Le Menu

营业中

休息中

$1732 3位自助餐, 講到天花龍鳯好多野食, 全部都係cheap version. 凍盤d 蝦 青口 全部每次refill 都係refill 幾粒, d 蟹腳係手指咁幼 仲要無肉, 雪味重。我食5:45 最早果場, 到7:30 先捨得拎鴨肝出黎, 細粒到呢... 仲要每次煎幾件, 排好耐先拎到一舊仔. 鮑魚同花膠都係百佳有得買果d 罐頭質素。 和牛壽司每次都要即燒及只可拎一件 迫人不停排好耐切片皮鴨果位staff 係負責埋切羊扒牛扒煮壽喜燒 燒串燒同燒鴨肝... 忙到西晒口面, 我排個片皮鴨 佢切個脾有筋果個位俾我, 無皮既... 我話我要有皮, 佢再切一塊指甲咁細既皮俾我個壽喜燒一人得一碗, 全部都係菜, 得一片牛... 成件事$300 都俾多。三個人都覺得唯一好食既係菠蘿

自助餐黎講真係大人、細路都啱晒👦🏻👩🏻👧🏻👵🏻，更加無分國籍，亦可以先到先食， 相當受歡迎～六國酒店最近就推出左新主題既自助餐，一於嚟睇吓有啲咩嘢好食啦😋 向來刺身、壽司類係自助餐都大受歡迎嘅🍣，特別嘅係原來仲有「和牛壽司」，仲要係即燒既，賣相同味道都做得幾好~熱食類既選擇都唔錯，必食筒型既「花膠」，炆得都幾夠淋😍「鴨肝」既話都係即煎既，亦係唔限量的； 燒羊架、五層肉、燒牛肉🥩，都係由師傅即場切既，肉質嫩滑！甜品既話一定要留位俾「Häagen Daz雪糕批」🍦，雪糕櫃內有唔同口味，真係好想食多幾款😂 亮點仲有另一款由師傅即場示範製作既另一款甜品添架！ 🥰

踏入六月，終於到囝囝同我慶祝父親節了。其實去酒樓又真係幾逼同趕，今次介紹六國酒店Le Menu Buffet。酒店早前裝修完，自助餐的內容有了大幅改善，雖然說不上頂級，但比起城中不少名店要好。星期一至四：全時段（1745-2215）成人/$638 小童/$448A：1745-1945 成人/$538 小童/$348B：1815-2015 成人/$538 小童/$348星期五至日、公眾假期及前夕全時段（1745-2215）成人/$698 小童/$498A：1745-1945 成人/$598 小童/$398B：1815-2015 成人/$598 小童/$398另加$68，無限暢飲汽水及凍果汁，至於加$98，更升級暢飲啤酒、紅白酒及氣泡酒。海鮮有任食波士頓龍蝦，仲要隻隻有膏。咖啡蟹又係半隻上，同樣充滿了蟹膏，真邪惡。其他海鮮有青口、凍蝦、翡翠螺同長腳蟹爪，陣容已經不錯。刺身必食期間限定火炙和牛壽司 不過每位每次只取一件，想食就走多兩轉。刺身類有吞拿魚、八爪魚、甜蝦、馬刀貝、劍魚及三文魚，解凍處理得不錯，亦覺新鮮，畢竟是酒店出品，有一定水準。熱葷首選一定係［蠔皇扣鮑魚］，煙煙韌韌的好入味，而且

相信一般看到有和牛和鮑魚作主題做下午茶，很多人都會心動，六國大廈近日就以此作招徠。看到這個高貴的廣告，我馬上跟朋友來試一翻。來到六國大廈的一層，餐廳的裝潢實在太簡潔，就如三星級酒店的早餐吧，令人覺得失望，加上座位又小又空間不足，令和牛和鮑魚的貴氣消失了。還好的是，下午茶點心即點即做，scone和咸點均為新鮮制作，而且鮑魚酥又軟又脆，味道剛好。和牛雖然很小且加入其他材料，但以多士夾著亦非常香囗鮮味，帶子帶點咸味跟餅乾都十分合拍。問題只有檸檬皮的開心果芝麻水晶包，廚子用的檸檬太多了，變成有點苦味，味道太濃亦客人吃不到開心果芝麻味。飲品方面，除加錢可飲紅酒等高級飲品，茶和咖啡的配搭跟高貴的和牛和鮑魚一點都拉不上關，有些不襯托吧！不過講到底，餐廳是時候裝修了，否則以現時高雅裝飾的下午茶確很難作配襯。

