清真寺卡。不過入邊嘅裝修，依然咁IGable，一出呢就已經帶有神秘感，絕對唔會比外邊嘅景色輸蝕。⭐️立鱗燒馬頭魚 $268立鱗魚燒得好脆，魚肉好滑加上魚子一齊食，非常有層次感，更加將個味道昇華⭐️意式肉醬闊條麵 $178餐廳自家製嘅闊條麵，完全係人手製造，唔怪得知識落係特別彈牙。加上佢呢個意式肉醬非常之creamy同埋Cheesy，夾埋一齊食真係好好味！份量雖然唔係特別多，但始終少食多滋味，會令到我好想再返去encore。

未試過食兩個意粉係可以咁咸😨咸到條痢麻痹😶Signature 都算有特色，好唔好飲就見一見志啦。環境係靚嘅，都可以打下卡。店員嘅服務態度唔錯，好認真去介紹酒嘅故事。但係佢嘅食物質素真係冇辦法同價錢成正比。Xxxxxxxxxxxxxxxxxxxxxxxxxxxxxxxzxx

終於到訪網紅餐廳，環境具時尚感又高貴。今日下雨，好可惜冇得坐室外！慢煮封門柳配薯蓉紅酒汁封門柳好腍身，而且有肉汁。如果你冇同佢地講要幾成熟，佢地會自動default 係5成。我揀左7成，冇血水滲出，煮熟度掌握得好好。薯容好滑，比其他餐廳更creamy，加咗紅酒汁，有另一番風味~香蒜蜆肉辣扁意粉賣相不錯，中間佢蜆肉特別大粒！辣得黎係惹味，吾太食得辣嘅我都接受到！蒜味不會好濃，不會食到個口成陣蒜味。餐廳仲有好多特色cocktail，下次happy friday 試下！

Ooo尖沙咀人氣❣️打卡餐廳ooO近期尖沙咀超人氣打卡餐廳📸人氣打卡位係室外位置，背後即係清真寺🕌️，配合佢奶油色既佈置及少許綠色植物整個場境打卡一流😍😍佢有預留一張枱位比大家打卡。佢門口位置設計都好特別，cyber 感多啲，打卡又有另一種feel👀Lunch Menu CP值都幾好,包湯或沙律🥗，甜品或茶。OooooO芝士肉醬配尖通粉 $148芝士肉醬汁味道唔錯，唔會太咸配尖通粉幾ok😊OooooO新鮮青豆醬燴意大利飯 $188青豆醬味道稍為淡左少少，可能我食濃味意大利飯，喜歡青淡既其實佢唔錯。OooooO荔枝綠茶🍹非常清涼又唔太甜，夏天好啱飲👍🏻提示👀！夏天坐室外，真係要諗清楚😂其實佢有預留一張室外枱比大家打卡📸所以大家可以考慮坐室內食，之後再到室外打卡。我31度🔥坐室外食，foodie為打卡真係去得太盡😣熱到溶左😜

一直人氣高企嘅尖沙咀清真寺酒吧餐廳，每日IG 都見到好多美女嘅露天位置打卡相😍充滿異國風情嘅餐廳，裝修非常有格調。太多空有其表毫無內涵的打卡餐廳，食物又貴又難食份量又少🥲完全唔會再去👋Bye 但呢到不只環境靚，係一間好有內涵嘅’‘圖書館‘’值得欣賞的是食物水準同樣出色🤤去完係會返轉頭😍重點推介：慢煮封門牛柳配薯蓉紅酒汁👍呢個真係好好食😋肉質非常軟稔，口感岩岩好，完全唔會鞋。中意食牛嘅朋友一定要叫呢個。立鱗燒馬頭魚配櫻花蝦炒蜜糖豆一黎到個賣相好吸引，魚鱗皮燒得好脆，魚肉好滑😊身邊朋友都大讚呢個好食！除左呢兩個主菜，其他都唔錯，蜆粉每一粒都好大隻，好鮮甜。唔逐一講喇，等大家去試。睇得出呢間餐廳係食物方面有擺心機落去，無論食物質素定賣相都是有誠意的👍而且餐廳員工服務很好，很Friendly 😊非常適合朋友聚會或慶祝生日的餐廳🎂

