Lagom Kaffe (已結業)

牛頭角新開嘅呢間lagom cafe，環境的確唔錯，好光猛，日頭去影相會幾靚～ 果日我地2點去到都要等位大概45分鐘但食物方面麻麻，唔算話好驚喜，意粉份量普通，味道更加係普通，差不多成百元一碟我認為唔值，咖啡都唔算出色整體嚟講，我覺得有更好嘅選擇，但同朋友一齊chill一個下晝環境的確唔錯！

下午兩點幾去到，雖然位置唔太方便，但係門口都有好多人等緊位不過間鋪夠大，等左半小時左右就有位喇叫左松露干貝意粉同炸魚薯條意粉的帶子好大粒，有另外再煎香過的，好食不過個松露汁就比較淡，意粉就一般炸魚薯條炸得都係一般般，佢個沙律汁有少少辣，幾特別雖然今次食的食物一般，不過勝在環境夠好，而且店內夠大坐得好舒適，而且唔會限你時間，同朋友飲杯咖啡傾計係一個唔錯的選擇

桔梗姊妹店Lagom Kaffee開左係牛頭角，面積有成8700呎，超大空間呀，仲有落地大玻璃，光感十足，非常開揚由於呢度地方夠大，店內設有炒豆機，餅房，保證咖啡豆同麵包都夠新鮮鮭魚、牛油果、香草三文治煙三文魚唔算好咸，上面有d魚子，軟芝士，味道上層次更多，隻溫泉蛋同牛油果醬係塊包既moisturizer，整體味道同賣相都不錯台北燉牛肉意粉燉牛肉又嫩好淋，個醬汁有微微麻辣，好有台灣風味，個辣度係唔食得辣既朋友都可以食到，幾有驚喜培根蛋奶意粉醬汁好creamy, 仲有隻溫泉蛋，加上培根，就是一貫carbonara既造法全日早餐有香腸，培根，煎雙蛋，蘑菇，沙律菜，麵包，份量都唔少紅豆麻糬、抹茶、柚子窩夫抹茶窩夫茶味香濃，入面夾住麻糬，咬落有d煙韌，但最突出的要數到個柚子雪糕，酸酸甜甜，同抹茶窩夫夾埋一齊食真係好好味之前食過桔梗覺得唔好食，所以對Lagom都無咩期望，食後我覺得味道係比桔梗出色，不過真係好多人，所以都唔敢hea太耐，食完就閃了

知道桔梗開左姊妹店一心黎試下以為LUNCH時間黎到要等好耐位點知即刻有得入座明明門口都有人等緊可能因為未齊人吧被安排到梳化位坐覺得幾舒服同埋呢度都算大D位都多唔會好迫我地點左~ALL DAY BREAKFAST望落已經好狀觀份量好多應該食完會好飽個啡菇炒到好入味切左粒一口一件SIZE剛好~焦糖蘋果 伯爵茶麻薯 檸檬呢個係好鬆軟呀伯爵茶味好濃雖然少少甘但可以接受呀~芒果燕麥奶搖~草苺乳酪燕麥奶搖唔太甜係非常好酸酸MAYMAY咁可以中和個飽肚感呢個又比較特別下次絶對可以ENCORE

假日約朋友去牛頭角, 幾乎成班路人只會朝住同一方向行, 就係去呢間cafe, 好誇張呢~好彩我地都係口水佬!慢慢傾住等入座! 舖頭佔左整層大廈既一半~超大空間感, 加上柔和的啡+藍色配上大玻璃外面的天空, 整體好舒適, 不妨囉住電腦係度飲住咖啡工作真係幾寫意!台北燉牛肉 $98望似平平無奇無咩野, 啲牛肉真係幾正同埋發覺食極都重有咁多牛肉😂佢個意粉掛住辣辣地既湯汁, 有啲似擔擔麵既感覺呀! 一放入口令人係咁食好滋味! 😌All day breakfast $128最正係佢既辣辣地既腸&太陽蛋! All day小見擺啲辣既野食🙈重有呀, 佢個包認真唔錯!焦糖蘋果·伯爵茶麻糬·檸檬 Waffle $138一放低就聞到輕輕的伯爵茶香味啦!😍 咬落面脆&暖暖的, 食到出伯爵茶既濃香, mix埋焦糖蘋果醬又幾夾, 另外我地一食個檸檬味雪糕, 咪哂眼係幾酸, 但又幾令人有胃口係咁食😆

