Le Viet

营业中

休息中

🔸沙嗲串燒 $89🔸海南雞油飯 $17🔸去骨海南雞 $118🔸越式咖喱牛腩鍋配印式薄餅 $105-好耐冇食東南亞嘅香口嘢，今晚決定食The One嘅一間越南餐廳。餐廳開放式嘅座位都幾寬敞，坐得幾舒服，而且裝修都好有東南亞色彩。咖哩牛腩鍋好香咖哩味，唔係幾辣但好有椰汁香，怕辣人士都可以食到，牛腩牛筋再加埋青椒紅椒洋蔥，主食可以揀配法包或者薄餅，梗係揀香酥嘅薄餅啦，酥皮嘅口感仲好香牛油味，蘸埋咖哩汁真係好正，食到男朋友lam lam脷啊！雞精們再叫多半隻海南雞配油飯，雞件就算拆咗骨份量都好多，而且好嫩滑又肥美，蘸埋祕製酸辣醬汁，好味道喎！另外再叫再半打串燒，係豬牛雞各兩串唔駛爭，每款都係啖啖肉同調味豐富，蘸上沙嗲汁更加有風味啊！

今日去THE One 買化妝品，行到餓餓地就上左去4樓食越南菜——Le Viet。一坐底，嗌一份越南拼盤(HK$ 98)﹑咖哩牛腩鍋（HK$105）﹑特別火車頭(HK$78)同埋一份通菜。咖哩牛腩鍋（HK$105）茶包覺得咖哩牛腩鍋最好食，香料味好足，食到好多層次，而且香而不辣，肉質炆到淋淋地。配上外層脆脆既薄餅，簡直一流！越南拼盤(HK$ 98)一上枱個份量拋到茶包同同行朋友！越式小食款款都有啲，真係好抵嗌。小小既春卷外皮脆；蝦餅QQ彈牙，鮮味十足；扎肉蒸粉包，包有肉﹑菇﹑洋蔥，清清地都唔錯既。通菜同行朋友大讚通菜！話夠晒穫氣，不過茶包就希望可以加多小小辣，就會再香口啲啦！　火車頭都唔錯，但湯底有小小淡，如果再濃啲就正正!🔆食物分數率：6分（10分為滿分）💖comfort food：炒通菜﹑咖哩牛腩鍋⠀⠀=ll Le Viet ll=
地址：尖沙咀彌敦道100號The ONE 4樓L402舖

上星期食完隔離間泰國菜，今晚就輪到食依間越泰菜啦。餐廳環境唔錯幾開洋摩登feel。美食選擇多價錢唔貴，食物非常美味，CP值高抵食。串燒 (半打) $89串燒三串$60加多$30多三串，揀六串感覺較抵食。雞和豬串燒各三串，兩者同樣肉質嫩有肉汁，醬味較濃唔醮碟旁的沙嗲醬都好夠味，串燒大串啖啖肉食落都幾滿足的。香茅燒豬頸肉撈檬 $65檬粉大碗有七塊爽口彈牙的豬頸肉，拌有生菜、青瓜絲、蘿蔔絲非常健康，檬粉彈牙，淋上檬汁魚露，味美清甜開胃，凍食非常好食。咖哩炒大虎蝦 $168大大碟咖哩汁滿滿的，味道甜而不辣，勁多蛋花好充實，配料十足青椒、紅椒、洋蔥、芹菜皆見。主角大虎蝦開邊六件，經走油處理嘅虎蝦，迫出蝦殼香味，蝦殼連肉一起啜最好食，蝦肉厚肉質爽，好味到呢。印尼薄餅 $25前提係咖哩汁咁好味，當然想一滴不留想清晒啲咖哩汁，不油不膩的薄餅一片剛剛好，滿足晒。另外，枱上兩杯清水飲晒一杯冷一杯熱的，我地示意添加，侍應前來同時拎晒兩壺冷熱水來，服務貼心效率高依方面值得一讚。

今日去尖沙咀The One食飯兼睇戲, 買飛後就食呢間越南菜。餐廳裝修為開放式帶頗有時尚感, 七點未夠已經坐無虛席, 好彩我哋早少少已經入座！越式春捲皮薄香脆內裏有肉碎、洋蔥、雜菜絲, 用新鮮生菜包裹嚟食, 清爽唔油膩！椒絲炒椰菜鑊氣十足, 椰菜新鮮爽口, 帶微辣不搶口十分惹味。特別火車頭材料有牛丸、牛肉、牛腩、牛柏葉, 嗜牛人仕一定要試。牛肉軟嫩鮮甜, 牛柏葉煙韌爽口, 湯底用牛骨淆製, 牛尾濃郁！香茅豬頸肉炒金邊粉份量很多, 豬頸肉無骨啖啖肉, 用香茅醃製非常入味, 炒金邊粉有鑊氣, 煙韌爽口！三色冰、椰汁綠豆冰三色冰顏色鮮豔賣相吸引。椰汁綠豆有椰味清香, 冰涼解渴！