今晚嚟到位於灣仔嘅六國酒店，入面嘅Le Menu食自助餐。我就喺Kkday訂嘅，佢哋今個月嘅主題係龍蝦鵝肝佛跳牆。我食嘅時候係閒日每位578蚊，而家再平咗，做緊554蚊。限時三個鐘，包果汁汽水任飲。食到500幾蚊個自助餐，唔知呢度又做唔做得返個質素呢？佢哋餐廳位於一樓右手邊，一入門口已經係甜品部，攞嘢食就呢一行，全部喺晒度。雖然話疫情過去，但保留返呢塊間板keep住個私隱度確實唔錯，衛生之餘又可以有自己嘅空間。場地寬敞，佈置典雅，窗邊4人枱就好景啲，但今次就派唔到啦。雲石花枱配上金邊枱凳為打咭增添咗份美感。最受歡迎莫過於呢碟鮑魚，每次都俾人秒殺，鮑魚有啲size ，有咬口。咖喱香口。個意粉就普普通通。條班唔同出面整法，平日出面蒸得比較冧，佢係硬身爽口彈牙啲。海南雞，正常。花膠煙韌爽口，但唔知點解無咩人幫襯。咁當然唔洗講鮑魚同花膠一定係encore 。呢個蘑菇忌廉湯真係不得了，Creamy鮮甜，味道濃厚，細膩嘅菇渣均勻仔細咁分佈咗喺每一啖湯，增加口感同美味，飲咗幾碗。嚟到扒嘅位置，今晚有肉眼牛扒同羊脾。塊牛就嫩口，牛味濃郁。舊羊就切得厚身咗啲，幾草青味。除咗牛羊仲有燒鵝，即場出爐夠晒熱度

鐵板及燒肉區兩位職員忙到無人幫手，認真辛苦。待應亦得兩三位唔足以服務全場，收碟有難度，加水同中六合彩四五獎差唔多，經理比較得閒可以蛇王，早離場搵佢埋單要其他職員緝兇咁，要有經理先結到到帳令人驚訝，整體服務水平要改善，多加返點人手，食物唔算差，亦唔算好食，算係中規中矩，價錢應該未達到性價比，好難吸引再幫襯。服務同性格比我會比唔合格。 中段時間有個甜品show整火焰雪山，餅太細唔夠分全場，攪黎有點多餘。片皮鵝：有特色有別於傳統的片皮鴨，鵝的肉會結實點，口感香口點滑點。 佛跳牆：油點外，算係足料。 鴨肝多士：多士包皮唔脆。 冷盤：龍蝦、蟹腳正常唔太咸，肉唔算柴。 刺身：三文魚唔多靚，甜蝦有點細，赤貝還可以。熱盤同冷品：算多款式。

買左六國酒店staycation, 包自助晚餐同自助早餐。不嬲都聽過六國酒店的中菜出名，而且酒店又翻新左，就黎試下。自助晚餐大約$600一個人，性價比幾高，值得一試😋個人推薦回本之選:🔅龍蝦🦞: 肉質爽口彈牙🔅麵包蟹: 超級多膏🔅西冷牛扒:牛味重🔅蒸東星班:新鮮，肉質嫩滑🔅花膠:都幾厚身，鮮味🔅炸廣島蠔:超級好味😍廣島蠔超級大隻，炸粉鬆脆，好新鮮，refil得好快，不停供應，所以keep住熱辣辣！🔅鮑魚: 幾淋幾入味🔅佛跳牆:每人只限一盅，入面有鮑魚，瑤柱，海參，花膠，雞肉，豬肉一齊燉，好鮮味，不過咸左少少🤏🏼🔅焗蟹蓋:超級推薦🤩蟹肉成份有95%，一絲絲蟹肉撈埋少少菇，蔬菜，芝士一齊焗，好惹味😋🔅哈根大師雪糕批其他回本之選🔅片皮鴨🔅羊架🔅鴨肝多士自助餐區吾係好大，但勝在有好多珍貴食材。refil速度好快，吾使驚俾人夾晒。中途仲有火焰🔥雪山表演，氣氛好好😆十分推薦的自助餐，食材高質，而且一定可以回本😍

認真講一入到餐廳仲以為中伏，環境方面真係細咗啲！而且又唔似多嘢食咁去拎嘢食先，首先拎長腳蟹和麵包蟹，都幾多蟹膏不過工具得一把剪刀食蟹鉗有啲唔太方便佛跳牆限一盅，都算多料但無膠質，比較似燉湯龍蝦有少少雪藏味，拎咗兩隻無拎。相比刺身比較美味，有赤貝、甜蝦、章魚、吞拿魚等等……選擇都唔少熟食方面燒牛肉和羊脾肉都幾正，而且有乳豬和北京填鴨？（好似係鵝）可惜乳豬供應比較少食得一兩件。另外仲有花膠、鮑魚、鴨掌、煎鴨肝等等，本人認為熟食比較出色和有驚喜，以現在自助餐價錢來講都算公道，如果住附近可以一試，但山長水遠就無謂（小弟住新界）