.放假要食黃店係桔梗既姊妹店所以質素唔會差星期日3點鐘去到都要排隊呢果然好受歡迎等左約半小時就入座了Menu係all day menuLunch menu要平日先有呀所以如要飲野要另外加錢叫左一個主餐一個甜品兩杯飲品鮭魚牛油果香草三文治🥪鮭魚牛油果一向係超好味既配搭黎到有點㬨親份量好大同朋友share黎食岩岩好配上佢地自家製既包味道一流甜品方面就叫左焦糖蘋果伯爵茶檸檬窩夫🧇見周圍既人好多都叫呢個平時出面比較少見伯爵茶味所以決定試下黎到已經充滿住伯爵茶既香味窩夫烘得香脆 配檸檬雪芭少左份膩既感覺個人覺得伯爵茶可以濃點就更好兩杯飲品一杯latte和一杯蜜桃綠綠飲品水準都不錯呢樂感地址：牛頭角觀塘道348號國際貿易中心1樓101好西

間野排咗一個鐘到有位，啲炸魚薯條好好食，炸啲魚肉唔會炸到好鞋，啱啱好，薯條非常脆，點嗰個醬酸酸辣辣好正，帶子意粉啲帶子中間有少少未煎熟，但食完都冇肚痛嘅，味道中上啦，但個煙肉蛋意粉就真係太孤寒 ，睇唔到煙肉，搞到好齋，完全唔抵食咁，建議下次真係做好少少，啲煙肉唔係好貴就比多少少，我目測啲煙肉加埋唔夠一蚊銀範圍咁大，真係有啲失望，杯Latte 味道都唔錯，奶同啡嘅比例都適中，但拉花有待改善，可以多啲層次感，打卡會好睇啲

早幾日睇到朋友去過呢間cafe見到打卡影相同環境一流睇埋食評意見都唔錯決定黎試試同朋友約12:00 去到門口已經有人等緊位我地等左25分鐘到就入得 算係快 呢間cafe用手機QR code點餐 Order完10分鐘食物就上 好方便今次同朋友得2個胃所以只order左2份set第一份係All day Breakfast $128價錢正常有腸仔，煙肉，蛋，蘑菇，同埋自家製麵包特別要提個蘑菇 非常好味麵包皮雖然有少少硬，但配肉桂醬都幾夾第二份係台北燉牛肉意粉呢個有少少驚喜 好中西合璧一份望落似西餐既意粉 但又好台灣味道 有少少麻辣 好香口牛肉又幾淋 仲好大塊 推介最後都有少少伏見到Menu 有杯飲品叫波納香料茶鮮奶 聽個名好似幾特別order杯試試點知 好伏 味道好怪 形容唔到咩味呢杯唔推介下次會再黎好想試吓佢地既三文治同芝士蛋糕🍰

桔梗因經營困難，暫停營業直至另行通知，大家快來支持位於牛頭角姊妹店。8,700呎大的黃店cafe，全店充滿打卡位，不限時打卡聊天休息，不用再怕被催交枱了。雖然是黃店，但都要誠實食評。🙊食物質素正，沒有太好食，但又要黃店環境又舒服又可打卡，食得過！另外，cafe主食價錢不貴，意粉大概$100樓下，但甜品少貴，cp值可圈可點。黑糖紅豆 抹茶麻糬 柚子 窩夫 $𝟷𝟹𝟾窩夫中夾住大大的麻糬，煙煙韌韌，因為是抹茶關係，不會甜，有茶味，窩夫上的柚子汁，終於令窩夫有驚喜，酸酸的，不單調。另外 配上柚子味雪芭。整體上，是一個不甜的甜品 哈哈但嫌 略貴。京都抹茶鮮奶 $𝟺𝟾就很普通的一杯 抹茶加奶 (很垃圾的食評 哈哈) 咁就$48，好貴😂