最近同朋友去左 Le Viet 這間越南餐廳，我急不及待想推薦大家去試下🏆呢間好抵食，份量又多而且好味😋😋越式牛柳沙律🥩🥗（$85）牛肉配青木瓜沙律🍋，好清新又啖啖濃郁牛肉好好味😋💕越式拼盤 $98可以食到4款小食好正炸蝦餅香脆彈牙；炭燒豬頸肉好夠軟；粉果好多肉碎同菇; 炸小春卷內有點埋個甜酸醬真係好惹味😋滿載椰青海鮮飯 ($103)外型似蛋糕嘅椰青焗海鮮飯,有好多椰汁淋上面飯 ，滿滿的好大份，大第一眼見到真係嚇親😂，D蝦同墨魚都好新鮮，好足料連啖飯都帶有香濃椰子味！嗌咗杯青檸梳打配埋啲咁惹味嘅菜色真係 ，實在是完美！我最鍾意自己倒梳打水這款野飲感覺好 fresh 影相又有 feel😂大力推介order。

近期疫情開始穩定下來，久違的外出用餐感覺，我和同事來了這家在The One 的越南菜。久違了感覺，令人不期然點了很多食物，有Le Viet招牌飯，越式生牛肉粉，柚子海鮮沙律牛油雞翼，越南綠豆拉椰糕，青檸梳打和凍咖啡。先來的是沙律，沙律裏柚子肉，蝦，墨魚仔，蜆肉，加上濃濃的香菜味，十分開胃。招牌飯有煎蛋，豬扒，扎肉和雞翼，十分豐富，隨飯還附有冬瓜湯和特別醬汁。生牛肉粉剛上菜時牛肉是粉色的，被熱湯慢慢浸熟。 麵吸收了湯和牛肉的味道，令都麵條味道也帶鮮味。 牛油雞翼是我最喜歡這小食，香脆的炸皮滿滿的牛油味，肉質軟滑，十分美味。拉椰糕也是令人驚喜的，上菜時是溫暖的，質感很軟，要費點力切開，又牢牢地黏在碟上，吃下去的時候就像有綠豆和椰汁味的麥芽糖。凍咖啡很好喝，有點像以前在越南旅行時喝的滴溜咖啡，青檸梳打也很特別，是用了越南進口的瓶裝梳打水。整體來說都很好吃，值得再來。

這次去The One覓食，去了一家吃東南亞菜的餐廳，餐廳位於商場4樓，是半開放位置的餐廳。環境挻光猛涼快的，餐牌上的選擇挻多🤤，還有套餐供應。💥咖哩鮮雞撈檬 HKD$72，雞肉切到很大件，口感煙韌吃不雪味。這個咖哩味道是微辣，以撈檬方式吃咖哩是第一次，味道不會太咸挻好☺。💥去骨海南雞飯 HKD$72，去骨版本更方便吃呢，雞肉肉質嫰滑，配合醬汁吃味道更佳🤤。跟餐另有湯附送，味道挻鮮甜😋。💥焦糖燉蛋 HKD$36，原來正在做買送一優惠，可以一人一個感覺很棒💕。焦糖燒到脆卜卜的口感，燉蛋味感滑身帶點甜味，很快就吃光光了。💥越南綠豆拉椰糕 HKD$33，這個賣相像千層糕，吃起上來挻香，吃到綠豆味道🤤。味道不太甜，而且口感煙韌，吃完這個很飽肚呢🤭。吃飯之後來杯咖啡最好不過，我們分別點了越南滴滴咖啡和凍咖啡☕，。看著咖啡慢慢滴出來感覺很棒🙈，這個咖啡味道挻香濃。