#華麗盛饌自助晚餐 ⭐️⭐️⭐️⭐️⭐️六國酒店係一間充滿歷史同故事嘅地方，環境充滿古典氣息而且周圍都有油畫去展示歷史故事，住係呢到，真係好似置身係博物館一樣，好夢幻啊！特別係佢嘅餐廳，係寧靜古典風嘅環境下食住呢個高質自助餐，不得了！《個人必食推介》波士頓龍蝦煎鴨肝薄多士佛跳牆美國特級有骨肉眼美國麵包蟹芝士蘑菇焗蟹蓋薑蔥炒龍蝦鉗焦糖燉蛋⭕️環境寧靜復古又充滿藝術氣息好chill⭕️海鮮區樣樣野都大大隻又新鮮⭕️鴨肝多士任食不得了停唔到口⭕️佛跳牆足料而且熱辣辣好滿足⭕️焦糖燉蛋細細杯但好正食完又食⭕️除左食仲有小表演睇今日有火焰雪山同埋扑復活蛋⭕️刺身自助餐唔少得而且仲多種類

第一次打食評，一個人的自助餐，原本以為會很尷尬，沒想到遇上十分親切的職員，餐廳內全部的職員都帶著親切的笑容，亦十分頻繁地收碟環境方面：聽說是新裝潢，所以十分新淨，簡單優雅，窗邊有掛上燈飾，入夜後更添浪漫感覺食物方面：主要是為了龍蝦和鴨肝而來，鴨肝十分好吃，吃了5，6件 龍蝦的膏不錯，肉身較淡，但以加一後也不用600蚊來說已經可以接受，也吃了4邊還有甜品也很出色，tiramisu杯，焦糖燉奶，拿破崙等 太飽也試唔哂其他熱食也不錯，太多不能盡錄中途還有熄燈的火焰🔥雪山表演，也是有點心思的最後有haagendaz 雪糕和雪糕批，選了綠茶雪糕批作結尾整體來說十分滿足有機會會再來

好耐之前吃過六國酒店自助餐，發現最近原來Le Menu剛剛重新裝修，就連自助晚餐的餐單都有大更新，呢日就同朋友們黎試下自助餐主題為華麗盛宴，主打龍蝦，花膠，鮑魚，海參，東星班，特級牛扒等，多款高級食材最吸引我當然係冰鎮海鮮，全晚都源源不絕地供應，當晚有波士頓龍蝦，花蟹腳，麵包蟹，熟蝦，東風螺，藍青口龍蝦多膏蝦肉爽口刺身都有幾款三文魚，油甘魚，吞拿魚，八爪魚，榮螺，甜蝦每片魚生都係厚切的，肥美又大件Prime rib 特級牛扒肉質鬆軟富油香，牛味特別濃厚絕對必食推介有首創選用鵝取代平時做嘅片皮鴨，師傅即叫即切，油脂感更豐腴，肉質更嫩滑其他熱葷款式中西合璧有出面buffet好少見到嘅特色菜有花膠之外，鐵板煎大蝦，焗蟹蓋，東星班，鵝掌，海南雞，比目魚等等另外仲有日本鐵板燒及雞湯拉麵必吃無限量供應的鴨肝多士，外脆內軟我都encore左幾次最後又點少得甜品，每款賣相都好精緻吸引都係酒店自家製有慕絲蛋糕、榛子卷、黑森林蛋糕、果凍及奶凍等等，仲有拿破崙，焦糖布甸，葡撻、麵包布甸、椰汁西米糕，即製窩夫雪糕係Haagen-Dazs雪糕同脆皮雪條食返幾個一定回到本由於是晩迫爆人，再加上我都掛住夾食物相片同

