Lagom Kaffe (已結業)

牛頭角工廈區居然有間隱世Cafe「樂感」，週末tea time時間去已經好多人等緊位！果然好受歡迎呢☺️係門口已經感受到同其他一般cafe最明顯分別係空間超大，樓底高咖啡師沖調位置相當鬆動，用餐位置唔需要擺到門口，枱與枱之間有私隱度，夠位放梳化位、有窗邊長枱位、大卡位，仲擺到幾盤植物😂可想而知用餐環境幾舒適寬敞。All Day Breakfast($128)••••••去Cafe緊係唔少得一個全日早餐😎賣相爆哂碟咁，極為豐富。廚師有心思，司華力腸+兩隻太陽蛋=笑臉😊六種食材入面最鍾意炒雜菌‼️用上幾款不同菌類算係幾有誠意，新鮮菇香輕輕炒下已經好香又健康🥰台北燉牛肉意粉($78)••••••其就咁睇菜式名其實唔知味道係邊個路向😂等小編形容俾你聽😚味道係似椒麻味‼️件事即刻好台灣😍估唔到意粉可以咁整，而且好味👏🏻上面塊牛肉睇粉嫩顏色都知，medium得嚟唔韌唔柴有啲牛味，亦有一定厚道，Good焦糖蘋果·伯爵茶·檸檬·窩夫($128)••••••爬文呢個都必點，組合係幾清新少見，檸檬雪糕真係帶檸檬汁酸味🥶中和下甜品焦糖嘅甜，伯爵茶窩夫係出色嘅🤤陣陣伯爵香氣滲出嚟，Earl Grey控唔好錯過😋

同好友喺佐敦食完午飯，意猶未盡，上網搵間coffee shop坐低再傾過。咖啡店位於新落成嘅商廈一樓，四點幾嚟到唔使等位，揀咗窗邊高枱坐低。呢度地方都算大，除咗二人枱嗰邊比較密啲外，其他地方坐得都頗舒服。食物方面，我同好友揀咗：鮭魚牛油果香草三文治三文治係用咗一大塊厚切sough bread，包身比較硬，用刀叉切嚟食比較麻煩 😅。三文魚份量頗多，仲有魚子芝士溫泉蛋同香草，旁邊仲配埋不少沙律菜。個人覺得如果用蛋白碎蛋代替溫泉蛋比較好，唔會整到其他配料濕晒。炸魚薯條炸魚薯條一上枱，比想像中唔同，啲炸魚顏色比較深色，同埋唔係一塊塊。另外個醬汁同個炸魚唔夾，大家都係辣嘅，我同好友唯有叫侍應攞支茄汁俾我哋 ，如果配傳統嘅他他醬會好啲。飲品方面叫咗2杯㗎啡，拉花及味道一般，好友更認唔到佢杯咖啡拉嘅圖案 🤣。

一間8700呎全落地玻璃的咖啡店，兩邊嘅落地玻璃窗，室內以木為主裝修，感覺特別舒適！伯爵茶 窩夫窩夫有濃厚伯爵茶味道，茶味濃郁！同埋值得讚賞嘅係佢個窩夫比較脆，最尾食甜品都唔會覺得太Heavy！（好驚係嗰啲勁蛋糕勁厚口感嘅格仔餅）OpenSandwich 最欣賞下酸種麵包吐司，超級鬆軟好食！而上面牛油果Creamy，配上大片三文魚和粒粒三文魚籽，味道清新口感又好！同事叫的AlldayBreakfast

一入去店員服務好一般，有空位也要等上10幾廿分鐘，食物不吸引，加上遠遠都睇到廚房員工拉低口罩工作，坐咗個幾鐘都仲係見到該員工拉低口罩工作，衛生問題存疑，冇叫到，肺炎咁嚴重情況下也不自律，如何令食客安心享用？地下衛生情況都比較差，窗邊地下好多食物碎屑，整體環境還可以，員工連paywave都唔識，係咪要進修培訓下？因為要夠200字先可以比食評，之後係求其寫的。重點員工拉低口罩！其實係唔想比星星，但奈何強制性要比！比一般話唔符合，要我比劣評

平日lunch時間去到,都已經人頭湧湧, 要等差唔多半個鐘先有位。入到去發現餐廳好大好闊落, 而落地玻璃令到環境更加開揚, 好舒服!餐廳門口擺左D自家烘焙, 等位果時見到就已經決定要試冧酒提子司康同牛角包~~而主菜我地就叫左:🍴台北燉牛肉意粉 hkd78呢款意粉好驚喜, 醬汁食落會有花椒味 有四川麻辣既感覺好特別, 而牛肉仲好嫩!🍴松露干貝意粉 hkd98呢款對比台北燉牛肉意粉就比較普通, 冇咩松露味, 干貝煎得岩岩好, 但唔值呢個價錢。🍴炸魚薯條 hkd88雖然望落比較深色, 但好香脆唔會炸得過火, 配合個醬汁辣辣地, 好match!

