Lamees

营业中

休息中

嚟到土瓜灣嘅依間非常傳統嘅中東菜餐廳，入到去感覺超有氣氛，不論係裝修定係音樂都好有高質，佈置仲好精緻添~ 成個menu 既菜都好有特色，好少係香港食到正宗嘅中東菜~ 店員係一大嘅加分位，非常親切而且每道菜都會好好解釋，不論係材料定係做法都別有用心架~ Kibden Chicken Liver ———$120 法國雞肝加上傳統麵包，雞肝味道好特別，加上酸酸甜甜嘅醬汁，濃郁得來又好開胃，要試一試的前菜~ Fettosh ——— $90 沙津係用橄欖油檸檬汁做base ，再加上獨特嘅中東傳統spice ，份量仲好夠兩人分享，想食開胃菜必叫~ Shrimp Rice ——— $180蝦好鮮甜，黃姜飯入面有洋蔥紅椒 味道好夾 ,有淡淡的黃姜味, 覺得食落有陣甜甜地嘅味道~ Bozza ——— $65自家製嘅雪糕唔會太甜，而且仲幾打卡able 添

行係土瓜灣，比呢間異國風情餐廳吸引到。原來係地中海菜，平時好少食到中東菜，就試一試佢。 一入到餐廳，啲音樂，環境，氣氛，廚師比到你好舒服嘅感覺，好似身處中東地區。前菜嗌左個fettosh，salad黎。有青椒，車釐茄，青瓜，羅馬生菜夾住檸檬沙律汁，食落口酸酸哋，好開胃，夾埋薄荷葉好清新。聽店員介紹返菜碟周圍黑黑哋係中東一款樹皮，食落係酸口嘅。有機藍青口$235 用左最簡單嘅煮法，以橄欖油，檸檬，海鹽白灼亨調出鮮味。口味偏鹹，湯汁好鮮甜，食落好健康。黑鬆露通粉$180 廚師好用心，黑鬆露夠味又唔會多得濟，個汁偏奶味，啲通粉吸曬啲汁，成啖好足味。不過份量有啲mini。甜品嗌左蜜棗蛋糕伴vanilla雪糕$120.雪糕偏甜，不過甜嘢先比到人開心嘛。蜜棗蛋糕做底，棗味重，如果中意棗味嘅就啱曬。

Fly you to Mediterranean island by newly-opened Tuen Ma Line~ (🎵Riding Tuen Ma Line Feeling so excited 🎶）Found a hidden gem in To Kwa Wan when exploring this local neighbourhood! We started our dinner with the Fettosh ($90) and Hallumi Cheese ($95). Served in a hot sizzling pan, the cheese was perfectly squidgy and salty which severed my taste buds right! Then we had the octopus linguine ($195) and Iberico Lamb Spare Ribs ($420) for mains. The linguine was delightfully seasoned with a good mixt

有日經過土瓜灣覺得呢間餐廳好有特色，原來佢用中東菜做主題，相當特別～餐廳裝修好有異國風采，加少少想像力真係當自己去咗外國嘅餐廳！叫左個Trio Dip($160),跟六小塊pita bread, pita bread上菜嗰陣熱辣辣，令人好有胃口。有3款醬，其中兩款係鷹嘴豆泥醬，有一款加左黑松露，相當香滑，中間就係香辣雜菜醬，比較開胃Hallumi($95)呢一款係鐵板鹹香芝士，芝士口感相當特別識落有啲似硬豆腐同雞胸肉之間嘅質感，味道係較為鹹啲，但配搭先酸酸甜甜嘅醬汁，就相當惹味Chicken Shish Tawook($180)雞肉串配烤雜菜串同焗薯仔，兩串雞肉仲大過我男朋友隻手！雞肉雖然係烤出黎，但仲係好juicy! 配菜焗薯仔都超好食！Bozza($65)最後既甜品有開心果粒雪糕，唔會太甜好滿意

