Le Viet

营业中

休息中

今天去咗尖沙咀睇戲，睇完去左The One間越南餐廳Le Viet食嘢。起初我會以為其實佢同一般嘅越南茶餐廳冇咩分別，但食完之後，發現佢哋嘅食物真係幾用心製作。一坐低嘅時候，打開餐牌，我叫咗今期優惠越式拚盆，只係98元，呢一個拼盤有越式春卷、扎肉蒸粉包、炸蝦餅同豬頸肉，配料非常豐富，並且新鮮即製，非常好味同有越式味道。正👍我特別欣賞佢個越式春卷，因為佢個春卷層外皮係非常非常之熱，所以一定係新鮮炸起的，而且裏面嘅配料唔算話特別鹹，再配上酸酸甜甜的像一齊食，其實一啲都唔油膩。菠蘿炒飯菠蘿炒飯個份量充足，好大個同埋好香菠蘿，我會夾埋啲肉鬆食，蝦好大隻又爽口，非常醒胃。一啖飯時，一啖菠蘿，一啖肉鬆，佢個菠蘿炒飯仲會搵埋其他唔同嘅配料，例如提子乾，一齊食嘅話，口感係好多重。牛肉湯河牛肉好林，勁香牛味，最正係個湯底，超足料飲到牛骨味。飲品飲左三色冰同青檸梳打，天氣咁熱 飲落去又甜又解暑，飲落去唔會太甜，所以唔會好口渴。

嚟尖沙咀商場行街，一上電梯見到呢間餐廳，招牌好奪目吸引。全場爆滿，咁多人幫襯，一於試吓。價錢好經濟，Menu選擇好多。我揀咗「超載椰青焗飯」嚟到見到圖文相符，同Menu嘅相係一樣滿到瀉。大大隻鮮蝦，仲有爽滑墨魚仔, 啖啖飯都滿佈椰子味。「原個大蝦菠蘿焗飯」有幾隻大蝦+肉鬆，加埋菠蘿肉同提子乾，酸酸甜甜好開胃。隔離枱見到我地個飯咁豐滿，佢地都忍唔住叫嚟試。三色冰嘅果肉好爽滑，唔會太甜...Yummy小食拼盤一次過滿足哂想食嘅野，全部即叫即整，熱辣辣．脆卜卜。下次Gathering可以再嚟試下其他菜式喇👍🏻

是日一行6大2小經OpenRice booking 提早晚飯。因為有小朋友跟老人家一直以來都是吃中菜多，現在小孩也長大了(3歲)跟(歲半)就來個吃越南菜平衡一下呢間餐廳環境舒服，味道正常，服務也可算OK但還是有需要馬上改善/進的空間。客人坐下時沒提供水，而且說明要水也沒給。（但當時是非繁忙時間，餐廳根本沒多少枱客人，接待員更說這段期間都沒什麼客的，給我們7點離座）最後我們放棄不要水，全枱order其他飲品。反而我們在7點繁忙時間卻留意到進來的食客一坐下已有水供應。所以這點真的要改善。其次就是我們差不多用善完畢打算order 甜品之制才知原來這餐廳是有泰菜及越南菜menu的😱原來這間餐廳有個特色就是order左越南菜就不可以叫泰國菜🤔明明同一間餐廳，但卻有如此特別。真的聞所未聞。仲要進入餐廳坐下服務員完全無講過有如此的特色。而桌上就只有越南菜的菜單還有一本細少的menu(而我就是一開始在這本menu上見到那個甜品的)一心諗住可以餐後order....怎知。。。。🤷🏼‍♀️然而我望向後面的餐桌卻發現剛進來的食客菜單 跟我們的並不一樣所以我覺得此餐廳於客人進內時要跟所有客人說明有泰越菜選擇，而

