Library Restaurant and Bar

营业中

休息中

呢間餐廳好受歡迎，好多人黎打卡，係位於尖沙咀樓上酒吧餐廳，室內以綠色為主調，而室外就係小清新花園，望住個清真寺🕌️充滿異國風情😍食物方面每個午餐都送湯或沙律，是日餐湯喺忌廉磨菇湯，沙律就喺parma ham沙律，無論賣相同味道都相當唔錯，餐湯仲送一塊脆多士😋新蟹肉牛油果醬多士 $88用蕃茄仔、蟹肉、芒果及牛油果醬整嘅多士，啱晒鍾意健康既人士，滿滿嘅餡料，鮮味十足😋好滿足海鮮墨汁扁意粉$238賣相都唔錯，蜆肉及青口都肥大多肉，新鮮爽口。係個墨汁就差少少唔夠濃味，叫呢個要小心食到我地個咀都黑孖孖😂好搞笑，每人都要預備張紙巾芝士肉醬尖通粉 $148以濃口的芝士🧀配上肉碎醬汁，好香既芝士撈勻哂肉醬味道配合得幾好，但份量唔算多。新鮮青豆醬燴意大利飯$188健康之選青豆味道幾好。調味都唔錯，每碟份量唔算多，因有男士同行，所以我地特登叫多個意大利飯😆飲品方面可以加錢配各式奶啡我叫左杯Latte 🍵拉花好靚🤭誠意滿滿！，總括來講，作為打卡既餐廳 ，野食質素都算係咁，只是份量偏少 ，適合女士們食用，大家想感受下異國風情呢度都不錯👍🏻 生活咁繁忙，間唔中係要同朋友食下lunch 傾下計chill住過一日放鬆

餐廳分室內室外座位室內以綠色為主調，帶有點型格復古感覺室外帶有渡假風格，充滿陽光氣息☀️餐廳對面就係清真寺，坐係室外用餐會有種處於中東渡假感覺餐應亦預留位置比客人對住清真寺打卡，十分貼心除左食物，飲品外仲有Shisha肥妹今次同朋友去Order左Set LunchSet Lunch 可以揀例湯/沙律、主食一款同甜品/咖啡/茶—-✄———-✄———-✄———-✄———-✄—-✾ 煙三文魚沙律煙三文魚好大塊，口感肥美嫩滑🥰沙律菜配上黑醋汁，酸酸甜甜幾開胃但入面有幾粒肥妹唔鐘意既黑橄欖🙈✾ 野菌白蘭地忌廉汁配大通粉 $168一黎就聞到野菌香味🥰醬汁好濃郁野菌味道大通粉煙靭而且名副其實比平時通粉大同粗身✾ 香煎豬鞍配蜜桃莎莎 $248豬鞍厚身，肉質爽嫩仲保留到肉汁，帶有豬肉香味配上蜜桃莎莎清甜醬汁味道整體清新，唔會油膩強烈推薦比大家🙌🏻🙌🏻✾ 炸手切薯仔粒 $68新鮮炸起，仲係熱辣辣🔥🔥外層炸到好香脆，而入面薯仔綿密外脆內軟🤩🤩本身已經有少少調味所以就咁食都好好食😋✾ Dirty $28 (跟Set lunch)上枱個時已經冇左個分層，好似一杯普通Latte咁🫣奶味比較突出，咖啡味偏淡左少少🤏🏻

呢間餐廳呢排新開張，好出名，位於尖沙咀，佢最特別既地方就係擁有清真寺既景觀😳只要book到室外座位，對住清真寺，絕對可以影到充滿異國風情既女神照☺️📸～可惜既係佢太出名啦，話哂打卡聖地，真係要預早book，Fatfat就係臨時去，所以book唔到咁靚view既室外位，要對住清真寺景觀既室外座位真係要早d book同講定先呀!!不過好在入面環境都唔錯，幾grand，就算坐係入面都可以照打卡㗎~🥰

剛在尖沙咀開業冇幾耐嘅人氣打咭餐廳 The Library Restaurant and Bar ，地理位置超方便，尖沙咀地鐵站出口一行過對面就係，餐廳裝修超級型格，分室內室外，室內環境燈光帶點昏暗，感覺很迷幻，超級Chill ，室外裝修充滿異國風情，打卡影相一流重點一提係餐廳有好多特色嘅酒類飲品，特別係佢哋嘅signature Cocktail非常精彩，千祈唔可以錯過🍸🍸🥃▪️Feeding 5000s 五餅二魚 $ 160Dried sliver fish clove shocnu ,Dried Squid infused Vodka ,Ginger Vodka , Suze ,Lemon Juice ,Dry Vermouth ,syrup如果唔係黎呢度我應該一世都唔會飲到呢杯酒，靈感來自耶穌的故事五餅二魚，杯裏面嘅酒類就係以上寫嘅種類再加一舊大冰，最特別就係旁邊有五塊唔同既餅用嚟送洒，洒嘅上面放咗兩隻木魚絲，飲之前先用火燒燶晒啲木魚絲，讓洒吸收左啲木魚既味道，真係超級非常有創意，味道個人覺得幾得意幾好飲👍🏻👍🏻，咁特別真係要試一次🍸▪️MargaritaTequila , Coin

