更多
2020-12-01
3273 浏览
之前到访过旺角文青 Café「桔梗」,最近从食评网得知餐厅喺牛头角开咗间姊妹品牌咖啡店「Lagom Kaffe」,新店嘅环境好养眼,所以特意拿了半天假嚟帮衬下。餐厅座落于观塘道 348 号国际贸易中心1楼,门面属开放式,店内地方颇大,据说占地约有 8,700 呎,以木系装潢为主调,靠窗位置就摆放了一排梳化卡座,加上围边嘅落地玻璃设计,环境开扬光猛,感觉超舒服。先睇下餐牌,All Day Menu 选项唔多,只有全日早餐、三文治、意粉、沙律及分享盘几个类别,反而饮品同一系列轻食,如面包、松饼、蛋糕及窝夫等,选择就好丰富。点咗一个 Scone、Lemon Rye Bread、一客意粉,另外再加咗杯咖啡同窝夫。冧酒提子司康 Raisin Rum Scone ($22) 率先送上,松饼个子不大,拿上手时仍带点热暖,外层颇脆身,中间湿润蓬松,甜酒味萦绕口腔不散,配埋旁边软滑细腻嘅伯爵茶忌廉一齐食,非常美味。柠檬黑麦面包 Lemon Rye Bread ($36) 味道亦唔错,面包以黑麦制成,入口麦香特重,外皮坚韧,但食落又唔会过硬,带微微嚼劲,包心保持湿润,富弹性。松露干贝意粉 Scall
餐厅座落于观塘道 348 号国际贸易中心1楼,门面属开放式,店内地方颇大,据说占地约有 8,700 呎,以木系装潢为主调,靠窗位置就摆放了一排梳化卡座,加上围边嘅落地玻璃设计,环境开扬光猛,感觉超舒服。
先睇下餐牌,All Day Menu 选项唔多,只有全日早餐、三文治、意粉、沙律及分享盘几个类别,反而饮品同一系列轻食,如面包、松饼、蛋糕及窝夫等,选择就好丰富。
点咗一个 Scone、Lemon Rye Bread、一客意粉,另外再加咗杯咖啡同窝夫。
冧酒提子司康 Raisin Rum Scone ($22) 率先送上,松饼个子不大,拿上手时仍带点热暖,外层颇脆身,中间湿润蓬松,甜酒味萦绕口腔不散,配埋旁边软滑细腻嘅伯爵茶忌廉一齐食,非常美味。
柠檬黑麦面包 Lemon Rye Bread ($36) 味道亦唔错,面包以黑麦制成,入口麦香特重,外皮坚韧,但食落又唔会过硬,带微微嚼劲,包心保持湿润,富弹性。
松露干贝意粉 Scallop, Truffle Sauce Spaghetti ($98) 意粉煮得啱啱好,入口软硬适中,每条都沾满了 Creamy 嘅酱汁。带子厚肉肥美,两面都煎至微焦金黄,食落鲜甜嫩滑,松露香浓而不喧宾夺主,配埋弹牙嘅意粉食,香口又挂汁。
焦糖苹果.伯爵茶.柠檬窝夫 Caramel Apple / Earl Grey / Lemon ($128) 碟窝夫卖相很精致,上桌时伴以焦糖苹果酱、淡忌廉和雪糕,分量十足。窝夫即烘,外脆内软熟,蛋香亦颇为浓郁。忌廉带浓厚嘅伯爵茶味,茶香回甘。伴吃的焦糖苹果酱,味道酸甜有致,配埋旁边的柠檬雪糕一齐食,更添滋味。
跟意粉点嘅 Set Drink 纯粹拿铁鲜奶咖啡 Caffee Latte (+$10) 味道亦很不错,入口很滑顺,奶味香浓。
翻查过网上资料,原来「Lagom」是源自瑞典语,意思为「不多不少;刚刚好」亦即活得克制,避免过份追求,希望大家都可以从中领悟,活得快乐自在。
张贴