朋友介紹土瓜灣一家中東菜餐廳，食材美味到爆，今日啱啱好得閒，約起去享受美食。前菜係沙律：有雞肉、車厘茄、青瓜、生菜。醬料有橄欖油，白芝麻醬，味道酸酸甜甜，好開胃。主食係烤有機放養天然全雞：剛上檯，香氣撲鼻啊！擺盤又靚，配料豐富。雞焗得好幹身，雞肉好嫩滑，雞皮好香口。調味啱啱好，味道好入味。配料最正嘅係烤薯仔，薯仔皮烤得焦香，內裡好軟糯。雞都好大隻，肉好多，單吃這隻雞就可以食飽。最後呢道甜品好特別，外層一絲絲酥皮椰絲，內裡一層層薯蓉芝士，撒上開心果碎，養眼又美味。

friend 介紹話好食所以去食晚餐，食左500幾蚊per head ，完全唔值呢個價錢個飯最差，聞落好似嘔吐味咁，似乎冇肉得幾舊瓜，難食冇料，呢個飯敢收我500蚊樓上串燒有個爐跟住上幾有特色。但要100幾蚊一串，salmon 串更加要150，食落中規中矩，有d柴，自己衡量值唔值意粉冇咩特別。沙律好似點白切雞果d葱油，中東風味？唔識欣賞牛肋骨就600蚊以上，一舊肉，算成餐主要裹腹既食物，因為其野都食唔到滿足既感覺，但都係較貴成餐唯一食得過係個pita bread，點3種醬汁上菜時間偏慢，好似等左半個鐘以上先有野食睇埋價錢，再諗返食左咩真係心有戚戚然！

第一次食地中海菜，係裝修好外國嘅環境下食特別有feel，如果日頭食坐室外應該會好chill。睇menu先知原來廚師係5星級酒店同領事館做過，難怪食物咁有水準有機藍青口 $235頭盤係藍青口，加左蒜蓉同啲啲鹽調味，由於唔多調味料，保留到海鮮原味👍🏻。青口好新鮮無霉味，唔加檸檬汁就覺得有啲啲鹹，加左可以中和番啲鹹味，更能突出青口味。石燒牛 $290唔好影太耐相，一定要快啲燒，大概每面燒30秒，建議一次過燒完牛再燒菇，菇會吸曬牛啲油香味🤤，牛肉脂肪唔係好多，唔會肥到膩。焗黑松露奶油通粉 $180芝士醬汁多到見唔到通粉😍，口感creamy味道好濃郁，面仲加左啲麵包碎乾，口感層次更豐富。甜芝士卷包著鮮忌廉 $110擺碟好grand，賣相十分吸引📸，加左玫瑰糖漿，多左陣花香味。外圍係甜嘅芝士包住有啲啲凍嘅cream，口感soft好特別，似食緊雪糕海綿蛋糕。

人生第一次去食地中海菜， 一入到去裝修已經好靚， 入到去有古色古香嘅感覺。第一套菜係前菜 Fettosh 沙律， 入邊夾雜左生菜、 紅石榴車厘茄 、配上麵包碎 ，食落去好清新， 配上鹹鹹地嘅調味料 ，造成全新的味道。但係真係正令我耳目一新嘅係主菜MAQLOOBEH ，呢道菜係約旦嘅一道家常菜， 嚟到嘅時候用一個鐵兜蓋住 再從個鐵兜到出嚟碟上， 外貌平平無奇， 但係一食落口 味道真係好當地， 係一種唔似喺香港食到嘅味， 那種酸醬以及飯的味道 ，融為一體， 在熱辣辣的飯入邊含有原隻雞件及薯菜， 多重的口感之中配上冰冷的乳酪醬， 當初以為味道會突兀 反而那種冰火交融的食感咁恰到好處 整道菜的味道十分開胃 ，令人食了一口再想食多口。最後Bozza 香草雪糕配開心碎， 整體感覺不算太甜， 在濃味的主菜後， 作為最後的點綴最好不過。