這是位於尖沙咀鬧市新開的西餐廳Library Restaurant and Bar 💚就在尖沙咀清真寺對面🕌.室外露天的位置非常適合拍照打卡❗️就是有一丢丢的背光～我就是被這個位置吸引過來🤣彷彿去了東南亞地區渡假旅遊的感覺太棒了！很chill🍃.餐廳是以西餐為主，食物味道也不錯還有供應水煙以及酒精飲品🍹非常適合朋友聚會、情侶約會～.我們點了Tea set 還有Lunch set有一說一，你們來的話，建議只點Lunch set就好了我覺得下午茶對於我來說口味不太對我和朋友都認為不太好吃且不太划算🤣.這裏的店員非常熱情 挺有禮貌的！剛好看到有人在這裏慶祝生日 店員非常熱情唱生日歌幫忙慶祝 非常有氣氛哈哈～～

餐廳好靚，地方夠大，啱哂同朋友們聚舊！ 新蟹肉蘆筍意大利粉 意大利粉烹調得唔錯，唔會過淋， 新蟹肉係Omi 素肉，口感同真嘅蟹肉一樣😍  醬汁唔會太濃，啱啱好👍🏻 自家製炸薯仔波 薯仔波外皮香脆，入面係薯蓉夠香滑！ 😋 炸魷魚天婦羅配雞肝醬 份量比相像中大， 魷魚天婦羅嘅炸粉唔會好厚而且夠味！ 有幾塊脆麵包舔雞肝醬食，朋友大讚好食😂三色意大利雪糕賣相吸引， 細細舊雪糕但分別有朱古力，雲呢拿及士多啤梨味，一次過滿足曬三個願望😂 Negroni gin朋友鍾意飲gin ，呢杯加了sweet vermouth， campari，飲落酒精濃度比較高！😲 Mocktail Preface Cranberry juice 比較甜，加咗蝶豆花所以顏色好靚！  😊 食物質素不錯， 飲料有待改善，員工服務態度友善，而且很細心 👍🏻

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻📸打卡指數： 👍🏻👍🏻👍🏻👍🏻👍🏻🪑環境衛生：   👍🏻👍🏻👍🏻👍🏻🤵🏻店員服務：  👍🏻👍🏻👍🏻👍🏻👍🏻Library因坐落清真寺對面的户外打卡位，迅速在短時間內成為熱門cafe📸fai.lok 一開始睇相以為唔係香港影😂餐廳有Tea set和Coffee供應，非常適合同三五知己黎食個tea chill下👍🏻侍應影相都非常專業!📸拍照tips:💡cafe設有個打卡位，可以輪流影相，唔洗怕坐唔到露天位影唔到清真寺位想知道又靚又好玩地方? fai.lok.mode仲會係社交平台分享相片同攝影心得。______________________________肉醬尖通粉 ( $148 )肉醬好多同好香濃，每一啖尖通粉都沾滿醬汁，面層仲灑左好多芝士粉。Lunch set已經配左沙律,甜品同飲品，兩個人食一個Lunch set，加個小食同飲品，份量就岩岩好👍🏻set salad煙三文魚沙律基本上都無得輸，煙三文魚每件都好大塊，配上新鮮沙律菜同意大利黑醋，食落非常開胃🤤set dessertset drink (flat white)新蟹肉牛

📸Library Restaurant and Bar以清真寺做賣點室外同室內係兩種設計黎室內比較異國風情 配合清真寺做背景 啱曬打卡但要留意翻唔係個個位都影到人同清真寺鋪頭將最啱影相個張枱留空 任由客人去坐低影相唯一唔好既地方就係夏天坐室外真係比較辛苦啲而且樓下就係十字路口 車多塵大小編杯水吸曬塵 完全唔敢飲室內個感覺就似落咗bar比較暗黑型格聽講夜晚仲有shisha供應作為打卡既餐廳 野食質素都算係咁🍴慢煮豬扒配水蜜桃莎莎豬扒唔會太硬 個汁食落似咕嚕肉🍴海鮮墨汁意粉海鮮份量都算多 食落都新鮮爽口lunch set會配埋餐湯/沙律 甜品/飲品🍴當日係椰菜花湯 巴馬火腿沙律Panna cotta 荔枝士多啤梨茶份量偏少 價錢又唔算太貴總括來說性價比一般✨