之前有同朋友食過旺角既桔硬店，而家知道佢係牛頭角商廈地區開左姊妹店，當然要去朝聖，於是平日既2點左右就帶左媽媽過黎試試。我地兩個人各自叫左杯熱飲及主食，覺得十分滿足。另外。餐廳仲有出售麵包及餅乾類既食物，大家都可以選擇買番去做下午茶或宵夜。1. 台北燉牛肉意粉牛肉上有唔少芝士粉調味，加埋肉碎同麻香既汁配意粉，十分惹味。好彩個汁既麻既味道較突出，唔會太辣。覺得依個味道幾特別，好少有機會食咁既味道既意粉。2. 炸魚薯條芝士粉下既魚柳同薯條都香脆可口，另外配有一個酸辣既醬料。份量頗大，我地都食剩少少薯條。3. Hot Latte4. Hot Earl Grey Tea

呢間餐廳專登走入黎食都是值得的，就算等得再多位有冇問題，地方非常寬躺，下面泊車也非常方便，就是有點隔涉比較難搵，對面就是pure fitness ！我覺得價錢比得緊再便宜一點點，但他們的裝修舒服程度也值得來一試，食物水平中等，我只會說這個價錢這種食物也是不過不失的，意粉也幾好味，飲品就普普通通啦，反而覺得炸魚薯條個炸魚就唔使叫因為真係冇乜特別同埋唔係正宗的炸魚薯條味道！但當然以性價比來說也是非常好的，他們有很多不同類型的餐枱給你選擇又有很多植物全部落地玻璃在這個嚴峻的疫情來這裏也是一種享受

係繁忙生活入面，有時都會去d寫意既cafe 放鬆一下，享受下慢活既感覺，今日就去左朋友介紹既一間cafelagom kaffe位於牛頭角，聞說係過江龍，好評如潮，十分期待cafe面積十分大，有8千幾呎，好有空間感，以簡約設計為主，仲可以望到職員制作食物周圍都充滿住文靑既氣息，座位又闊落好坐，可以坐係到慢慢談心當然吾少得點餐啦，由於太肚餓，所以點左意粉，但餐牌上其實有好多款式都好想試，下次一定要再黎呢杯係玉桂蘋果燕麥奶搖。飲落去好香玉桂味道，再伴有淡淡既蘋果清香，而且燕麥奶係健康之選松露干貝意粉，食落好香濃，干貝煎得好香，而且仲好鮮味，食落juicy. 意粉面質煙韌，烹調既時間係剛剛好台北燉牛肉意粉，食落有驚喜，有少少辣，食落好惹味，牛肉吾會太熟，十分嫩滑。呢到意粉既質地都做得好好，吾會過稔吾經吾覺係呢到過左一個寫意既下午，坐到吾捨得走，下次一定會再黎

今日偷得浮生半日閒，請咗半日假休息下，約左朋友去去牛頭角嘅Lagom Kaffe。因為驚要等位，所以特別揀左late tea時間。一上到二樓，就比佢個落地玻璃磨咖啡豆房吸引咗，然後門口右手面，就係沖咖啡嘅檯面。再入，就係空間感十足嘅用膳地方。好難得喺香港呢個舖租咁貴嘅地方，店主仲肯投資咁大，比食客一個咁舒服嘅環境(仲要不設限時!)。職員帶咗我哋去張卡位坐，我哋揀咗鹹食甜食各一，同埋兩杯飲品share。豬肉·蘋果·楓糖三文治 $88估唔到咁大件，豬肉醃嘅味剛剛好，可能因為有楓糖，甜甜地，切開入邊原來仲有流心蛋。另外仲有一片片蘋果，中和返豬肉嘅肥膩感。包係一大片sough dour bread，越食越有驚喜。焦糖蘋果·伯爵茶·檸檬waffle $128Waffle係伯爵茶味，但最驚喜係旁邊既檸檬雪葩、焦糖蘋果醬同伯爵茶mousse。檸檬雪葩味道極致清爽，焦糖蘋果醬食得出係蘋果原味，伯爵茶mousse又滑又香。反而個waffle可能係裝飾耐左，略嫌唔夠熱，但焦糖蘋果·伯爵茶·檸檬依三樣已經值回票價。玉桂蘋果燕麥奶搖 $48用上Oatly燕麥奶，加入玉桂蘋果攪拌，好清新既感覺。多明尼加朱古力奶