朋友上網見到呢間餐廳幾靚，話想試吓，於是早一星期book位，點知又中伏⋯⋯💩一上到餐廳發現前枱冇人，等咗陣又叫咗幾聲都冇人應，直至我哋自己行入去，個傾緊計嘅侍應先幫我哋安排入座。同朋友每人一份 lunch set，主菜叫咗個慢煮雞胸配蜜糖粟米醬同扁意粉配伏特加煙三文魚汁，點知等到隔離枱食完我哋都未上菜🙄仲要隔離枱比我哋遲嚟遲落單，叫埋同一樣食物，我一見到已經問侍應，佢一行埋嚟就拋低句“幫你追追”就走咗🙄🙄再過15分鐘，今次我直接問佢點解隔離上先，明明我哋先order又叫同一食物，都預佢係漏單多，只係想要句解釋，結果乜解釋都冇，淨係掉低句「已經幫你追咗」就走，真係不知所謂🤬等咗超過45分鐘...終於上主菜😩個慢煮雞胸同白烚冇分別，一啲味都冇，連個所謂蜜糖粟米醬都係冇味嘅，本身已經等到一肚火，俾200蚊食舊咁嘅野，真係火上加油🔥🤬至於個伏特加煙三文魚汁扁意粉，伏特加就唔多覺，伏就有！汁撈意粉加少少三文魚碎。😇兩個主菜份量都好少，連我極細食嘅朋友都話唔飽，加上呢個食物質素，只能話性價比極低。💀差啲唔記得佢杯餐茶，士多啤梨荔枝茶，勁大陣藥水味，一試難忘！🤢呢間餐廳食物好睇唔好食，服務又差，真係

是日同朋友出左尖沙咀覓食，發現到呢間樓上既西餐廳。餐廳環境唔錯，座位舒適，而且menu選擇多，服務員有禮貌。我地二個人試左野菌忌廉大通粉同豬鞍配蜜桃莎莎，另外會有埋沙律同餐湯。忌廉通粉好juicy, 一上台有好濃郁既忌廉香味，粉既熟度剛好，唔會overcook，又唔會太硬身。豬鞍同樣都好出色，食落啖啖肉，肉質滑溜，唔會鞋拾拾，配埋蜜桃莎莎，味道好夾。飲品方面，推介大家飲佢既熱latte, 奶同咖啡份量調配得宜，咖啡豆唔會太酸，夠滑！

用餐當日落大雨 戶外搭咗擋雨棚涼涼地坐得幾舒服餐廳環境好適合傾偈放工chill下飲下Cocktail食物精緻美味 員工態度都好welcome叫咗比較特別嘅Cocktail會同我哋Present最值得讚既係本來朋友生日係預咗叫椰殼甜品with happy birthday 點知買哂係我哋預料之外點左最後一款馬卡龍 不過冇左之前要求嘅生日伴碟餐廳即刻好貼心幫我哋準備咗額外嘅布朗尼有靚靚伴碟同蠟燭 因為當日好大風 餐廳靚女仲會幫我哋擋風 等蠟燭唔好熄俾我地影相 服務係超出我預想之外 🙏🏻🙏🏻