🥢 今次同朋友慶祝生日就去左六國酒店嘅 Le Menu 試下佢地最新嘅華麗盛宴自助餐，餐廳上年進行大翻新，以維多利亞風格作主題，融合現代同舊時代設計特色，別有風味！ 🍴 華麗盛饌 • 自助晚餐⚡️ 快閃 官網預訂(3月1-10日) 兩小時送一小時🔸 各大預訂平台正進行其他不同優惠推廣 👍🏻 主打精緻嘅食物選擇同埋提供多款自助餐罕有嘅高級食材吸引顧客，仲有串燒同埋甜品表演環節，心思十足，以下為大家介紹幾項重點特色！ ✨ 豐富海鮮供應包括波士頓龍蝦，雪花蟹腳，麵包蟹，翡翠螺等等 ✨ Prime Rib美國特級有骨肉眼，肉質夠腍鮮美多汁，肉味幾出 ✨ 乳豬新鮮出爐烤乳豬，皮脆又留有油香，細細件唔怕膩 ✨ 花膠鮑魚海參燴花膠同海參軟身入味，另外蠔皇扣鮑魚爽口彈牙 ✨ 佛跳牆個湯好清甜，非常潤喉滋補，裏面齊集曬鮑魚花膠 ✨ 片皮鵝餐廳現烤鵝再切成薄片，肉質嫩滑，配埋傳統配料 ✨ 甜品櫃餐廳仲有一大個甜品櫃，可以問師傅攞鍾意嘅款式 ✨ 火焰雪山表演每晚仲有廚師示範火焰雪山，仲會分比食客享用添

幫襯咗十幾年，唔會再幫襯！第一次比侍應生/自稱經理無理地對待，覺得唔值得再消費。Order咗半自助餐，兩個主餐，食咗一碟salad, 一碗西湯，主餐仲未上，之後再食咗一半主餐，差唔多要走人，想打包剩底冇浪費嘅食物(早餐食遲咗食量唔多)，估唔到唔比(之前冇呢個條例，多次半自助比打包主餐)，話啲人食咗好多自助食物(關我哋咩事?)，唔食主餐，咁你係半自助餐，又點? 跟住自稱係經理嘅好串話你哋幫襯係舊嘅(未裝修前)，又冇寫明，我哋話冇位擺其他嘢(兩個碟超大)，唔會貪呢啲小便宜，夾硬搬張枱比我哋擺，其實我哋差唔多走人啦！所謂嘅半自助餐，只不過包括salad， 麵包，一中湯，一西湯，少少生果，一火腿片。之前慣咗食全自助餐(宜家冇咗)有幾種肉類，海鮮，炒飯粉麵意粉之類，甜品，飲品，雪糕等，宜家全都cut咗。加半自助餐都唔平，兩位埋單接近500。之後，我哋趕住走，冇謂浪費主餐(一碟)，另外一個侍應生就好禮貌幫我打包，要收2紋(0K冇問題)，等我哋要走時，自稱經理(之前未見過)就叫打包嘅侍應生同我哋講今次係最後一次(警告)，趕客(太冇禮貌)，對眼仲露出兇光望住我哋！救命啊! 幫襯咁耐真係比呢個自稱經理嘅

We had semi buffet lunch at this restaurant, the food was okay. However, this is the first time I ever experienced such rude manners from waitress. We had a plate of salad, soup and fruit each. Honestly speaking, all are inexpensive kind of food. Being small eaters and hence we couldn’t finish the main dish and the waitress disallowed us to take away leftover ribs n noodles we ordered. Frankly speaking we could have just left the food be wasted and thrown into rubbish bin. We found the waitress

好耐無來過的六國酒店自助餐，聽講而家係有個全新面貌，想book左一段時間，終於約到朋友一齊食。有幾個選擇，你可以17:45就開始食到20:00，又可以八點先入場，又或者大胃王由17:45食到22:15，兩個價錢，星期一至五又或是星期六日會唔同價錢，我哋為食當然係由朝食到晚，一到四去最化算。唔淨係食嘢嘅Menu改咗，佢嘅裝修同以前都唔同，改咗歐陸風情同埋換咗色調，坐嘅空間都唔同咗舒服左。老實講，淨係海鮮已經係同以前完全唔同，海鮮嘅份量同我上次食真係好左好多，剩係龍蝦已經好正，勁大隻翡翠螺，麵包蟹、蟹腳都係兵家必爭之地，仲有青口同蜆都好食。不過佢嘅前菜沙律同埋煙三文魚都有唔錯嘅表現，煙三文魚好食到直逼上次喺麗晶自助餐嘅水準。熱食我自己就好多心水，因為花膠係我食過自助餐之中品質最靚嘅，仲有超級滿足嘅焗蟹蓋，海參同竹笙，仲有蒸班，鮑魚，呢啲都係好精彩嘅中式野食，基本上個個都狂攻呢幾個選擇。繼續講熱食，佢嘅海南雞，龍蝦鉗，鴨肝，鵝掌，豉油皇蝦，仲有龍蝦湯都非常對辦。刺身唔可以話係太吸引，但係你想要嘅嘢都應有盡有，個人喜歡榮螺，食得令人高興。羊架，片皮鴨，仲有大大件嘅西冷，又係人人不能錯過的地方，