朝早去完睇醫生好肚餓就走去the one揾嘢食，見到越南嘢好想食就入去坐，午餐好抵，包埋飲品，又坐得舒服。大蝦菠蘿炒飯 $78炒飯炒得好乾身粒粒分明，入面好多料，蝦肉爽口彈牙，加上肉鬆咸咸甜甜咁好味。香茅豬扒湯粉 $62豬扒醃得入味，好多肉汁唔乾，湯粉好滑，湯底鮮甜，另外可以自己加辣椒青檸等配料。咸魚炒芥蘭 $62芥蘭爽口無渣，咸魚香口，好有鑊氣。精選甜品拼盤 $108我最愛嘅甜品，有芒果糯米飯，焦糖燉蛋，椰汁糕。芒果好香甜，糯米飯仲有紫米，焦糖燉蛋香滑creamy，椰汁糕煙un。

一直都比佢哋d野食相吸引住，好想食佢個椰漿飯∠( ᐛ 」∠)＿因為疫情好耐都冇見過個朋友，今日終於有機會一齊去試吓-🧈牛油雞翼｜💰72好重牛油味，一上枱已經聞到‼️好香好脆好多汁‼️肉好滑好大隻好多肉.🥬蒜蓉炒椰菜苗｜💰 66蒜香味好重好爽口.🥥超載椰青焗飯｜💰103利申覺得會唔會好怪？但朋友堅持要食✨結果真係好驚豔，估唔到咁夾椰漿好香，帶甜 🌟有提子乾、蜆肉、八爪魚、椰子肉同埋蝦八爪魚同蝦好爽口第一啖好似芒果糯米飯咁既味但係佢當然唔係糯米飯，飯好香‼️‼️真係成個椰青都係飯‼️一定會飽✨覺得飯加提子乾加椰汁食好似食緊甜品咁一個價錢主菜同甜品都食埋😂.🥥椰青｜💰42開埋蓋，食椰子肉好方便好多水好清甜-

係尖沙咀食嘢，梗係要揀番間坐得舒服又有冷氣嘅地方慢慢嘆一餐啦。係The One嘅 le viet真係一個超值得推介嘅選擇呀！係the one 4樓，超就腳！一早嚟到都唔算多人，坐一個半開放式嘅座位，非常舒服，一啲都唔迫夾。Menu方面，越泰式嘅嘢食非常多，亦都好齊，最緊要係價錢都好合理，要平平哋，可以淨係嗌一碗河粉，只係需要$60左右。我哋帶咗嗰幾樣嘢食全部都非常高質素，冇乜嘢可以彈嘅位置，份量亦都非常之多！抵到爛呀！咖喱牛腩鍋配法包超級推介！呢度嘅咖喱好香，一食就知係用心烹調出嚟嘅，而且牛腩分量亦都好夠，唔會硬骨骨，重有幾舊牛筋添！仲有入面嘅薯仔都係世界級，唔單止甜，仲因為佢係煎過先再擺落咖喱入面，所以好香！配法包呢樣嘢真係抵讚，唔使加錢之餘，個發包仲要係外脆內軟！配咖喱一流呀！小食拼盤只係$98咋，勁抵玩！我超鍾意食佢嘅越南扎肉蒸粉包，超級好食呀，入面嘅料有冬菇木耳，有種家鄉嘅味道！豬頸肉都非常好味，唔會太柴皮，又夠香～另外一樣係海南雞半隻，雞肉好嫩滑，雞皮又爽脆～唔太肥，骨頭起得好乾淨！唔錯唔錯！最後一味係簡單但係維持水準嘅朝思炒通菜，呢美簡單嘅餸反而需要更加高超嘅廚藝水平先可以

很久沒食越菜。難得我們一行四人來尖咀Le Viet午餐。餐廳位於大商埸，座位舒適，裝修企理。午市套餐選擇很多，價錢便宜，有飯粉冷熱任選。我們挑了三份套餐加一份主食分享。生牛肉湯粉 $62生牛肉湯粉面鋪上四塊生牛肉，河粉幼細，份量頗足，配料有白蘿蔔塊、洋葱圈、香茜。另上其他配料如薄菏葉、芽菜、辣椒、青檸。湯底清甜不膩。香茅燒豬頸肉撈檬 $65香茅燒豬頸肉撈檬面鋪上七塊燒豬頸肉，滿是炭燒香氣，燒得香脆可口，美味非常。魚露分開上，滿滿的香蒜，加上冷凍的檬粉，非常醒胃。蔬菜量充足，包括生菜、芽菜、蘿蔔絲、青瓜絲。咖喱牛腩撈檬 $65份量十足，主食有幾塊牛腩，肥瘦適中，尚算煮得淋。咖喱汁十分惹味，微辣微甜，香滑可口，檬粉吸盡咖喱汁，非常邪惡。配料有很多淋淋土豆塊、青椒、辣椒、洋葱。我們挑了越式咖喱軟殼蟹鍋配法包這主食。越式咖喱軟殼蟹鍋配法包 $113咖喱底和蔬菜配料跟咖喱牛腩撈檬的一樣，但用鍋上把汁煮得滾滾才食用更有風味。軟殼蟹分開上，足足有兩隻，不會熱得燙傷嘴巴，加咖喱汁同吃更加美味。底下還配上幾大塊炸過的土豆，外脆內軟。法包一大條，不暖但外脆內軟，吸盡滾起的咖喱汁很好吃!每個午餐包一杯基本飲

