Lagom Kaffe (已結業)

看到網上推介, 牛頭角有文青CAFE. 今天特地要小米帶來道具<書一本>, 到此扮文青. 在大廈樓下, 小米發現窗邊有狗狗, 應該就是餐廳那樓層! 來到店門 原來排長龍. 我倆等了一段時間, 才可入座. 樓底高, 落地玻璃採光, 天花用白油, 没有壓迫感. 可是窗邊卡座已滿, 我倆只能在內堂就座. 枱面有水樽, 自助勘水. 餐牌只有几款主食, 但小米三心兩意, 几經辛苦, 選擇了三文治和炸魚. 下單後, 小米繼續扮文青, 扮看書.    炸魚薯條   上枱時, 對於深啡色炸魚有點懷疑. 再細看, 炸皮混有香草.  而魚肉紋理分明, 並非那種茄子口感的廉價鯰魚柳. 每一口的炸魚都有魚肉和香草味, 再配酸辣的醬汁, 已經物有所值. 伴碟的薯條外脆內軟, 合格!    牛肉 培根 烤肉醬 三文治   看到鄰枱客人點了牛肉三文治, 十分吸引, 加上小米指明想要這個三文治, 所以點這款. 真身 : 蛋, 粉紅色片片牛肉, 煙肉, 紅色醬汁, 而顏色偏深的厚身包包, 總覺得有點似黑麥包.   篤爆蛋黃, 把蛋汁跟牛肉和烤肉醬拌勻.  但包包太厚了, 又是單層包包, 不能出動五指山.

知道牛頭角附近新開左間新cafe, 原來係桔梗既姊妹店，個地方係商廈國際貿易中心一樓，成個場好大，起碼有成千呎，採用落地玻璃，感覺好光猛，好岩開住laptop做下野！開張無耐，我地諗住食tea, 去到都有人等緊位，不過好彩個場夠大，等左15分鐘就有位入得！一入去就聞到好香濃濃咖啡味。由於我地都食左lunch, 所以叫左個甜品食個tea! 叫左個焦糖蘋果伯爵茶waffle,同朱古力Bailey cake! 上碟賣相好靚，份量好多下，打卡一流，waffle 熱辣辣，有淡淡伯爵茶茶香味，配上蕉糖蘋果醬，好夾！ 個cake 我至愛，係dark chocolate 好香濃朱古力，唔會好甜，配埋雪糕好好食！飲品要左雜莓yogurt smoothie, 見到有莓肉碎，新鮮打成，岩哂大熱天時！另一樣要左單品散彈，原來係兩杯唔同既espresso！Menu比起桔梗唔算太多選擇，不過都應付到，見人點all day breakfast 同意粉個賣相唔錯同幾大碟，下次可以試下先！

LAGOM 其實是桔梗的分店，和桔梗一樣都是走文青的路線；餐廳的樓底很高，而且餐桌之間都很寬敞，設計裝修都充滿舒適的感覺，真的可以在這裡待上一整天；CAFE當然少不了有烘焙食品出售，不過今日來吃午餐，可能要下一次先可以試了！還有包裝好的曲奇、蛋糕。MENU有三文治、意粉、沙律和小食類，選擇不算多。*培根蛋意粉 ($88)培根蛋意粉就是我們平常吃的卡邦尼意粉；醬汁拌上溫泉蛋，很濃厚CREAMY，加上煙肉的咸香；意粉的軟硬亦適中，令人對之後的食物期望更大。*炸魚薯條 ($88)因為想留肚吃甜品，所以就不選主菜，點了小食。薯條是幼身的波浪薯條，每一條都炸得很香脆；炸魚的炸粉都不會太厚，香口好食！*焦糖蘋果 伯爵茶 檸檬窩夫 ($128)這個窩夫真的超有驚喜！口味已經是比較罕有，味道更沒有令人失望。窩夫是伯爵茶底的，很香茶味；雪葩是檸檬的口味，很清新，可以減低甜膩感；醬除了有必備的CREAM，還有焦糖蘋果醬，酸酸甜甜的，是很特別的風味。*玉桂蘋果燕麥奶搖 ($48)玉桂蘋果味很香，還有淡淡的燕麥味。