之前到訪過旺角文青 Café「桔梗」，最近從食評網得知餐廳喺牛頭角開咗間姊妹品牌咖啡店「Lagom Kaffe」，新店嘅環境好養眼，所以特意拿了半天假嚟幫襯下。餐廳座落於觀塘道 348 號國際貿易中心1樓，門面屬開放式，店內地方頗大，據說佔地約有 8,700 呎，以木系裝潢為主調，靠窗位置就擺放了一排梳化卡座，加上圍邊嘅落地玻璃設計，環境開揚光猛，感覺超舒服。先睇下餐牌，All Day Menu 選項唔多，只有全日早餐、三文治、意粉、沙律及分享盤幾個類別，反而飲品同一系列輕食，如麵包、鬆餅、蛋糕及窩夫等，選擇就好豐富。點咗一個 Scone、Lemon Rye Bread、一客意粉，另外再加咗杯咖啡同窩夫。冧酒提子司康 Raisin Rum Scone ($22)  率先送上，鬆餅個子不大，拿上手時仍帶點熱暖，外層頗脆身，中間濕潤蓬鬆，甜酒味縈繞口腔不散，配埋旁邊軟滑細膩嘅伯爵茶忌廉一齊食，非常美味。檸檬黑麥麵包  Lemon Rye Bread ($36)  味道亦唔錯，麵包以黑麥製成，入口麥香特重，外皮堅韌，但食落又唔會過硬，帶微微嚼勁，包心保持濕潤，富彈性。松露干貝意粉 Scall

今日放假終於有時候過黎朝聖呢間係牛頭角嘅文青cafe呢排勁hit2點半嘅時間黎到都要排左一陣先入到去裝修好文青俾人一種好放鬆嘅感覺佢地有自己嘅炒豆機一入到去已經聞到勁香嘅咖啡味落地大玻璃影相一流配合住休閒嘅音樂真係令人覺得好chill呢間Cafe主打輕食三文治意粉沙律，仲會有個甜品Menu台北燉牛肉意粉味道唔錯意粉有少少辣最精彩係個牛肉入口好嫩滑另外仲有好多免治牛肉碎意粉嘅質地都幾彈牙另外仲叫咗個鮭魚牛油果香草三文治呢個三文治嘅賣相一流除咗有三文治之外仲會有少少沙律做陪襯如果要講個三文治最出色嘅地方一定係佢個麵包非常之有口感配搭埋個牛油果醬同埋個流心蛋一齊食出奇地好食飲品方面叫咗個莓莓乳酪燕麥奶昔同埋dirty 耳背dirty我哋仲特登加咗$5轉做燕麥奶口感會比普通鮮奶入口更加順滑最後呢個窩夫一定唔可以唔叫焦糖蘋果伯爵茶檸檬窩夫窩夫做得非常之鬆軟，唔會好似一舊蛋糕咁樣入口有陣陣嘅伯爵茶味另外佢嘅檸檬雪芭非常之清新配埋有少少嘅焦糖少少中和左檸檬嘅酸除咗檸檬雪葩之外仲有以伯爵茶為口味嘅cream同窩夫一齊食都非常之好食最後埋單一個人$200左右呢間Cafe唔會限用餐時間，所以如果約咗朋友嚟