難得出下街，去咗The One嘅【Le Viet】食越式湯粉做lunch🍽😋餐廳環境幾開揚，疫情關係⋯食晏時間都無乜人😕我哋叫咗【生牛肉湯金邊粉】、【手撕雞札肉湯檬】同埋【鮮蝦米紙卷】，套餐$70左右有埋杯凍飲，價錢合理👍🏼湯粉質素不過不失，湯底唔算好濃，食完唔覺得口渴已經算係合格😅鮮蝦米紙卷有大大隻蝦🦐外皮有少少煙韌，加個酸酸哋嘅汁幾fresh幾好食，叫做有小驚喜👍🏼

越式火車頭酸辣鍋，份量大，包括有大量生牛肉、牛丸、牛腩、牛肚、芽菜、菠蘿、蕃茄、九層塔、香茅；生牛肉肉質嫩滑、肥美，牛脂味濃；牛丸口感彈牙；牛腩口感軟腍，牛味濃香；牛肚口感爽口，好入味；芽菜口感脆爽；菠蘿、蕃茄味道酸甜；湯底味道酸辣、惹味。手撕雞撈檬，表面鋪滿手撕雞肉、青蔥、炸蒜、紅蘿絲、生菜、青瓜；手撕雞肉滑嫩，有鮮味；各款配料口感爽脆；檬粉口感滑身、容易掛汁，配以撈檬汁食用，味精酸甜、清新。鮮蝦米紙卷，表面鋪滿紅蘿蔔絲、花生碎；米紙晶瑩剔透、薄身，口感煙韌； 內裏包裹住鮮蝦、青瓜、香草、檬粉；鮮蝦口感彈牙，味道清甜；配以渃蘸汁食用，味道清爽。椰汁三色冰，甜度適中，加入左三色馬蹄、綠豆製作，白色馬蹄、粉色馬蹄口感爽脆，綠色馬蹄口感爽彈，綠豆口感起沙。椰汁紅豆冰，椰汁味道甜香，紅豆口感軟身，食落香甜。

自從有疫情後第一次嚟呢度食，今次係同事叫我一齊，佢話好耐冇食越南食品。午市套餐基本上都冇乜大嘅變動，$65包飲品，喺尖沙咀上班人士平價之選。生牛肉湯河，牛肉質地嫩，上枱時生牛肉佔有7成，撈埋湯河一齊之後生熟度剛剛好，食得到牛肉嘅肉味。咖喱牛腩撈檬，咖喱汁香濃，牛腩炆得好淋，你放咗好多青椒洋蔥等提升味道嘅層次，今次嘅水準比上年嚟食嘅時候提升咗好多。青木瓜大蝦沙律，真係有好多蝦肉鋪面，青木瓜亦新鮮，加酸甜汁一齊食零瀉開胃。蒜蓉牛油雞翼，高水準之作，蒜蓉香味洋溢，雞翼炸得酥脆，牛油味亦10分濃厚，外脆內軟好滋味。難得有機會試一下呢度滴漏咖啡，都有傳統嘅越南水準。

今日同同事到The One呢度食Lunch，黎到呢間越式餐廳，座位空間寬敞，食得舒服🥰🥰香茅燒豬頸肉撈檬❤燒豬頸肉份量多，有碳燒香，肉質口感豐富唔鞋口，檬粉彈牙，加上酸汁食，好開胃😍👍🏻春卷扎肉撈檬❤春卷料豐富，有蘿白絲冬菇絲等等，皮炸得香脆，仲有大量蔬菜配料，健康又消暑🤤🤤Le Viet 招牌飯❤豬排好Juicy，多肉少骨，雞翼外脆內嫩，流心蛋煎得剛剛好，餸飯一流👍🏻🤓椰菜苗❤鮮甜無渣，蒜香味道突出，整體惹味！😍蝦餅❤蝦肉一D都唔吝啬，每一口都係啖啖蝦膠，粉漿唔會太厚，好足料👍🏻👍🏻