今次同一個男仔朋友去彩虹嗰邊影相見到Openrice呢晶Café位置近就黎試下叫咗1個Sandwich，1個Pasta同1個Snack如果有得比分，我會全部比100分炸魚薯條佢同平時其他餐廳食嘅好唔同唔係一大舊炸魚而係有幾舊幾舊細嘅其實用隻叉吉落去嘅時候已經覺得好鬆脆食起嚟真係好有驚喜，個皮炸得非常之薄魚肉亦都唔似英國嗰啲實得得係非常嫩滑，而且非常酥軟點埋佢有少少印度香料嘅辣醬汁呢一個小食真係好出色，可以食兩碟豬肉蘋果楓糖三文治平時食開Sourdough多數都係三文魚牛油果見到有呢個選擇好似幾特別就揀咗佢嘅豬肉片係好薄好冧同埋有啲似日本嘅豚肉夾埋蘋果酸酸甜甜，又脆脆地個麵包有吸到啲汁，成個味道都幾得意係個包邊有一小部份比較硬，咬到啲牙有少少攰台北燉牛肉意粉呢個意粉簡直係驚喜爆燈首先我係見到平時意粉好少配燉牛肉食落個味好似食緊譚仔10小辣加炸醬從來未食過意粉可以有呢一個配搭另外牛肉係好薄片，好似肥牛，有少少太鹹但係夾埋意粉食就會啱啱好整體來講成個環境都好舒服最緊要係嘢食揀三樣，三樣都有驚喜我自己一定會嚟第二次個人覺得食物質素比嘢飲質素高真係喺其他地方冇食過呢一啲味道極力強烈推薦大家去試呢

☕️新開台灣高人氣空間感舒適休閒良心cafe #食好西觀塘美食#食好西牛頭角美食#食好西良心推介☕️琴晚介紹過的西班牙菜，當日食完後發覺呢座大廈，好多人一路搭電梯上去，跟住就八卦上去睇吓有啲乜嘢，原來新開一間台灣Cafe ,呢間Cafe係桔梗嘅姊妹店，門口已經非常之多人等位，見到門口有一部好大型嘅咖啡機器，感覺好厲害，所以都順便買一杯咖啡外帶幫襯一下☕️Iced Black coffee $32Chill爆開揚採光度十足，加上滿滿的陽光，餐廳門口自設炒豆房，Black coffee 濃而不酸，帶點點果香味很有層次而非常香且帶回甘味道🥢感覺舒適度非常高的一間餐廳,可以慢慢hea 足一日都唔會累，餐牌有很多輕食及甜品，今次因為食得太飽，所以未有去食，睇來一定要來幫襯

肥姑姐飲食推介 - 松露干貝意粉1）環境衛生新裝修餐廳環境優美舒服，有卡位六組，有矮梳化位兩組，及二十多組二人細枱，還有少量巴枱位，可以形容為年輕一輩休閑輕食店，但又未至於高級餐廳的每樣都精精緻緻，實用面積應該8千呎，目測可以坐70人以上。今次我被安排坐有乾花裝置的枱，坦白乾花及少量鮮尤加利葉放在有水的花樽內，而樽內發霉及生滿青苔有少少倒胃口。2）食物質數松露干貝(帶子)意粉等了5分鐘已上菜，份量也是很大，有3粒兩面香煎的帶子，每粒大過5元硬幣。而松露蘑菇意粉汁是重點，醬汁是以大量新鮮蘑菇攪碎再加白汁煮成，像極了高級餐廳的蘑菇湯，唯一敗筆是沒甚麼松露味，其實我真心不介意佢收貴少少落足夠松露醬/油。另外調味再咸少少就PERFECT。值得一讚粗身意粉口感好Al Dente(完全配合餐廳主題Not Too Much Just Enough)。3）價格HK$98 (另收加一服務）4）再惠顧指數👉🏻5星