是日收工約咗朋友gathering千選萬選之後最後揀咗呢間餐廳呢間餐廳嘅露天位置對住清真寺夜晚去打卡一流而且成間餐廳嘅佈置都非常有特色想影港女打卡照嘅可以考慮吓呢間餐廳通常俾人打卡嘅餐廳嘅食物質素都係麻麻地呢間都唔例外比較推薦嘅係啲小食同炸嘢因為呢啲都比較難整得難食青口都推薦雖然佢對比其他專食青口嘅餐廳質素麻麻意粉其實就唔係好推薦有個小食係雞肝醬+calamari之類 幾創新不過唔係個個都接受到但係塊餅係好食嘅呢間餐廳我會建議大家嚟主打飲嘢佢嘅特色Cocktail都比較創新唔係個個都接受到不過我都幾欣賞佢哋每一杯Cocktail都有佢哋嘅意思都建議大家試吓不過我就應該唔會再試下次有機會再去嘅話會飲返正常的酒不過呢間餐廳少貴大家請自行斟酌

難得同另一半出去食飯，當然想找一個特別一點的地方，今晚想來個有酒又有肉之夜，見<Library Restaurant and Bar> 人氣高企，又好多朋友推介，當然要來試下啦！！平日將近晚上8點到步，餐廳都幾多人客，雖然已經預先訂座，我哋都被安排到等候區，不過好好彩，等咗五分鐘便可以安排入座。餐廳有分室內同埋室外嘅用餐區，今次我哋被安排到室外用膳，環境非常寬敞舒適。至於餐廳嘅餐牌就非常精簡，貴精不貴多，主要供應意粉、意大利飯、小食、扒類、甜品、各式紅白酒及cocktail 等等。一場嚟到，當然要試下佢哋推薦嘅signature cocktail。<Feeding 5000s 五餅二魚>以乾木魚絲放在混和的vodka上，加上火焰快燒木魚絲，未入口已聞到煙燻與酒的芳香，非常吸引，而且不會過於濃烈，味道容易入口。用火槍來燒木魚絲就像表現一樣，非常特別。<To Kong 杜康·醴>另一杯cocktail味道同樣特別，以中式米酒、Peach Vodka、Lychee Liqueur 等混和而成，然後以石碗盛放著，帶有中式情懷，入口有米酒的香甜味，

Happy Wednesday約姐妹去同清真寺打卡，好耐之前已經book定枱，點知晏晝就掛紅雨😅但都無阻我哋要去打卡嘅熱情！一去到未有枱但竟然有超靚超舒服嘅waiting area，又多個打卡位，好驚喜！清酒慢煮豬腩配豆腐醬（$128）好精緻嘅前菜，豬腩煎到好香，再舖係玉子豆腐上面，配上好特別嘅豆腐醬，值得一試！牛油香煎椰菜花配煙豬腩咖哩醬（$98）我哋揀咗健康嘅椰菜花配咖喱醬，唔食辣嘅朋友都可以食。松露醬炸薯條（$78）香脆嘅薯條上面灑滿現磨芝士，再蘸埋嘢味嘅松露芝士醬，係非常好嘅送酒小食！是日甜品（$88）brownie 配曲奇雪糕，超香濃嘅朱古力味加上nuts同dried fruits，口感好豐富！Librarian （$90）係Library叫番杯Librarian真係好合情合理，由蘋果汁、牛奶、popcorn syrup同香蕉調出黎嘅mocktail，入口比較甜，有近似香蕉奶但又有果香同好得意嘅焦糖味，會愈飲愈上癮！食完先發覺原來無叫main course🤣，唔緊要！比機會我下次再黎過！

本身一早Book 左呢一間諗住影相，但是結果今天下大雨原來這裏是有一架升降機專去到餐廳的由於下大雨，所以出面影相位已經落了帳篷，不過都幾靚，因為帳篷嘅綠色襯返室內餐桌的綠色。餐牌食物上的選擇十分特別，我們兩個人決定叫一個意粉，一個青口，一個薯條。抵讚的是這裏的音樂playlist揀得好好， 十分年輕，可能是因為年輕的侍應選擇的。我們先來了一個黑松露薯條，這個小食真的很開胃，薯條揸得香脆，最好的是有一絲絲真正的芝士，而不是只是芝士粉。另一個是青口，有些人會覺得白汁可能比較油膩，但是這裏也很貼心，會有四塊麵包，當堂中和了青口的醬汁。最驚喜的是這個素肉意粉，原來這裏的蟹肉是新蟹肉，適合素食人士，入口清新，沒有罪惡感。總括而言，這裏是比較年輕的餐廳，所有侍應都是靚仔靚女，配合靚景，賞心悅目。