呢間餐廳其中最有賣點嘅一定係對住清真寺個景，我地仲要夜晚黎，夜晚係寧舍浪漫優雅嘅～打卡is a must !! 除此之外，本身餐廳入面嘅裝橫都行時尚風格，同樣好適合打卡呀！煙燻卡邦尼意大利粉🥓🍝呢個意粉同平時食開嘅carbonara不同之處在於佢食落口真係有陣煙燻香味😯呢點我地覺得好surprise呀！另外啲汁唔係好結身好膩果隻，係稀身少少，even撈埋啲芝士食，都仍然覺得食落係輕盈嘅！！😋清酒慢煮豬腩配豆腐醬🐷呢個菜式其實係crossover左西式煮法嘅豆腐火腩，夠晒特別呀🤩而且感覺係將啲食材昇華左！首先個腩肉唔會太多肥糕唔會食完成口油，下面疊住個豆腐再最底有啲豆腐醬，令到豆味特別出，成個配搭好夾，賣相又靚，得五舊真係唔夠喉🙊慢煮封門牛柳配薯蓉紅酒汁🥩雖然嗌牛要過300蚊，但呢個質素食完又覺得係值嘅！舊牛超級冧身，又冇筋，medium rare又唔會過生，生熟度真係拿捏得剛剛好啊淡淡嘅紅酒香味，比滿分呢碟牛！食牛一定配酒！我地一人一杯mojito同margarita. 放工黎呢度chill chill真心唔錯😚

最近喺香港成日發掘充滿異國風情嘅地方，就算飛唔到都可以扮下去旅行感受下他鄉嘅感覺✈️🤪 相信大家對呢間喺尖沙咀嘅樓上餐廳一啲都唔陌生，坐落於九龍清真寺對面，所以喺餐廳度真係有一種置身於阿拉伯嘅感覺🙈 早排我見到kkday有優惠，可以用68折嘅價錢預訂Afternoon Tea Set ($515兩位用，原價$753包加一)，個offer都幾抵👍🏻本身想預留户外嘅位置，點知打去嘅時候店員話佢哋露台係有一張空枱專係俾客人打卡📸 我即刻覺得成件事好pro，亦都覺得可以揀返室內位唔洗熱同矖到！💁🏻‍♀️好似我呢啲咁鍾意indoor嘅朋友訂位嘅時候可以留意返🤣通常打卡餐廳嘅食物質素都麻麻，所以我本身冇乜特別期望🫣 但呢度反而俾我想像中出色，幾款鹹點食落都不錯，相對甜點就較普通～鹹點有煙燻車厘茄水牛芝士鹹撻、吞拿魚他他多士、蟹肉牛油果多士、脆炸雜菌意大利飯波。甜點有Macaron、朱古力、芝士蛋糕，仲有Library 英式鬆餅。套餐跟配2杯飲品 (Sparkling wine/ 精品咖啡)，我叫咗杯latte都ok☕️大家想感受下異國風情呢度都真係幾不錯👍🏻 生活咁繁忙，間唔中係要同朋友食下tea傾下計

當日相約幾位朋友慶祝生日，滿心歡喜，因環境的確優美，值得打卡，但講到食物卻認真令人大感失望。最後連打卡的心機都沒有🤷🏻‍♀️先不説每道菜份量相當少，因fancy 食物，靚又食得已經係bonus! 當日5款主菜，有3款包括 牛羊魚 都無貨不能點，只剩下鴨胸，黑鱈魚，係無選擇的情況下只好點“黑鱈魚配香菇雞湯”這道菜上碟尚叫精美，但口感就認真麻麻。只可用 “碗仔翅湯底加鱈魚” 來形容，因為真係似用碗仔翅做湯底，係非常似。然後多謝成為298元！？我食咗啲咩？主菜沒選擇都不打緊，飯麵小食沙律應可選擇的，但千層麵無，沙律都無，本身供選擇都不多，就更加無選擇！再點 “牛油香煎椰菜花🥦配煙豬腩咖哩醬”，真係得香煎一個手掌✋🏻大嘅椰菜花4薄片🥦，再加少少煙肉，咖哩醬？好肯定話你知似係超市買到即煮的日式磚頭🧱咖哩！ 這道是什麼菜式？Okay! 食到呢到已經唔再期望，仲有兩碟意粉，份量少，淡而無味，唯一比較好食係忌廉白酒煮青口，最後係要用意粉沾青口的醬去食先叫感安慰。總體，埋單一千幾百多元，打卡飲酒okay，食飯就免了，真係性價比不值！ 或者姐姐我老了，fancy 野留返比妹妹好了🤦🏻‍♀️🤷🏻‍♀️