星期五大雨入商場搵野食，成日商場都勁多人，見佢等幾張枱咪等下，等左大半個鐘入去坐啦，叫左咖哩牛腩配法包，雞絲札肉河，小食拼盆，椰青同紅豆椰汁冰先到椰青，摸上手都凍凍地，點知一飲係又唔甜，味道又唔多新鮮，但入面啲水又唔凍，同左個侍應講，佢收走左啦，等左成10分鐘都未再黎，問左另一個侍應，佢先同我講「頭先個個無問題，你轉其他飲品啦」，真係想問咩態度到其他野食黎啦，平平無奇，無特別，仲要個法包又唔熱又唔脆，外皮又硬但因為好肚餓，無理繼續食啦，但啲侍應真係好唔醒目，明知個咖喱牛腩會有個爐仔熱住黎食，但竟然放左去張枱最出既角落位，姐係上菜位，同食客既碟平排，大佬呀，你明知會到加火，點會放到咁出呀，隨時整跌，勁求其！到食完先嬲呀，我朋友先去廁所啦，佢地就當正我地而家走啦，先黎執野，咁我地又未叫賣單，咩都無講就直接執枱，連水都收埋，過左1分鐘，連張單都比埋我地，咩料呀，你入場時係同我地講限時個半鐘，但個振連一個鐘都未到呀，趕人走呀？你唔比我地再叫甜品呀，到準備走啦，你明知我都羅緊袋準備行出黎，仲要黎抹埋枱，係咪連個一分錢都等唔到呀！總結：野食平平，但服務其差，無下次唔講以為自己去左lunch 既茶記

鮮蝦米紙卷 $42皮薄餡多，大大隻鮮蝦，沾滿酸汁好好食。越式拼盤 $98炸蝦餅香脆彈牙，好鮮甜炭燒豬頸肉好軟林串燒雞中翼 $46燒到好香脆，配隔離醬汁好辣好惹味。香茅豬扒金邊粉 $68香茅豬扒係另上，大大塊，豬扒肉質軟林唔會靭，金邊粉滑身，湯底濃郁又香甜，自己可以再加芽菜，香葉，辣椒同青檸等。椰汁紅豆冰 $28紅豆份量多，粒粒香甜飽滿，椰汁味道濃厚。咸檸梳打 $28梳打可以自己倒入去，好夠氣，咸檸味道酸酸甜甜。

早一日book左端午節晚上7：30pm 2位。去到時馬上有得入座。因為餐廳唔算多座位，好彩book 左位，如果唔係要排隊等。野食款式多，我地叫左牙車快，串燒（豬牛雞），椰奶海鮮焗飯，紅豆冰，三色冰。牙車快味道ok, 正常野，份量都好好。串燒有d偏喊，豬牛雞3樣比較下，雞比較好。焗飯勁出色！個外貌已經極吸引！食落有d似芒果糯米飯既味道，d飯仲有d椰肉絲！一定要食！！好特別，好好食。野飲方面，三色冰比紅豆冰好飲。

今日去完尖沙咀行donki donki有啲肚餓於是去咗隔離the one le viet 食飯😝其實已經有大半年冇去食🥺但係我依然好記得佢哋嘅牛油雞翼($72）非常出色🥳💛💛💛💛💛💛💛💛💛💛💛💛💛💛另外我哋仲嗌咗青木瓜雞絲大蝦沙律🥗平時$75 今日有優惠$62🤑蝦肉爽囗🦐 沙律酸甜清新 仲好開胃添☘️💛💛💛💛💛💛💛💛💛💛💛💛💛💛椒絲炒通菜亦都唔會好辣 🌶好多蒜頭非常惹味🤩💛💛💛💛💛💛💛💛💛💛💛💛💛💛咖哩鮮雞鍋配印度薄餅 $105咖哩汁份量多到🤓💦我哋要嗌多碗白飯餸無骨雞肉食落啖啖肉好滋味😋💛💛💛💛💛💛💛💛💛💛💛💛💛💛串燒沙嗲(三串) 🔥 $56無論係豬肉雞肉牛肉肉質都非常爽嫩👍🏻點埋沙嗲汁更加係別有一番風味😻💛💛💛💛💛💛💛💛💛💛💛💛💛💛焦糖燉蛋 $36燉蛋有好多雲呢拿籽👏🏻口感幼滑 勁creamy😻😻😻做緊買一送一優惠🤑而家只係18蚊絕對超級抵食👍🏻💛💛💛💛💛💛💛💛💛💛💛💛💛💛我哋仲嗌咗杯青檸梳打配埋啲咁惹味嘅菜色真係 perfect!💛💛💛💛💛💛💛💛💛💛💛💛💛💛總括而言價錢合理而且冇伏過😹如果大家想食啲有多款式又惹味嘅越南餐廳嘅話我超級推薦嚟Le Viet食🏆