香港有「美食之都」之稱，各國美食都可以喺呢度搵到。屯馬開通真的很興奮，趁住屯馬線開通同朋友去咗土瓜灣搵食🥳。去左一間叫「Lamees」嘅餐廳，呢間餐廳提供地中海菜和中東菜。第一次試感覺新奇。先點一款叫Fettosh嘅沙律。有青椒、青瓜、車厘茄同洋蔥，加上檸檬汁同中東香料SUMAC調味，香口清新。落左橄欖油感覺冇咁乾。前菜點左「香煎法國雞肝佐紅石榴汁(Kibdeh Chicken Liver)」旁邊有成大片檸檬角，先唧d 檸檬汁落雞肝闢走酥味，再將雞肝放喺包入邊一齊食。雞肝落左紅石榴汁、洋蔥絲同黑椒調味，唔會太酥。誠意推薦大家必點「焗黑松露奶油通粉(Macarona Bel Foron)」，真心好食！😍😋通粉唔會過腍，同鋪喺通粉上面嘅芝士粉一齊食好有口感。奶油香滑，加埋黑松露更香口！最後食埋個甜品——「甜芝士卷包著鮮忌廉(Halawet El Jibin)」就為今次嘅美食之旅劃上完滿句號啦。芝士卷味道似芝士蛋糕，但比芝士蛋糕軟滑，鍾意芝士嘅朋友可以一試。芝士卷上放左玫瑰花，入口盡是玫瑰花香～🥰加上糖漿食落甜甜地。

屯馬線開通咗之後就嚟土瓜環就更加方便，而呢頭都開咁唔少新餐廳，周圍行吓呢間食地中海菜嘅餐廳就最吸引我地。一嚟無論外觀同內裏裝修都好有外國風情，而且仲有戶外位揀。香港食地中海菜嘅地方唔多，今餐完全有之前係歐洲食嘅水準。沙律我地叫咗Fettosh, 有蕃茄青瓜等，加上酸酸甜甜嘅石榴汁做dressing, 用嚟開胃啱啱好，而且仲有塊pita包脆脆，食落好香口。另外我地仲叫咗個hummus伴羊肉，加埋pita包。呢度hummus嘅擺盤好特別，整成一個覺咁裝住啲羊肉。呢度嘅hummus話係香食過最好食嘅真係唔過分，食落香濃幼滑，用pita包裝住羊肉再點上hummus真係食到停唔到手！我地仲叫咗個黑松露Mac and cheese。Mac and cheese呢樣嘢勾起少少童年回憶，但呢度嘅Mac and cheese當然冇咁兒戲，加埋濃濃嘅黑松露，將呢道意粉更加昇華。甜品我地叫咗kanafeh, 係一種panstry包住芝士嘅甜品，食落甜得嚟又有啲鹹味，好特別，田再加埋淋上去嘅玫瑰糖漿，成個體驗好得意

今次請朋友食生日飯，佢鐘意食特色菜，難得見到九龍區有中東菜，評語又唔錯所以就黎試下。本來前菜想叫個生羊肉薄切同八爪魚，但係店員話無，佢就推薦左個香煎法國雞肝。味道幾好，會有兩塊彼得包俾你包住雞肝食，咁就無咁漏。朋友仲食哂伴碟嘅洋蔥添，話好好食。前菜仲有個Classics Trio Dips Platter。有原味鷹嘴豆泥，黑松露味鷹嘴豆泥同烤茄子醬。又係會有幾塊彼得包俾你點嚟食，個包幾香幾軟熟，後尾我哋食哂仲encore左一兜包。個豆泥整得好滑，朋友比較鐘意黑松露味，個黑松露味唔會好濃但係會有少少香味。中間個烤茄子其實食唔出係茄子，加左啲生洋蔥同埋啲香草，食落會清新啲，平衡反兩邊嘅鷹嘴豆泥。主食就叫左個法國野兔脾配中東小米。野兔脾望落似雞脾，食落好似比雞肉彈牙同埋有一陣煙燻嘅味。側邊有啲茄醬，偏酸同有紅酒味。中東小米比想像中無咁腍，但係如果加左茄醬就會變左一pat野，個人無咁鐘意，所以就淨係用佢黎點兔肉。另外仲叫左個伊比利亞羊肋骨，攞過黎嘅時候聞到一陣好似臭狐咁嘅味，但係食落係無嘅。個羊皮焗得脆脆地，落嘅調味唔會太多仲可以食到羊味。最後梗係要食甜品，叫左個叫Katayef嘅甜品。好香肉