牛頭角站有新開Cafe，由地鐵站過對面過去5分鐘就到。最近牛頭角有幾幢新Office，好多新開餐廳會招呼一種打工仔。去到咖啡店座位好寬闊，有好長長嘅coffee table讓職員可以調教飲品飲品及送餐。有卡位，吧枱望住出面個景，後面仲有好大張沙發，可以同友人詳談。飲品方面當然唔少得咖啡，咖啡豆主要用有焦香味。我個人鍾意多奶咖啡，所以試咗一啖之後睇吓可唔可以加多啲奶。最後佢重新沖過一杯，因為沖左之後佢哋唔建議直接加多啲奶，都幾專業。Mocha可能朱古力同咖啡好好飲。 另外試咗綠茶紅豆蓉mochi waffle 加埋柚子雪糕。mochi 綠茶同柚子係我嘅最愛。煙韌糯米糍再waffle入面，超好吃。柚子係雪皅，好濃柚子味。除咗waffle，仲有三文治，意粉，pastry好似牛角包，法包，scone嘅選擇。帶子白汁意粉都有四粒椒煎香嘅帶子，有黑松露味嘅白汁。因為環境寬闊，可以同friend舒舒服服咁暢談

途經觀塘道，在路面望到Lagom好揚眼。一入門口，一條開揚嘅咖啡bar，可邊行邊看著店員用心製作飲品。店面既乾淨又寛敞，我們坐在窗邊的卡位，座位闊落坐得舒服，又可看到窗外車來車往。餐牌即簡潔又清晰，飲品仲分開不同類別，奶類，酒精和非酒精，咖啡類等等。鮮薑梳打，聞到好香的薑味。純粹拿鐵鮮奶咖啡，咖啡味濃郁，拉花好有心思好靚。Spaghetti松露干貝，有三杯大大粒帶子，煎到兩面有少少脆，中間鮮嫩，意粉醬汁芝士和松露配搭得宜，味道恰到好處。炸薯條大大碟，面頭有少許鹽，不過不失。依個香蕉榛子·朱古力·冧酒提子窩夫好好食，食每一part都唔同味道。冧酒提子雪糕好香好滑，忌廉朱古力味好濃，窩夫🧇大大件，上面淋咗焦糖和榛子，唔算甜，口感十足。店員服務有禮又親切！

一直都好期待香港會有呢類大地方，樓底高，開揚企理既Café!! 台灣泰國地方大，唔難搵到 ，但係香港係好難有一間有成千尺大既Café!! 靜靜地自己做野、同朋友hea打卡都得，就算係自己一個，都唔會尷尬！坐window seat好正，對住樓下小公園，有啲綠植物，又見到藍天白雲，心情都放鬆啲。鮭魚牛油果香草 三文治 ($98)呢間cafe主要賣輕食，有toast, pasta, waffle, pastry個類食物，食brunch又或者tea都唔錯！我叫既呢個鮭魚牛油果香草三文治，其實並唔係平時既兩塊麵包夾餡，而係厚麵包上配toppings！煙三文魚既份量都好多，而且上面有兩粒soft cheese同芝士粉，味道上唔會單調。厚麵包會有一定既口感，但配上牛油果醬同流心溫泉蛋，就會令原本既麵包變得又軟又易入口，呢個配搭唔錯！旁邊仲有沙律，沙律菜食得出係新鮮，唔會雪到乾水; 而且沙律係淋左香橙蜜糖汁，好fresh好解濟！苺苺乳酪燕麥奶搖 ($48)見呢道既咖啡都有好多種，但我又唔太好咖啡，所以點左杯milkshake飲！杯milkshake唔太甜，用yogurt同燕麥打成，感覺幾健康，而且又飽

Happy Friday難得先生可以提早下班，兩口子終於可到牛頭角的樂感用餐，因為餐廳七點關門，夜收工的話便沒法趕上用膳了。步入餐廳，便被其香濃咖啡氣味和充裕空間吸引。餐牌選項包括飲品（酒精和非酒精）、麵包、輕食和甜品等等。全日早餐有香腸、雞蛋、麵包、煙肉、磨菇和沙律。雞蛋是我要求全熟的，煮得好符合我要求。 香腸是很長的一條帶點煙韌的口感。 麵包比較綿密， 還帶點酸味很特別。 煙肉肥瘦均勻。 蘑菇煎得很香，非常可口。 沙律菜可以再多一點， 會更加豐富。松露干貝意粉芝士味濃，意粉富嚼勁，每口也滲著黑松露香味。帶子兩邊煎得合到好處，中間鮮嫩感十足。京都抹茶鮮奶抹茶鮮奶中的抹茶濃度剛剛好，茶味十足，奶泡幼滑，充滿茶香。玉桂蘋果燕麥奶搖新鮮感十足的一杯飲品。玉桂並非人人喜歡，但能到今日仍有餐廳願意選用作食材，證明其獨特香味依然有支持者。蘋果肉打得幼細，其清香和燕麥很配合。