好耐都冇食過越南嘢解禁咗之後我去咗尖沙咀睇戲🙊我哋兩個太得閒就走咗去附近呢間越南餐廳食嘢講真我都係熟客仔 唔使睇餐牌已經知有咩好食😂佢嘅賣點係 抵食大件味道中上上菜快🤩💟菠蘿炒飯份量超多 好香菠蘿夾埋啲肉鬆食 勁開胃啲蝦好大隻又爽口😁火車頭湯檬牛丸爽口彈牙勁香牛味牛腩夠淋 鹵水味勁香薄切牛肉唔係肥牛 香牛味又唔會肥最正係個湯底 超足料飲到牛骨味唔似有味精 大推💟牛油雞翼有五隻 隻隻都手掌心咁大雖然有啲邪惡 但係真係好香牛油味入面啲雞肉好滑 外脆內軟💟蝦餅老實講唔算好特別 分量又唔係好大不過質量唔錯 爽口彈牙有蝦味仲脆卜卜 點埋個甜酸醬 好惹味💟另外要讚下啲椰青好新鮮天氣咁熱 飲落去又甜又解渴超清涼 勁高質😍.🎀Le Viet🎀尖沙咀彌敦道100號The ONE 4樓L402舖

自己一直都鍾意食東南亞菜，所以午餐嘅時候都盡量想食返類似嘅嘢，呢間餐廳位置好方便， The One上四層就到。由於我冇預約到，而且都多人等，因為價錢唔算貴，所以我都等咗約10分鐘，先可以入座。呢度嘅午餐，大約$70至$80 ，連埋+1服務費， $100來都可以買單。我自己就鍾意食菠蘿肉鬆炒飯，佢一個午餐，會有餐湯、主菜、飲品。餐湯主要是冬瓜湯，內裏有芫荽、蔥，和少少雞味，幾清新，幾好飲。之後就到個菠蘿肉鬆炒飯，佢用菠蘿盛載着炒飯，上面有大蝦、菠蘿肉、雜豆、提子、肉鬆等等唔同嘅配料，酸酸甜甜的，夾雜着鹹鹹的味道，幾好食。菠蘿亦都好消滯，亦都好開胃。之後就係飲品，飲品我叫咗一個椰汁紅豆冰，唔算太甜，幾香椰味，非常冰凍，不錯。

今日午餐去左theone行街，咁岩見到4樓有間越南野好耐冇食過，一於試一試個環境好開放式午餐套餐都幾抵，普遍都係六十幾蚊但係今日我地想食番d地道小食叫左好多煎炸炸燒野，緊繫叫番粒椰青飲好清甜，仲可以食埋d椰肉叫左碟炒椰菜苗，好香，好有鑊氣炸蝦餅，粒粒都好肥大，入面好實淨既蝦膠，點埋酸酸甜甜既梅醬一流！！越南火車頭酸辣鍋連埋個爐上，滾住上特別過癮有好多料，丸呀，牛肉，牛柳粒，牛柏葉，而且個湯既味道好豐富有層次酸酸甜甜辣辣，仲加左好多蔬果，有菠羅，蕃茄，菜牛油雞翼，渠d雞翼上方只，外面好香脆，加埋d蒜蓉，冇得輸串燒豬牛雞，串串份量都勁大，而且厚切，醃到​​入曬味，唔洗點個醬都ok串燒雞中翼，燒到個皮勁香勁好食，入面d肉又岩岩好熟，嫩滑！！最後仲叫左一個甜品，芒果糯米飯，芒果好甜冇根，糯米份量唔會好多，岩曬做飯後小食野食唔會太過越南風味，反而迎合左香港人既口味！！值得再戰

呢間係The One ge越南野..成日經過都無食過..今日就試下先~原來成間鋪係open area感覺好開揚門口lunch set..一目了然今日我同同事都勁想成肉..所以決定散叫椰青 $42d水多到漏出黎蒜蓉耶菜苗 $66就咁睇d蒜..已經知道勁夠獲氣炸蝦餅 $68非常實用彈牙..一d都唔粉！牛油雞翼 $72做得非常好ge係..炸漿唔厚..唔會食落成舊粉！炸到外皮脆卜卜又有少少甜甜地..但入面又唔會乾身串燒沙爹 牛、雞、豬 (6串) $89  呢個勁度重口味..arm哂鐘意惹味ge人串燒雞中翼 $46燒到皮好香..入面好juicy..簡直係arm arm好！非常適合我口味..唔會太咸火車頭酸辣鍋 $148陣容強勁！超爆料呀！滑底酸係黎自蕃茄..甜係黎自pineapple..好開胃再加上煲入面有肉有菜..營養夠哂均衡香芒糯米飯 $55份量足..好滿足呀