人氣偽旅遊的餐廳🔸有露台的位置，背景為尖沙咀清真寺🕌️食物方面也正正常常，精緻的擺盤，較有特色的調味方法。✨《新鮮紅菜頭燴意大利飯》$188本身是青豆醬的，但因沒有青豆醬，因此改用紅菜頭，一樣好吃！吃到紅菜頭的新鮮味，燴意大利飯的黏性很好，表面的芝士也很配搭！《慢煮雞胸配茴香蘋果沙律》$198雞胸肉意外地很嫩滑，軟腍！配上清新的蘋果沙律，好有夏日的感覺！《香煎豬鞍配蜜桃沙沙》$248推薦豬鞍✨非常軟腍嫩滑，不過肥膏也佔了一半，如果瘦小小會較佳。蜜桃沙沙醬也很特別，令人很開胃！《海鮮墨汁扁意粉》$238墨汁吃到嘴巴也變黑色了🤣海鮮也有很幾款，青口、帶子和蜆，好吃的！環境很chill，室內有神秘感，露台有偽旅行的感覺。

夜晚變成高質酒吧餐廳！餐廳嘅最大賣點就係有室外露天座位, 面對住清真寺🕌️, 充滿異國風情, 有種去咗阿拉伯旅行嘅感覺🧳~~ 呢度大部份嘅食物都加入fusion元素, 仲有一系列嘅 Cocktails🍸, Happy Friday最適合嚟呢度飲杯嘢chill下🥳🥂 𓌉𓇋 ˒˒ 糖醋松子仁帶子刺身𝗛𝗮𝗺𝗮𝗰𝗵𝗶 𝗖𝗲𝘃𝗶𝗰𝗵𝗲本身餐牌係油甘魚刺身, 不過當晚冇油甘魚刺身, 所以改為帶子刺身。𓌉𓇋 ˒˒ 餐前小食推介👍🏻 炸茄子配蒜香孜然醬𝗘𝗴𝗴𝗽𝗹𝗮𝗻𝘁 𝘄𝗶𝘁𝗵 𝗖𝘂𝗺𝗶𝗻𝘀 𝗚𝗮𝗿𝗹𝗶𝗰 𝗣𝘂𝗿𝗲𝗲炸茄子外層好酥脆, 炸粉唔會過厚, 多汁軟嫩嘅茄子🍆搭配蒜香孜然醬, 多咗份蒜蓉香氣, 好惹味! 𓌉𓇋 ˒˒ 黑鱈魚配香菇雞湯𝗕𝗹𝗮𝗰𝗸 𝗖𝗼𝗱 𝗙𝗶𝘀𝗵 𝘄𝗶𝘁𝗵 𝗺𝘂𝘀𝗵𝗿𝗼𝗼𝗺 𝗰𝗵𝗶𝗰𝗸𝗲𝗻 𝘀𝗼𝘂𝗽呢個好好味😋👍🏻! 個湯汁好清甜, 鱈魚外層入味, 魚肉鬆軟嫩滑, 中間仍保留原始鮮味𓌉𓇋 ˒˒ 美國籚筍配大蒜泡沫𝗔𝘀𝗽𝗮𝗿𝗮𝗾𝘂𝘀 𝘄𝗶𝘁𝗵 𝗹𝗲𝗲𝗸 𝗳𝗼𝗮𝗺好鍾意佢嘅擺盤, 好有心思☺️! 砌到好似層層疊咁, 中間有溫泉蛋, 篤開個溫泉蛋, 將啲蛋漿撈埋籚筍一齊食, 特別有風味的～