打正旗號係「桔梗」姊妹店，加上網上熱捧，人氣勁旺！周末下午黎潮聖，輪候時間為45分鐘左右。餐廳座落於商業中心一樓，對面係健身中心。環境新淨企理，店面闊落。座位唔算密，坐得舒適。利用玻璃採光，明亮開揚。木色設計為主，配上植物點綴，日系CAFE感覺。一入門口係Coffee Bar，沿路入座見到店員用心調製飲品。食物種類同桔梗類近，有全日早餐/三文治/意粉/沙律/小食/甜品等，飲品種類多。整體味道不過不失，一般CAFE水準，沒有太大驚喜。食物同飲品溫度未夠熱。意粉上菜時醬汁沾於碟邊，略嫌馬虎。熱飲溫度維持於常溫狀態，有待改善。如果要與姊妹店「桔梗」相比，未能取勝。🔸台北燉牛肉意粉$78雖然MENU上無寫，但落單時店員提醒會有少辣。牛肉片煮得軟腍，份量比想像中多。醬汁加入肉碎，有少少花椒八角個種香味，帶微微麻辣。唔食得辣既我表示可接受。🔸松露干貝意粉 $98賣相無燉牛肉咁出眾，擺盤普通，有三粒大帶子。大帶子煎得軟嫩，口感帶點Q彈，好食。忌廉汁夠Creamy，配少少雜菇，松露味唔夠突出。🔸芒果燕麥奶搖 $48果味夠出，奶味重。芒果 x 燕麥 x 奶都Blend得好滑，唔似一般沙冰。杯頂有幾舊果肉

食物味道普普通通 但見到廚房啲員工有一半拉低口罩一路整嘢食一路講嘢 疫情嚴峻 呢個衛生程度不能接受 檯同檯之間都迫同無間隔 希望之後會有改善 除咗經理之外 其他侍應好似未瞓醒咁 執檯倒瀉水淨係用紙巾印兩印 下檯食客嚟到都好驚訝點解啲檯櫈係濕嘅以呢個食物質素同價錢 只係食個環境同佢杯咖啡

見到新開既cafe,又點會錯過～lunch時間去到,都要等四五個字先有位,入面環境好舒服,空間感好大。叫左兩個意粉,松露干貝意粉食落無咩特別,松露汁唔算好出,但干貝煎得唔錯。特別要講下台北燉牛肉意粉,食落好有台灣既感覺,除左大片既牛肉之外,個快有肉碎,個汁有微微既辣味,味道濃郁,推介！炸魚薯條既炸魚魚肉食落唔會好散,配佢個汁,微辣,好唔錯。🔸松露干貝意粉🔸台北燉牛肉意粉🔸炸魚薯條🔸冧酒提子司康🔸牛角包🔸 Cappuccino

旺角嘅「桔梗」，最初開檔嘅時候都打算去睇睇，但拖吓拖吓就無咗回事，依家經常都好多人排，更打消咗念頭。最近，有咖啡友話佢有家姊妹店「樂感」（Lagom Kaffe）晌牛頭角開咗，足足8,700呎大，又自設炒豆房及烘焙餅房，今日行完山就順勢過嚟嘆吓下午茶。 雖然餐廳所處嘅商廈相對比較隔涉，但估唔到都有咁多人等位，的確，晌密集嘅市區中搵個舒服嘅地方唔容易，而呢度地方大，空間感強，兩面落地大玻璃窗，加上放置咗唔少植物，以及一室木系餐枱椅，裝修簡約，卻予人感覺開揚闊落，非常舒服，所以，嚟到一定要預多啲時間，慢活享受吓。 除咗空間十足之外，餐廳環境亦有唔少值得留意嘅地方，如長長嘅咖啡製作枱，睇到咖啡師沖泡每一杯咖啡。 而入門口位置，吸引眼球嘅喺炒豆機，大大座放晌玻璃房內，可惜喺睇唔到其操作，唔知咩時間會開動部機，真喺想見識吓，未親身見過嘛。 此外，上文都提過有自家烘焙，麵包產品唔喺來貨，所以，近門口櫃枱面亦擺放咗店家嘅出品，堂食又得，睇啱買返屋企慢慢享用又得。 當然，唔少得其他咖啡嘅相關產品作零售啦。講到食物方面，唔喺得輕食，亦有唔少飽肚嘢嘅，但款式就唔會太多。全日早餐啦、三文治啦、意大利粉啦、沙