聽講呢度新開左一間聞說成日要排隊嘅咖啡店，人氣一時無兩。位於牛頭角工業區，地方唔係好就腳，響工業區入邊一座新建嘅商業大廈，行上一層樓，咖啡室非常寬敞，樓底有平時嘅兩層樓高，有卡位，對面就係coffee吧。我對手沖咖啡其實唔係好大概念，我叫咖啡師幫我選擇，來自台灣嘅佢都好細心問我其實喜歡啲乜嘢嘢。我同佢講我都喜歡花果香味，但就唔喜歡酸度太突出。佢推薦我入獨角獸，果然有淡淡的果香味，但酸度唔高，而且我見到每沖完一杯，佢都會先試味，確保味道OK先會比客人。一份窩夫過$100 ，最初我覺得有啲貴，但原來佢份量好大，一個人食真係食唔晒，新鮮整出嚟非常香，中間亦有少少麻薯QQ，配合蘋果醬同伯爵茶忌廉，加上青檸雪糕，口感清新，甜而不膩，呢個配合不知不覺會令人食好多。呢度嘅牛角包亦都非常酥香，每日新鮮響店內嘅餅房炮製，比較近似法國口味，並冇坊間U字頭餅店嗰種過分嘅牛油香。最好彩嘅係由於今日係平日，所以唔需要等位，不過由於六時後不能堂食， 5:30就會last order，食下午茶都要注意時間了。

————————————————————————-🖤牛頭角難得地開咗一間高質Cafe，仲要係黃店，無可能唔去撐下場，不過並唔係你話去撐就入去到，你只係遲遲少少去，一接近十二點鬆啲，絕對排餐飽。經一事，我地醒，11點半就去，位-輕鬆拿✌️🔆入到去發現，餐廳真係十分之超級大！竟然繁忙時間都仲要拿位，好誇張囉😅 配上全落地大玻璃，輕鬆室內都同陽光玩遊戲😎木系格調，擺放適量大植物，增添大自然色彩，中間仲有幾張布沙發，係到無論係食飯，嘆咖啡自修，都絕對Perfect池～👍🎈最愛之選：「台北燉牛肉意粉」，食過幾次，都差唔多試晒佢嘅款式，呢個意粉始終係我至愛。味道幾創新特別，佢嘅醬汁香濃又帶有微量辣味，令人好胃口，食唔停😋牛肉同嗰醬好岩，份量撈埋意粉岩岩好，第一次去嘅朋友必點推介。🔹Yummy choice:「松露干貝意粉」，另一款好食意粉，干貝大大粒，兩面有認真煎香微焦，食落鮮甜，有心機。最suprise我本人唔太鐘意over重味嘅黑松露，而我認為佢嘅比例完美，品嘗到黑松露嘅香，但又唔會太過份，配埋少落菇菌，比心💁🏻不過不失：「培根蛋意粉」，呢款就唔係唔好食，但無咩特別，no comment.可以唔

喺附近做完嘢，就喺度搵吓啲Cafe，坐下食下個早餐。知道呢一度新開左一間超大嘅Cafe，咁就試一試佢哋嘅早餐set。而且佢地個地理位置都非常之鄰近地鐵站，喺牛頭角行過去大概5至10分鐘。呢度環境非常之靚，而且卡位有落地大玻璃，影相打卡真係一流！原來今次就試咗佢哋嘅早餐，我就點左佢哋嘅三文魚火箭菜紅椒忌廉芝士醬bagel。食落去好好食，個醬同埋個三文魚都好夾，但係個Bagels相對性有啲硬。另外都叫咗杯latte，配合埋呢個景真係一流，而且我都坐左個幾鐘，食下野做吓嘢，非常之舒服😌最後呢度係佢哋嘅全日Menu。