香港熊本熊探索約旦地中海菜的奧秘自從土瓜灣站和宋皇台站開通以來,陸續就有不少香港人坐地鐵探索此區的歷史。趁著與好朋友相聚的機會,今天晚上我們就與熊本熊來到此區尋找美食,聞說有一間提供約旦地中海菜的小店,鄰近宋皇台站約5-10分鐘,慶幸一早致電預留座位,在笑容可掬的女店員推介下,品嚐到非常出色的料理,值得情侶和好友前往慶祝。前菜 - Hummos B Lamb  120元鷹嘴豆泥無疑就是地中海菜的招牌,此菜加入健康的橄欖油,以及微羶的羊肉粒,以彼得餅逐小片大量佐料,是我個人非常推薦及喜歡的前菜。薄餅 - Zater 95元在享用完菜後10分鐘,芝麻薄餅的亦剛好遞上。地中海菜的薄餅雖脆口卻油份稍多,所以一口芝麻薄餅再一口青瓜片,正好解膩。每人4片亦一解飢餓感。主菜 - Love HK  210元這是一道此店大廚TAREK在香港生活多年,將香港特色給合地中海菜(約旦)的創意料理。其實就是用上蟹肉/天使麵/洋蔥片,混入芝士和輕量港式腐乳,料理的名稱充分反映出大廚的心意。細膩的天使麵在醬料加乘下與別不同。新派甜品 - Halawet El Jibin 110元原來地中海菜也有芝士蛋糕?鮮忌廉的甜

上網搵到呢間好似幾有特色嘅小店，係食地中海菜，見冇旅行去就去食下特色菜。門口裝修帶有種復古味，以書法字型簡約風展示店鋪名。成間鋪嘅色系都係以淺啡色為主，入到去環境優優雅，地板都以石板磚砌成，成個氛圍似去左外地旅遊咁。前菜點左Quinoa，以三色藜麥、鷹嘴豆、車厘茄等等混成嘅沙律，味道同口感有別於一般平時食嘅菜式沙律，幾清涼幾有地中海風味。然後係Batata Mahsi，以免治羊肉釀薯，非常香口，羊肉又食出啖啖孜然味，同薯仔非常搭配。店員推介話佢地嘅串燒唔錯，我哋都揀左幾款。上菜時好有驚喜，在於係用一個好靚嘅木盒咁上碟，盒上刻著店名，盒面就係隔網，串燒仲噴住煙咁。其中最值一提係三文魚串，肉質唔會過實，食落啖啖肉，伴上自家製檸檬奶油醬，淡淡檸檬酸將本身燒到剛剛微脆口感嘅三文魚再昇華，令到一點都唔乾身。餐飲方面叫左鼠尾茶同檸檬薄荷，前者茶味有份份優香，入口舒服，茶味唔會過濃；後者就十分清爽，以檸檬和薄荷茶攪拌而成，薄荷葉味道比較重，喺炎炎夏日增添一份涼意。甜品叫左halawet el jibin，即甜芝士鮮忌廉卷，賣相似細細舊嘅卷蛋，擺碟幾精緻，每件頂都放住玫瑰，配上玫瑰味糖漿，入口口感相當

［Lamees］小店裝潢充滿異地風情，加上民族風嘅擺設、音樂，感覺relax，仲有室外座位，店內店外都充滿打咭位📸#Quinoa Salad $120沙律賣相吸引，三色藜麥、鷹咀豆、車厘茄、青瓜、紅洋蔥同菠菜苗，加上初榨橄欖油，以檸檬汁提味，清新健康#Hummos B Lamb $120充滿中東特色的鷹嘴豆泥creamy細膩，獨有嘅豆香配合香濃嘅羊肉，層次豐富#Organic Blue Mussel $235以簡單的煮法，感受食材原本的味道，加上檸檬汁，更加突出藍青口嘅鮮甜，充份表現less is more#Macarona Bel Foron $180原煲上嘅macaroni 香味四溢，除咗芝士嘅咸香，隱約食到黑松露的香味，芝士控必試🤤#Bozza $65一個又靚又有誠意嘅甜品，雪糕口感順滑甜度剛剛好，外圍沾滿開心果碎增加口感，每一啖都食得好滿足😋今次其實係第一次食中東菜，感覺好impressive，店員會好細心介紹每款菜嘅材料、特色，有機會一定要再嚟encore🥳

Great food , great chef , but very unwelcoming staff with immense attitude problem, and sometimes racist and just so unwelcoming … :The food is amazing …. All hummus to die for …. They are totally yummy , the breads though if they served hot would be so much better They generally run out of food or drinks sometimes Like no cola 🤔Their lemonade is amazing 🤩 Price a little steep but for the food quality amazing … Except the local staff there rest is awesome …. The staff is totally not welcoming ,