星期日難得放假 要抖抖 出去chill一chill😌見樂感收藏率咁高 地方又大 就諗住去坐一個晏晝放空下喇! ☁️樂感喺觀塘海濱個邊既工廈區~~可能因為新開 所以好高人氣 一去到就見到大排長龍😱入到去發現比想像中更大 樓底高 好闊落 加上落地大玻璃 配上自然光☀️仲有好多大大盆既植物🌵成個環境俾人既感覺好舒服! 😌講下食物啦💁🏽‍♀️松露干貝意粉 ($98)意粉一上枱 就有陣好濃烈既芝士味 混雜住松露味~~意粉掛汁 意粉汁帶點厚度 好creamy! 😀仲有唔少蘑菇粒粒同本菇! 🍄焦糖蘋果 • 伯爵茶 • 檸檬 窩夫 ($128)我覺得係窩夫上面可以再落少d焦糖醬~~🧇窩夫焦糖味較重 輕輕搶左過伯爵茶味但係但係!! 要影個大特寫📷紀錄我最欣賞最鍾意最正既部分! 係d醬料同個雪葩 好正!! 🍎蘋果醬酸甜度岩岩好! 伯爵茶cream多多都唔夠點啊 實在好香!! 🍋檸檬雪葩超清新 每食一啖都覺得好醒神!連墊係雪葩下面既曲奇都好好食 有牛油既酥香味! 🧈大推呢個窩夫!! 同朋友share必食之選! 🌟飲品方面💁🏽‍♀️𝑫𝒊𝒓𝒕𝒚 ($42) 雖然我唔飲咖啡 但係都知道呢杯dirty外型上唔合格 做唔到白

由Lagom 裝修開始，一直都好期待，好想去試一試，但係最近太忙，到開咗2個月之後先試到。由於太遲去，好多朋友都試咗，佢哋對嘅食物評語一般般。可能我冇期望去食，食完反而覺得有驚喜！ Lagom 鋪位好大，樓底好高，坐位多，裝修睇得出好用心，好岩坐低chill 一chill 。鋪頭有埋炒咖啡豆嘅地方😍，簡直係啡迷嘅樂園！😍😍😍個人覺得最值得推薦嘅一定係咖啡，拉花樂特別，杯杯都唔一樣，都係一個art piece! 咖啡👌🏼豆味都香😍最驚喜嘅都係拉花天鵝拉花幾特別嘅花台北燉牛肉意粉😋牛肉燉得好滑😋少少麻辣嘅汁好正，好惹味😍😍😍必食all day breakfast🤨價錢較貴，與食物質素不乎🤪😕味道好一般，可以skip松露干貝意粉😋干貝煎得香， 好味😋加埋淡淡松露味，值得一試鮭魚 牛油果三文治😋朋友話好食，我冇試到，比唔到comment 🤪

牛頭角多咗好多商廈雖然係星期六但開喺gym centre對面嘅超大型cafe都仲係好多人等位呢個咁開揚 完全唔當香港首屈一指嘅地租係一回事嘅空間感 同呢種無印文青風 都好令我有熟悉感一睇原來係桔梗姊妹店 唔怪得如果桔梗係走浪漫文青少女路線樂感就中性啲好有以前讀u時揀個青山綠水嘅景溫書 自然光好充足好舒服嘅感覺實木嘅餐檯櫈好有日式感覺咖啡種類都幾多嗌咗杯cappuccino 同一個carbonara意粉醬汁濃稠度同意粉份量幾夾唔會太滯最後嗌咗個waffle最驚喜係個外脆朱古力waffle入面係內軟嘅抹茶 隔離柚子sorbet嘅甜味好清新 同抹茶嘅微澀味道中和得好好

最近新開的咖啡店環境開場，算是咖啡店中比較大的店舖。有全日早餐供應 有三文治意粉沙律供應，咖啡有多款選擇。可能是新店的關係，下午三時來到人也較多，環境不算太寧靜。點了雞肉凱撒沙律配溫泉蛋。想不到這個沙律有驚喜，分量剛剛好一個代替一個午餐。另點了一杯純粹拿鐵鮮奶咖啡，可能是泡比較多了，令上面的拉花....有改善空間。總括而言地方雖然比較大，有多有多款座位可以選擇，有向外景觀的吧枱,也有沙發。但是如果想要一個寧靜的空間放空，還需要等待熱潮過了才可吧！