lunch time相約好友撐枱腳，選了the one 的Le viet，交通方便，好就腳。呢間餐廳午市時間都幾多人，好受歡迎，好彩我哋來到時間上尚早，唔使等位。叫咗個大蝦菠蘿炒飯share，大蝦肉質爽彈 ，炒飯乾身配腰果粒，肉鬆，很好吃。前菜我哋單點咗個柚子海鮮沙律，非常清新，裏面有好多海鮮，例如魷魚同埋蝦肉，非常豐富。另外仲叫咗個椒絲炒通菜，好有鑊氣，帶微辣，餸炒飯最啱。最後當然唔少得我嘅最愛芒果糯米飯，同朋友share，份量剛剛好，唔會太漏。飲品方面，朋友好識嘆，叫左個越南滴滴咖啡，我試咗一口，好香濃咖啡味。我就飲中國茶，可以解膩😋

今日同好姊妹黎左食越南菜午餐時段有提供數款套餐，除了主食外，配備飲品，冷熱同價我同好姊妹各選其一，不約而同都選了粉麵類不消一會，食物隨即送到我所揀選既係“香茅豬扒湯河”HKd$62+10%香茅豬扒香而不乾湯河中加上青檸汁則更具風味好姊妹的“香煎豬頸肉撈檬”HKd$65+10%賣相亦為吸引常説女生是用另一個胃來嚐甜亦不無道理，因在吃罷主食後，好姊妹立時建議點上甜品來分享各款的甜品均在水準之上，焦糖燉蛋更有buy one get one free的優惠～斑蘭綠豆千層糕甜度得宜，口感煙韌，確值一讚！芒果香甜，紫糯米尤其有嚼勁，整體為佳：）喝上青檸梳打後，暑氣全消，尤如置身在東南亞地區的感覺xpp

放工同朋友出來吃飯，選左the one 呢間越南菜，份量好大份，特別係椰青焗飯，好足料呢，我們點了超載椰青海鮮飯，價錢＄103，實物正如其名字一樣，真的超載，滿滿的好大份，入面頗多有海鮮和椰肉，啖啖飯都帶有香濃椰子味，大力推介。牛油雞翼，價錢$72，雞翼大隻而且牛油味濃，喜歡牛油味重的岩口味，好香又脆口，正！再來一客鮮蝦米紙卷，價錢＄42，這個點埋配搭醬汁一起吃很不錯，仲有，椒絲炒通菜，價錢＄62，通菜好嫩，有椒絲一併炒的通菜不會辣，而且炒得好夠火候，好味道。飲品點了三色冰和青擰梳打，各款價錢＄28，用來配上咁好味的越南菜，實在是完美。

1. 柚子海鮮沙律（$78）好大碟，超抵食！入面除左有好多meet左皮既柚子肉之外，仲有腰果，最驚喜既係有三大舊大墨魚仲有幾隻蝦同蜆，仲仲有好多木瓜絲，酸酸味味好好食，呢個十級推介2. 越式拚盤（$98）本身以為$115，點知原來有discount!! 拚盤total 4款，最中意係蝦餅，新鮮炸起好脆，入面係好似魚肉咁彈牙，但同時會厚實少少；豬頸肉又係好香、d邊位燒到脆脆地架！另外有兩件好似粉果咁既正方體，入面好多肉碎同菇，；最後係幾粒小春卷入面係有d粉絲咁，但呢兩款就比較油啦3. 蒜蓉炒椰菜苗（$66）椰菜苗有大有細，細既會相對嫩d，蒜蓉爆炒好香，都幾大碟4. 香芒糯米飯（$55）呢個又係驚喜之選！首先好多芒果，芒果仲要好甜😍😍 椰漿飯有兩款，一款係普通，另一個係紫米，紫米呢個好好食🙈 雖然兩款加左椰漿都幾甜，但d飯好熱辣辣，個椰漿又凍冰冰，加埋一齊食真心好味呢間好抵食，係商場4/F 環境舒服，真心推介