好攰呀~ 呢三個字足以概括我今個星期嘅狀況，放假就同左個朋友去牛頭角一間文青cafe食個下午茶，好好休息放鬆一下~我地總共叫左兩款窩夫，呢到嘅窩夫係即叫即製之外，而且口味仲好特別，一款窩夫就夾集左3款以上嘅甜品、水果等材料，味道一定會好豐富架姐~焦糖蘋果伯爵茶檸檬窩夫熱辣辣嘅窩夫配上雲呢拿雪糕，就咁睇賣相都夠哂吸引，窩夫焗製到外脆內軟，焦糖蘋果、伯爵茶同檸檬嘅味道都好突出，而且味道係出奇地夾，先有焦糖蘋果同檸檬嘅清新酸甜味道，再有伯爵茶嘅甘甜，成份甜品都唔會比人有好膩好heavy嘅感覺，下午茶食就恰到好處。香蕉合桃朱古力冧酒提子窩夫冧酒提子窩夫係出面真係好少見，令窩夫食落有清新提子香，仲散發冧酒嘅味道，而且仲加埋合桃粒粒，口感豐富，配上雲呢拿雪糕，味道sweet得黎仲會令人食唔停口。蜜桃綠綠食左兩份甜品就最岩加一杯果茶點綴一下，呢杯蜜桃綠綠，仲淡淡嘅蜜桃芳香，而家天氣忽冷忽熱，呢杯熱飲都係一個唔錯嘅選擇。呢度嘅野食味道幾好之餘，環境都唔錯，真係岩哂同朋友黎嘆茶傾計，輕鬆過一個下午~

新開的總是擋不住人龍呀～～～好多人排隊😂樂感～不過新店俾我想像中寬落，同埋環境好綠化😍幾舒服喎！🔥all day breakfast hkd 128 ‼️佢個包！！好好味！中間超級鬆軟🥺配埋佢哋嘅果醬，酸酸甜甜好開胃！會有炒磨菇，香腸，煎蛋，沙律同煙肉👌🏼食完真係飽到一個點🤨面頭仲會灑芝士粉，會唔會太邪惡😩真係成碟清晒！🔥雞肉芒果大醬三文治 hkd 78‼️其實純粹係因為覺得佢嘅配搭好少見到其他地方有😂就想試下佢！估唔到冇想像中咁奇怪～反而芒果係好清新！而且勁多雞肉，食完又係飽到上心口🤣係好味嘅👍🏾🔥日日燕麥（草莓香蕉）hkd 48 ‼️香蕉味好出！同草莓味道都夾嘅！飲完促進腸胃健康🤣🔥莓莓乳酪燕麥奶搖 hkd 48 ‼️冇上面個款咁甜，呢款反而淡少少～兩款都喎錯呢😬

最近的人氣餐廳一定是由桔梗班底主理，位於牛頭角佔地8,700呎的樂感，以木和花草為主的裝修，自然透光，感覺休閒舒適。樂感的英文名係Lagom Kaffe，而Lagom係瑞典語「Not too much, just enough」意思，餐廳希望打造一個自由空間，因此不設限時，可以讓你跑出後或欣賞日落景色時，邊飲咖啡邊吃蛋糕，享受享受剛剛好時光，找到心靈的平衡。但特別留意欣賞美景的位置不多，餐廳另一邊是密麻麻的2人座位，連隔離的聊天內容都聽得一清二楚，如果可以想隔多一點距離會更好。另外原來18:00是主食的截止時間，而甜品則是19:00，我在網上完全沒有看到相關資訊，可能大家都是下午的時間過來，幸好當日我17:45到達剛好趕得上。食物方面餐廳裡面自設炒豆房及餅房，供應自家烘焙咖啡同新鮮焗製麵包，當然要一試。全日早餐有雞蛋、雜菌、沙律、煙肉、香腸同麵包，沒有常見的茄汁豆，取而代之是更健康的沙律菜和南瓜，最喜歡自家製厚身又烤得外脆內軟的多士配上無花果醬，果醬柔軟且甜，一咬下去有時會感覺有細細的杍，非常喜歡。焦糖蘋果伯爵茶窩夫 外層鬆脆，內裡軟熟的窩夫，充滿著濃厚伯爵茶味道，茶香回甘，一口溫熱的

平日下午三點到達，一個人打算去幫襯下，估唔到好多人等位！結果等左40分鐘後終於有位，不過就同我講要我坐bar枱！選擇唔坐bar後，入左幾張2人枱都唔肯俾位我！足足等左一個鐘！究竟係一個人一定要坐bar枱定點呢？甘點解我一開始拎飛個時唔問定客人坐唔坐bar 枱呢？4人卡位又係俾2個人坐，2人枱又俾2個人坐！不如放個牌係度不接受一人啦！明白餐廳係想做多幾個人生意，但甘樣既座位安排真係非常之差！真心無下次！落樓下飲starbuck 無甘嬲