Library Restaurant and Bar (尖沙咀)尖沙咀彌敦道74-78號文遜大廈3樓因為一個清真寺影相打卡點就嚟到呢間新開無耐嘅餐廳😆我都好緊貼潮流嫁～餐廳嘅設計顏色我都好鍾意❤️原來呢隻綠色咁靚📸係到影相打卡完全冇難度首先食咗小食忌廉白酒煮藍青口～重點唔係藍青口，係忌廉白酒汁🤤佐面包好味，醬汁吾多只係啱啱好嘅份量，藍青口肥大多肉，如果多幾塊包，多啲醬汁就好啦煙燻蛋黃卡邦尼意粉🍝個底有蛋黃卡邦尼汁，面頭鋪滿芝士碎豬面脥肉，肉嫩有咬口，細心睇可睇到意粉充滿黑椒，辣辣地，我嫌太多黑椒🤣每一口食到嘅味就係黑椒味鱈魚柳配冬菇木耳湯～魚的確幾滑，魚外包住一層腐皮，湯有冬菇木耳素翅，我覺得有啲似食緊西式碗仔翅咁😂創新配搭鮮蜆蒜油辣椒扁意粉🍝叫咗小辣，蜆肉夠多亦冇沙☺️都係啦辣辣地夠惹味煎椰菜花配咖喱蒜泥～咖喱味比較輕，但都蓋過咗蒜泥嘅味道，所以食完應該唔會口臭呱睇吓最後張相🥰我都有打卡㗎📸

呢間酒吧西餐近期大熱，好多人嚟打卡。大部份座位係室內，亦有室外座位可以欣賞尖沙咀的景色。夜晚去到我揀咗坐室內。一入到去餐廳招呼已經好好，仲介紹咗啲飲品俾我哋。我哋叫咗幾樣食物加兩杯飲品。▶️美國籚筍配大蒜泡沫$108賣相好得意，面上有啲泡沫，個樣好似有啲雀巢咁。好搞笑。蘆筍味道幾好，爽口、調味又唔錯，幾好食。▶️煙燻卡邦尼意大利粉$168鍾意佢醬汁芝士及煙肉味香濃，但係又唔會有膩感。意粉質地煙靭好食，每條意粉都沾滿醬汁。▶️立鱗燒馬頭魚配櫻花蝦炒蜜糖豆$268魚鱗燒到卜卜脆，魚質幼滑，好味！蜜糖豆甜甜地。嚟呢度一定要叫啲野飲下🤭▶️Book Mark成份有：lychee syrup, peach syrup, chrysanthemum tea, pearl.賣相幾靚， 面上帶玫瑰花瓣🌹有荔枝同桃味，幾好飲～ ▶️Jeeding 5000、五餅二魚成份：Dried sliver fish clove Shochu, Dried Squid infused Yodka, Ginger Vodka, Suze, Lemon Juice, Dry Vermouth, syrup.面上有柴魚，仲配有幾塊

📍 Library Restaurant and Bar 餐廳有室內室外位☀️室外位非常IG-ABLE📸清真寺係斜對面🕌再加上露台圍上花花草草🌷影相出黎好有旅行feel✈️ 但係最近天氣好熱☀️我地打完卡就入去番室內涼冷氣食😂侍應服務好,有禮貌👍🏻今次黎食左個Lunch, Lunch 3-Course Menu 由$1xx 到 $3xx 都有🍽今次叫既野食唔太特別，但都幾好食😋🔸 Ice Latte不錯，咖啡味香又唔會太濃🔸 椰菜花忌廉湯🥣椰菜花打成泥再加入忌廉湯，令忌廉湯口感更豐富😋配搭既多士都好脆口🔸 芝士肉醬配尖通粉🍅面層灑上好多芝士粉，肉醬同蕃茄肉都好足🔸 鮮青豆醬燴意大利飯有3pump Cream Cheese係面😆成碟青色☘️好香青豆味

Very bad food. 個炸蓮藕片完全係靭同凍！仲話係即刻炸嘅，但係落完order5分鐘即刻上咗枱……難食到真係食唔到…個蜆肉係好腥有沙同唔熱….食咗兩隻已經開始反胃..係個薯仔球比較有特色，好味同埋熱嘅！ 蟹肉pasta 完全冇味…..失望😞 book 左檯都仲要等成15分鐘…